“ မွှေးရနံ့ထုတ်လုပ်ပေးသော………ဗနီလာပင်အကြောင်း"
ဗနီလာပင်အသုံးဝင်ပုံ
လူကြိုက်များလှတဲ့ အစားအစာတွေဖြစ်တဲ့ ချောကလက်၊ ရေခဲမုန့်၊ သကြားလုံး၊ ကိတ်မုန့်ပြုလုပ်ရာ၌ လည်းကောင်း၊ ရေမွှေးအမျိုးမျိုးဖော်စပ်ရာ၌ လည်းကောင်း အသုံးပြုသော အမွှေးနံ့ကို ဗနီလာပင်၏ အသီးတောင့်မှ ထုတ်ယူရရှိပါသည်။
ဗနီလာပင်မှာ သစ်ခွမျိုးနွယ်ဝင် နွယ်ပင်တစ်မျိုးဖြစ်ပြီး ဈေးကောင်းလှသော အပင်အမျိုးအစားတွင် ပါဝင်ပါသည်။ စိုက်ပျိုးရာတွင် လုပ်အားလိုအပ်ချက်များခြင်းမှာလည်း ဈေးကြီးရခြင်း၏ အကြောင်းတစ်ခုဖြစ်ပါသည်။
ဗနီလာ(Vanilla) ဝယ်လိုအားမှာ နှစ်စဥ်တိုးတက်လျက်ရှိပြီး မွှေးပျံ့လွန်းသောရနံ့နဲ့ ဗနီလာဟာ အလှကုန်၊ စားသောက်ကုန်တွေမှာ အသုံးပြုကြပြီး အလေးချိန်(၁) ကီလိုကို အရည်အသွေးအလိုက် ဒေါ်လာ(၅၀၀-၇၀၀) ဝန်းကျင်အထိ ဈေးနှုန်းရှိကြောင်းသိရပါသည်။
ဗနီလာပင်အကြောင်း
ဗနီလာပင်သည် သစ်ခွပင်တစ်မျိုးဖြစ်၍ ကြီးမားရှည်လျားသော နွယ်ပင်ဖြစ်သည်။ ဗနီလာပင်အမျိုးအစားပေါင်း(၅၀)ခန့်ကို ကမ္ဘာအရပ်ရပ်၌ တွေ့ရှိရသည်။ ဗနီလာပင်၏ မူလဇာတိဒေသသည် မက္ကဆီကိုနိုင်ငံဖြစ်သည်။
ဗနီလာပင်မှာ ပူအိုက်စိုစွတ်သောရာသီဥတုကိုနှစ်သက်သည်။ မြေနိမ့်အရပ်မှ ပေ ၂၀၀၀ အမြင့်ရှိသော အရပ်ဒေသများအထိပေါက်ရောက်နိုင်သည်။ အလျားပေ(၂၀-၃၀) အထိ ရှည်တတ်သည်။
ဗနီလာပင်သည် အနှစ်(၅၀) နီးပါးအသက်ရှည်နိုင်သည်။ အပင်ပေါက်ပြီး (၃)နှစ်အကြာတွင် အသီးတင်လေသည်။ အသီးတို့သည် ရှည်ရှည်လုံးလုံးအသီးတောင့်များဖြစ်၍ (၆-၉) လက်မ အထိရှည်သည်။ ဗနီလာအမွှေးနံ့ကို ဗနီလာပင်၏ အသီးတောင့်မှ ထုတ်ယူရရှိပါသည်။
ဗနီလာအသီးတောင့်မှ အမွှေးနံ့ထုတ်ယူပုံ
ဗနီလာအသီးအတွင်း၌ မည်းနက်၍ ကျိချွဲသော အနှစ်များနှင့် သေးငယ်သော အစေ့မဲမဲများရှိကြသည်။ ထိုအနှစ်မှ ဗနီလာအမွှေးနံ့ကို ရရှိကြပါသည်။ အမွှေးနံ့ထုတ်ယူရန် အသီးတောင့်များကောင်းစွာမမှည့်မီ အသီးတောင့်ဖျား၌ အဝါရောင်သန်းလာလျှင် ဆွတ်ခူးရသည်။ ထို့နောက်ရေနွေးပူပူတွင် စိမ်၍ဆယ်ယူပြီးသော် သွေ့ခြောက်စေ၍ ကြာရှည်ခံအောင်ပြုပြီးလျှင် အသီးထဲမှ အနှစ်များ ကဇော်ပေါက်လာအောင်ပြုရသည်။ အသီးတောင့်များကို ကြာရှည်ခံအောင် တဖြည်းဖြည်းပြုလုပ်နိုင်လေ အမွှေးနံ့ကောင်းလေဟု သိရပါသည်။
ထိုကဲ့သို့ ကြာရှည်ခံအောင်ပြုလုပ်၍ အမွှေးနံ့ထုတ်ယူရန် တင်ပို့ရောင်းချကြပါသည်။ ထိုအခြေအနေတွင် အသီးအတောင့်များသည် ချောကလက်ရောင်ရှိပြီး အသီးတောင့်များပေါ်တွင် သကြားခဲကဲ့သို့ ဖြူဖြူအခဲကလေးများ ဖြစ်ပေါ်နေသည်။ သကြားခဲကလေးများ မရှိလျှင် ဗနီလာအမွှေးနံ့ ထုတ်ယူရန် အဆင့်အတန်း မမှီဟုယူဆကြပါသည်။
ကျန်းမာရေးအတွက် ဗနီလာ(Vanilla) အသုံးဝင်ပုံ
ဗနီလာ(Vanilla)မှာ Antioxidants ကြွယ်ဝစွာပါဝင်ပါသည်။ ထို့အပြင် ခန္ဓာကိုယ်ထဲရှိ မကောင်းသော Bacteria များကို သေစေသည့် အစွမ်းသတ္တိရှိပြီး ရောင်ရမ်းမှု ဝေဒနာကိုလည်း သက်သာစေနိုင်ပါသည်။ ထို့ကြောင့် ဖျားနာနေချိန်တွင် Vanilla(ဗနီလာ)ပါဝင်သော အစားအသောက်များသည် ခန္ဓာကိုယ်အတွက် သင့်လျော်ပါသည်။ ဗနီလာဆိုသည်မှာ နှစ်လိုဖွယ်ရနံ့နဲ့ ဆိမ့်တဲ့ အရသာရှိရုံတင်မကဘဲ ကျန်းမာရေးအတွက်လည်း အထောက်အကူ ပြုနိုင်ပါကြောင်း လေ့လာရေးသားလိုက်ရပါသည်။
ပင်လယ်ပြာ(ငါး/ဦးစီး)
Ref: သုတစွယ်စုံကျမ်း။
ဦးအောင်ဟိန်း
လွန်ခဲ့သော ၂ လ ကဗနီလာမျိုးဝယ်ချင်လို့ပါ
Content provider
Greenovator
ဂရင်းနိုဗေတာကုမ္ပဏီကို ၂၀၁၅ ခုနှစ်တွင် စတင်ခဲ့ပြီး ကုမ္ပဏီမှ အစိမ်းရောင်လမ်းအက်ပလီကေးရှင်းအား ထုတ်လုပ်ဖြန့်ဖြုးခဲ့ပါသည်။ စိုက်ပျိုးသူတောင်သူများ စိုက်ပျိုးရေးလုပ်ငန်းများကို စီးပွားရေးလုပ်ငန်းအဖြစ် အမြင်ပြောင်းလဲလာစေရန်အတွက် လိုအပ်သော နည်းပညာဗဟုသုတများ၊ ဈေးကွက်အချက်အလက်များနှင့် စီးပွားရေးလုပ်ငန်းများနှင့် ချိတ်ဆက်လာနိုင်စေရန် အစဉ်တစိုက် ကြိုးစားလျက်ရှိပါသည်။
ဆက်စပ်မေးခွန်းများ
လယ်ယာစိုက်ပျိုးရေးဗဟုသုတရချင်လို့ပါကများအခုလက်ရှီကျွန်နော်လယ်ယာလုပ်ကိုင်ပါတယ်တောင်သူပါကမျာ့
မောင်အောင်ဆန်းဦး • ဖြေကြားချက် 1 ခု
မန္တလေးတိုင်း နွားထိုးကြီးမြို့နယ်မှာဒူးရင်းစိုက်ချင်ပါတယ်မြေအနေထားနဲ့အပူချိန် ရေကောင်းမကောင်း သိချင်ပါတယ် အပင်ပြုစုတက်ပါတယ် #
Aung myo win • ဖြေကြားချက် 1 ခု
မြေတစ်ဧကမှာ မူးဘယ်နှစ်မူးရှိလဲဖြေပေးကြပါအုန်း ဗျ ဒီနယ်မြေ မှာ မူး နဲ့ပဲ သုံး ကြလို့ မသိလို့ပါ ဗျ🥰
ye min htet • ဖြေကြားချက် 1 ခု
မုန့်ဖုတ်ဆိုဒါစိုက်ပျိုးရေးမှာအသုံးဝင်ပုံလေးစိုက်ပညာရှင်းများဖြေကြားပေးပါ
ဇော်လင်းအောင် • ဖြေကြားချက် 1 ခု
နှမ်း ပေါက်စျေး နေ့စဥ် တင်ပေးတဲ့ နေရာရှိလားဗျ ဒီမှာက စျေးနူန်းတင်တာရပ်ထား သလား???ဗျ မသိလို့ သိတဲ့သူဖြေပေးကြပါအုံး
Htet Wai Yan Kyaw • ဖြေကြားချက် 2 ခု
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....
နောက်ဆုံး ဆောင်းပါးများ
More from နှင်းဖြူဖြူ
အားလုံး
အသံ
ရေငန်ငါးတစ်မျိုးဖြစ်တဲ့ ငါးပုလဲ(ခေါ်) ဆင်နားရွက်ငါး၏ ထူးခြားသောသဘာဝ
07/08/2026
ဇီဝမျိုးစုံမျိုးကွဲများ ပေါကြွယ်ဝသော လန်ပိအဏ္ဏဝါအမျိုးသားဥယျာဉ်
27/03/2026
ငါးဝမ်းပူ၏ ထူးခြားသောသဘာဝနှင့် အသုံးဝင်ပုံ
23/03/2026
ကင်ဆာကိုပျောက်စေနိုင်သည်ဟု သိပ္ပံပညာရှင်များတွေ့ရှိထားသည့် ရေပုတ်သင်၏ ထူးခြားသဘာဝ
19/02/2026
မြန်မာမြေက မွေးဖွားခဲ့သော ရှားပါးရတနာ — မြန်မာ့ကြယ်လိပ်
26/01/2026
