Green Way (အစိမ်းရောင်လမ်း) ဆော့ဝဲလ် တွင် ဒေသအလိုက် သီးနှံများ၏ ဈေးနှုန်းများကိုလည်း လေ့လာကြည့်ရှုနိုင်ပါတယ်။

ထိုသို့ ကြည့်ရှုနိုင်ရန်အတွက် ပထမဦးစွာ မိမိ၏ ဖုန်းတွင် Green Way (အစိမ်းရောင်လမ်း) ဆော့ဝဲလ် ရှိနေရမည်ဖြစ်ပြီး၊ အင်တာနက်လိုင်း ဖွင့်ထားရန်လည်း လိုအပ်ပါတယ်။

Green Way (အစိမ်းရောင်လမ်း) ဆော့ဝဲလ် တွင် မှတ်ပုံတင်ခြင်း (Registration) ကို လုပ်ဆောင်ပြီးပါက သီးနှံများ၏ နေ့စဉ်ဈေးနှုန်းများကို ဝင်ရောက်ကြည့်ရှုနိုင်ပြီဖြစ်ပါတယ်။

အဆင့် (၁) Green Way (အစိမ်းရောင်လမ်း) ဆော့ဝဲလ် ထဲသို့ ဝင်ဝင်ချင်း ပထမဆုံး ပင်မ စာမျက်နှာ‌တွင် နေ့စဉ်ဈေးနှုန်းများ ဆိုသည့် ကဏ္ဍကို နှိပ်ပါ။ 

အဆင့်(၂) နေ့စဉ်ဈေးနှုန်များ ကဏ္ဍသို့ ရောက်ရှိပါက အောက်ပါအတိုင်းမြင်တွေ့ရမှာ ဖြစ်ပါတယ်။

အဆင့် (၃) တွေ့ရသော မျက်နှာပြင်၏ အပေါ်ဆုံး ညာဘက်ထောင့်ရှိ အတုံးကလေး ၃ တုံးကို နှိပ်ပြီး မိမိသိရှိလိုသော သီးနှံကို ရွေးချယ်နိုင်ပါတယ်။

အဆင့် (၄) ထို့အပြင် ရက်စွဲနှင့် မြို့နယ်ဒေသကိုလည်း အလိုရှိသလို ပြောင်းလဲ၍ ကြည့်ရှုလေ့လာနိုင်ပါတယ်။

Green Way (အစိမ်းရောင်လမ်း) ဆော့ဝဲလ်မှာ သီးနှံများ၏ ပြောင်းလဲနေသော နေ့စဉ်ဈေးနှုန်းများကို အချိန်နှင့်တပြေးညီ တင်ပြပေးနေပါတယ်။

ထို့သို့ သီးနှံများ၏ နေ့စဉ်ဈေးနှုန်းများကို အချိန်နှင့်တပြေးညီ သိရှိနိုင်ခြင်းဖြင့် တောင်သူများ မိမိစိုက်ပျိုးသော သီးနှံ၏ ဈေးကွက်အခြေအနေကို ခန့်မှန်းနိုင်ပြီး ဝင်ငွေနှင့် အမြတ်များကို ကောင်းမွန်စွာစီမံနိုင်ရန် အထောက်အကူပြုပေးနိုင်ပါတယ်။

Green Way (အစိမ်းရောင်လမ်း) ဆော့ဝဲလ် တွင် လက်ဖက်ဈေးနှုန်းများကိုလည်း ရရှိနိုင်ပြီ ဖြစ်ပါတယ်။ လက်ဖက်ဈေးနှုန်းများကို တစ်လတစ်ခါ တင်ပေးသွားမှာဖြစ်ပြီး လက်ဖက်ဈေးနှုန်းရရှိနိုင်သည့် မြို့နယ်များမှာ ပင်လောင်း၊ ပင်းတယ၊ ရွာငံ၊ နမ့်ဆန်၊ ကျောက်မဲ၊ ကျိုင်းတုံ၊ ကိုးကန့်၊ မိုးကုတ်၊ ပူတာအို တို့ဖြစ်ပါတယ်။