ဂျုံ၊ နှမ်း၊ ငရုတ်၊ ကြက်သွန်တို့၏ တစ်ပတ်အတွင်းဈေးကွက်သုံးသပ်ချက်
၂.၁၀.၂၀၂၃ မှ ၆.၁၀.၂၀၂၃ အထိ ဈေးကွက်သုံးသပ်ချက်ဖြစ်ပါတယ်။
ဂျုံ
ဆက်တိုက်အမြင့်ဈေးနဲ့ရှိနေတဲ့ ဂျုံဈေးက ဈေးပြန်ကျဆင်းသွားပါတယ်။ဈေးကွက်ထဲ ပြည်ပကနေ အဝင်ရှိနေတာဖြစ်တဲ့အတွက် အနည်းငယ်ကျဆင်းသွားတာ ဖြစ်ပြီး အရောင်းအဝယ်လည်း အေးနေတယ်လို့ သိရပါတယ်။
မန္တလေးဈေးကွက်မှာ ဂျုံ(မျိုးစုံ) တစ်အိတ် ကို ၁၇၀၀၀၀ မှ ၂၁၀၀၀၀ ရှိပြီး တစ်အိတ်ကို ၅၀၀၀ ကျပ်ဈေးကျဆင်းသွားပါတယ်။
ကြက်သွန်နီ
ကြက်သွန်နီကတော့ နယ်စုံကနေ အဝင်များ အဝင်သွက်နေတဲ့အတွက် ဈေးအတက်အကျရှိနေပေမယ့် အများကြီး ဈေးကျဆင်းသွားတာမျိုး မရှိပါဘူး။ နေ့စဉ် ဈေးကွက်ထဲကို ပိဿာချိန် တစ်သိန်းအထက် ဝင်ရောက်မှု ရှိနေပါတယ်။
ရန်ကုန်ဈေးကွက်မှာ ကြက်သွန်နီ (ဆိပ်ဖြူ၊ ပခုက္ကူ၊ မြင်းခြံ၊ တောင်သာ)တို့က တစ်ပိဿာကို ၂၁၅၀ မှ ၃၀၀၀ ကြား ရှိနေပြီး တစ်ပိဿာကို ၁၀၀ ကျပ်ဈေး ကျဆင်းသွားပါတယ်။
ကြက်သွန်ဖြူ
ကြက်သွန်ဖြူ(ကြူကုတ်)ကတော့ ဆက်တိုက်ဈေးကျဆင်းနေပါတယ်။ ဈေးကွက်ထဲကို အဝင်များနေပြီး ပြည်တွင်းကြက်သွန်တွေ လည်း အဝင်ရှိနေတဲ့အတွက် ဈေးကျဆင်းနေတာ ဖြစ်တယ်လို့သိရပါတယ်။
ရန်ကုန်ဘုရင့်နောင်ဈေးကွက်မှာ တစ်ပိဿာကို ၇၁၀၀ မှ ၇၂၀၀ ရှိပြီး တစ်ပိဿာကို ၃၀၀ ကျပ်ဈေး ကျဆင်းသွားပါတယ်။
ရှမ်းကြက်သွန်ကတော့ ဝယ်လိုအား ကောင်းပြီး ဈေးအနည်းငယ်မြင့်တက်လာပါတယ်။ တစ်ပိဿာကို ၇၃၀၀ မှ ၈၇၀၀ ရှိပြီး တစ်ပိဿာကို ၁၀၀ ကျပ်ဈေးတက်လာတာပါ။
ငရုတ်
ငရုတ်ကတော့ ပြည်ပဝယ်လိုအား မရှိတဲ့အတွက်ဈေးက ဆက်တိုက်ကျဆင်းနေခဲ့ပါတယ်။ ပြီးခဲ့တဲ့ စက်တင်ဘာလအထိ ဈေးငြိမ်နေခဲ့တာ ဖြစ်ပြီး အောက်တိုဘာလဆန်းပိုင်းက စတင်ကာ ဈေးတွေ ကျဆင်းသွားတာ ဖြစ်ပါတယ်။ ထိုင်းနိုင်ငံကို တင်ပို့မှုတွေ ရှိနေပေမယ့် လက်ရှိမှာတော့ တင်ပို့မှု နည်းပြီး ဈေးကျဆင်းသွားတာ ဖြစ်တယ်လို့ သိရပါတယ်။
ရန်ကုန်ဈေးကွက်မှာ ငရုတ်(ပန်းရဲ) က တစ်ပိဿာကို ၇၀၀၀ မှ ၉၀၀၀ ကျပ်ရှိပြီး တစ်ပိဿာကို ၂၀၀၀ ကျပ်၊ ငရုတ်(မျှားနီ)ကလည်း တစ်ပိဿာကို၇၀၀၀ မှ ၉၀၀၀ ကျပ်ရှိပြီး တစ်ပိဿာကို ၂၀၀၀ ကျပ်၊ ငရုတ်(အိမ်မဲ)ကလည်း တစ်ပိဿာကို ၆၀၀၀ မှ ၇၀၀၀ ရှိပြီး တစ်ပိဿာကို ၂၀၀၀ ကျပ် အသီးသီး ဈေးကျဆင်းသွားခဲ့တာဖြစ်ပါတယ်။
ဆင်ဖြူကျွန်း(ပု) နှင့် မြစ်ဝကျွန်းပေါ် (ပု)တို့ ကတော့ တစ်ပိဿာကို ၁၄၀၀၀ မှ ၁၆၀၀၀ ကျပ်ရှိပြီး ဈေးငြိမ်နေပါတယ်။
နှမ်းစျေးကွက်
နှမ်းမျိုးစုံဈေးကွက်ကတော့ တရုတ်ဝယ်လက်ပေါ်မူတည်ပြီး ဈေးအတက်အကျ အနည်းငယ်ရှိနေပါတယ်။ တရုတ်ပွဲတော်ကာလ ဖြစ်တဲ့အတွက် အရောင်းအဝယ်အနည်းငယ်သွက်နေပြီး ဈေးကတော့အများကြီး ကျဆင်းသွားတာမျိုးမရှိဘူးလို့ ဆိုပါတယ်။
မန္တလေးဈေးကွက်မှာ နှမ်းနက်(စမုံ)က တစ်အိတ်ကို ၂၈၅၀၀၀ မှ ၃၅၀၀၀၀ ပေါက်ဈေးရှိပြီး တစ်အိတ်ကို ၁၅၀၀၀ ကျပ်ဈေးတက်လာပါတယ်။
နှမ်းဖြူ(ဂျပန်)ကတော့တစ်အိတ်ကို ၃၅၅၀၀၀ မှ ၃၇၀၀၀၀ ရှိပြီး တစ်အိတ်ကို ၂၀၀၀၀ နီးပါးဈေးတက်လာပါတယ်။ နှမ်းဖြူ(ရိုးရိုး)ကတော့ တစ်အိတ်ကို ၃၄၅၀၀၀ မှ ၃၆၅၀၀၀ ရှိပြီး တစ်အိတ်ကို ၃၀၀၀ ကျပ်ဈေးမြင့်တက်လာခဲ့ပြီး နှမ်းညိုကတေ့ာ ဈေးကွက်ထဲ အဝင်များနေပြီး အဝယ်မသွက်တဲ့အတွက် ဈေးက ကျဆင်းသွားပါတယ်။ တစ်အိတ်ကို ၂၈၀၀၀၀ မှ ၂၈၅၀၀၀ ရှိပြီး တစ်အိတ်ကို ၅၀၀၀ ကျပ်ဈေးကျ ဆင်းသွားတာပဲဖြစ်ပါတယ်။
စိုက်ပျိုးရေးဈေးကွက်သတင်းအေဂျင်စီ (AMIA) က ပေးပို့လာသည့်အတိုင်း ပြန်လည်ဖော်ပြခြင်းပဲဖြစ်ပါတယ်။
(အခြားကုန်စည်နှင့်သီးနှံဈေးနှုန်းများ သိရှိလိုပါက Green Way App ရှိ ' သီးနှံဈေးနှုန်းများ ' ကဏ္ဍတွင် ဝင်ရောက်ကြည့်ရှုနိုင်ပါသည်။)
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
ဆက်စပ်အကြောင်းအရာ၊ မေးခွန်းများနှင့် ဆောင်းပါးများကို ဆက်လက်ဖတ်ရှုနိုင်ပါသည်။
Topic 1
ပြည်တွင်းသီးနှံဈေးကွက်
ကိုမျိုး
လွန်ခဲ့သော ၂ နှစ် ကနှမ်းနက် စျေးကတက်ဖိုအလားလာရှိပါသလာခင်ဗျာ
sukyawsu
လွန်ခဲ့သော ၂ နှစ် ကyes...
ဆက်စပ်မေးခွန်းများ
ချီးပါနေတဲ့အကောင်ပါ2လသားကျော်ကာစပါ အသားရဲတယ်အစာအံနေလို့ပါ
Min Maung • ဖြေကြားချက် 0 ခု
ဘာမြေသြဇာ ကျွေးရမလည်းဗျ
ZawHtwe • ဖြေကြားချက် 0 ခု
နှင်းဆီက ဘာဖြစ်တာလဲ? ပွင့်လာတော့ အပွင့်က မလှဘူး။ အရွက်ကလည်း တွန့်နေတယ်။
Nova Nova • ဖြေကြားချက် 1 ခု
ရွှေဘိုပေါ်ဆန်းစပါးကို ယခုသြဂုတ်လထဲ ပျိုးထောင်ပြီး စိုက်လျှင် အစေ့အနှံ အောင်မြင်နိုင်ပါသလား၊ စပါးစိုက်ခင်းနဲ့ပျိုးခင်းတွေ ရေနစ်ပြီး ပျက်စီးမှုတွေကြောင့် အသစ်ပြန်လည်စိုက်ပျိုးဖို့ ပျိုးအပို ရှာရခက်နေကြလို့ မေးကြည့်တာပါ။
Ko Thu • ဖြေကြားချက် 1 ခု
စပါးစစိုက်ပျိုးပြီးပါပြီ ခုချိန်မှစပီး ပြုစုပျိုးထောင်ပုံအဆင့်ဆင့်ကို သင်ပြပေးပါဆရာတို့ဗျာ
Min Min Thant • ဖြေကြားချက် 1 ခု
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....
နောက်ဆုံး ဆောင်းပါးများ
More from AMIA
အားလုံး
တစ်ပတ်စာ ဈေးကွက်သုံးသပ်ချက်
09/08/2026
အသံ
ကြက်သွန်နီဈေး တရိပ်ရိပ်တက်နေ
07/08/2026
အသံ
ကြက်တွေနာပြီး သေလို့ ဒေသကြက်တစ်ပိုင်တစ်နိုင်မွေးမြူသူတွေ အခက်ကြုံ
05/08/2026
တစ်ပတ်စာ ပဲမျိုးစုံဈေးကွက်သုံးသပ်ချက် (၂၇ - ၃၁.၇.၂၀၂၆)
03/08/2026
ပြည်ပသို့ ဆန်၊ ဆန်ကွဲတင်ပို့မှု ပင်လယ်ရေကြောင်းတစ်ခုတည်းမှသာ တင်ပို့နေ (မြန်မာ့ဆန်ကို ဖိလစ်ပိုင်က အများဆုံး ဝယ်ယူ)
31/07/2026
