တစ်ပတ်စာ သီးနှံဈေးကွက်သုံးသပ်ချက် (၁ - ၅.၉. ၂၀၂၅)
မတ်ပဲ
စျေးဆက်တိုက်ကျခဲ့တဲ့ မတ်ပဲက ယခုတစ်ပတ်မှာ စျေးပြန်တက်လာပြီး တစ်တန်ကို ၂၉ သိန်းကျော်အထိ ဖြစ်လာပါတယ်။ ရွှေစျေးဒေါ်လာစျေး ပြန်ပြီးမြင့်တက်လာမှုနဲ့အတူ FOB စျေးလည်းမြင့်လာတဲ့အတွက် မတ်ပဲစျေးပြန်လည်မြင့်တက်လာတာဖြစ်ပါတယ်။ FOB စျေးက အမေရိကန်ဒေါ်လာ ၇၀၅ မှ ၇၁၅ ပြန် ရှိလာပါတယ်။ နယ်စျေးကွက်မှာလည်း မတ်ပဲတစ်တင်းကို ၉၄၅၀၀ ကျပ်ရှိပါတယ်။
ရန်ကုန်ဘုရင့်နောင်ဈေးကွက်မှာ တနင်္လာနေ့ မှာ ၂၈၉၀၀၀၀၊ အင်္ဂါနေ့မှာ ၂၈၉၂၀၀၀ ၊ ဗုဒ္ဓဟူးနေ့မှာ ၂၉၀၃၀၀၀ ၊ ကြာသပတေးနေ့မှာ ၂၉၁၅၀၀၀၊ သောကြာနေ့မှာတော့ ၂၉၆၀၀၀၀ စျေးတန်းရှိပါတယ်။
အရင်တစ်ပတ်က မတ်ပဲ FAQ တစ်တန်ကို တနင်္လာမှ သောကြာနေ့အတွင်း ၂၈၈၀၀၀၀ မှ ၂၈၉၂၀၀၀ ကျပ်ရှိခဲ့တာကြောင့် တစ်ပတ်အတွင်းမှာ တစ်တန်ကို ၆၀၀၀၀ ကျပ်လောက် စျေးပြန်တက်လာပါတယ်။
ပဲစင်းငုံ
ပဲစင်းငုံကတော့ အခုတစ်ပတ်မှာ စျေးတန်းထပ်ကျကျသွားပါတယ်။ အရင်အပတ်နဲ့ယှဥ်ရင် တစ်တန်ကို ၂၀၀၀၀ ကျော်လောက် ထပ်မံစျေးကျဆင်းလာတာဖြစ်ပါတယ်။ ပဲစဥ်းငုံကတော့ ပြည်ပအဝယ်နည်းပြီး စျေးက FOB စျေးလည်းထပ်ကျလာပြီး ယခုတစ်ပတ်မှာ ၆၂၀ မှ ၆၃၀ ကျပ်အထိ ကျသွားပါတယ်။
ရန်ကုန်ဘုရင့်နောင် ကုန်စည်ဒိုင်မှာ တနင်္လာနေ့က ၂၅၃၇၀၀၀၊ အင်္ဂါနေ့မှာ ၂၅၂၂၀၀၀၊ ဗုဒ္ဓဟူးနေ့မှာ ၂၅၀၅၀၀၀ကျပ်၊ ကြာသပတေးမှာ ၂၅၁၀၀၀၀၊ သောကြာနေ့မှာ ၂၅၃၁၀၀၀ စျေးတန်းရှိပါတယ်။
အရင်တစ်ပတ်တုန်းက တနင်္လာနေ့ကနေ သောကြာနေ့မှာဆိုရင် ပဲစင်းငုံနီတစ်တန်ကို ၂၅၂၀၀၀၀ မှ ၂၅၆၄၀၀၀ ကျပ်ရှိခဲ့ပါတယ်။
ကုလားပဲ
ပြည်တွင်းစားသုံးမှုပဲဖြစ်တဲ့ ကုလားပဲက ယခုတစ်ပတ်မှာ စျေးပြန်တက်လာပါတယ်။ ဝယ်လိုအားရှိလာပြီး စားသုံးမှုရှိခြင်း ၊ ပဲခွဲစက်တွေက အဝယ်ရှိခြင်းကြောင့် စျေးပြန်တက်လာတာဖြစ်ပါတယ်။
မန္တလေးကုန်စည်စျေးကွက်မှာ ကုလားပဲ (V2) သုံးတင်ဝင် တစ်အိတ်ကို ၂၅၅၀၀၀ ကျပ်၊ ကုလားပဲ (V7) က ၂၄၅၀၀၀ မှ ၂၄၇၀၀၀ ကျပ်၊ ကုလားပဲ (929) က ၂၄၄၀၀၀ ကျပ်ရှိခဲ့ပြီး ကုလားပဲထိုင်ဝမ်က ၂၃၈၀၀၀ မှ ၂၄၀၀၀၀ ကျပ်ရှိပါတယ်။ အရင်တစ်ပတ်နဲ့ယှဥ်ရင် ပဲအမျိုးအစားအလိုက် တစ်အိတ်ကို ၂၀၀၀ မှ ၅၀၀၀ ကျပ်စျေးပြန်တက်လာ ပါတယ်။
ပြောင်း
ပြောင်းဆံကတော့ ယခုတစ်ပတ်မှာ စျေးအကျပြလာပါတယ်။ ထိုင်းကိုအခွန်ကင်းလွတ်ခွင့်နဲ့ ပြောင်းဆံတင်ပို့ခွင့် ကုန်ဆုံးသွားပြီဖြစ်တာကြောင့် မြန်မာ့ပြောင်းစျေးလည်း ကျဆင်းသွားတာဖြစ်ပါတယ်။ စျေးတန်းကျပေမယ့် ပြောင်းအခြောက်အသန့်တွေက အရောင်းအဝယ် ပုံမှန်ရှိနေတယ်လို့သိရပါတယ်။
မန္တလေးကုန်စည်စျေးကွက်မှာ ပြောင်း ( ရှမ်း) ကတော့ ၈၁၀၀၀ မှ ၈၂၀၀၀ ကျပ်၊ ပြောင်း ( CP) က ၈၁၀၀၀ မှ ၈၂၀၀၀ ကျပ်သာရှိ ပါတယ်။ တစ်အိတ်ကို ၄၀၀၀ မှ ၅၀၀၀ကျပ် ကျလာတာဖြစ်ပါတယ်။
ရန်ကုန်ဘုရင့်နောင်စျေးကွက်မှာလည်း ပြောင်းတစ်ပိဿာကို ၁၆၀၀ ကျပ်မှ ၁၆၂၀ ကျပ် စျေးတန်းသာရှိပါတယ်။
ပဲတီစိမ်း
ပို့ကုန်ပဲ ဖြစ်တဲ့ပဲတီစိမ်းကလည်း အခုတစ်ပတ်မှာစျေးပြန်ပြီးအတက်ပြလာတာတွေ့ရပါတယ်။ ပဲတီစိမ်းမျိုးပဲ ရောင်းဝယ်ချိန်ဖြစ်သလို ဒေါ်လာစျေးနှုန်းနဲ့ ရွှေစျေးပြန်တက်လာတာကြောင့် ဖြစ်တယ်လို့သိရပါတယ်။ လက်ရှိစျေးကွက်ထဲကို ခရမ်းရွှေဝါပဲတီစိမ်းတွေဝင်ရောက်မရှိဘဲ တခြားပဲတီစိမ်းအမျိုးအစားတွေသာဝင်ရောက်မှုရှိနေပါတယ်။
မန္တလေးကုန်စည်ဒိုင်မှာ ယခုတစ်ပတ် ပဲတီစိမ်း ၅၆.၂၅ ပိဿာကို ၂၈၀၀၀၀ မှ ၃၂၀၀၀၀ ကျပ်သာရှိပါတယ်။ အရင်တစ်ပတ်ကထက် ၁၀၀၀၀ ကျပ်ပြန်တက်လာပါတယ်။
AMIA (ဈေးကွက်နှင့် သတင်းအေဂျင်စီ)မှ အစိမ်းရောင်လမ်းဆော့ဝဲသို့ ပေးပို့ထားသော အစိမ်းရောင်လမ်း၏ မူပိုင်ဆောင်းပါးဖြစ်သဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။
ဇော်မျိုး
လွန်ခဲ့သော ၁၀ လ ကစပါးဈေးကွက်တင်ပေးပါအုံး
ကျား
လွန်ခဲ့သော ၁၁ လ ကစပါးစျေးကွက်တင်ပေးပါအုန်း
ဆက်စပ်မေးခွန်းများ
ချီးပါနေတဲ့အကောင်ပါ2လသားကျော်ကာစပါ အသားရဲတယ်အစာအံနေလို့ပါ
Min Maung • ဖြေကြားချက် 0 ခု
ဘာမြေသြဇာ ကျွေးရမလည်းဗျ
ZawHtwe • ဖြေကြားချက် 0 ခု
နှင်းဆီက ဘာဖြစ်တာလဲ? ပွင့်လာတော့ အပွင့်က မလှဘူး။ အရွက်ကလည်း တွန့်နေတယ်။
Nova Nova • ဖြေကြားချက် 1 ခု
ရွှေဘိုပေါ်ဆန်းစပါးကို ယခုသြဂုတ်လထဲ ပျိုးထောင်ပြီး စိုက်လျှင် အစေ့အနှံ အောင်မြင်နိုင်ပါသလား၊ စပါးစိုက်ခင်းနဲ့ပျိုးခင်းတွေ ရေနစ်ပြီး ပျက်စီးမှုတွေကြောင့် အသစ်ပြန်လည်စိုက်ပျိုးဖို့ ပျိုးအပို ရှာရခက်နေကြလို့ မေးကြည့်တာပါ။
Ko Thu • ဖြေကြားချက် 1 ခု
စပါးစစိုက်ပျိုးပြီးပါပြီ ခုချိန်မှစပီး ပြုစုပျိုးထောင်ပုံအဆင့်ဆင့်ကို သင်ပြပေးပါဆရာတို့ဗျာ
Min Min Thant • ဖြေကြားချက် 1 ခု
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....
နောက်ဆုံး ဆောင်းပါးများ
More from AMIA
အားလုံး
တစ်ပတ်စာ ဈေးကွက်သုံးသပ်ချက်
09/08/2026
အသံ
ကြက်သွန်နီဈေး တရိပ်ရိပ်တက်နေ
07/08/2026
အသံ
ကြက်တွေနာပြီး သေလို့ ဒေသကြက်တစ်ပိုင်တစ်နိုင်မွေးမြူသူတွေ အခက်ကြုံ
05/08/2026
တစ်ပတ်စာ ပဲမျိုးစုံဈေးကွက်သုံးသပ်ချက် (၂၇ - ၃၁.၇.၂၀၂၆)
03/08/2026
ပြည်ပသို့ ဆန်၊ ဆန်ကွဲတင်ပို့မှု ပင်လယ်ရေကြောင်းတစ်ခုတည်းမှသာ တင်ပို့နေ (မြန်မာ့ဆန်ကို ဖိလစ်ပိုင်က အများဆုံး ဝယ်ယူ)
31/07/2026
