စားဖိုဆောင်သီးနှံတွေနဲ့ ကိုယ်တိုင်လုပ်နိုင်တဲ့ သဘာဝပိုးသတ်ဆေး
အိမ်မှာ အပင်လေးတွေစိုက်ထားတယ်။ နည်းနည်းပါ။ ကိုယ်တတ်နိုင်သလောက်လေး စိုက်ထားတာပါ။ အသက်တွေ ကြီးလာတော့လည်း ကိုယ်စိုက်ထားပျိုးထားတာ သန့်သန့်လေးကိုပဲ စားချင်တော့တယ်။
အဲ့လို စိုက်စားတော့လည်း နည်းနည်းလေးကို ပိုးတွေကကျနေပြန်တော့ ပိုးသတ်ဆေးတွေသုံးလည်း မသုံးချင်တာကြောင့်မို့လို့ ဘာတွေလုပ်ရမလဲလို့ ညည်းနေကြတဲ့ သူတွေရှိတယ်ဆိုရင် အိမ်က မီးဖိုဆောင်ထဲကိုသွားပြီးတော့ အဖြေရှာ ကြည့်ကြရအောင်။
အိမ်နောက်ဖေး ကလိုအပ်တဲ့ ပစ္စည်းတွေက
Phytolacca (pokeweed) ။ ။ ရွက်ဖျက်ပိုးတွေကို နှိမ်နင်းနိုင်ပါတယ်။ အပင်ပုံလေးကို အောက်မှာ ထည့်ပေးထားပါတယ်နော်။
ခရမ်းချဉ်ရွက်။ ။ ရွက်ဖျက်ပိုး ရွက်စားပိုးတွေကို ပြေးစေနိုင်ပါတယ်။
ချစ်တီးပန်း။ ။ ပုရွက်ဆိတ်တွေ၊ နီမတုတ်တွေ၊ ရွက်ဖျက်ပိုးတွေကိုပြေးစေပါတယ်။
ငရုတ်သီး။ ။ ပုရွက်ဆိတ်၊ ပျပိုးတွေ၊ ကျိုင်းကောင်တွေ၊ ရွက်ဖျက် ရွက်စားပိုးတွေကို ပြေးစေပါတယ်။
တမာရွက်။ ။ ငှက်ပျောပင်ထိုးတဲ့ ကျိုင်းကောင်တွေ၊ ရွက်လိပ်ရွက်ဖျက်ပိုးတွေ၊ တစ်ချို့မှိုရောဂါတွေကို မဖြစ်အောင် တားဆီးပေးနိုင်ပါတယ်။
ကြက်သွန်ဖြူ ဒါမှ မဟုတ် ကြက်သွန်နီ။ ။ သူတို့က ပုရွက်ဆိတ်၊ ပျပိုး၊ ငမြှောင်တောင်ပိုး၊ ရွက်လိပ်ရွက်ကပ်ပိုးတွေကို ပြေးစေပါတယ်။
အိမ်မှာ အကုန် မရှိဘူးလေ ဘယ်လိုလုပ်မလဲဆို မပူပါနဲ့ တစ်ခုချင်းစီမှာ သူ့အစွမ်းနဲ့ သူရှိပြီးသားဆိုတော့ တစ်မျိုးချင်းစီ သုံးလို့လည်း ရပါတယ်။ အဆင်ပြေသလို ပေါင်းပြီးတော့ လုပ်လို့လည်း ရပါတယ်။
ဘယ်လိုလုပ်ရမလဲဆိုတော့ ခုနကပြောတဲ့အရွက်တွေကို သေးသေးလေးတွေ လှီးပြီးတော့ ရေစိမ် အဖုံးအုပ်ထားရမှာ ဖြစ်ပါတယ်။ (၃)ရက်လောက်ကြာအောင်ထားမလား ဒါမှ မဟုတ်ရင် မိနစ် (၂၀)လောက်ပွက်အောင် တည်လိုက်မလား ဆိုတာကို ရွေးလို့ရပါတယ်။
အချိုးကတော့ ရေ (၅)လီတာထဲမှာ
ခရမ်းချဉ်ရွက်ဆို - ၆ ခွက်
Phytolacca (pokeweed) ဆို - ၂ ခွက်
ချစ်တီးပန်းရွက် - ၇ ခွက်
ငရုတ် - ၁ ခွက်
တမာရွက် - ၅ ခွက်
ကြက်သွန်ဖြူ သို့မဟုတ် ကြက်သွန်နီဆိုရင် ၇ တက် ၇ ဥလောက် ထည့်ပေးရင် အဆင်ပြေပါတယ်။
အချိုးတွေလည်း သိပြီး လုပ်လည်း လုပ်ပြီးပြီ ဘယ်လိုဖျန်းရမလဲဆိုရင်တော့
ဆပ်ပြာရည်နဲ့ ရောပေးပါ။ ဆပ်ပြာထည့်ပေးတာက အပင်တွေမှာကပ်အောင် ကပ်ဆေးထည့်ပေးတာ ဖြစ်ပါတယ်။ အဲ့လိုဆိုတော့ ကိုယ်တိုင်လုပ်ထားတဲ့ ပိုးသတ်ဆေးကို ဖျန်းမယ်ဆိုရင် ဆပ်ပြာရည်တစ်ခွက်၊ ပိုးသတ်ဆေး တစ်ခွက် ရောပြီးတော့ အပင်တွေကို သေသေချာချာဖျန်းပေးရမှာပါ။ ပိုးသတ်ဆေးက ကိုယ်တိုင်လုပ်ထားတဲ့ ပိုးသတ်ဆေးဖြစ်ပေမဲ့လည်း ဆေးဖျန်းတဲ့အခါမှာတော့ တစ်ကိုယ်ရည်သုံး ကာကွယ်ရေးပစ္စည်းတွေကို သုံးပေးဖို့ လိုအပ်မှာပါ။
ကျန်းမာရေးကို ဂရုစိုက်ကြပါ။ ကိုယ်လက်လှုပ်ရှား အပင်လေးတွေကိုယ်တိုင်စိုက်ကြပါ။ အာဟာရပြည့်ပြည့်စားသုံးပါ။ အဲ့အပြင်ကို အန္တရာယ်ကင်းတဲ့ အစားအစာတွေကိုလည်း ရွေးချယ် စားသုံးနိင်ကြပါစေလို့ တောင်းဆုပြုရင်း ကိုယ်တိုင်လုပ်နိုင်တဲ့ ပိုးသတ်ဆေးလုပ်နည်းလေးကို တင်ဆက်လိုက်ရပါတယ်။
ထွန်းဝင်းကျော်
Reference
ဆက်စပ်အကြောင်းအရာ၊ မေးခွန်းများနှင့် ဆောင်းပါးများကို ဆက်လက်ဖတ်ရှုနိုင်ပါသည်။
Topic 1
ကိုယ်တိုင်လုပ်ပိုးသတ်ဆေးများ
May Thet Paing
လွန်ခဲ့သော ၁ နှစ် ကနနွင်းပိုးသတ်ဆေးရည်အကြောင်းသိချင်လို့ပါ
KO GYI
လွန်ခဲ့သော ၄ နှစ် ကချစ်တီးပန်းအရွက်ပင်လေးမမြင်ဘူးလို့ပို့ပေးပါလာဆရာရယ်။
ခွန်ကျော်ဝင်းထွဋ်
လွန်ခဲ့သော ၅ နှစ် ကခွက်ကဘယ်အရွယ်ခွက်လဲဗျ
Content provider
Greenovator
ဂရင်းနိုဗေတာကုမ္ပဏီကို ၂၀၁၅ ခုနှစ်တွင် စတင်ခဲ့ပြီး ကုမ္ပဏီမှ အစိမ်းရောင်လမ်းအက်ပလီကေးရှင်းအား ထုတ်လုပ်ဖြန့်ဖြုးခဲ့ပါသည်။ စိုက်ပျိုးသူတောင်သူများ စိုက်ပျိုးရေးလုပ်ငန်းများကို စီးပွားရေးလုပ်ငန်းအဖြစ် အမြင်ပြောင်းလဲလာစေရန်အတွက် လိုအပ်သော နည်းပညာဗဟုသုတများ၊ ဈေးကွက်အချက်အလက်များနှင့် စီးပွားရေးလုပ်ငန်းများနှင့် ချိတ်ဆက်လာနိုင်စေရန် အစဉ်တစိုက် ကြိုးစားလျက်ရှိပါသည်။
ဆက်စပ်မေးခွန်းများ
လယ်ယာစိုက်ပျိုးရေးဗဟုသုတရချင်လို့ပါကများအခုလက်ရှီကျွန်နော်လယ်ယာလုပ်ကိုင်ပါတယ်တောင်သူပါကမျာ့
မောင်အောင်ဆန်းဦး • ဖြေကြားချက် 1 ခု
မန္တလေးတိုင်း နွားထိုးကြီးမြို့နယ်မှာဒူးရင်းစိုက်ချင်ပါတယ်မြေအနေထားနဲ့အပူချိန် ရေကောင်းမကောင်း သိချင်ပါတယ် အပင်ပြုစုတက်ပါတယ် #
Aung myo win • ဖြေကြားချက် 1 ခု
မြေတစ်ဧကမှာ မူးဘယ်နှစ်မူးရှိလဲဖြေပေးကြပါအုန်း ဗျ ဒီနယ်မြေ မှာ မူး နဲ့ပဲ သုံး ကြလို့ မသိလို့ပါ ဗျ🥰
ye min htet • ဖြေကြားချက် 1 ခု
မုန့်ဖုတ်ဆိုဒါစိုက်ပျိုးရေးမှာအသုံးဝင်ပုံလေးစိုက်ပညာရှင်းများဖြေကြားပေးပါ
ဇော်လင်းအောင် • ဖြေကြားချက် 1 ခု
နှမ်း ပေါက်စျေး နေ့စဥ် တင်ပေးတဲ့ နေရာရှိလားဗျ ဒီမှာက စျေးနူန်းတင်တာရပ်ထား သလား???ဗျ မသိလို့ သိတဲ့သူဖြေပေးကြပါအုံး
Htet Wai Yan Kyaw • ဖြေကြားချက် 2 ခု
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....
နောက်ဆုံး ဆောင်းပါးများ
More from ထွန်းဝင်းကျော်
အားလုံး
အသံ
ရေခဲပြင်ဒေသက စိုက်ပျိုးစီးပွားရေး အကြောင်း
10/08/2026
ဇူလိုင် ၁၆ တွင်စတင်သင်ကြားမည့် မြားနီနည်းပညာပေးရေးအဖွဲ့၏ အခမဲ့သင်တန်း တက်ခွင့်ရရှိသူများ
06/07/2026
စိုက်ပျိုးသွင်းအားစု ရောင်းချချင်သူများအတွက် ဖွင့်လှစ်ထားတဲ့ အခမဲ့သင်တန်းတက်ရောက်ခွင့်ရရှိသူများစာရင်း
28/06/2026
ဟင်းသီးဟင်းရွက်စိုက်ပျိုးထုတ်လုပ်အကြံပေးနည်းသင်တန်း တက်ရောက်ခွင့်ရရှိသူများ
27/06/2026
ဟင်းသီးဟင်းရွက်စိုက်ပျိုးထုတ်လုပ်နည်းသင်တန်း တက်ရောက်ခွင့် ရရှိသူများ
26/06/2026
