ဖေဖော်ဝါရီလကုန် ၂၈ ရက်နေ့အထိ မြို့ကြီးအချို့ - ပြည်၊ တောင်ငူ၊ တောင်ကြီး၊ ရန်ကုန်နဲ့ နေပြည်တော်တို့ရဲ့ အပူချိန်၊ မိုးရွာနိုင်မည့်အလားအလာ၊ တိမ်ဖြစ်ထွန်းနိုင်မည့်အခြေအနေနှင့် အမြင့်ဆုံးလေတိုက်နှုန်းတွေကို လေ့လာတဲ့အခါ -

📌 မိုးရွာနိုင်သည့်အခြေအနေ အမြင့်ဆုံးမိုးရေချိန် ၂ မီလီမီတာခန့်

📌 အမြင့်ဆုံးအပူချိန် ၄၀°C 

📌 အမြင့်ဆုံးလေတိုက်နှုန်း တနာရီ ၁၇ မိုင်(တောင်ကြီး)

📌 ဖေဖော်ဝါရီ ၁၉-၂၀ ရက်နောက်ပိုင်းမှာ တိမ်ဖြစ်ထွန်းမှုပိုမိုလာနိုင်တာတွေကို တွေ့ရပါတယ်။

💧 မိုးအခြေအနေ - ဆောင်းရာသီကုန်ပြီး နွေရာသီကိုကူးပြောင်းဦးမှာမို့ မိုးများများရွာနိုင်မည့်အခြေအနေရှိဦးမှာမဟုတ်ဘဲ မိုးဖွဲကျရုံသာရွာနေနိုင်ဦးမှာပါ။

🌡 အပူချိန် - နေ့အပူချိန်များမြင့်တက်လာသော်လည်း လာနီညာ၏ အရှိန်ပျော့ပျော့ကျန်နေသေးတာကြောင့် ညဘက်နဲ့ နံနက်အစောပိုင်းအချိန်များမှာ အအေးလက်ကျန်လေးတွေလဲ ရှိနေပါဦးမယ်။ 

🤒 ရာသီကူးပြောင်းချိန်တိုင်းမှာ ပူအိုက်တဲ့ ညဦးပိုင်းအချိန်တွေရှိပြီး နံနက်ပိုင်းရောက်လေ ပြန်အေးလာလေဖြစ်တတ်တာကြောင့် ရာသီဥတုဖမ်းစားတာခံရပြီး အအေးမိ/ဖျားနာတတ်တာကို သတိထားကြရပါမယ်။

အအေးလှိုင်းဖြတ်မယ်ဆိုပြီးတင်နေတာတွေရှိလို့ မေးတဲ့သူတွေ ရှိပါတယ်။ ကျနော် ဒီလို ပြန်ဖြေပေးထားပါတယ်။

အအေးလှိုင်းဖြတ်ရန် မရှိပါဘူး -

📌 Normal coldwave ပုံမှန်အအေးလှိုင်းဖြတ်တယ်လို့ သတ်မှတ်အတည်ပြုနိုင်ရန် ပုံမှန်အပူချိန်ထက် 4–6°C လျော့ကျတာ အနည်းဆုံး ၂ ရက် ရှိရန်လိုပါမယ်။

📌 ပြင်းထန်တဲ့အအေးလှိုင်း Severe Cold wave ဖြတ်တယ်လို့ သတ်မှတ်အတည်ပြုနိုင်ရန် ၃ ရက် မှ ၅  ရက်ဆက်တိုက် အပူချိန် 4–6°C ကျလာရန် လိုပါမယ်။

သိချင်တဲ့ဒေသရဲ့ အပူချိန်ခန့်မှန်းချက်တွေကိုဒီမှာ ကြည့်ပါ - https://focus.mmweather.org

Weather Widget တွေကြည့်ချင်ရင် ဒီမှာကြည့်ပါ - https://www.mmweather.org/divisional-cities-weather

မိုးလေဝသပညာရှင် ဆရာဦးဝင်းနိုင်၏ ခွင့်ပြုချက်ဖြင့် ပြန်လည်ဖော်ပြသော သတင်းဖြစ်သည်။