တောင်တရုတ်ပင်လယ်ထဲကို ရောက်နေတဲ့ INVEST-98Wရဲ့ မြန်မာနိုင်ငံအပေါ်သက်ရောက်မှုများ
စက်တင်ဘာ ၁၇ ရက် နံနက် ၁၀ နာရီမှာ ရရှိတဲ့ အချက်အလက်တွေအရ ဖိလစ်ပိုင်မိုးလေဝသဌာန PAGASA က ခန့်မှန်းချက်မှာ လက်ရှိ လေဖိအားနည်းရပ်ဝန်းအဆင့်မှာ ရောက်ရှိနေပြီး တောင်တရုတ်ပင်လယ်ထဲကို ရောက်နေတဲ့ INVEST-98W က အနောက်ဘက်ကို ဆက်လက်ရွေ့လျားရင်း စက်တင်ဘာလ ၁၈ ရက် မနက်ပိုင်းမှာ အပူပိုင်းမုန်တိုင်း(Tropical Storm - TS)ဖြစ်လာနိုင်မယ်၊
ပြီးရင် အနောက်ဘက် ဗီယက်နမ်ကမ်းခြေဘက်ကို ဆက်လက်ရွေ့လျားမယ် TS အဆင့်ထက်ပိုပြီး အားကောင်းမလာနိုင်(တိုင်ဖွန်းမုန်တိုင်းအဆင့်အထိကို မရောက်လာနိုင်)ကြောင်း ခန့်မှန်းထားတာတွေ့ရပါတယ်။
ECMWF model ရဲ့ မနက် ၉ နာရီ update မှာလဲ လေဖိအားနည်းရပ်ဝန်းက အနောက်ဘက် ဗီယက်နမ်ကမ်းခြေဘက်ကိုရွေ့လျားပြီး စက်တင်ဘာ ၁၇ ရက် ညနေပိုင်းမှာ အပူပိုင်းမုန်တိုင်းဖြစ်လာနိုင်မယ်လို့ ခန့်မှန်းထားတာတွေ့ရပါတယ် အနောက်ဘက်ကို ဆက်လက်ရွေ့လျားရင်း ၁၉ ရက် နေ့လယ်ပိုင်းမှာ အားကောင်းတဲ့ အပူပိုင်းမုန်တိုင်းအဆင့်ရောက်ကာ ဗီယက်နမ်ကမ်းခြေကို ဖြတ်ကျော်ဝင်ရောက်ပြီးတဲ့နောက်
အနောက်ဘက်လာအိုနဲ့ ထိုင်းနိုင်ငံတို့ကို ကုန်းတွင်းလေဖိအားနည်းရပ်ဝန်း၊ အရှေ့လေပွေလှိုင်းအဖြစ် ဆက်လက်ရွေ့လျားနိုင်ကြောင်း စက်တင်ဘာ ၂၁ ရက် နံနက်ပိုင်းမှာ ထိုင်းမြန်မာနယ်စပ် တပ်ခ် ခရိုင်၊ ချင်းမိုင်နဲ့ ချင်းရိုင်မြို့များအနီးအထိရောက်ရှိလာနိုင်ကြောင်း ခန့်မှန်းထားပါတယ်။
ဒီအခြေအနေတွေကြောင့်
စက်တင်ဘာ ၂၀ ရက်နေ့က စတင်ပြီး ရှမ်းပြည်နယ် အရှေ့ပိုင်းနဲ့ တောင်ပိုင်း၊ ကယားပြည်နယ်၊ မန္တလေးတိုင်းတောင်ပိုင်း(မန္တလေးမြို့အောက်ဘက်)၊ နေပြည်တော်၊ မကွေးတိုင်း၊ စစ်ကိုင်းတိုင်းတောင်ပိုင်း၊ ရခိုင်ပြည်နယ်၊ ချင်းပြည်နယ်တွေမှာ မိုးများနိုင်ပြီး
ကရင်ပြည်နယ် မွန်ပြည်နယ်၊ တနင်္သာရီတိုင်း၊ ဧရာဝတီတိုင်း၊ ရန်ကုန်တိုင်းနဲ့ ပဲခူးတိုင်းတွေမှာ မိုးအသင်အတင့်ရွာနိုင်ကာ နေရာကွက်ပြီး မိုးများနိုင်ပါတယ်။
အခုဖြစ်လာတဲ့ INVEST-98W (ဖိလစ်ပိုင်အမည် GENER)က ပြီးခဲ့တဲ့ တိုင်ဖွန်း YAGI လောက် အားမပြင်းနိုင်၊ အရွယ်အစားမကြီးနိုင်တာကြောင့် သူ့ရဲ့ သက်ရောက်မှုကလဲ YAGI နဲ့ ယှဉ်ရင် အများကြီးကို လျော့နည်းပါတယ်။
မြစ်ရေတွေလဲ ဆက်လက်ကျဆင်းနေတာကြောင့် ၁၇ ရက် ဒီနေ့မှ ၂၁ ရက် အတွင်း ထူးကဲဒီရေတက်တဲ့အချိန်တွေမှာလည်း ရန်ကုန်မြို့နဲ့ အနီးပတ်ဝန်းကျင်က အနိမ့်ပိုင်းရပ်ကွက်ဒေသအချို့မှာသာ ရေတက်နိုင်၊ ရေကြီးနိုင်ချေရှိပါတယ်။
တစ်ခုတော့ မေ့ထားလို့မရပါ - ဘယ်နေရာမှမဆို ရေတက်ရေကြီးရင် ရေတက်တာက အတော်မြန်တတ်ပါတယ်။ ရေပြန်ကျရင်တော့ နှေးကွေးနေတတ်ပြီး သောက်ရေသုံးရေ၊ လျှပ်စစ်မီးကအစ အခက်အခဲတွေ ဖြစ်လာတာကြောင့် ကျန်းမာရေးဆိုင်ရာနောက်ဆက်တွဲပြဿနာတွေအတွက်တော့ အမြဲတမ်း ကြိုတင်ပြင်ဆင်ထားသင့်ပါတယ်။
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
ဆက်စပ်အကြောင်းအရာ၊ မေးခွန်းများနှင့် ဆောင်းပါးများကို ဆက်လက်ဖတ်ရှုနိုင်ပါသည်။
Topic 1
မိုးလေဝသ
ကိုအုန်းခိုင်
လွန်ခဲ့သော ၁ နှစ် ကဖြစ်နိုင်ရင် ဒီလိုသတင်တွေတင်ပေးစေချင်ပါတယ် မိတ်ဆွေတို့
ဆက်စပ်မေးခွန်းများ
ကျွန်တော့် ညီ/အကို/မောင်နှမများ ဆရာများ ခင်ဗျ ပဲကြီးစိုက်ပျိုးနည်းလေးရှိရင် မျှဝေ ပေးကြပါအုံးနော်🥰 စိုက်ပျိုးရမည့်အချိန် စိုက်ပျိုးသင့်သော မြေ (ဒေသ) စိုက် ၁ ဧက ဘယ်လောက် နှုန်း စိုက်သင့်လည်း စိုက်ပျိုးပြီး ဘယ်အချိန်တွေမှာ ပေါင်းနုတ်မျက်သင်လုပ်ရလည်း? အားဆေး ကာကွယ်ဆေး ဘယ်အချိန် ဖြန်းသင့်လည်း? စိုက်ပျိုးပြီး ဘယ်နှစ်လအကြာ ရိတ်သိမ်းရမလည်း? ၁ ဧက အထွက်နှုန်းထား ဘယ်လောက်ထွက်လည်း? ဒါတွေတကယ်မသိလို့ မျှဝေပေးပါအုံး🥰😍😍
ကိုအောင်မင်းထွန်း • ဖြေကြားချက် 0 ခု
ချီးပါနေတဲ့အကောင်ပါ2လသားကျော်ကာစပါ အသားရဲတယ်အစာအံနေလို့ပါ
Min Maung • ဖြေကြားချက် 0 ခု
ဘာမြေသြဇာ ကျွေးရမလည်းဗျ
ZawHtwe • ဖြေကြားချက် 0 ခု
နှင်းဆီက ဘာဖြစ်တာလဲ? ပွင့်လာတော့ အပွင့်က မလှဘူး။ အရွက်ကလည်း တွန့်နေတယ်။
Nova Nova • ဖြေကြားချက် 1 ခု
ရွှေဘိုပေါ်ဆန်းစပါးကို ယခုသြဂုတ်လထဲ ပျိုးထောင်ပြီး စိုက်လျှင် အစေ့အနှံ အောင်မြင်နိုင်ပါသလား၊ စပါးစိုက်ခင်းနဲ့ပျိုးခင်းတွေ ရေနစ်ပြီး ပျက်စီးမှုတွေကြောင့် အသစ်ပြန်လည်စိုက်ပျိုးဖို့ ပျိုးအပို ရှာရခက်နေကြလို့ မေးကြည့်တာပါ။
Ko Thu • ဖြေကြားချက် 1 ခု
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....
နောက်ဆုံး ဆောင်းပါးများ
More from ဦးဝင်းနိုင်
အားလုံး
ပြည်နယ်နှင့် တိုင်းဒေသများအလိုက် မိုးရေချိန်ခန့်မှန်းချက်
07/08/2026
အသံ
ဩဂုတ် ၉ - ၁၁ ရက်အတွင်း သတိပြုရမည့် မြို့နယ်များ (ရခိုင်၊ တနင်္သာရီ၊ ဧရာဝတီ)
04/08/2026
ဧရာဝတီတိုင်းအတွင်း မိုးဆက်လက် ရွာသွန်းနိုင်ခြေ ရှိ
02/08/2026
ဩဂုတ်လ ၁၁ ရက်မှ ၁၃ ရက်အတွင်း မိုးရွာသွန်းမှုပိုမိုအားကောင်းလာမည့် ဒေသများ
30/07/2026
လာမည့် ၇၂ နာရီအလွန် ပဲခူးမြို့အပါအဝင် မုတ္တမကွေ့နှင့် ကပ်လျက်ဒေသများ မိုးအလွန်သည်းထန်နိုင်
28/07/2026
