၀ဥစိုက်ပျိုးရေး စျေးကွက်ခိုင်မာမှုရှိနေ
၀ဥစိုက်ပျိုးရေးမှာ ပြည်တွင်းပြည်ပ စျေးကွက်ခိုင်မာမှုရှိနေကြောင်း ၀ဥသီးနှံ စိုက်ပျိုးထုတ်လုပ်ရောင်းချနေသူများက ပြောသည်။
ပြည်တွင်းမှာရှိတဲ့ ဝဥခြောက်ခံစက်ရုံတွေကို တင်ပို့ရောင်းချလို့ရပါတယ်။ လက်ရှိ စျေးကွက်အနေနဲ့ကတော့ စက်ရုံစျေးနှုန်းက တစ်ပိဿာကို (၂၀၀၀)ကျပ်စျေးနဲ့ ဝယ်ယူနေပါတယ်။ စျေးကွက်တင်ပို့ရာမှာတော့ အခက်အခဲမရှိပါဘူး။ ဝယ်လိုအားက များနေပါတယ်။ စိုက်ပျိုးတဲ့တောင်သူတွေနည်းပါးနေပါသေးတယ်ခင်ဗျာ
ဟု မကွေးတိုင်းဒေသကြီး၊ ငဖဲမြို့နယ်၊ တုံးကြီးရွာမှ ၀ဥသီးနှံစီးပွားဖြစ်စိုက်ပျိုးနေသူ ဦးကျော်ကိုကို က ပြောသည်။
ဝဥပင်သည် ပြည်တွင်း၌ဝယ်လိုအားကောင်းသည့်အပြင် သစ်တောသစ်ပင်နှင့် မြေဆီလွှာပြုန်းတီးမှုနည်းပါးခြင်းတို့ကြောင့် စိုက်ပျိုးရန် သင့်ကြောင်း သိရသည်။
ဝဥပင်ကို မေလ နောက်ဆုံးထားစိုက်ပျိုးနိုင်ပြီး၊ ဒီဇင်ဘာလအတွင်းလည်း စိုက်ပျိုးလို့ရပါတယ်။ အသီးတွေကို (၆)လပြည့်ရင်၊ ခူးဆွတ်နိုင်ပါတယ်။ ဥကိုတော့ (၈)လပြည့်ရင် တူးဖေါ်လို့ရပါပြီ။ စိုက်ကျင်းကို (၁) ပေပတ်လည် တူးပေးပြီး၊ ကျင်းရဲ့အနက်ကိုတော့ (၆) လက်မအနက်တူးပြီးနောက် မြေကိုဖွထားရပါတယ်။ မြေပြင်စဉ်မှာ နောက်ချေး၊ မြေဆွေးတို့ကို ရောနှောပြီး ထည့်ရပါတယ်။ ကြက်ချေး ထည့်ပေးနိုင်ရင်တော့ ပိုပြီးကောင်းပါတယ်။ စိုက်ပျိုးပြီး (၃)လအကြာမှာ ဆေးဖြန်းပုံးတစ်ပုံးကို ဆာခါး ဟင်းစားဇွန်းနဲ (၂) ဇွန်းနှုန်းနဲ့ပက်ဖျန်းပေးပါတယ်။ ပေါင်းသတ်ဆေး၊ မှိုသတ်ဆေး လုံးဝမသုံးပါဘူး ခင်ဗျာ။
ဟု ဦးကျော်ကိုကိုက ဆက်လက်ပြောသည်။
ဝဥမျိုးအသီး တစ်ပိဿာလျှင် (၁၂၀၀၀) ကျပ်၊ ဝဥမျိုးဥ တစ်ပိဿာလျှင် (၅၀၀၀)ကျပ် ပေးရပြီး၊ တစ်ဧကစိုက်ပျိုးမှုအတွက် ဝဥ မျိုးဥ ပိဿာချိန် (၈၀၀)ဝန်းကျင် လိုအပ်ကြောင်း သိရသည်။
နန်းထက်ထက်ချစ်(ABM)
အမည်မသိ
လွန်ခဲ့သော ၅ နှစ် ကနေပြည်တော်မှာ နှစ်စဥ် ၀ဥ ၁ တန်ခန့်ထွက်ရှိနေသော ကျေးရွာလေး၁ရွာရှိပါတယ်။ ပြည်တွင်း အခြောက်ခံစက်ရုံများကို မည်ကဲ့သို့ပို့ဆောင်ရောင်းချရနိုင်မည်ကို အကြံလေးပေးပါရှင့်
Content provider
Greenovator
ဂရင်းနိုဗေတာကုမ္ပဏီကို ၂၀၁၅ ခုနှစ်တွင် စတင်ခဲ့ပြီး ကုမ္ပဏီမှ အစိမ်းရောင်လမ်းအက်ပလီကေးရှင်းအား ထုတ်လုပ်ဖြန့်ဖြုးခဲ့ပါသည်။ စိုက်ပျိုးသူတောင်သူများ စိုက်ပျိုးရေးလုပ်ငန်းများကို စီးပွားရေးလုပ်ငန်းအဖြစ် အမြင်ပြောင်းလဲလာစေရန်အတွက် လိုအပ်သော နည်းပညာဗဟုသုတများ၊ ဈေးကွက်အချက်အလက်များနှင့် စီးပွားရေးလုပ်ငန်းများနှင့် ချိတ်ဆက်လာနိုင်စေရန် အစဉ်တစိုက် ကြိုးစားလျက်ရှိပါသည်။
ဆက်စပ်မေးခွန်းများ
ချီးပါနေတဲ့အကောင်ပါ2လသားကျော်ကာစပါ အသားရဲတယ်အစာအံနေလို့ပါ
Min Maung • ဖြေကြားချက် 0 ခု
ဘာမြေသြဇာ ကျွေးရမလည်းဗျ
ZawHtwe • ဖြေကြားချက် 0 ခု
နှင်းဆီက ဘာဖြစ်တာလဲ? ပွင့်လာတော့ အပွင့်က မလှဘူး။ အရွက်ကလည်း တွန့်နေတယ်။
Nova Nova • ဖြေကြားချက် 1 ခု
ရွှေဘိုပေါ်ဆန်းစပါးကို ယခုသြဂုတ်လထဲ ပျိုးထောင်ပြီး စိုက်လျှင် အစေ့အနှံ အောင်မြင်နိုင်ပါသလား၊ စပါးစိုက်ခင်းနဲ့ပျိုးခင်းတွေ ရေနစ်ပြီး ပျက်စီးမှုတွေကြောင့် အသစ်ပြန်လည်စိုက်ပျိုးဖို့ ပျိုးအပို ရှာရခက်နေကြလို့ မေးကြည့်တာပါ။
Ko Thu • ဖြေကြားချက် 1 ခု
စပါးစစိုက်ပျိုးပြီးပါပြီ ခုချိန်မှစပီး ပြုစုပျိုးထောင်ပုံအဆင့်ဆင့်ကို သင်ပြပေးပါဆရာတို့ဗျာ
Min Min Thant • ဖြေကြားချက် 1 ခု
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....
နောက်ဆုံး ဆောင်းပါးများ
More from အစိမ်းရောင်လမ်း
အားလုံး
ဗီဒီယို
စိုက်ချိန်ရိတ်ချိန်ဖြေပေးရင်း .. ဖုန်းဘေလ်ကံစမ်းကြမယ်
04/08/2026
ဗီဒီယို
သီးနှံအထွက်နှုန်းကောင်းသော စိုက်ခင်းများအတွက် ကျန်းမာသောမြေဆီလွှာ (▶️ ဗွီဒီယို)
14/07/2026
တောင်သူ ၅ သောင်းကျော်ထံသို့ ဟင်းသီးဟင်းရွက်စိုက်ပျိုးနည်းပညာများ အစိမ်းရောင်လမ်းမှ တဆင့်မျှဝေပေးခဲ့တဲ့ မြားနီနည်းပညာပေးရေးအဖွဲ့
29/05/2026
မေလ (၁၅) - ၁၈) ရက်အတွင်း မြန်မာနိုင်ငံတစ်ဝန်း မိုးတိမ်တောင်များ ဖြစ်ထွန်းမှု အားကောင်းနေ
15/05/2026
ကျန်းမာပျော်ရွှင်ပါစေ.. အမေ
10/05/2026
