သရက်ရွက်ဖုပိုးသည် ကမ္ဘာတစ်ဝန်းကသရက်ခင်းများတွင် တွေ့ရများသော ယင်အငယ်စားလေးတွေဖြစ်ပါသည်။ ရွက်ဖုပိုးသားလောင်းအဆင့်သည် အပင်ရဲ့တစ်ရှူးများအတွင်းစားသောက်သောကြောင့် အရွက်၊ ပန်းပွင့်၊ အညွှန့်များနှင့် အသီးများပေါ်တွင် မူမမှန် အဖုပုံစံလေးများကိုတွေ့ရပါမည်။ 

ဘဝစက်ဝန်း

အမများသည် အရွက်၏အောက်မျက်နှာပြင်တွင် ဥများ ချသည်။ ဥချပြီး ၂-၃ ရက်တွင်အကောင်ပေါက်ပါသည်။ အကောင်ပေါက်ပြီး သားလောင်းများသည် အရွက်သားများကိုစားသောက်ဖျက်စီးသည်။ သားလောင်းအဆင့်တွင် အဝါရောင်ဖြစ်ပြီး ၁-၁.၂ မီလီမီတာရှည်လျားပါသည်။ အရွယ်ရောက်သားလောင်းများသည် ရုပ်ဖုံးအဆင့်အတွက် မြေထဲသို့ဆင်းသက်ပါသည်။ သားလောင်းအဆင့်တွင် ၇-၁၀ ကြာပြီး ရုပ်ဖုံးအဆင့်တွင် ၅-၆ ရက်ကြာပါသည်။

အကောင်ကြီးများသည် အလွန်သေးငယ်ပါသည် အရှည်အားဖြင့် ၁-၂ မီလီမီတာ လောက်ရှိပါသည်။ ဖျက်ပိုးသည် ခြင်နဲ့ဆင်တူပါသည်။

ဖျက်ဆီးနိုင်သောအပင်အစိတ်အပိုင်းများနှင့်အပင်သက်တမ်းအဆင့်

အပင်ကြီးထွားသည့်အဆင့်တိုင်းတွင် ကျရောက်နိုင်ပါသည်။ သားလောင်းများသည် အရွက်အတွင်းသားများထဲဝင်ပြီး တစ်ရှူးများကိုစားသောက်ပါသည်။ ဖျက်ဆီးစားသောက်ခံရသောအရွက်များပေါ်တွင် ကြွက်နို့ကဲ့သို့ အဖုများကိုတွေ့ရပါမည်။ ဖျက်ဆီးခံရပြီး ၇ ရက်အတွင်း လက္ခဏာကိုတွေ့ရပြီး ဆိုးရွားစွာကျရောက်ပါက အရွက်များတွန့်ပြီး ကြွေကျတတ်ပါသည်။ ခံနိုင်ရည်မရှိသော အကိုင်းအခက်များသည် ခြောက်၍သေဆုံးနိုင်ပါသည်။ အရွက်ဒဏ်ရာများမှ မှိုရောဂါများလည်းဝင်ရောက်နိုင်ပါသည်။ အသီးနုများတွင်တိုက်ခိုက်ခံရလျှင် အပေါက်များသည် အသီး၏အောက်ဘက်ခြမ်းပန်းခိုင်နှင့်တွယ်ဆက်သည့်နေရာများတွင်တွေ့ရနိုင်ပါသည်။ ဆိုးရွာစွာကျရောက်ပါက အသီးအထွက်နှုန်းလျော့ကျစေပါသည်။

ပျံ့နှံ့ပုံ

ပျံသန်းနိုင်တဲ့အတွက် သရက်ပင်တစ်ပင်မှ တစ်ပင်ဖို့ကူးဆက်ပျံ့နှံ့ဖို့လွယ်ကူပါသည်။ လေပြင်းသောအခါ ပျံ့နှံ့မှုအားကောင်းပါသည်။ နောက် လူမှတစ်ဆင့် စိုက်ခင်းသုံးကိရိယာများမှတစ်ဆင့် ကူးဆက်နိုင်ပါသည်။

ကာကွယ်နှိမ်နင်းခြင်း

ခံနိုင်ရည်မျိုးများကို အသုံးပြုပါ။ အခင်းကို ပေါင်မြက်အပင်အကျွန်းအကျန်များရှင်းလင်းပေးပါ။ ကိုင်းချိုင်ပေးပါ။ ဖျက်ပိုးကျရောက်မှုလျော့ချနိုင်တဲ့ သီးနှံပင်များနှင့် သီးညှပ်စိုက်ပျိုးပါ။ ဖျက်ဆီးခံထားရသောအပင်များကို တစ်ခြားသန့်ရှင်းသောနေရာများသို့ ရွေ့ပြောင်းခြင်းမလုပ်ပါနှင့်။ အဝါရောက်ကော်ထောင်ချောက်များအသုံးပြုပြီး အကောင်ကြီးများကို ဖမ်းနိုင်ပါသည်။

ကိုးကား- https://www.greenlife.co.ke/mango-gall-midge-and-all-you-need-to-know/

https://www.business.qld.gov.au/industries/farms-fishing-forestry/agriculture/crop-growing/priority-pest-disease/mango-leaf-gall-midge

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။