တစ်ပတ်စာ သီးနှံဈေးကွက်သုံးသပ်ချက် (၁၀ - ၁၄.၃ ၂၀၂၅)
ကြက်သွန်ဖြူ
တရုတ်ကနေတင်သွင်းနေတဲ့ ကြက်သွန်ဖြူ(ကြူကုတ်)က စျေးတန်းငြိမ်နေပြီး ရှမ်းကြက်သွန်တွေက စျေးကျလာပါတယ်။
ဘုရင့်နောင်ကုန်စည်ဒိုင်ကို ကြူကုတ်ကြက်သွန်ဖြူတွေလည်းဝင်ရောက်နေသလို ရှမ်းဒေသထွက်ကြက်သွန်ဖြူတွေလည်း ဝင်ရောက်မှုရှိပြီး မန္တလေးဒေသထွက် မြန်မာကြက်သွန်ဖြူတွေလည်း ဝင်ရောက်နေပါတယ်။ အရောင်းအဝယ်တော့သွက်နေတယ်လို့ သိရပါတယ်။
ဘုရင့်နောင်ကုန်စည်ဒိုင်စျေးကွက်မှာ ကြူကုတ် တစ်ပိဿာကို ၁၂၅၀၀ မှ ၁၃၀၀၀ ကျပ်စျေးရှိပြီး ရှမ်းကြက်သွန်ဖြူတွေဖြစ်တဲ့ ထူး ၂ က ၅၅၀၀၊ ထူး ၃ က ၆၀၀၀၊ ထူး ၄ က ၆၅၀၀၊ ထူး ၅ က ၇၀၀၀ ကျပ်ရှိပါတယ်။ တစ်ပိဿာကို ၂၀၀၀ မှ ၃၅၀၀ ကျပ်စျေးကျပါတယ်။
ကြက်သွန်နီ
ကြက်သွန်နီကလည်း ရန်ကုန် ဘုရင့်နောင်ကို ကားအစီးရေဝင်ရောက်မှုများတာကြောင့် စျေးတန်းအနည်းငယ်ချရောင်းနေရတယ်လို့သိရပါတယ်။
သောကြာနေ့မှာဆိုရင် မိုးကြက်သွန်ကားအစီးရေ ၅၁ စီးအထိဝင်ရောက်ခဲ့ပါတယ်။ စျေးတန်းအငုတ်နဲ့ ရောင်းရပေမယ့် အရောင်းအဝယ်က ပုံမှန်ပဲရှိတယ်လို့သိရပါတယ်။
ရန်ကုန်ဘုရင့်နောင်စျေးကွက်မှာ သောကြာနေ့က ဆိပ်ဖြူ ကြက်သွန်နီက အကြီးအသေးအရွယ်အစားအလိုက် တစ်ပိဿာကို ၁၆၀၀ မှ ၂၁၀၀ ကျပ်၊ မြစ်သားကြက်သွန်နီက ၂၀၀၀ မှ ၂၈၀၀ ကျပ်စျေးရှိပါတယ်။
အာလူး
အာလူးကတော့ စျေးကွက်ထဲမှာ တရုတ်အာလူးရော ရှမ်းအာလူးပါ ဝင်ရောက်မှုရှိနေပြီး စျေးငြိမ်နေပါတယ်။ အရောင်းအဝယ်လည်းပုံမှန်ရှိနေပါတယ်။
ရန်ကုန် ဘုရင့်နောင်စျေးကွက်မှာ တရုတ်အာလူးတစ်ပိဿာကို ၃၀၀၀ မှ ၄၀၀၀ ကျပ်ရှိပါတယ်။
ရှမ်းပြည်အောင်ပန်းကုန်စည်ဒိုင်စျေးကွက်မှာလည်း မျက်နီ S1/ OK က ၃၈၀၀ ကျပ်၊ မျက်နီ OK က ၃၃၀၀ ကျပ်၊ မျက်နီ A1 က ၃၀၀၀ ကျပ်၊ A1ဆွဲမျက်နီက ၂၅၀၀ ကျပ် ရှိပြီးလုပ်ငန်းသုံးအကြော်သီးတွေဖြစ်တဲ့ မားကစ် S2/ S-1 နဲ့ မျက်နီ S-2 /S1 က ၄၀၀၀ မှ ၅၀၀၀ ကျပ်စျေးရှိနေပါတယ်။
ဂျင်း
ဂျင်းတက်ကတော့ ပြည်ပတင်ပို့မှုမရှိတဲ့အတွက် စျေးမတက်ဘဲ အကျစျေးတန်းမှာပဲငြိမ်နေပါတယ်။ ဂျင်းတက်က ပြည်တွင်း စျေးကွက်ကိုပဲမှီခိုရောင်းချနေရတာဖြစ်တယ်လို့သိရပါတယ်။
ဂျင်းတက်စျေးကွက်က အရည်အသွေးကောင်းရင်ကောင်းသလို၊ အခက်လှရင်လှသလို ပွဲစားစျေးဖြတ်တဲ့အပေါ်မူတည်ပြီး စျေးကွာခြားမှု ရှိနေပါတယ်။
ရှမ်းပြည်အောင်ပန်းကုန်စည်ဒိုင်စျေးကွက်မှာ ဂျင်းတက်စျေးက ဂျင်းဥမမြေနီအကြီး တစ်ပိဿာကိုမှ ၃၀၀၀ ကျပ်၊ ဂျင်းဥမမြေနီအလတ် တစ်ပိဿာကို ၂၅၀၀ ကျပ်စျေးပေါက်ပါတယ်။
ခရမ်းချဥ်သီး
ခရမ်းချဥ်သီးကတော့ စျေးဆက်တိုက်ကျလာပြီး လက်လီစျေးကွက်မှာ တစ်ပိဿာကို ၆၀၀ ကျပ်အထိ ကျဆင်းလာနေပါတယ်။
ရှမ်းပြည်နယ်အပါအဝင် နယ်ဒေသအစုံမှာ ခရမ်းချဥ်သီးတွေပေါ်ပြီး စျေးကွက်ထဲဝင်ရောက်မှုများနေတာကြောင့် စျေးကျဆင်းလာတာဖြစ်ပါတယ်။
ရှမ်းပြည်နယ်အောင်ပန်းကုန်စိမ်းစျေးကွက်မှာ ခရမ်းချဥ်သီး ဂွတ်သီးတစ်ပိဿာကို ၁၀၀၀ ကျပ်၊ ခရမ်းချဥ်သီး ရှယ်သီးက တစ်ပိဿာကို ၈၀၀ ကျပ်နဲ့ ခရမ်းချဥ်သီးအသေး တစ်ပိဿာ ၆၀၀ ကျပ်သာရှိပါတယ်။
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။
ဆက်စပ်အကြောင်းအရာ၊ မေးခွန်းများနှင့် ဆောင်းပါးများကို ဆက်လက်ဖတ်ရှုနိုင်ပါသည်။
Topic 1
ပြည်တွင်းသီးနှံဈေးကွက်
Topic 2
သီးနှံဈေးကွက်
ဆက်စပ်မေးခွန်းများ
ဂန္ဓပန်းအခုမှစမ်းစိုက်ကြည့်မလို့ပါစိုက်ပျိုးနည်းစနစ်လေးသိချင်လို့ပါခင်ဗျာ
ကိုချမ်း • ဖြေကြားချက် 1 ခု
ကျွန်တော့် ညီ/အကို/မောင်နှမများ ဆရာများ ခင်ဗျ ပဲကြီးစိုက်ပျိုးနည်းလေးရှိရင် မျှဝေ ပေးကြပါအုံးနော်🥰 စိုက်ပျိုးရမည့်အချိန် စိုက်ပျိုးသင့်သော မြေ (ဒေသ) စိုက် ၁ ဧက ဘယ်လောက် နှုန်း စိုက်သင့်လည်း စိုက်ပျိုးပြီး ဘယ်အချိန်တွေမှာ ပေါင်းနုတ်မျက်သင်လုပ်ရလည်း? အားဆေး ကာကွယ်ဆေး ဘယ်အချိန် ဖြန်းသင့်လည်း? စိုက်ပျိုးပြီး ဘယ်နှစ်လအကြာ ရိတ်သိမ်းရမလည်း? ၁ ဧက အထွက်နှုန်းထား ဘယ်လောက်ထွက်လည်း? ဒါတွေတကယ်မသိလို့ မျှဝေပေးပါအုံး🥰😍😍
ကိုအောင်မင်းထွန်း • ဖြေကြားချက် 1 ခု
ချီးပါနေတဲ့အကောင်ပါ2လသားကျော်ကာစပါ အသားရဲတယ်အစာအံနေလို့ပါ
Min Maung • ဖြေကြားချက် 0 ခု
ဘာမြေသြဇာ ကျွေးရမလည်းဗျ
ZawHtwe • ဖြေကြားချက် 1 ခု
နှင်းဆီက ဘာဖြစ်တာလဲ? ပွင့်လာတော့ အပွင့်က မလှဘူး။ အရွက်ကလည်း တွန့်နေတယ်။
Nova Nova • ဖြေကြားချက် 1 ခု
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....
နောက်ဆုံး ဆောင်းပါးများ
More from AMIA
အားလုံး
တစ်ပတ်စာ ဈေးကွက်သုံးသပ်ချက်
09/08/2026
အသံ
ကြက်သွန်နီဈေး တရိပ်ရိပ်တက်နေ
07/08/2026
အသံ
ကြက်တွေနာပြီး သေလို့ ဒေသကြက်တစ်ပိုင်တစ်နိုင်မွေးမြူသူတွေ အခက်ကြုံ
05/08/2026
တစ်ပတ်စာ ပဲမျိုးစုံဈေးကွက်သုံးသပ်ချက် (၂၇ - ၃၁.၇.၂၀၂၆)
03/08/2026
ပြည်ပသို့ ဆန်၊ ဆန်ကွဲတင်ပို့မှု ပင်လယ်ရေကြောင်းတစ်ခုတည်းမှသာ တင်ပို့နေ (မြန်မာ့ဆန်ကို ဖိလစ်ပိုင်က အများဆုံး ဝယ်ယူ)
31/07/2026
