ရန်ကုန်တိုင်းအတွင်းမှ ထွက်ရှိသည့် စိုက်ပျိုး၊ မွေးမြူရေးထုတ်ကုန်များကို ယူနန်နှင့် ရှန်ဟိုင်းသို့ တိုက်ရိုက်တင်ပို့နိုင်ရန် ဆွေနွေးလျက်ရှိ

ရန်ကုန်တိုင်းဒေသကြီးရှိ ညောင်နှစ်ပင် စိုက်ပျိုးမွေးမြူရေးဇုန်အပြင် ရန်ကုန်တိုင်းအတွင်းမှ ထွက်ရှိသည့် စိုက်ပျိုး၊ မွေးမြူရေးထုတ်ကုန်များကို ထုပ်ပိုး၍ တရုတ်နိုင်ငံ ယူနန်ပြည်နှင့် ရှန်ဟိုင်းသို့ တိုက်ရိုက်တင်ပို့နိုင်ရေး ဆွေးနွေးညှိနှိုင်းလျက်ရှိကြောင်း ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းက ပြောသည်။

ရန်ကုန်မြို့ရှိ မြန်မာနိုင်ငံကုန်သည်များနှင့် စက်မှုလက်မှု လုပ်ငန်းရှင်များအသင်းချုပ်တွင် မေလ (၂၂) ရက်က ကျင်းပပြုလုပ်သည့် ၂၇ ကြိမ်မြောက် နိုင်ငံတော်ဒုတိယသမ္မတ (၁) ဦးမြင့်ဆွေနှင့် မြန်မာ့စီးပွားရေးလုပ်ငန်းရှင်များ ပုံမှန်တွေ့ဆုံဆွေးနွေးပွဲတွင် ယင်းကဲ့သို့ ပြောကြားခဲ့ခြင်းဖြစ်သည်။

"ကျွန်တော်တို့ နိုင်ငံရဲ့ ကုန်စည်တွေက နယ်စပ်အထိ ရောက်ပြီးမှ မရောင်းရဘူးဆိုပြီး ပြန်သယ်လာဖို့က တော်တော်ခက်ခဲပါတယ်။ ဟိုမှာ သိုလှောင်ထားနိုင်ဖို့အတွက်လည်း တော်တော်ခက်ခဲပါတယ်။ ဒါကြောင့် ရန်ကုန်ရဲ့ စိုက်ပျိုးရေး၊ မွေးမြူရေးကနေ ထွက်လာတဲ့ ကုန်ပစ္စည်းတွေကို နိုင်ငံတကာကို တင်ပို့ရောင်းချနိုင်ဖို့နဲ့ တရုတ်ပြည်ဘက်ကို တင်ပို့ရောင်းချနိုင်ဖို့အတွက် ဈေးကွက်တစ်ခု ထူထောင်နိုင်ဖို့နဲ့ မြန်မာနိုင်ငံအတွင်းမှာပဲ ရန်ကုန်ကနေ ပါကင်ပိတ်ပြီး တင်ပို့နိုင်တဲ့အထိ ရောင်းချနိုင်ဖို့ ယူနန်နဲ့ တစ်ဖက်ကလည်း ဆွေးနွေးနေသလို ရှန်ဟိုင်းနဲ့လည်း ဆွေးနွေးနေပါတယ်။"ဟု ဝန်ကြီးချုပ် ဦးဖြိုးမင်းသိန်းက ပြောသည်။

ရှန်ဟိုင်း၏ စားသောက်ကုန် ၉၀ ရာခိုင်နှုန်းကို ၎င်းတို့၏ ပြည်နယ်များနှင့် အခြားနိုင်ငံများက တင်သွင်းနေရခြင်းကြောင့် ယင်းတို့၏ စားသောက်ကုန်ကဏ္ဍနယ်ပယ်သို့ ဝင်ရောက်နိုင်ရန် မြန်မာနိုင်ငံသို့ ရှန်ဟိုင်း ဒုတိယမြို့တော်၀န် လာရောက်သည့် ခရီးစဉ်အတွင်း ယင်းကဲ့သို့ တင်ပို့နိုင်ရေးအတွက် ဆွေးနွေးညှိနှိုင်းမှုများ ပြုလုပ်ခဲ့ခြင်းဖြစ်ပြီး ယူနန်ပြည်နယ် အစိုးရအဖွဲ့နှင့်လည်း ရန်ကုန်တိုင်းဒေသကြီး အစိုးရအဖွဲ့အနေဖြင့် ဆွေးနွေးမှုများ ပြုလုပ်နေကြာင်း သိရသည်။

မြန်မာ့ စိုက်ပျိုးမွေးမြူရေးကဏ္ဍ ဖွံ့ဖြိုးတိုးတက်လာနိုင်ရန် နှင့် ဈေးကွက် သေချာနိုင်ရန်အတွက် စိုက်ပျိုးရေး၊ မွေးမြူရေးဇုန်မှ ထွက်ရှိလာသည့် ကုန်ပစ္စည်းများကို နိုင်ငံတကာကို တင်ပို့ရောင်းချနိုင်ရန်နှင့် တရုတ်ပြည်ဘက်ကို တင်ပို့ရောင်းချနိုင်ရန်အတွက် ဆောင်ရွက်နေခြင်းဖြစ်ကြောင်း သိရသည်။

ပြည်တွင်းလုပ်ငန်းရှင်များအနေဖြင့် နယ်စပ်ဂိတ်များမှတဆင့် အရောင်းအဝယ် ပြုလုပ်ရာ၌ တစ်ဖက်နိုင်ငံက ဝယ်ယူမည့်သူမရှိသည့် အချိန်မျိုးတွင် သိမ်းထားရန် နေရာမရှိသည့်အတွက် ရသည့်ဈေးနှုန်းဖြင့် ရောင်းချရခြင်းကြောင့် မြန်မာကုန်သည်များအတွက် ထိခိုက်နစ်နာမှုများ မကြာခဏ ကြုံတွေ့နေရကြောင်း သိရသည်။

"ကျွန်တော်တို့ဘက်က ထုတ်ကုန်အများစုကို စနစ်တကျ ထုတ်လုပ်နိုင်မယ်ဆိုရင် စားသောက်ကုန်နဲ့ ပတ်သက်ပြီး တရုတ်ပြည်ဈေးကွက်ဟာ လူဦးရေများပြားလာသော ဈေးကွက်ကြီးဖြစ်ပါတယ်။ ကျွန်တော်တို့နဲ့ နယ်စပ်ချင်းလည်း ထိစပ်နေတာမျိုးရှိတယ်။ ဒီနေရာကို ကားလမ်းတွေကနေတဆင့် border trade လည်း လုပ်နိုင်သလို ရေကြောင်း၊ လေကြောင်းတွေကလည်း တင်ပို့နိုင်တဲ့ အခြေအနေရှိတဲ့အတွက် ရန်ကုန်မှာ ဒီဈေးကွက်ကြီးကို ထူထောင်ပြီး တင်ပို့နိုင်ဖို့အတွက် ကျွန်တော်တို့ ညှိနှိုင်းနေပါတယ်။" ဟု ဦးဖြိုးမင်းသိန်းက ပြောသည်။

ထို့ကြောင့် ရန်ကုန်တိုင်းအတွင်း အရောင်းအဝယ် ပြုလုပ်ပြီးမှသာ နယ်စပ်ဂိတ်များသို့ ကုန်စည်သယ်သွားနိုင်သည့် အခြေအနေမျိုးကို ပြောင်းလဲနိုင်ရန်အတွက် ရန်ကုန်ဈေးကွက်ကို ပိုမိုတိုးချဲ့လုပ်ဆောင်ရန် ပြင်ဆင်နေပြီး မြန်မာ-တရုတ် စီးပွားရေး စီမံကိန်းတွင်လည်း အဆိုပါကိစ္စကို ထည့်သွင်းစဉ်းစားလျက်ရှိကြောင်း သိရသည်။

ယင်းအပြင် စိုက်ပျိုးရေး၊ မွေးမြူရေးကဏ္ဍ၏ supply chain တစ်ခုလုံးကို အဆင့်မြှင့်တင်ဆောင်ရွက်ရန်အတွက် မျိုးစေ့မှ မြေပြုပြင်တာကအစ စိုက်ပျိုးသည်အထိ သွင်းအားစုများကို သွင်းမည့်နည်းပညာပိုင်းဆိုင်ရာ ကိစ္စရပ်များကိုပါ စနစ်တကျ ဆောင်ရွက်သွားမည်ဖြစ်ပြီး တရုတ်နိုင်ငံသို့ တင်ပို့သွားရန် စီးပွားရေးနှင့် ကူးသန်းရောင်းဝယ်ရေးဝန်ကြီးဌာနနှင့် ပူးပေါင်း ဆောင်ရွက်သွားမည်ဖြစ်ကြောင်း သိရသည်။

လက်ရှိတွင် ညောင်နှစ်ပင် စိုက်ပျိုးမွေးမြူရေးဇုန်အတွင်းရှိ ဧက (၁၀၀) ခန့်ကို ပိုင်းလော့ပရောဂျက်အနေဖြင့် အဆင့်မြှင့်တင်မှုများ ဆောင်ရွက်ခဲ့ပြီး ပြည်ပသို့ ကုန်စည်များကို တင်ပို့ဆောင်ရွက်နိုင်သည့် အခြေအနေ ရောက်ရှိနေပြီဖြစ်ကြောင်း သိရသည်။

အေးအေးမြင့်(ABM)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...