ယနေ့ညပိုင်းမှစကာ နေပြည်တော်နယ်မြေမှ အလယ်ပိုင်းဒေသများအထိ လေနှင့်မိုးများ လာမည်
လက်ရှိဖြစ်ပေါ်နေတဲ့ အထက်လေဝဲစီးကြောင်းရဲ့သက်ရောက်မှုတွေကြောင့် လေပြင်းကျ၊ မိုးရွာမှုတွေဟာ ဒီနေ့ ညပိုင်းကစပြီး နေပြည်တော်ကနေ အလယ်ပိုင်းဒေသတွေ အထိ ဆက်တိုက်ရောက်ရှိသွားမှာဖြစ်တယ်လို့ အပြည်ပြည်ဆိုင်ရာမိုးလေဝသစောင့်ကြည့်လေ့လာသုံးသပ်သူတစ်ဦးဖြစ်သူ ဦးဝင်းနိုင်က ခန့်မှန်းပြောကြားပါတယ်။
ဒီနေ့ မွန်းလွဲ ၂ နာရီကျော် အခြေအနေတွေအရ လေဝဲစီးကြောင်းဟာ ဧရာဝတီမြစ်ပေါ် မြန်အောင်အထက်မှာ ရောက်ရှိနေပြီး လေတိုက်နှုန်းလည်း တက်လာတယ်လို့ သိရပါတယ်။
“ အောက်ဘက်က ကျုံပျော်၊ ကျောင်းကုန်း၊ ညောင်တုန်း၊ ဓနုဖြူ၊ တိုက်ကြီး အဲ့ဒီကနေတဆင့် ပဲခူးတိုင်းဘက်ကို ဆက်သွားတယ်။ ပဲခူး၊ ဝေါ၊ ဒိုက်ဦး၊ ညောင်လေးပင်၊ ကျောက်တံခါး၊ ကျောက်ကြီး၊ ကညွတ်ကွင်း၊ ဖြူး၊ တောင်ငူ အဲ့ဒီနေရာတွေအကုန်လုံးက တနာရီ မိုင် ၃၀ တွေချည်းပဲ။ အခုလက်ရှိဖြစ်နေတဲ့အခြေအနေပေါ့နော်” လို့ ဦးဝင်းနိုင်က ဒီနေ့ မွန်းလွဲ ၂ နာရီခွဲခန့်က ပြောပါတယ်။
အဲ့ဒီကနေ လေတိုက်နှုန်းထပ်တက်လာဖို့ရှိပြီး ညနေ ၅ နာရီနောက်ပိုင်းမှာ နေပြည်တော်၊ ပျဉ်းမနားမြို့တွေဘက်ကို ရောက်ရှိသွားမယ်လို့ ဦးဝင်းနိုင်က သုံးသပ်ပါတယ်။
“ နေပြည်တော်ကို တနာရီကို ၃၁ မိုင်နှုန်းလောက်ရှိတယ်။ ပျဉ်းမနားဘက်မှာဆို ညနေ ၅ နာရီကစလို့ တနာရီ ၂၃ မိုင်၊ ၂၄ မိုင်နှုန်းလောက်ထိရှိတယ်။ လေပြင်းက တော့ ကျမှာပဲ။ နေပြည်တော်ဒေသအနေနဲ့ဆို တနာရီ ၁၄ မိုင်နှုန်းကနေ ၂၆ မိုင်နှုန်းလောက်ရှိတယ်။ ညနေ ၆ နာရီကနေ နောက်နေ့မနက်စောစော ၁ နာရီလောက်ထိ လေပြင်း တိုက်နေမယ်”
အဲ့ဒီကနေ လေဝဲစီးကြောင်းက အနောက်မြောက်ဘက်ယွန်းယွန်းကို ဆက်ရွေ့ပြီး ည ၈ နာရီမှာ မင်းတုန်း၊ သရက်နဲ့ ကံမ သုံးခုရဲ့ကြားထဲကိုရောက်သွားမယ်လို့ သိရပါတယ်။
“ ည ၁၀ နာရီလောက်ဆို မင်းတုန်းပေါ်ကိုရောက်တယ်။ မနက် ၂ နာရီမှာ မကွေးနဲ့ ငဖဲ အောက်ဖက်နားလောက်ကို ရောက်ပြီ။ မကွေး၊ မင်းလှ၊ ငဖဲ အာ့ကြားထဲရောက်နိုင်တယ်။ ရောက်ပြီးရင်တော့ သူ့ရဲ့ ညာဘက်ခြမ်းနဲ့ တောင်ဘက်ခြမ်းက တောက်လျှောက်လေပြင်းကျမယ်။ မိုးရွာမယ်။ မနက် ၃ နာရီ ဝန်းကျင်လောက်ဆို မကွေးနဲ့ ငဖဲကြားရောက်မှာ။ အဲ့ဒီကနေ အပေါ်ကတွေပါလာပြီ။ မိတ္ထီလာ၊ မြင်းမူ၊ မုံရွာအထိ တိုက်မယ်။ အခုအချိန်ကနေ ၂၄ နာရီအတွင်း ကြိုတင်ခန့်မှန်းချက်ဆိုတော့ သေချာသလောက်တော့ရှိတယ်” လို့ ဦးဝင်းနိုင်က ဆိုပါတယ်။
အဲ့ဒီကနေ မကွေးဘက်ဆက်သွားပြီးရင် အလယ်ပိုင်းမိုးနည်းဒေသတွေမှာလည်း မိုးရွာနိုင်တယ်လို့ ဦးဝင်းနိုင်က ခန့်မှန်းပါတယ်။
“ ၂၃ ရက် ၂ နာရီဆို မကွေးဘက်ရောက်နေပြီး မနက် ၇ နာရီလောက်ဆို ရေနံချောင်း၊ ချောက်တို့ဘက်ရောက်မှာ။ ညောင်ဦးဘက်လည်း နီးသွားပြီပေါ့။ အဲ့ဒီကျရင် နတ်မောက်တို့ ဘာတို့ဘက်လည်း လေပြင်းမှာပဲ။ ၁ နာရီ ၁၃ မိုင်ကနေ ၂၈ မိုင်လောက်ထိ တိုက်နိုင်တယ်။ လေကော မိုးကော ကျနိုင်တဲ့အနေအထားပေါ့”
ဇူလိုင် ၂၃ ရက် မနက်ဖြန်မနက်၂ နာရီ မကွေးနားရောက်မယ့်အချိန်မှာ မကွေး-အမ်း ကားလမ်းတစ်လျှောက်လေပြင်း တစ်နာရီ မိုင် ၄၀ ကျော်ထိ တိုက်နိုင်တဲ့အတွက် အထူးသတိထားဖို့ လိုမယ်လို့လည်း ဦးဝင်းနိုင်က သတိပေးပါတယ်။
အခုဖြစ်နေတဲ့ အထက်လေဝဲစီးကြောင်းဟာ ၂၃ ရက်နေ့ ညနေပိုင်းမှာ ဆောနဲ့ ထီးလင်းကြားမှာ ပျက်သွားမှာဖြစ်ပြီး လေတိုက်နှုန်းတွေ ပြန်ကျသွားမှာဖြစ်တယ်လို့ သိရပါတယ်။
Photo Crd_U Win Naing
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
ဆက်စပ်မေးခွန်းများ
ချီးပါနေတဲ့အကောင်ပါ2လသားကျော်ကာစပါ အသားရဲတယ်အစာအံနေလို့ပါ
Min Maung • ဖြေကြားချက် 0 ခု
ဘာမြေသြဇာ ကျွေးရမလည်းဗျ
ZawHtwe • ဖြေကြားချက် 0 ခု
နှင်းဆီက ဘာဖြစ်တာလဲ? ပွင့်လာတော့ အပွင့်က မလှဘူး။ အရွက်ကလည်း တွန့်နေတယ်။
Nova Nova • ဖြေကြားချက် 1 ခု
ရွှေဘိုပေါ်ဆန်းစပါးကို ယခုသြဂုတ်လထဲ ပျိုးထောင်ပြီး စိုက်လျှင် အစေ့အနှံ အောင်မြင်နိုင်ပါသလား၊ စပါးစိုက်ခင်းနဲ့ပျိုးခင်းတွေ ရေနစ်ပြီး ပျက်စီးမှုတွေကြောင့် အသစ်ပြန်လည်စိုက်ပျိုးဖို့ ပျိုးအပို ရှာရခက်နေကြလို့ မေးကြည့်တာပါ။
Ko Thu • ဖြေကြားချက် 1 ခု
စပါးစစိုက်ပျိုးပြီးပါပြီ ခုချိန်မှစပီး ပြုစုပျိုးထောင်ပုံအဆင့်ဆင့်ကို သင်ပြပေးပါဆရာတို့ဗျာ
Min Min Thant • ဖြေကြားချက် 1 ခု
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....
နောက်ဆုံး ဆောင်းပါးများ
More from အစိမ်းရောင်လမ်း
အားလုံး
ဗီဒီယို
စိုက်ချိန်ရိတ်ချိန်ဖြေပေးရင်း .. ဖုန်းဘေလ်ကံစမ်းကြမယ်
04/08/2026
ဗီဒီယို
သီးနှံအထွက်နှုန်းကောင်းသော စိုက်ခင်းများအတွက် ကျန်းမာသောမြေဆီလွှာ (▶️ ဗွီဒီယို)
14/07/2026
တောင်သူ ၅ သောင်းကျော်ထံသို့ ဟင်းသီးဟင်းရွက်စိုက်ပျိုးနည်းပညာများ အစိမ်းရောင်လမ်းမှ တဆင့်မျှဝေပေးခဲ့တဲ့ မြားနီနည်းပညာပေးရေးအဖွဲ့
29/05/2026
မေလ (၁၅) - ၁၈) ရက်အတွင်း မြန်မာနိုင်ငံတစ်ဝန်း မိုးတိမ်တောင်များ ဖြစ်ထွန်းမှု အားကောင်းနေ
15/05/2026
ကျန်းမာပျော်ရွှင်ပါစေ.. အမေ
10/05/2026
