မောင်နီပြောတဲ့ ပိုးသတ်ဆေးအန္တရာယ်ကင်းအောင် အသုံးပြုနည်း
“ငရဲ ငရဲ ဘယ်တုန်းဟ ဆေးပုံးကြီးဝယ်လာတာလား”
“အော် ဖျန်းပုံးက အရင်ပတ် မြို့တက်တုန်းက ဝယ်ထားတာကြာပြီ ဈေးတွေကလည်း ဗျာ
ခုက အခင်းသွားမလို့၊ ပေါင်းလေး ဘာလေး ရှင်းဖို့ ဖျန်းမလို့ဗျာ”
“ဒါပဲလားဟ”
“အင်းလေ ခဏပဲဖျန်းရမှာဆိုတော့ ဘာမှယူမနေတော့ဘူးလေ ကိုမောင်နီ၊ အမကတော့ တောဝက်သားချက်ထားမယ်ပြောတာပဲ အပြန်ကျမှ ဝါးတီး”
“မင့် ဝါးတီးပြောတာမဟုတ်ဘူးဟ၊ မင်းအသက် ဘယ်နှနှစ်လဲ”
“၂၆”
“အေး ငယ်ငယ်ရွယ်ရွယ်လေးရှိသေးတာ လာဦး မင်း လာဦး”
“ဗျာ”
“လာဟ ဒီမှာ ဒါတွေယူသွား”
“ရော့ လက်အိတ် - မင်း လက်အရေပြားကလည်း ဆေးစိမ့်သဗျာ၊ လက်စည်းဖို့ သားရေပင်ပါ ယူ”
ဒါက - ဖိနပ်၊ ဖိနပ်က ငှားပဲငှားတာနော် ငါ့မလဲ တစ်ရံပဲရှိတာ၊ အပြန်ဝင်လာပို့၊ ဒီမှာ နှာခေါင်းစည်း”
“နေပါဦးဗျာ ပေါင်းဆေးသွားဖျန်းမှာကို ကိုမောင်နီ ဘာတွေပေးနေတာလဲ”
“ အေး မင့်ဟာက ရေနွေးသွားလောင်းမှာမှ မဟုတ်တာ၊ ဆေးသွားဖျန်းမှာ
ဆေးတွေက ဓာတုတွေကွာ၊ လူတွေက အရေပြားတို့ဘာတို့ကနေ၊ မင်းခန္ဓာကိုယ် ကလည်း ငါတို့ မသိပဲ စုပ်ယူလိုက်တာရှိတယ်၊ အနံ့တွေ ရှုမိတာရှိတယ်၊ ၊ ကြာလာရင် အမောမခံနိုင်တာ၊ ခေါင်းကိုက်တာ၊ အန်တာတွေဖြစ်လာမှာ၊ ချက်ချင်းခံရတဲ့ ဆေးတွေတောင်ရှိတယ် ငါ့ကောင်၊ မဖြစ်သေးလို့ဟေ့ ဖြစ်လာရင် မင့် ခံရမှာရယ် အဲ့ဒါတောင် ဆေးဖျန်းတာကွာ လက်က ဆေးပေနေတာကို မုန့်စားတဲ့ကောင်နဲ့၊ ကွမ်းနှိုက်၊ ဆေးလိပ်သောက်တဲ့ ကောင်တွေမြင်ရင် ငါ့မယ် ပြေးသာ လုပ်ချင်တာ”
“ ကိုမောင်နီ ပြောခါမှပဲ”
“အေး ပေါ့ပေါ့လေးမဟုတ်ဘူးဟ
ခေါင်းကိုက်မယ်၊ နှာခေါင်းပြဿနာတွေ၊ အသက်ရှုမဝတာတွေ၊ အန်တာ၊ ဝမ်းလျှောတာ၊ မင်း မျက်စိတွေ ယောင်ကိုင်းတာလို ဆေး အလိုက်ကွာ ဖြစ်တာက ကုရသေး
နည်းနည်းလေးများ များလာရင်တော့ မင်း လူတိုင်းကို မကြည်တော့ဘူးဟျောင့် - မျက်စိတွေ ဝေဝါးလာမယ်၊ ချွေးတွေ တံတွေးတွေ လိုတာထက်ကို ပိုထွက်မယ်၊ အသက်ရှုရခက်တာ၊ ကြွက်သားတွေ အားနည်းတာ၊ အကြောဆွဲတာတွေ၊ ဗိုက်နာ၊ ဗိုက်အောင့်မယ်ကွာ
အဲ့ထက်များ ဂိတ်ဆုံးလို့ကတော့ အတက်ရောဂါ ဝင်မယ်ကွာ၊ သတိလစ်မယ်၊ အသက်ကိုရှုမရတော့ဘူးကွာ ငါပြောတာ သဘောပေါက်လား အဲ့အထိရောက်မှာ
ဒါတောင် မြုံတာ မပါသေးဟ။
တစ်ချို့ ဆေးတွေကို ပိတ်ပင်တယ်ဆိုတာ မင်းတင်မကဘူး မင်းမွေးလာမဲ့ ကလေးတွေအထိပါ အင်္ဂါမပြည့်မစုံမွေးလာတာမျိုး၊ နေ့မစေ့လမစေ့ပဲ မွေးလာတာမျိုးအထိကွာ မျိုးဆက်တွေထိကို လိုက်တဲ့ဆေးတွေမို့ ပိတ်တာ”
“ ကိုမောင်နီကြီး ကျုပ် အိမ်ပဲ ပြန်တော့မယ်ဗျာ”
“ဟေ၊ နေပါဦး၊ မင့်ဝက်သားက မကျက်လောက်သေးဘူး”
“ ယူစရာရှိတာ ပြန်ယူမလို့ပါဗျာ၊ ကိုမောင်နီကြီး ပြောခါမှ ကျုပ် အတော်လန့်လာပြီ”
“အော် အေးအေး ယူချေ၊
လက်အိတ်ကွာ - ရေမဝင်တဲ့ လက်အိတ်နော်
မင်း မိုးကာရှည်ရှိရင် အဲ့ဒါဝတ်၊
ဦးထုပ်လည်းဆောင်းကွ၊ ခေါင်းစင်ရင် ခေါင်းကလည်းဝင်တယ်။
နဖူးစည်း မျက်မှန်က ငါပေးလိုက်မယ်။ မြို့က ဆိုင်မှာများကြီးမို့ ငါတောင်းလာတာ
လည်ရှည်ဖိနပ်စီး၊ mask တပ်လိုက်
အဲ့ဒါဆို အိုကေပဲကွ”
“ ရပြီလား အဲ့ဒါဆို”
“နေဦးဟ၊ ငါတို့ပဲနေတာမှမဟုတ်တာ ပတ်ဝန်းကျင်ဆိုတာရှိသေးတယ်”
“ဗျာ”
“မင့် အဲ့မျက်နှာကြီးလုပ်မနေနဲ့၊ ငါ ရှင်းပြမယ်၊ ပေါင်းတွေ ပိုးတွေ သေစေတဲ့ ဆေးကွာ၊ မင့် လူအတွက်တောင် ဒီလောက်ကြောက်စရာကောင်းတာ၊ တစ်ခြား အကောင်ပလောင်တွေရှိတဲ့ ငါတို့ ပတ်ဝန်းကျင်ကိုလည်း မထိအောင် တာဝန်ရှိရှိနဲ့ သုံးရမှာပေါ့
ဆေးဖျန်းပုံးကို ပြောင်အောင် ပြန်ဆေးရမယ် - ချောင်းနား မြောင်းနား မဆေးရဘူးနော်။
ဆေးဘူးခွံတွေ အိတ်ခွံတွေ ပစ်တဲ့အချိန်ကျ ထိုးဖောက်ပစ်ရမယ်။ ကောက်ပြီး ဟိုဟာထည့် ဒီဟာထည့်တွေ လုပ်မရအောင်လို့ ဖောက်ပစ်ခိုင်းတာကွာ
ပစ်ရင်လည်း မြေမြုပ်တဲ့နည်းနဲ့ ပစ်ရမယ်၊ ကျင်းတူးပီး စုထားတာဖြစ်ဖြစ် လုပ်ထားရမှာ
ဆေးဖျန်းပြီးတဲ့ မင်းဆီက မိုးကာတွေ အဝတ်တွေ အကုန် လျှော်ပြီး လူပါ ရေချိုးရမှာ
အဲ့ဒါမှ ငါတို့ လည်းကျန်းမာ၊ ငါတို့နေတဲ့ ကမ္ဘာကြီးလည်း ကျန်းမာတာပေါ့ဟ”
“ ပြန်လိုက်ဦးမယ်ဗျာ သွားယူဦးမယ် ကျုပ်က မိန်းမ မရသေးဘူးဗျ”
“အေး ငှက်ပျောသီးလေးတော့ စားသွား၊ မင့်ဝက်သားက အပြန်ကျ စား၊ ထွက်မပြေးပါဘူးဟ။
မိန်းမလည်း ရမှာပါ၊ မင်းကို ဟိုကလေးမ ပြန်ကြိုက်ရင်ပေါ့”
“ကိုမောင်နီကြီးကလည်းဗျာ…..”
မြားနီနည်းပညာပေးရေးအဖွဲမှ အစိမ်းရောင်လမ်းမိုဘိုင်းဖုန်းဆော့ဝဲသို့ ပေးပို့ထားသော မူပိုင်ဆောင်းပါးသဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။
Content provider
မြားနီနည်းပညာပေးရေးအဖွဲ့
မြားနီနည်းပညာပေးရေးအဖွဲ့ သည် မြားနီမျိုးစေ့ ကုမ္ပဏီနှင့် ထူးခြားသော ချိတ်ဆက်မှုရှိသည့် အကျိုးအမြတ်မယူသော အဖွဲ့ အစည်းတစ်ခုအဖြစ်ရပ်တည်လျက်ရှိပြီး အပူပိုင်းဒေသရှိ ဟင်းသီးဟင်းရွက်စိုက်ပျိုးသူ တောင်သူများ၏ လူနေမှုဘဝမြင့်မားလာစေရေး၊ လုံခြုံစိတ်ချရသည့် လတ်ဆတ်သော ဟင်းသီးဟင်းရွက် စိုက်ပျိုးထုတ်လုပ်မှုနည်းလမ်းများ ပံ့ပိုးကူညီပေးခြင်းနှင့်ဈေးကွက်ကိုဖော်ဆောင်နိုင်ရေးအတွက်တောင်သူများနှင့် ချိတ်ဆက်ပြုလုပ်ဆောင်ရွက်နေသောအဖွဲ့ဖြစ်ပါသည်။
ဆက်စပ်မေးခွန်းများ
နှင်းဆီက ဘာဖြစ်တာလဲ? ပွင့်လာတော့ အပွင့်က မလှဘူး။ အရွက်ကလည်း တွန့်နေတယ်။
Nova Nova • ဖြေကြားချက် 1 ခု
ပွင့်ဖတ်ကမဖြူဘူးဘာကြောင့်မ ဖြူတာလဲ ဆေးသုံးဖို့လိုလာဗျာ ဖြေပေးပါဗျာ
ရန်နိုင်ထ့န်း • ဖြေကြားချက် 4 ခု
အရွက်ကဘာဖြစ်တာလဲ ဆေးသုံးဖို့လိုမလာ ပြောပြပေးပါဗျာ
ရန်နိုင်ထ့န်း • ဖြေကြားချက် 4 ခု
ဘယ်လိုလုပ်ရမလဲခင်ဗျ
Naing Lin • ဖြေကြားချက် 1 ခု
စံပယ်မှာအကြအများတဲ့စံပယ်ထိုးပိုးကိုဘယ်ဆေးaiတွေကအကောင်းဆုံးလဲ ဆေးတော်တော်များများသုံးဖူးထားတယ် အလည့်ကြဖြန်းနည်းလေးပြောပြပေးပါအုံး
အောင်ကိုမင်း • ဖြေကြားချက် 1 ခု
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....
နောက်ဆုံး ဆောင်းပါးများ
More from ထွန်းဝင်းကျော်
အားလုံး
အသံ
ရေခဲပြင်ဒေသက စိုက်ပျိုးစီးပွားရေး အကြောင်း
10/08/2026
ဇူလိုင် ၁၆ တွင်စတင်သင်ကြားမည့် မြားနီနည်းပညာပေးရေးအဖွဲ့၏ အခမဲ့သင်တန်း တက်ခွင့်ရရှိသူများ
06/07/2026
စိုက်ပျိုးသွင်းအားစု ရောင်းချချင်သူများအတွက် ဖွင့်လှစ်ထားတဲ့ အခမဲ့သင်တန်းတက်ရောက်ခွင့်ရရှိသူများစာရင်း
28/06/2026
ဟင်းသီးဟင်းရွက်စိုက်ပျိုးထုတ်လုပ်အကြံပေးနည်းသင်တန်း တက်ရောက်ခွင့်ရရှိသူများ
27/06/2026
ဟင်းသီးဟင်းရွက်စိုက်ပျိုးထုတ်လုပ်နည်းသင်တန်း တက်ရောက်ခွင့် ရရှိသူများ
26/06/2026
