ချစ်သောတောင်သူများ..…. (ပုလဲဆိုတာ)
(unicode)

ပုလဲမြေဩဇာ
သို့မဟုတ်
ယူရီးယားဓာတ် ။
အပင်များအတွက် မရှိမဖြစ်လိုအပ်သော...ဓာတ်။
ထိုပုလဲမြေသြဇာနှင့်ပါတ်သက်ပြီး ပညာရှင်တွေ ထောင်းထောင်း
မကပြောခဲ့ကြပြီ ။ ဆွေးနွေးခဲ့ကြပြီးပြီ.....
သို့သော် နားမဝင်သောတောင်သူများကား မဝင်ဆဲ ။
ပုလဲမှ ပုလဲ စွဲသုံးနေသူက စွဲသုံးနေဆဲ ။
မြေတွေလဲ ပျက်လာနေဆဲ..……….
ကျွန်တော်တို့ ဘာဆက်လုပ်သင့်သလဲ

ပုလဲ......
....................
တောင်သူဆွေးနွေးပွဲတိုင်း ပုလဲကို လျှော့သုံးဖို့ ပြောဖြစ်ပါသည်။
တောင်သူနားလည်လွယ်မည့် စကားလုံးအတိုင်း တုတ်ထိုးအိုးပေါက်ပြောသင့်ပြောရသည်။

အမိုးနီးယားဖောင်လား
နိုက်ထရစ်ပုံစံလား
အမိုနီယမ်ကိုမှ ကလိုရိုက်လား ၊ ဆာလဖာအရောလား
လေနဲ့ဓာတ်ပြုတာတွေ ရေနဲ့ဓာတ်ပြုပြီး ထွက်လာတာတွေ
သံဓာတ်အဆိပ်သင့်မှုတစ်ချို့ဟာ ပုလဲစွဲသုံးတာက ဖြစ်လာတဲ့ ဆိုးကျိုး....တစ်ခါတစ်ရံပြောဖြစ်သည်......

ပုံမှန်ပြောဖြစ်တာကတော့ သူတို့နားလည်လွယ်သလိုပြောရတာမျိုး
တောင်သူက ဒုံ သမား ။
ဝေ့ကာဝိုက်ကာ ပညာရှင်ဆန်တာမျိုးကို သိပ်လက်ခံသည်မဟုတ်။

ထို့ကြောင့် ပုလဲအသုံးများရင် ဒုံပေါက်မယ် ၊ ၊ မြေကျွံမယ် အလံနီမယ် (စပါးပင်အလံရွက်နီကြောင်ကြောင်ဖြစ်ခြင်း) စသဖြင့် လုပ်ရသည်။

ပုလဲသည် အပင်ပိုင်းကြီးထွားမှုကို အလွန်အားပေးသည်။မျိုးပွားခြင်း ၊ အသီးအပွင့်များအတွက်မူ သိပ်အသုံးတည့်သည်မဟုတ်။
ဒါ ပညာရှင်တိုင်းလက်ခံထားကြသောကိစ္စ။
သို့သော် တောင်သူအများစု လက်မခံ။
သူတို့သည် ထိုပုလဲကို အပင်သင်တမ်းတစ်လျှောက် လွန်ကဲစွာသုံးစွဲကြသည်။တီစူပါမထည့် ၊ ပိုတက်မပါ သီးနှံမျိုးစုံကို ထိုသို့ စိုက်ပျိုးနေကြသည်။ ပြောလဲ လက်မခံကြ။

ဟင့်အင်း ပုလဲပဲ
အို.... ပုလဲသာ အဖ ပုလဲသာအမိ လုပ်တတ်ကြသည် ။
ချစ်သောတောင်သူများကား နားတစ်ဖက်ပေါက်များ များသည်ကိုး...

တစ်ရက် ဧရာဝတီမြစ်နှင့်ချင်းတွင်းကြားရှိ ရွာလေးတစ်ရွာမှာ တောင်သူဆွေးနွေးပွဲလုပ်ဖြစ်သည်။
မေးရင်း မြန်းရင်း တော်တော်ထူးဆန်းသော ကိစ္စကို သွားတွေ့ သည်။ပုလဲကို မြေခံသုံးကြခြင်း ။စိုက်တာက အစေ့ထုတ်ပြောင်း ။
စိုက်မြောင်း (ဝါ) စိုက်ကျင်းထဲ ပုလဲနှင့်အတူမျိုးစေ့ကိုပါ ရောထည့်လိုက်ကြပါသတဲ့ ။ ။
မြေခံကို ပုလဲသုံးသည်ဆိုသောအဖြစ်ကို အံ့သြလို့မှ မဆုံးသေး ၊အပင်သက်တမ်းတစ်လျှောက်လုံးပါ ပုလဲတစ်မျိုးတည်းကို စွဲသုံးကြသည်ဟု သိလိုက်ရတော့ ဘာဆက်ပြောရမည် မသိ။

သို့နှင့်ဘာ့ကြောင့် ပုလဲကို အဲ့သလောက်ကြိုက်ကြသလဲမေးကြည့်တော့ရှေ့ဆုံးတွင်ထိုင်နေသော အသက်ကြီးကြီး အဘတစ်ယောက် ထလာသည်။
ပုလဲ သုံးရတဲ့အကြောင်းရင်း ၂ ချက်ရှိပါသတဲ့။
အိုကေ... ဘာတွေလဲ အဘ လို့ မေးတော့
ပထမတစ်ကြောင်းက
စိုက်ထားသမျှ အပင်တို့သည် ပုလဲပက်လိုက်လျင် စိမ်းညို သွားလေ့ရှိကြောင်း ၊ ထိုအစိမ်းရောင်တက်လာတာကို တောင်သူတွေက ကြိုက်ကြခြင်းဖြစ်ကြောင်း... ထိုအဘက ပြောသည်။
(ကျွန်တော်တို့ နိုင်ငံအတွင်းရှိတောင်သူများ ပုလဲအသုံးများခြင်း၏အဓိက အကြောင်းရင်းသည် ထိုအရာပဲ ဖြစ်သည်အမြင်နှင့်သဘောကျကြတတ်သည်။ ထိုတောင်သူကြာကို တစ်ဒို့တစ်နပ်စားသမားများက အသုံးချတတ်ကြသည်ကိုမူ တောင်သူများ မသိကြ..) ၊ကျွန်တော်က ထိုအဘကို အထွန့်တက်သည်။ပုလဲဆိုသည်မှာ တက်လွယ် ကျလွယ်သဘာရှိကြောင်း ၊ စိမ်းလာမည် ပြီးလျင်အရောင်ကျသွားမည်.…………
အဘက လက်မခံကျွန်တော်ကို ကျွန်တော့်ကို လက်ညှိုးထိုးပြီးမင်း... ငါတို့အပင်တွေကို ကျကြောင်းလာမပြောနဲ့တဲ့
ငါတို့က ငါတို့အပင်တွေကို အကျကိုမခံတာကွ တဲ့ ဘယ်လိုလုပ်သတုန်း အဘရဲ့ ဆိုတော့ ဟ... ကျမယ်လုပ်ရင်း ပုလဲကျွေးရင်းဆိုတော့ ကျဘူး လေကွာတဲ့

ဘုရား ဘုရား.....
ဆက်လက်စူးစမ်းလိုက်တော့ ...

တစ်ဧက ကို ပုလဲချည့် ၅ အိတ်ကနေ ၁၀ အိတ်အထိသုံးပါသတဲ့
ထိုအဘ ပြန်ထိုင်တော့နေအုံးအဘ ပုလဲသုံးရတဲ့အကြောင်း ၂ ချက်ဆိုနောက်တစ်ချက်က ဘာတုန်း ပြောအုံးလေဆိုတော့
ကျွန်တော့်ဖက်ပြန်လှည့်ကာ" ဟ ဟကောင်ရ မိရိုးဖလာဟ ပုလဲ သုံးတာ..."ကိုင်း ဘာဆက်လုပ် ဘာဆက်ပြောရမည်နည်း..….
အိုဘယ့် ပုလဲ ဟုသာ ညည်းလိုက်ချင်မိတော့သည်။

ဒီနေ