စွန်တာ

စွန်တာပဲကတော့ ဒီတစ်ပတ်မှာ ဈေးပြန်ကျဆင်းသွားပါတယ်။ ပြီးခဲ့တဲ့အပတ်ကအထိဈေးတက်ပေမယ့် အဝင်များလာတဲ့အတွက် ဈေးကလျော့နည်းသွားတာဖြစ်တယ်လို့သိရပါတယ်။

မတ်ပဲ

မတ်ပဲကတော့ ဒီတစ်ပတ်မှာ အနည်းငယ်ပြန်ကျဆင်းသွာပေမယ့် နယ်ဈေးကွက်တွေမှာတော့ အဝယ်သွက်နေပြီးဈေးမြင့်နေပါတယ်။ အိန္ဒိယနိုင်ငံကို  တင်သွင်းခွင့်ကာလက ပြည့်တော့မှာ ဖြစ်လို့ ဝယ်ယူမှု တန့်သွားတဲ့အတွက်ဈေးပြန်ကျဆင်းသွားခဲ့သလို ငွေဈေးအနည်းငယ်လျော့ နည်းသွားလို့ လည်းဈေးကကျဆင်းသွားခဲ့ပါတယ်။လက်ရှိအချိန်ထိ တင်သွင်း ခွင့်ကာ လနဲ့ ပတ်သတ်ပြီး တိုး မြင့်မှု ရှိမရှိကိုကုန်သည်တွေကလည်းစောင့်ကြည့်မှုတွေ ပြုလုပ်နေတယ်လို့ သိရပါ တယ်။

ဈေးကွက်အတွင်း အမြင့်ဈေးနဲ့ ဝယ်ယူသိုလှောင်မှုတွေကလည်း ပဲဈေးကို တက်လာနေပြီး မတ်ပဲဈေးက လက်ရှိပေါက်ဈေးထက် တက်နိုင်ခြေ လျော့နည်းလို့ ထိန်းဝယ်ယူမှုတွေ ပြုလုပ်သင့်တယ် လို့ ကုန်သည်ကြီးတွေက ဆိုပါတယ်။

စီးပွားကူးသန်းစာရင်းအရ ၆ လအတွင်း မတ်ပဲ တင်ပို့မှုက အများဆုံးရှိနေတယ်လို့သိရပါတယ်။

ပဲစင်းငုံနီ

ပဲစင်းငုံနီကတော့ ဒီတစ်ပတ်မှာ ဈေးအနည်းငယ်ထပ်တက်လာပါတယ်။အိန္ဒိယနိုင်ငံမှာလည်း ထွက်ရှိမှုနှုန်း လျော့နည်းမယ်လို့ ထုတ်ပြန်ထားမှုတွေကြောင့် ပဲခွဲစက်တွေက အဝယ်လိုက်နေပြီး ဆက်တိုက် ဈေးမြင့် တက်မှုတွေရှိနေပါတယ်။မြန်မာပြည်တွင်းမှာတော့ ပြည်တွင်းလက်ကျန်ကလည်းလျော့နည်းနေပြီး တင်ပို့ခွင့်ကာ လ က ယခုလကုန်ပြည့် သွားတဲ့အတွက် ဝယ်ယူမှုစောင့်ကြည့်နေလို့ဈေးက အများကြီး တက်တာမျိုး မရှိပါဘူး။

တင်ပို့မှုကတော့ပြီးတဲ့အချိန် မှာတော့ ဈေးက ပြန်လည် တည်ငြိမ်မယ်လို့ကုန်သည်တွေက သုံးသပ်ထားပေမယ့် တင်ပို့မှုသက်တမ်းဆက်တိုးရင်တော့ ဈေးက ပြန်တက်နိုင်ခြေရှိတယ်လို့ ခန့်မှန်းထားပါတယ်။

ကုလားပဲ

ကုလားပဲဈေးကလည်း ဆက်တိုက်တက်နေပါတယ်။ပဲမျိုးစုံဈေးတက်မှုနဲ့အတူ အဝယ်တွေသွက်နေတဲ့ အတွက်ဈေးက ဆက်တိုက်တက်နေတာဖြစ်တယ်လို့သိရပါတယ်။

အခြားသီးနှံမျိုးစုံရဲ့ ဈေးနှုန်းတွေကိုတော့ ဒီလင့် https://greenwaymyanmar.com/market-price ကနေ ဝင်ကြည့်နိုင်ပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။