မြေဖုံးသီးနှံများရွေးချယ်ခြင်း
တောင်သူလယ်သမားများသည် စိုက်ပျိုးမည့် သီးနှံမျိုးစိတ်နှင့် ပတ်သက်သော နည်းပညာပိုင်းဆိုင်ရာ အချက်အလက်အသေးစိတ်များနှင့် သိကျွမ်းနိုင်စေရန် မြေဖုံးသီးနှံပင်များအဖြစ် အသုံးပြုစိုက်ပျိုးမည့်မျိုးစိတ်များကို တောင်သူလယ်သမားများအနေဖြင့် ၎င်းတို့၏ မြေပေါ်တွင် စမ်းသပ်စိုက်ပျိုးပြီး အတည်ပြုရန် လိုအပ်ပါသည်။
မြေဖုံးသီးနှံပင်များကို ရွေးချယ်ခြင်းသည် အောက်ပါလက္ခဏာရပ်များပေါ်တွင် မူတည်ပါသည်။
• လစ်နင်နှင့် ဖီနိုလစ်အက်ဆက် များစွာပါဝင်ခြင်း။ (အပင်မျိုးစိတ်များစွာတွင်တွေ့နိုင်သော အော်ဂဲနစ်ဒြပ်ပေါင်းအမျိုးအစားတစ်ခု၊ ခြောက်သွေ့သော အသီးများတွင် ပါဝင်မှုမြင့်မားသည်) ၎င်းတို့သည် အပင်ကြွင်းကျန်များကို ဆွေးမြေ့ပြိုကွဲမှုဒဏ်ခံနိုင်ပြီး ရေရှည်တွင် မြေဆီလွှာကာကွယ်ခြင်းကို ဖြစ်စေသည်။
• စိုက်ပျိုးချိန် - သီးနှံမျိုးစိတ်များစွာတွင် အစေ့ငုတ်ချိန် (အစေ့ငုတ်ချိန် ဆိုသည်မှာ သက်ရှိတစ်ခု၏ ဘဝစက်ဝန်းတစ်ခုတွင် ကြီးထွားမှုနှင့် ဖွံံ့ဖြိုးမှုတို့ ယာယီအားဖြင့် ရပ်တန့်နေသောအချိန်ကို ခေါ်ပါသည်) သို့မဟုတ် နေ့တာတုံ့ပြန်မှု (အပင်၏ အလင်းရောင်နှင့် အမှောင်အချိန်ကာလ အတိုအရှည်ကိုလိုက်ပြီး ဖွံ့ဖြိုးမှုဆိုင်ရာတုန့်ပြန်မှု) တို့ကို ဖော်ပြပါသည်။ ဆိုလိုသည်မှာ အပင်၏ ဇီဝထုထည်ထုတ်လုပ်မှုသည် ၎င်းစိုက်ပျိုးသည့် နှစ်တစ်နှစ်၏အချိန်ကာလပေါ်တွင် မူတည်ပါသည်။ မျိုးစေ့ချစိုက်ခြင်းကို သင့်တော်သောရာသီတွင် ဆောင်ရွက်ရမည်။ နောက်စိုက်မည့်သီးနှံပင်ကို ထိခိုက်မှုမရှိစေရန် မြေဖုံးသီးနှံစိုက်ပျိုးဖို့ ကောင်းသော အခြေအနေ မဖြစ်မနေလိုအပ်ပါသည်။
• မြေဖုံးသီးနှံပင်များ၏ သင့်တော်သော ပင်ကြားတန်းကြားအကွာအဝေးနှင့် အပင်သိပ်သည်းမှုသည် မိုးရေနှင့် နေရောင်ခြည်တို့မှ မြေဆီလွှာကို ကာကွယ်ရန်နှင့် ပေါင်းနှိမ်နှင်းရန်အတွက် မြေဆီလွှာမျက်နှာပြင်ကို လျှင်မြန်စွာဖုံးအုပ်နိုင်စေရန် အရေးကြီးသော အချက် ဖြစ်သည်။
• မြေဆီလွှာ စီမံခန့်ခွဲမှု - မြေဖုံးသီးနှံပင်မျိုးစေ့ချခြင်းအတွက် မြေပြုပြင်ခြင်း မလိုအပ်ပါ။
• မြေဖုံးသီးနှံပင်ကို နောက်ဆုံးသီးနှံပင်၏ ရိုးပြတ်များပေါ်တွင် တိုက်ရိုက်မျိုးစေ့ချခြင်း သို့မဟုတ် ကြဲပက်ခြင်းဖြင့် စိုက်ပျိုးနိုင်ပါသည်။ သစ်လုံးပုံ လှိမ့်တုံး (tree trunk), ဓားသွားပါဒလိမ့်တုံး(knife-roller), သံဝိုင်းပြားပါ ထွန် (disc harrow) တို့ကို ဒလိမ့်တုံးအဖြစ်အသုံးပြုပြီး မျိုးစေ့များနှင့် မြေဆီလွှာထိတွေ့နိုင်စေရန် သံဝိုင်းပြားများကို ထောင့်အားဖြင့် သုညဒီဂရီ သို့မဟုတ် သံကွင်းများနှင့် အနီးစပ်ဆုံးရောက်အောင် တပ်ဆင်ထားရမည်။ အမွှေးပါသော ပဲရိုင်းပင်ကဲ့သို့ အချို့မျိုးစိတ်များသည် သူတို့ကိုယ်တိုင် ပြန်လည်မျိုးစေ့ချနိုင်သော စွမ်းရည်များရှိသည်။
• မျိုးစေ့အရည်အသွေး - စီးပွားဖြစ်စိုက်ပျိုးသော သီးနှံများကဲ့သို့ မြေဖုံးသီးနှံပင်များ၏မျိုးစေ့များသည် အရည်အသွေးမြင့်မားရန် လိုအပ်ပါသည်။ မျိုးစေ့အရည်အသွေးနိမ့်သဖြင့် အညှာင့်မပေါက်ခြင်းများကို မဖြစ်ပေါ်စေဖို့ရန်အတွက် မျိုးစေ့များသည် ပက်သိုဂျင်များ (မျိုးစေ့ဆောင်ရောဂါများ)မှ ကင်းဝေးရပါမည်။
Source _ PC-Myanmar
Content provider
PC Myanmar
PC Myanmar Progetto Continenti သည် အီတလီအခြေစိုက် အဖွဲ့အစည်းတခုဖြစ်ပြီး အီတလီတွင် ၁၉၈၉မှ စတင် တည်ထောင်သည်။ မြန်မာနိုင်ငံရုံးခွဲဖြစ်သည့် Progetto Continenti – Myanmar အနေဖြင့် လုပ်ငန်းဆောင်တာများကို ၂၀၀၃ခုနှစ် နိုဝင်ဘာလတွင် စတင်ခဲ့သည်။ PC Myanmar သည် ၂၀၁၈ ခုနှစ် ဇန်နဝါရီလတွင် မြန်မာနိုင်ငံ ကျေးလက်ဒေသဖွံ့ဖြိုးတိုးတက်ရေးဦးစီးဌာနနှင့် နားလည်မှုစာချွန်လွှာရေးထိုးခဲ့သည်။ PC Myanmar အနေဖြင့် လူထုပါဝင်မှုကို တိုးမြှင့်စေသည့် နည်းလမ်းနှင့် ဒေသတွင်း အဖွဲ့အစည်းများဖြင့် အတူတကွ လုပ်ဆောင်ခြင်းနည်းလမ်း စသည်အားဖြင့် ဒေသတွင်း လူ့စွမ်းအားအရင်းအမြစ် ဖွံ့ဖြိုး တိုးတက်စေခြင်းအားဖြင့် စွမ်းဆောင်ရည် မြှင့်တင်ခြင်းလုပ်ငန်းများကို ဆောင်ရွက်သည်။ ရေရှည်ဖွံ့ဖြိုးတိုးတက်ခြင်းသည် PC Myanmar ၏ အဓိကရည်ရွယ်ချက်လမ်းကြောင်းဖြစ်ကာ စီမံကိန်းများကို အကောင်အထည်ဖော်ဆောင်ရာတွင် စီးပွားရေး၊ လူမှုရေးနှင့် ပတ်ဝန်းကျင်ဆိုင်ရာ အလုံးစုံ ရေရှည်ဖွံ့ဖြိုးမှုကို ဦးတည်သည်။ ရေရှည်ဖွံ့ဖြိုးတိုးတက်ခြင်းအတွက် အရေးကြီးသောဒေသတွင်း လူထုအခြေပြုအဖွဲ့အစည်းများ နှင့် ကျေးရွာအခြေစိုက် အခြေခံအဖွဲ့အစည်းများကို အရည်အသွေး မြှင့်တင်ပေးခြင်း အားဖြင့် ရည်ရွယ်ချက်များကို အကောင်အထည်ဖော်ဆောင်လျှက် ရှိပါသည်။ စီမံကိန်းများ အကောင်အထည်ဖော်ရန် ဦးတည်သည့်ဒေသမှာ အပူပိုင်းဒေသဟု လူသိများသော မကွေးဒေသပင် ဖြစ်သည်။ ဦးတည်သည့် စီမံချက်များမှာ အသက်မွေးမှု (ရေရှည်ဖွံ့ဖြိုးသော စိုက်ပျိုးရေးနှင့် တောင်သူအသင်း အဖွဲ့များအား ကူညီထောက်ပံ့ခြင်း) နှင့် အစားအသောက် ဘေးကင်းလုံခြုံမှု၊ ရေရှိမှု (သောက်သုံးရေ ရရှိအောင် အကူအညီပေးခြင်းနှင့် အဆိုပါရေအရင်းအမြစ်စီမံခန့်ခွဲခြင်းကို ကျေးရွာလူထုကိုယ်တိုင်စီမံခန့်ခွဲနိုင်ရန် ကူညီ ပေးခြင်း)နှင့် တကိုယ်ရည် သန့်ရှင်းမှုဆိုင်ရာ အသိပညာပေးမှု၊ ဒေသတွင်း အရပ်ဖက်အဖွဲ့အစည်းများကို စွမ်းဆောင်ရည် မြှင့်တင်ပေးခြင်း ( ဒေသတွင်း NGOများ၊ CBOများကို စွမ်းဆောင်ရည် မြှင့်တင်ပေးခြင်း) တို့နှင့် ကျန်းမာရေးကဏ္ဍမြှင့်တင်ခြင်း (အာဟာရလိုအပ်ချက်များနှင့် ပတ်သက်ပြီး အသိပညာပေးမြှင့်တင်ခြင်း၊ ထောက်ပံ့ခြင်း၊ မိခင်နှင့် ကလေး ပြုစုစောင့်ရှောက်ခြင်းအတွက် ကူညီထောက်ပံ့ပေးခြင်း) ပင် ဖြစ်သည်။
ဆက်စပ်မေးခွန်းများ
စံပယ်ကအအေးပိုင်းဝင်သွားရင်အစာခိက်လုပ်မှုနေးကွေးသွားပြီးအဖူးမလိုက်တော့လို့ မြေပြင်အပူဓာတ်ရအောင်ဘယ်လိုပြုစုရမလဲ ဘာတွေထည့်ဖို့လိုသေးလဲပြောပြပေးပါအုံး
အောင်ကိုမင်း • ဖြေကြားချက် 1 ခု
ဧရာပဒေသာကြဲသားခင်းအတွက်စတင်ကြဲပက်သည့်ရက်မှရိတ်သိမ်းကြိမ်အထိဘယ်ရက်သားကနေမြေသြဇာစကျွေးပြီးဘယ်ရက်သားထိမြေသြဇာနောက်ဆုံးကျွေးကတာလည်းဖြေကြားပေးပါအုံးဆရာတို့ခဗျာ
ဆန်းထိုက် • ဖြေကြားချက် 4 ခု
em 1 ကို သီနှံမျိုးစုံဖျန်းပေးရလားဆရာဆေးဖျန်းနှုန်းထားပါဖြေပေးပါဆရာ
U Than Toe Aung • ဖြေကြားချက် 1 ခု
ထရိုင်ကို ဒါးမားဝယ်ချင်လို့ပါ အဆင်ပြေလားဗျ
Zaw Latt • ဖြေကြားချက် 1 ခု
ကင်းပွန်းချဉ်
Hlaing Hlaing Thin • ဖြေကြားချက် 1 ခု
နောက်ဆုံး ဆောင်းပါးများ
More from အစိမ်းရောင်လမ်း
အားလုံး
ဗီဒီယို
စိုက်ချိန်ရိတ်ချိန်ဖြေပေးရင်း .. ဖုန်းဘေလ်ကံစမ်းကြမယ်
04/08/2026
ဗီဒီယို
သီးနှံအထွက်နှုန်းကောင်းသော စိုက်ခင်းများအတွက် ကျန်းမာသောမြေဆီလွှာ (▶️ ဗွီဒီယို)
14/07/2026
တောင်သူ ၅ သောင်းကျော်ထံသို့ ဟင်းသီးဟင်းရွက်စိုက်ပျိုးနည်းပညာများ အစိမ်းရောင်လမ်းမှ တဆင့်မျှဝေပေးခဲ့တဲ့ မြားနီနည်းပညာပေးရေးအဖွဲ့
29/05/2026
မေလ (၁၅) - ၁၈) ရက်အတွင်း မြန်မာနိုင်ငံတစ်ဝန်း မိုးတိမ်တောင်များ ဖြစ်ထွန်းမှု အားကောင်းနေ
15/05/2026
ကျန်းမာပျော်ရွှင်ပါစေ.. အမေ
10/05/2026
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....