နောက်ဆုံး ဆောင်းပါးများ စိုက်ပျိုးရေး မွေးမြူရေး ရေလုပ်ငန်း အထွေထွေ ဗဟုသုတ သတင်း

အားလုံးကြည့်ရန် လယ်ယာသုံးစက်ပစ္စည်း 11 မြေဆီလွှာ 160 အပင်အာဟာရ 294 စိုက်ပျိုးနည်း 395 ပိုးမွှားရောဂါ 442 စိုက်ပျိုးစီးပွား 54 ခေတ်သစ်စိုက်ပျိုးရေး 48 ရိတ်သိမ်းချိန်လွန်နည်းပညာ 49 တန်ဘိုးမြှင့်ထုတ်ကုန် 150 စိုက်ပျိုး ရေ 49 စိုက်ပျိုး ဗဟုသုတ 838

နှင်းဆီစိုက်ပျိုးပြုစုနည်း

သိမ့်ဇာ • Greenovator • 05/07/2019

နှင်းဆီပန်းက နှစ်ရည်ခံ သစ်မာပင်အမျိုးအစားပါ။ မျိုးစိတ်ပေါင်းရာချီရှိပြီး မျိုးကွဲပေါင်းက သောင်းကျော်အောင်ရှိတဲ့ ပန်းပင်ပါ။ မျိုးရိုင်းတွေမှာဆို နှင်းဆီအသီးတွေ သီးကြပါတယ်။ အရောင်အမျိုးမျိုးရအောင်စပ်ထားတဲ့ နှင်းဆီစပ်မျိုးတွေကတော့ ယခုခေတ်ကာလမှာ အစိုက်များလာကြတဲ့ မျိုးတွေဖြစ်ပါတယ်။

နှင်းဆီပန်းလှလှလေးတွေကို လူတိုင်း စိုက်ပျိုးချင်ကြတာအမှန်ပါ။ နှင်းဆီပန်းရဲ့ သဘောသဘာဝအရ ပြုစုစောင့်ရှောက်ရမယ့် နည်းလမ်းတွေကိုလည်း သိထားဖို့လိုပါတယ်။ စီးပွားဖြစ်ပဲစိုက်စိုက်၊အလှပဲစိုက်စိုက် အပင်လေးတစ်ပင် လှလှပပရှင်သန်ဖို့အတွက် ဂရုစိုက်ပေးရမယ့်အချက်လေးတွေကို ဖော်ပြလိုက်ရပါတယ်။

နှင်းဆီက နေရောင်ခြည်အပြည့်ရမှ ပွင့်တဲ့ပန်းဖြစ်ပါတယ်။ တစ်နေ့ကို အနည်းဆုံး ၆ နာရီ နေရောင်ခြည်ရမှ ပန်းပွင့်နိုင်တဲ့ အပင်တွေဖြစ်ကြပါတယ်။ အရမ်းပူလွန်းတဲ့ နေ့လည်ခင်းနေ ရောင်ခြည်ကိုတော့ ရှောင်သင့်ပါတယ်။ဒါကြောင့် မနက်ခင်းနေရောင်ခြည် အပြည့်အဝရမယ့်နေရာမျိုးမှာ စိုက်သင့်ပါတယ်။ နေ့လည်ခင်းဆို အရိပ်ကျပြီး မနက်ခင်းနေရာင်ရမယ့်နေရာတွေက နှင်းဆီစိုက်ပျိုးဖို့ အသင့်တော်ဆုံးနေရာတွေ ဖြစ်စေမှာပါ။

နှင်းဆီတွေ ပန်းမပွင့်ရတဲ့အကြောင်းအရင်း

ကျွန်မတို့တွေ နှင်းဆီပန်းပင်လေးတွေ စိုက်ကြတဲ့အခါမှာ ပန်းမပွင့်နိုင်ဖြစ်ကြတဲ့ အဖြစ်မျိုးတွေ ကြုံဖူးကြမှာပါ။ ဘာကြောင့်ဖြစ်ရတယ်ဆိုတဲ့ အချက်လေးတွေကို လေ့လာပြီး ဒီလိုဒုက္ခတွေကနေရှောင်ရှားလိုက်ကြရအောင်ပါ။

နှင်းဆီပင်မှာ အပွင့်တွေ မပွင့်နိုင်ဖြစ်နေရခြင်းတွေထဲက အဖြစ်များဆုံးတစ်ချက်ကတော့ မြေသြဇာကျွေးတဲ့စနစ် မမှန်ကန်လို့ပဲဖြစ်ပါတယ်။ နိုက်ထရိုဂျင်မြေသြဇာတွေ အကျွေးများတဲ့အခါ အပင်ကြီးထွားမှုတွေ အရမ်းများပြီး အပွင့်ပွင့်ဖို့အတွက် ရောက်မလာနိုင်ရတာဖြစ်ပါတယ်။ ဒါကြောင့် အချိုးညီမျှတဲ့ မြေသြဇာကို ကျွေးသင့်ပါတယ်။

တစ်ဆက်တည်းမှာပဲ နိုက်ထရိုဂျင်အကျွေးများတဲ့အခါ ပိုးတွေရဲ့အကြိုက်ဖြစ်လာပြီး ပန်းမပွင့်နိုင် ဖြစ်ရပြန်ပါတယ်။ စုပ်စားဂျပိုးတွေက နှင်းဆီဖူးတွေက ပင်ရည်တွေကိုစုပ်စားကြပြီး ပန်းမပွင့်နိုင်ဖြစ်ရတာပါ။

ဒါ့အပြင် ပတ်ဝန်းကျင်အခြေအနေတွေ ပြင်းထန်လွန်းရင်လည်း ပန်းမပွင့်နိုင်ပါဘူး။ ဥပမာ-ရာသီဥတု ပူလွန်း၊ အေးလွန်းခြင်းတွေနဲ့ လေပြင်းတိုက်ခိုက်ရာကနေရတဲ့ ဒါဏ်ရာတွေကြောင့်လည်း ပန်းမပွင့်နိုင် ဖြစ်ရပါတယ်။

အလင်းရောင်ရရှိတဲ့အချိန်ကလည်း နှင်းဆီပွင့်ဖို့အတွက် အရေးကြီးတဲ့အချက်ပါတဲ့။ နှင်းဆီတွေက တစ်နေ့မှာ နေရောင်ခြည် အနည်းဆုံး ၄ နာရီ ရမှာသာ ပန်းပွင့်နိုင်တဲ့အမျိုးအစား ဖြစ်ပါတယ်။ ဒီအချက်ကိုလည်း သတိထားသင့်ပါတယ်။

ရေမှန်မှန်လောင်းပေးဖို့ကလည်း နှင်းဆီပွင့်ဖို့ သတိထားသင့်တဲ့အချက်ပဲ ဖြစ်ပါတယ်။ ရေဝပ်ဒါဏ်ခံရရင် (သို့) ရေငတ်ဒါဏ်ခံရရင် နှင်းဆီပင်ရဲ့အပွင့်ပွင့်ဖို့ကို ထိခိုက်နိုင်တာကြောင့်ပဲဖြစ်ပါတယ်။

နေ့ခင်းဘက် နေတအားပူတဲ့အချိန် အပင်တွေအပူမိနိုင်ပါတယ်။ နှင်းဆီစိုက်ခင်းထဲမှာ အစိုဓာတ် မရှိတော့ဘူးဆိုရင်တော့ ရေဖျန်းပေးသင့်ပါတယ်။ ရေဖျန်းတဲ့အခါ ညင်ညင်သာသာရှိဖို့နဲ့ နေရောင်ရှိသေးတဲ့အချိန်ဖြစ်ဖို့တော့ ဂရုစိုက်ရပါမယ်။ နေကျသွားရင် စိုထိုင်းဆတွေ ညပိုင်းမှာကျန်နေပြီး မှိုရောဂါတွေ ကျနိုင်လို့ပါ။

နှင်းဆီတွေပွင့်ဖို့အတွက် နောက်ထပ် သတိထားရမယ့်အချက်ကတော့ ကန်းနေတဲ့အကိုင်းတွေဖြစ်ပါတယ်။ ကန်းနေတဲ့အကိုင်းဆိုတာ ပုံမှန်အကိုင်းနဲ့တူပေမယ့် အဖူးတွေ အပွင့်တွေ မပွင့်နိုင်တော့တဲ့ အကိုင်းဖြစ်ပါတယ်။ မြေသြဇာ အကျွေးများရင်သော်လည်းကောင်း၊ နေရောင်ခြည်ကောင်းကောင်း မရရင်သော်လည်းကောင်း ဖြစ်တတ်ပါတယ်။

ဒါကြောင့် ဒီအချက်တွေကို သတိထားပြီး နှင်းဆီပန်း လှလှလေးတွေပွင့်အောင် စိုက်ပျိုးနိုင်သူတွေဖြစ်ကြပါစေ…

သိမ့်ဇာ

Ref : https://www.gardeningknowhow.com/ornamental/flowers/roses/no-blooms-on-roses.htm

Hkawn Bu

လွန်ခဲ့သော ၃ နှစ် က

နှင်းဆီ အပွင့်ဖူးဖူးလေးဖြစ်လာအောင်ဘာဆေးတွေထည့်ပေးရင်ကောင်းမလေဲ ဘယ်လိုပြုစုရမလဲရှင့်ဖြေပေးပါ

မောင်ထက်ဦးယံ

လွန်ခဲ့သော ၃ နှစ် က

နှင်းဆီကရေကြိုက်လားဗျ

အောင်ငြိမ်းဇော်

လွန်ခဲ့သော ၄ နှစ် က

နှင်းဆီမျိုးကို ဘယ်လိုမှာယူရမလဲဗျ ပြောပြပေးပါလား

ကိုဝင်း

လွန်ခဲ့သော ၄ နှစ် က

နှင်းဆီပန်းဘယ်လစိုက်ယင်အကေါင်းဆုးံလဲ

kyaw kyaw

လွန်ခဲ့သော ၅ နှစ် က

နှင်းဆီးပင်က‌မြေအမျိုးအစားရွှေးရလား

ဆက်စပ်ဆောင်းပါးများ

စိုက်ပျိုးနည်း

အစေ့ထုတ်ပြောင်း အထွက်တိုးစေမည့် စိုက်ပျိုးနည်းပညာ

ဆင်းသီဟ

စိုက်ပျိုးနည်း

ကိုယ့်ရဲ့ဝင်ငွေရသီးနှံ ပျက်ဆီးဆုံးရှုံးမှုနည်းအောင် ထောင်ချောက်သီးနှံ နှင့် ပိုးပြေးပင်တွေကို ဘယ်လို တွဲဖက်စိုက်ပျိုးကြမလဲ

Thein Soe Min

စိုက်ပျိုးနည်း

မိုးခေါင်ရေရှားမှုကို ခံနိုင်ရည်ရှိစေမည့် စပါးစိုက်ပျိုးနည်းလမ်းများ

သော်ဇင်

Content provider

Greenovator

ဂရင်းနိုဗေတာကုမ္ပဏီကို ၂၀၁၅ ခုနှစ်တွင် စတင်ခဲ့ပြီး ကုမ္ပဏီမှ အစိမ်းရောင်လမ်းအက်ပလီကေးရှင်းအား ထုတ်လုပ်ဖြန့်ဖြုးခဲ့ပါသည်။ စိုက်ပျိုးသူတောင်သူများ စိုက်ပျိုးရေးလုပ်ငန်းများကို စီးပွားရေးလုပ်ငန်းအဖြစ် အမြင်ပြောင်းလဲလာစေရန်အတွက် လိုအပ်သော နည်းပညာဗဟုသုတများ၊ ဈေးကွက်အချက်အလက်များနှင့် စီးပွားရေးလုပ်ငန်းများနှင့် ချိတ်ဆက်လာနိုင်စေရန် အစဉ်တစိုက် ကြိုးစားလျက်ရှိပါသည်။ 

ဆက်စပ်မေးခွန်းများ

ကျွန်တော့် ညီ/အကို/မောင်နှမများ ဆရာများ ခင်ဗျ ပဲကြီးစိုက်ပျိုးနည်းလေးရှိရင် မျှဝေ ပေးကြပါအုံးနော်🥰 စိုက်ပျိုးရမည့်အချိန် စိုက်ပျိုးသင့်သော မြေ (ဒေသ) စိုက် ၁ ဧက ဘယ်လောက် နှုန်း စိုက်သင့်လည်း စိုက်ပျိုးပြီး ဘယ်အချိန်တွေမှာ ပေါင်းနုတ်မျက်သင်လုပ်ရလည်း? အားဆေး ကာကွယ်ဆေး ဘယ်အချိန် ဖြန်းသင့်လည်း? စိုက်ပျိုးပြီး ဘယ်နှစ်လအကြာ ရိတ်သိမ်းရမလည်း? ၁ ဧက အထွက်နှုန်းထား ဘယ်လောက်ထွက်လည်း? ဒါတွေတကယ်မသိလို့ မျှဝေပေးပါအုံး🥰😍😍

ကိုအောင်မင်းထွန်း • ဖြေကြားချက် 0 ခု

ရွှေဘိုပေါ်ဆန်းစပါးကို ယခုသြဂုတ်လထဲ ပျိုးထောင်ပြီး စိုက်လျှင် အစေ့အနှံ အောင်မြင်နိုင်ပါသလား၊ စပါးစိုက်ခင်းနဲ့ပျိုးခင်းတွေ ရေနစ်ပြီး ပျက်စီးမှုတွေကြောင့် အသစ်ပြန်လည်စိုက်ပျိုးဖို့ ပျိုးအပို ရှာရခက်နေကြလို့ မေးကြည့်တာပါ။

Ko Thu • ဖြေကြားချက် 1 ခု

စပါးစစိုက်ပျိုးပြီးပါပြီ ခုချိန်မှစပီး ပြုစုပျိုးထောင်ပုံအဆင့်ဆင့်ကို သင်ပြပေးပါဆရာတို့ဗျာ

Min Min Thant • ဖြေကြားချက် 1 ခု

ကောက်ရိုးမှို ဘယ်လိုစိုက်ရမလဲ

Ko Shwe Lin • ဖြေကြားချက် 2 ခု

ပဲပုတ်ကိုစပါးရိတ်သိမ်းအပြီးဆောင်းသီနှံအဖြစ်စိုက်လို့ရနိုင်လားဗျ ရေအခက်အခဲရှိတဲ့နေရာ‌တွေမှာရေမသွင်းပဲစိုက်လို့ရလားဆိုတာဖြေကြာပေးစေလိုပါခင်ဗျာ

ဇော်လင်းအောင် • ဖြေကြားချက် 2 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ