မြေဆီလွှာအတွင်း ကာဗွန်စုစည်းသိုလှောင်ခြင်း၏ အကျိုးကျေးဇူးများ

- သီးနှံအထွက်နှုန်းကိုတိုးစေသည်။

- မြေဆီလွှာမြေသားအနေအထားကို ကောင်းမွန်စေသည်။

- မြေဆီလွှာ၏ သြဇာပိုထက်သန်လာစေသည်။

- မြေဆီလွှာအတွင်းသို့ ရေစိမ့်ဝင်ခြင်းကို ပိုမိုကောင်းမွန်စေသည်။

- မြေဆီလွှာ၏ မျက်နှာပြင်မှရေများ မျောပါစီးဆင်းခြင်း၊ မြေမျက်နှာပြင်မှ ရေငွေ့ဆုံးပါးခြင်း၊ မြေသားအနက်ဘက်ဆီသို့ စိမ့်ယိုခြင်းကို ကာကွယ်ပေးခြင်းတို့ကြောင့် ရေအသုံးချရမှုတွင် ပို၍ အဆင်ပြေစေသည်။

- မြေဆီလွှာအတွင်း အပင်အတွက် အာဟာရများလည်ပတ်ခြင်းနှင့် အပင်များက ရယူစာသောက်ခြင်းကို အထောက်အကူဖြစ်စေသည်။

- သီးနှံပင်အတွက် အဓိကအာဟာရများဖြစ်စေသော နိုက်ထရိုဂျင် N နှင့် ဖော့စပရပ်(စ်) P လိုအပ်မှုကို လျော့နည်းစေသည်။

  လွန်ခဲ့သော နှစ်ပေါင်း ၁၅၀ မှစ၍ ကမ္ဘာကြီး၏ လေထုထဲတွင် ကာဗွန်ဒိုင်အောက်ဆိုဒ်ဓာတ်ငွေ့ ၃၀ ရာနှုန်း တိုးလာခဲ့သည်။ ထိုသို့ ကာဗွန်ဒိုင်အောက်ဆိုဒ်ဓာတ်ငွေ့များ လေထုအတွင်း တိုးလာခြင်းက ကမ္ဘာကြီးပူနွေးလာခြင်း၏ အကြောင်းရင်းခံတစ်ရပ်ဖြစ်သည်။ လေထုအတွင်းတိုးလာသော ကာဗွန်များ၊ မြေဆီလွှာအတွင်းသို့ ပြန်ရောက်ရန် ကြိုးစားနေကြသည်။ 

  လေထုအတွင်းမှ ကာဗွန်များ မြေဆီလွှာအတွင်းပြန်ရောက်ပြီး အချိန်အတိုင်းအတာတစ်ခုအထိမြဲအောင် သိုလှောင်ထားနိုင်ပါက စိုက်ပျိုးရေးလုပ်ငန်းအတွက် ကြီးမားသော အကျိုးကို ဖြစ်ထွန်းစေနိုင်သည်။ ကာဗွန်များ မြေဆီလွှာအတွင်း သိုလှောင်ထားနိုင်ပါက  မြေဆီလွှာအတွင်း ရေကို ပမာဏများစွာ အချိန်ကြာမြင့်စွာ သိုလှောင်ထားနိုင်မည်ဖြစ်သည်။ အပင်များ၏အမြစ်များ မြေသားအတွင်း ကောင်းမွန်စွာ ကြီးထွားဖွံ့ဖြိုးနိုင်ပြီး ထိုမြေသားအတွင်းမှ ရေနှင့်အဟာရများကို ပို၍ စုပ်ယူစားသုံးနိုင်မည်ဖြစ်သည်။ မြေဆီလွှာအတွင်း ကာဗွန်များရှိနေခြင်းကြောင့် မြေဆီလွှာတိုက်စားခံရမှုကို လျော့နည်းစေမည်ဖြစ်သည်။

ဦိးဖရက်သိန်းဖေ

လယ်ယာစီးပွားဂျာနယ်မှ ကူးယူဖော်ပြပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်