ဖုံးအုပ်စိုက်ပြီး ထွက်နှုန်းကြီး မောင်နီတို့နည်း
“ဗျို့ ဦးဘကျော်ရီး… ဘောင်တွေ တင်နေတာဆို”
“အေး မောင်နီရေ ခုမှစမှာဟ၊ ဘောင်နဲ့စိုက်မယ်ပဲပြောရသေး
သတင်းက မွှေးနေပေါ့၊ ပွဲစားလည်း တစ်ခါတည်း ကွင်းထဲ လာကောက်သွား အေးရော”
“လာမှာပေါ့ ဦးဘကျော်ရီးကဖြင့် မစိုက်ရသေးဘူး မျှော်တတ်ရန်ကော”
“ဟားဟား အေးအေး ပြော.. ပြော လာရင်း အကြောင်းလေး”
“ဒါက ဒီလို ဘောင်တွေက ဒီတိုင်း အလွတ်စိုက်မှာလား”
“အေးပေါ့ ဘယ်လိုစိုက်ရမှာတုန်းဟ၊ အေး မင်းပြောတဲ့ ပေါင်းမလိုက်ရတဲ့ နည်းဆိုတာ မေးမလို့”
“ကျုပ်ပြောမှာလည်း အဲ့အကြောင်းပဲ ဦးဘကျော်ရီးရေ”
“ဘောင်တွေကို ဒီအတိုင်း အပင်လေးတွေထည့်ပြီးတော့ အလွတ်စိုက်မဲ့အစား၊ ကျုပ်တို့ဆီမှာ ပေါပေါများများရတာတွေနဲ့ ဖုံးပြီးတော့ စိုက်လို့ရတယ်၊ အပင်စိုက်တာက စိုက်တာပဲ၊ ဘောင်တစ်ခုလုံးကိုကျတော့ ကောက်ရိုးတွေ ဖုံးစိုက်လည်းရတယ်၊ ဖက်ရွက်ခြောက်တွေ အုပ်ပြီးစိုက်လည်းရတယ်”
“ဟေ မင့်ဟာကလည်း”
“မင့်ဟာကလည်း မလုပ်နဲ့ အဲ့လိုစိုက်ရင်
ဘောင်မှာ ပေါင်းပေါက်တာနည်းတယ်။ တောမထတော့ဘူး။
နွေဆိုရင် ရေလောင်းရင် ရေအစိုဓာတ်ထိန်းပေးနိုင်တယ်ခင်ဗျာ။ မြေကြီးနဲ့ နေက တိုက်ရိုက်မထိတော့ အေးကောင်းတာပေါ့။
ပေါင်းနည်းတော့ တစ်နိုင်ရှင်းလို့ရသလို မြေသြဇာထည့်မယ်ဆိုရင်လည်း လုစားမဲ့ အပင်တွေ မရှိတော့ ပိုပြီးတော့ သန်တာပေါ့”
“ဘောင်အုပ်တာက (၂)မျိုးတော့ရှိတယ်။ ပလပ်စတစ်နဲ့အုပ်တာရယ် နောက်တစ်ခုက ကျုပ်ပြောတဲ့ သဘာဝပစ္စည်းတွေနဲ့အုပ်တာ”
“ပလပ်စတစ်က ပစ်စရာနေရာမရှိရင် ကွင်းထဲမှာ ပလူပျံနေမှာ၊ ကြာရင် မကောင်းဘူးဆိုတော့ သိပ်တော့ အားမပေးချင်ဘူး၊ ကောက်ရိုးလိုဟာတွေကျ ပေါများတယ်ဆို အလကား ရတာလေ၊ ပြီးတော့ တစ်ရာသီပြီးရင် သူတို့က မြေထဲရောက်သွား ပျောက်သွားပြီးတော့ မြေဆီတောင် တက်သေးတယ်”
“မင့်ဟာက ကြွက်မလိုက်ဘူးလား”
“ကောင်းတာချည်းပဲတော့မဟုတ် ဆိုးတာလေးတော့ နည်းနည်းပေါ့၊ အပင်နဲ့ကပ်သွားရင်လည်း အပင်လေးတွေ ခါးရိသေးတယ်၊ ကောင်းတာလေးတွေ ပိုများတော့လည်း သုံးကြတာပေါ့။ ကောင်းကောင်းခြောက်နေတဲ့ အရွက်တွေသုံးပေါ့၊ ဗေဒါဆိုလည်း ကောင်းကောင်းခြောက်သွားအောင် နေပြထားတဲ့ဟာမျိုး”
“သိသာတယ်နော် စိုက်ကြည့်စမ်းပါ”
“အေး တလင်းထဲက ကောက်ရိုးကတော့ ဘောင်ဖုံးပြီဟေ့၊ အေး ဘောင်က ဘယ်လောက် မြင့်ပြီး မင့်ဟာက ဘယ်လောက်ဖုံးရမှာလဲ”
“ကျုပ်ဟာတော့ မလုပ်ပါနဲ့ ကိုကျော်ကြီးရယ်၊
ဘောင်က ခုလို ခြောက်ခြောက်သွေ့သွေ့ဆိုရင် (၈) လက်မကနေ (၁၂) လက်မ၊ ရေဝပ်ရင် ၁ ပေ ကနေ ၁ ပေခွဲ
ဖုံးမယ်ဆိုရင် ၄ လက်မ ထုလောက် ဖုံးရမယ်။
အိုကေနော်”
“အိုကေပြီ အိုကေပြီ၊ လာ လှည်းပေါ်တက် ကောက်ရိုးသွားကောက်မယ်”
“ခင်ဗျား အဲ့လိုကြီးခေါ်မှတော့ ကျုပ်က ဘယ်တက်မတုန်း”
“ညနေ မောင်ပိုင်တဲ ခေါ်မယ်ကွာ”
“ကြိုက်ပြီလေ…… မောင်း မောင်း”
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။
Content provider
မြားနီနည်းပညာပေးရေးအဖွဲ့
မြားနီနည်းပညာပေးရေးအဖွဲ့ သည် မြားနီမျိုးစေ့ ကုမ္ပဏီနှင့် ထူးခြားသော ချိတ်ဆက်မှုရှိသည့် အကျိုးအမြတ်မယူသော အဖွဲ့ အစည်းတစ်ခုအဖြစ်ရပ်တည်လျက်ရှိပြီး အပူပိုင်းဒေသရှိ ဟင်းသီးဟင်းရွက်စိုက်ပျိုးသူ တောင်သူများ၏ လူနေမှုဘဝမြင့်မားလာစေရေး၊ လုံခြုံစိတ်ချရသည့် လတ်ဆတ်သော ဟင်းသီးဟင်းရွက် စိုက်ပျိုးထုတ်လုပ်မှုနည်းလမ်းများ ပံ့ပိုးကူညီပေးခြင်းနှင့်ဈေးကွက်ကိုဖော်ဆောင်နိုင်ရေးအတွက်တောင်သူများနှင့် ချိတ်ဆက်ပြုလုပ်ဆောင်ရွက်နေသောအဖွဲ့ဖြစ်ပါသည်။
ဆက်စပ်မေးခွန်းများ
လယ်ယာစိုက်ပျိုးရေးဗဟုသုတရချင်လို့ပါကများအခုလက်ရှီကျွန်နော်လယ်ယာလုပ်ကိုင်ပါတယ်တောင်သူပါကမျာ့
မောင်အောင်ဆန်းဦး • ဖြေကြားချက် 1 ခု
မန္တလေးတိုင်း နွားထိုးကြီးမြို့နယ်မှာဒူးရင်းစိုက်ချင်ပါတယ်မြေအနေထားနဲ့အပူချိန် ရေကောင်းမကောင်း သိချင်ပါတယ် အပင်ပြုစုတက်ပါတယ် #
Aung myo win • ဖြေကြားချက် 1 ခု
မြေတစ်ဧကမှာ မူးဘယ်နှစ်မူးရှိလဲဖြေပေးကြပါအုန်း ဗျ ဒီနယ်မြေ မှာ မူး နဲ့ပဲ သုံး ကြလို့ မသိလို့ပါ ဗျ🥰
ye min htet • ဖြေကြားချက် 1 ခု
မုန့်ဖုတ်ဆိုဒါစိုက်ပျိုးရေးမှာအသုံးဝင်ပုံလေးစိုက်ပညာရှင်းများဖြေကြားပေးပါ
ဇော်လင်းအောင် • ဖြေကြားချက် 1 ခု
နှမ်း ပေါက်စျေး နေ့စဥ် တင်ပေးတဲ့ နေရာရှိလားဗျ ဒီမှာက စျေးနူန်းတင်တာရပ်ထား သလား???ဗျ မသိလို့ သိတဲ့သူဖြေပေးကြပါအုံး
Htet Wai Yan Kyaw • ဖြေကြားချက် 2 ခု
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....
နောက်ဆုံး ဆောင်းပါးများ
More from ထွန်းဝင်းကျော်
အားလုံး
အသံ
ရေခဲပြင်ဒေသက စိုက်ပျိုးစီးပွားရေး အကြောင်း
10/08/2026
ဇူလိုင် ၁၆ တွင်စတင်သင်ကြားမည့် မြားနီနည်းပညာပေးရေးအဖွဲ့၏ အခမဲ့သင်တန်း တက်ခွင့်ရရှိသူများ
06/07/2026
စိုက်ပျိုးသွင်းအားစု ရောင်းချချင်သူများအတွက် ဖွင့်လှစ်ထားတဲ့ အခမဲ့သင်တန်းတက်ရောက်ခွင့်ရရှိသူများစာရင်း
28/06/2026
ဟင်းသီးဟင်းရွက်စိုက်ပျိုးထုတ်လုပ်အကြံပေးနည်းသင်တန်း တက်ရောက်ခွင့်ရရှိသူများ
27/06/2026
ဟင်းသီးဟင်းရွက်စိုက်ပျိုးထုတ်လုပ်နည်းသင်တန်း တက်ရောက်ခွင့် ရရှိသူများ
26/06/2026
