ပဲမျိုးစုံနှင့် ပြောင်းဈေး အတက်အကျနှင့် ရှေ့အလားအလာ
ပြီးခဲ့တဲ့အပတ်နဲ့ယှဉ်ရင် ပဲတီစိမ်း၊ ပဲလွမ်း၊ ပြောင်း တွေဟာ ဈေးတွေတက်လာပြီး မတ်ပဲကတော့ ဈေးအနည်းငယ်ငြိမ်သွားပေမယ့် အတက်တော့နည်းနည်းရှိပါတယ်။ သိသိသာသာဈေးတက်ခဲ့တဲ့ စင်းငုံကတော့ ဒီတစ်ပတ်ထဲ အနည်းငယ်ပြန်ကျသွားပါတယ်။
မတ်ပဲ
ဆက်တိုက်မြင့်တက်နေတဲ့ မတ်ပဲကတော့ ဒီတစ်ပတ်မှာ ဈေးက နည်းနည်းပြန်အေးသွားပါတယ်။ တစ်တန်ကို ၁၈ သိန်း ၅ သောင်းပတ်ချာလည်(ဒီနေ့ ၁၈၆၀၀၀၀) အရောင်းအဝယ်ရှိနေပြီး ငွေကြေးလဲလှယ်နှုန်းဈေးတွေမြင့်တက်နေမှုကြောင့် အရောင်းအဝယ်အေးသွားတာလို့ ကုန်သည်တွေက ဆိုပါတယ်။
ကုန်သည်တွေအနေနဲ့ ငွေကြေးကျပ်တည်းမှုတွေကြောင့် စောင့်ကြည့်နေရတဲ့အခြေအနေ ရှိနေတယ်လို့လည်း သိရပါတယ်။
အိန္ဒိယနိုင်ငံမှာ မတ်ပဲအများဆုံးထွက်ရှိတဲ့ဒေသက မိုးများမှုကြောင့် အထွက်နှုန်းလျော့နည်းမယ်လို့ ထုတ်ပြန်ထားလို့ မတ်ပဲဈေးက ဆက်ပြီး မြင့်တက်နိုင်ခြေရှိတယ်လို့လည်း ကုန်သည်တွေက ဆိုပါတယ်။
ယနေ့ ရန်ကုန်ဘုရင့်နောင်ဈေးကွက် မတ်ပဲဈေးနှုန်းများမှာတော့ FAQ/RC (တစ်တန်) - ၁၈၆၀၀၀၀ ပေါက်ဈေးရှိနေပြီး ပြီးခဲ့တဲ့အပတ်နဲ့ယှဉ်ရင်တော့ ကွာဟမှု အများကြီးမရှိပါဘူး။ အနည်းငယ်တော့ တက်လာပါတယ်။
မန္တလေးဈေးကွက်မှာတော့ ပိဿာ ၆၀ တစ်အိတ်ကို ၁၈၀၀၀၀ အထက် ပေါက်ဈေးရှိပြီး ဈေးငြိမ်ပါတယ်။
မြင်းခြံဈေးကွက်၊ မုံရွာဈေးကွက်၊ အောင်လံဈေးကွက်၊ မော်လမြိုင်ဈေးကွက်၊ ပြည်ဈေးကွက်တို့မှာတော့ မတ်ပဲက တစ်တင်း (ပိဿာ ၂၀) ကို ၆၀၀၀၀ ကနေ ၆၁၀၀၀ ကြား ပေါက်ဈေးရှိနေပါတယ်။
ပဲစင်းငုံနီ
ပဲစင်းငုံနီကတော့ ဆက်တိုက်မြင့်တက်နေရာကနေ အနည်းငယ် ပြန်ကျသွားပါတယ်။ ပစ္စည်းလက်ကျန်လည်း မရှိတဲ့အခြေအနေမှာ အရောင်းအဝယ်ကလည်း အေးနေပြီး ဈေးကမြင့်တက်နေတာဖြစ်လို့ ဈေးပြန်ထိန်းတာဖြစ်တယ်လို့ ကုန်သည်တွေက သုံးသပ်ပါတယ်။
ဒီနေ့ ရန်ကုန်ဈေးကွက်မှာတော့ ပဲစင်းငုံနီက တစ်တန်ကို ၁၉၄၀၀၀၀ ပေါက်ဈေးရှိနေပါတယ်။
မန္တလေးဈေးကွက်မှာတော့ တစ်အိတ်ကို ၁၈၇၀၀၀ ကနေ ၁၈၈၀၀၀ ပေါက်ဈေးရှိနေပြီး တစ်အိတ်ကို ၃၀၀၀ လောက်တက်လာပါ တယ်။
နယ်ဈေးကွက်တွေဖြစ်တဲ့ ပခုက္ကူ၊ မြင်းခြံနဲ့ မုံရွာတို့မှာတော့ တစ်တင်းကို ၆၀၀၀၀ ကနေ ၆၁၀၀၀ ကြား ပေါက်ဈေးရှိနေပြီး တစ်တင်းကို ၁၅၀၀ လောက် ဈေးကျဆင်းပါတယ်။
ပဲတီစိမ်း
ပဲတီစိမ်းကတော့ တရုတ်ကို အဓိက တင်ပို့နေတာဖြစ်ပြီးတော့ လက်ရှိ တရုတ်ငွေဈေးမြင့်တက်နေမှုနဲ့ အတူ ဈေးတွေလည်းဆက်တိုက်မြင့်တက်နေပါတယ်။ တစ်ပတ်အတွင်းအနေနဲ့ဆိုရင်တော့ ပဲတီစိမ်းက အတက်အကျ အပြောင်းအလဲ အနည်းငယ်နဲ့ အရောင်းအဝယ်ဖြစ်နေပါတယ်။
ပြောင်း
ပြောင်းဈေးကတော့ ဆက်တိုက်ပြန်တက်နေပါတယ်။ ငွေလဲလှယ်နှုန်းဈေးမြင့်တက်နေမှုနဲ့အတူ ထိုင်း နိုင်ငံကို ယခုလကုန်အထိ အခွန်ကင်းလွတ်ခွင့်နဲ့ တင်သွင်းမှုကလည်း ရှိနေတဲ့အတွက် ဈေးက တက်နေ တာဖြစ်ပါတယ်။
ရန်ကုန်ဈေးကွက်မှာ ပြောင်းဆန်က တစ်ပိဿာကို ၉၄၀ ကနေ ၉၆၀ ပေါက်ဈေးရှိပြီး တစ်ပိဿာကို ၂၀ ကျပ်ဈေးတက်လာပါတယ်။
မန္တလေးဈေးကွက်မှာတော့ စီပီပြောင်း တစ်အိတ်ကို ၄၈၀၀၀ ကနေ ၄၉၀၀၀ ပေါက်ဈေးရှိပြီး တစ်အိတ်ကို ၄၀၀၀ ကျပ်ဈေးတက်လာပါတယ်။ အခြားပြောင်းနီ၊ ရှမ်းပြောင်း၊ ဗမာပြောင်းများလည်း တစ်အိတ်ကို ၂၀၀၀ လောက် ဈေးမြင့်တက်လာပါတယ်။
မုံရွာဈေးကွက်မှာတော့ တစ်တင်းကို ၁၇၀၀၀ ပေါက်ဈေးရှိပြီး တစ်တင်းကို ၁၀၀၀ ကျပ်ဈေးတက်လာပါတယ်။
ပဲလွမ်း
ပဲလွမ်းကတော့ ပစ္စည်းလက်ကျန် လျော့နည်းနေပြီး ပြည်ပတင်ပို့မှုလည်း ရှိနေတဲ့အတွက် ဈေးက ဆက်တိုက်တက်နေပါတယ်။ အချို့ဒေသတွေမှာတော့ လက်ကျန်မရှိတော့လို့ အရောင်းအဝယ် မရှိဘူးလို့သိရပါတယ်။
ရန်ကုန်ဈေးကွက်မှာ ပဲလွမ်းဖြူ(ပဲခူး၊)ကတော့ တစ်ပိဿာကို ၂၄၁၅ ကနေ ၂၅၀၀ ပေါက်ဈေးရှိပြီး တစ်ပိဿာကို ၁၆၅ ကျပ်၊ ပဲလွမ်းဖြူ(မြစ်ဝကျွန်းပေါ်)ကတော့ တစ်ပိဿာကို ၂၂၁၅ ကနေ ၂၃၃၅ ပေါက်ဈေးရှိပြီး တစ်ပိဿာကို ၈၅ ကျပ်ဈေးတက်လာပါတယ်။
ပဲလွမ်းနီကတော့ တစ်ပိဿာကို ၂၀၀၀ ကနေ ၂၃၃၅ ပေါက်ဈေးရှိပြီး ဈေးငြိမ်ပါတယ်။
မန္တလေးဈေးကွက်မှာတော့ ပဲလွမ်းပြာက တစ်အိတ်ကို ၁၂၀၀၀၀ ကနေ ၁၂၅၀၀၀ ေပါက်ဈေးရှိပြီး ပဲလွမ်းဖြူကတော့တစ်အိတ်ကို ၁၁၀၀၀၀ ကနေ ၁၂၅၀၀၀ နဲ့ ဈေးငြိမ်နေပါတယ်။
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
Khin Soe Aye
လွန်ခဲ့သော ၃ နှစ် ကပြောင်းပိသာချိန်၃၀ဘယ်လောက်လဲ
ကိုထွန်းလွင်
လွန်ခဲ့သော ၃ နှစ် ကပြန်လည်ဖြေကြားပေးဖို့ မေတ်တာရပ်ခံပါတယ်ခင်ဗျ
ကိုထွန်းလွင်
လွန်ခဲ့သော ၃ နှစ် ကပြောင်းဈေးအလားအလာ ကိုသိချင်ပါတယ် cp ပြောင်းစိုက်ပျိုးနေတဲ့ တောင်သူတွေကိုစားမေးပေးတာပါခင်ဗျ
ကိုထွန်းလွင်
လွန်ခဲ့သော ၃ နှစ် ကဒီနှစ်အခြေနေတွေအရဆို အရင်းနှီးတွေများလို့ ဈေးကောင်းရမှအစဥ်ပြေကြမှဗျ တောင်သးတွေအနေနဲ့က
ကိုထွန်းလွင်
လွန်ခဲ့သော ၃ နှစ် ကဒီနှစ်ပြောင်းဈေး ဘယ်လို အခြေနေရှိလဲဗျ
ဆက်စပ်မေးခွန်းများ
ကျွန်တော့် ညီ/အကို/မောင်နှမများ ဆရာများ ခင်ဗျ ပဲကြီးစိုက်ပျိုးနည်းလေးရှိရင် မျှဝေ ပေးကြပါအုံးနော်🥰 စိုက်ပျိုးရမည့်အချိန် စိုက်ပျိုးသင့်သော မြေ (ဒေသ) စိုက် ၁ ဧက ဘယ်လောက် နှုန်း စိုက်သင့်လည်း စိုက်ပျိုးပြီး ဘယ်အချိန်တွေမှာ ပေါင်းနုတ်မျက်သင်လုပ်ရလည်း? အားဆေး ကာကွယ်ဆေး ဘယ်အချိန် ဖြန်းသင့်လည်း? စိုက်ပျိုးပြီး ဘယ်နှစ်လအကြာ ရိတ်သိမ်းရမလည်း? ၁ ဧက အထွက်နှုန်းထား ဘယ်လောက်ထွက်လည်း? ဒါတွေတကယ်မသိလို့ မျှဝေပေးပါအုံး🥰😍😍
ကိုအောင်မင်းထွန်း • ဖြေကြားချက် 0 ခု
ချီးပါနေတဲ့အကောင်ပါ2လသားကျော်ကာစပါ အသားရဲတယ်အစာအံနေလို့ပါ
Min Maung • ဖြေကြားချက် 0 ခု
ဘာမြေသြဇာ ကျွေးရမလည်းဗျ
ZawHtwe • ဖြေကြားချက် 0 ခု
နှင်းဆီက ဘာဖြစ်တာလဲ? ပွင့်လာတော့ အပွင့်က မလှဘူး။ အရွက်ကလည်း တွန့်နေတယ်။
Nova Nova • ဖြေကြားချက် 1 ခု
ရွှေဘိုပေါ်ဆန်းစပါးကို ယခုသြဂုတ်လထဲ ပျိုးထောင်ပြီး စိုက်လျှင် အစေ့အနှံ အောင်မြင်နိုင်ပါသလား၊ စပါးစိုက်ခင်းနဲ့ပျိုးခင်းတွေ ရေနစ်ပြီး ပျက်စီးမှုတွေကြောင့် အသစ်ပြန်လည်စိုက်ပျိုးဖို့ ပျိုးအပို ရှာရခက်နေကြလို့ မေးကြည့်တာပါ။
Ko Thu • ဖြေကြားချက် 1 ခု
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....
နောက်ဆုံး ဆောင်းပါးများ
More from AMIA
အားလုံး
တစ်ပတ်စာ ဈေးကွက်သုံးသပ်ချက်
09/08/2026
အသံ
ကြက်သွန်နီဈေး တရိပ်ရိပ်တက်နေ
07/08/2026
အသံ
ကြက်တွေနာပြီး သေလို့ ဒေသကြက်တစ်ပိုင်တစ်နိုင်မွေးမြူသူတွေ အခက်ကြုံ
05/08/2026
တစ်ပတ်စာ ပဲမျိုးစုံဈေးကွက်သုံးသပ်ချက် (၂၇ - ၃၁.၇.၂၀၂၆)
03/08/2026
ပြည်ပသို့ ဆန်၊ ဆန်ကွဲတင်ပို့မှု ပင်လယ်ရေကြောင်းတစ်ခုတည်းမှသာ တင်ပို့နေ (မြန်မာ့ဆန်ကို ဖိလစ်ပိုင်က အများဆုံး ဝယ်ယူ)
31/07/2026
