ပဲခူးတိုင်းဒေသကြီးအတွင်း ရေကြီး ရေလျှံမူကြောင့် မိုးစပါးစိုက်ဧက လေးသိန်းခွဲနီးပါး ရေမြုပ်
ပဲခူးတိုင်းဒေသကြီးအတွင်းရှိ ပဲခူး၊ တောင်ငူ၊ ပြည်၊ သာယာဝတီခရိုင်တို့တွင် ရေကြီးရေလျှံမူများကြောင့် ဇူလိုင် ၂၉ ရက်အထိ မိုးစပါးစိုက်ဧက ပေါင်း ဧက ၄၄၄၉၉၀ ရေဝင်နှစ်မြုပ်ခဲ့ကြောင်း စိုက်ပျိုးရေးဦးစီးဌာနမှ သိရသည်။
မိုးစပါး စိုက်ပျိုးသည့် တောင်သူများအနေဖြင့် ဒေသအလိုက် စိုက်ပျိုးချိန် ကွာခြားသော်လည်း တစ်လကျော် သက်တမ်းရှိ ကောက်ပင်များအနေဖြင့် ရေမြုပ်သည့်အခါ တစ်ပတ်ကျော်အထိ ခံနိုင်ရည်ရှိပြီး ယင်းရက်ထက် ရှည်ကြာသွားပါက ပြန်လည် စိုက်ပျိုးရမည်ဖြစ်ကြောင်း စိုက်ပျိုးဦးစီးဌာနမှ တာဝန်ရှိသူ တစ်ဦးက ပြောသည်။
ဇူလိုင်လ ဒုတိယပတ်မှ စတင်၍ နေ့စဉ်မပြတ် ရွာသွန်းခဲ့သော မိုးများကြောင့် မြစ်ရေများ မြင့်တက်ခြင်း၊ ချောင်းများ ရေလျံခြင်းနှင့် တောင်ကျရေများ ဝင်ရောက်ခြင်းတို့ကြောင့် တောင်ငူခရိုင်တွင် ဧက ၅၆၅၂၀၊ ပဲခူးခရိုင်တွင် ၂၈၀၂၄၈ ဧက ၊ ပြည်ခရိုင်တွင် ဧက ၅၈၅၉၀၊ သာယာဝတီခရိုင်တွင် ၄၉၆၃၂ ဧက ရေဝင်နှစ်မြုပ်ခဲ့ပြီး တောင်ငူခရိုင် ကျောက်ကြီး မြို့နယ် တစ်ခုတည်းပင် မုန်းချောင်း၊ ကျောက်ကြီးချောင်းများ ရေလျှံ၍ စစ်တောင်းမြစ်ရေ မြင့်တက်မှုကြောင့် ကျေးရွာအုပ်စု ၃၃ အုပ်စု၊ တောင်သူပေါင်း ၆၅၅၈ ဦး၏ စိုက်ပျိုးပြီး မိုးစပါး ၃၆၃၄၁ ဧက ရေဝင်နှစ်မြုပ်ခဲ့သည်။
“ကျွန်တော်တို့ စိုက်ပျိုးရေးဦးစီးဌာနကတော့ ရေဝင်နှစ်မြုပ် ပျက်စီးသွားတဲ့လယ်တွေ တောင်သူတွေ အချိန်မီ ပြန်လည် စိုက်ပျိုးနိုင်အောင် အစိုးရအဖွဲ့ရဲ့ ညွှန်ကြားမှုနဲ့ ဆောင်ရွက်သွားမှာပါ။ ခုချိန်မှာ ရေဝင်နှစ်မြုပ်တဲ့ မြို့နယ်တွေအတွက် မျိုးတွေရှာဖွေမှုတွေလည်း ဆောင်ရွက်နေပါတယ်" ဟု ကျောက်ကြီးမြို့နယ် ဦးစီးမှူး ဦးစိုးနိုင်က ပြောသည်။
ပြန်လည် စိုက်ပျိုးကြရမည့် တောင်သူများအနေဖြင့်် ပျိုးထောင်စိုက်ပျိုးလျှင် အချိန်မီနိုင်မည် မဟုတ်သည့်အတွက် ပြန်လည်ထွန်ယက်ခြင်း မျိုးစပါး ရှာဖွေခြင်းတို့အတွက် ကုန်ကျစရိတ် အခက်အခဲ များစွာ ကြုံတွေ့နေကြရပြီး မည်ကဲ့သို့ ဆောင်ရွက်ရမည်ကို စဉ်းစား၍ မရသေးကြောင်း ကျောက်ကြီးမြို့နယ် နတ်သံကွင်းမြို့ ရေတွင်းကုန်းကြီး ကျေးရွာမှ ဒေသခံ တောင်သူတစ်ဦးက ပြောကြားသည်။
မြန်မာ့အလင်း (2-8-2018)
Content provider
Greenovator
ဂရင်းနိုဗေတာကုမ္ပဏီကို ၂၀၁၅ ခုနှစ်တွင် စတင်ခဲ့ပြီး ကုမ္ပဏီမှ အစိမ်းရောင်လမ်းအက်ပလီကေးရှင်းအား ထုတ်လုပ်ဖြန့်ဖြုးခဲ့ပါသည်။ စိုက်ပျိုးသူတောင်သူများ စိုက်ပျိုးရေးလုပ်ငန်းများကို စီးပွားရေးလုပ်ငန်းအဖြစ် အမြင်ပြောင်းလဲလာစေရန်အတွက် လိုအပ်သော နည်းပညာဗဟုသုတများ၊ ဈေးကွက်အချက်အလက်များနှင့် စီးပွားရေးလုပ်ငန်းများနှင့် ချိတ်ဆက်လာနိုင်စေရန် အစဉ်တစိုက် ကြိုးစားလျက်ရှိပါသည်။
ဆက်စပ်မေးခွန်းများ
ချီးပါနေတဲ့အကောင်ပါ2လသားကျော်ကာစပါ အသားရဲတယ်အစာအံနေလို့ပါ
Min Maung • ဖြေကြားချက် 0 ခု
ဘာမြေသြဇာ ကျွေးရမလည်းဗျ
ZawHtwe • ဖြေကြားချက် 0 ခု
နှင်းဆီက ဘာဖြစ်တာလဲ? ပွင့်လာတော့ အပွင့်က မလှဘူး။ အရွက်ကလည်း တွန့်နေတယ်။
Nova Nova • ဖြေကြားချက် 1 ခု
ရွှေဘိုပေါ်ဆန်းစပါးကို ယခုသြဂုတ်လထဲ ပျိုးထောင်ပြီး စိုက်လျှင် အစေ့အနှံ အောင်မြင်နိုင်ပါသလား၊ စပါးစိုက်ခင်းနဲ့ပျိုးခင်းတွေ ရေနစ်ပြီး ပျက်စီးမှုတွေကြောင့် အသစ်ပြန်လည်စိုက်ပျိုးဖို့ ပျိုးအပို ရှာရခက်နေကြလို့ မေးကြည့်တာပါ။
Ko Thu • ဖြေကြားချက် 1 ခု
စပါးစစိုက်ပျိုးပြီးပါပြီ ခုချိန်မှစပီး ပြုစုပျိုးထောင်ပုံအဆင့်ဆင့်ကို သင်ပြပေးပါဆရာတို့ဗျာ
Min Min Thant • ဖြေကြားချက် 1 ခု
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....
နောက်ဆုံး ဆောင်းပါးများ
More from အစိမ်းရောင်လမ်း
အားလုံး
ဗီဒီယို
စိုက်ချိန်ရိတ်ချိန်ဖြေပေးရင်း .. ဖုန်းဘေလ်ကံစမ်းကြမယ်
04/08/2026
ဗီဒီယို
သီးနှံအထွက်နှုန်းကောင်းသော စိုက်ခင်းများအတွက် ကျန်းမာသောမြေဆီလွှာ (▶️ ဗွီဒီယို)
14/07/2026
တောင်သူ ၅ သောင်းကျော်ထံသို့ ဟင်းသီးဟင်းရွက်စိုက်ပျိုးနည်းပညာများ အစိမ်းရောင်လမ်းမှ တဆင့်မျှဝေပေးခဲ့တဲ့ မြားနီနည်းပညာပေးရေးအဖွဲ့
29/05/2026
မေလ (၁၅) - ၁၈) ရက်အတွင်း မြန်မာနိုင်ငံတစ်ဝန်း မိုးတိမ်တောင်များ ဖြစ်ထွန်းမှု အားကောင်းနေ
15/05/2026
ကျန်းမာပျော်ရွှင်ပါစေ.. အမေ
10/05/2026
