စိတ်ဝင်စားစရာ အမေးအဖြေတွေကို စုစည်းပြီးဖော်ပြလာတာ ဒီတစ်ပတ်ဆို (၃) ပတ်မြောက် လို့လာပါပြီ။ မေးခွန်းနဲ့ အဖြေတွေကတွေကတော့ အစိမ်းရောင်လမ်းဆော့ဝဲရဲ့ အမေးအဖြေကဏ္ဍမှာ တောင်သူတွေမေးလာခဲ့တဲ့ မေးခွန်းတွေကို တခြားတောင်သူတွေပါသတိထားနိုင်ဖို့အတွက် ဗဟုသုတရဖွယ် ကောင်းနိုးရာရာတွေကို ရွေးထုတ်ပြီးဖော်ပြပေးနေခြင်းပဲဖြစ်ပါတယ်။

Green Way ဆိုတာ စိုက်ပျိုး၊ မွေးမြူရေး၊ ရေလုပ်ငန်းနဲ့ ဆိုင်တဲ့ သတင်းတွေဆောင်းပါးတွေကို တောင်သူတွေကို အခမဲ့ဖြန့်ဖြူးပေးနေတဲ့ ဆော့ဝဲတစ်ခုပါ။ ဒီဆော့ဝဲထဲမှာဆို စိုက်ခင်းထဲက ပြဿနာတွေ ဇဝေဇဝါဖြစ်နေတဲ့ အကြောင်းအရာတွေကို တိုင်ပင်ဆွေးနွေးလို့ရနိုင်တဲ့ အခန်းကဏ္ဍလေး ရှိပါတယ်။ အဲ့ဒါကတော့ အမေးအဖြေကဏ္ဍပါ။ မေးခွန်းတွေကိုမေးမြန်းချင်ရင်တော့ အမေးအဖြေကဏ္ဍသို့ဝင်ကာ ပို့စ်တင်ပြီးမေးလို့ရနေပါတယ်။ ပညာရှင်တွေနဲ့ အတွေ့အကြုံရှိတောင်သူတွေ မှန်မှန်နဲ့ မြန်မြန်ဖြေပေးနိုင်အောင် အတတ်နိုင်ဆုံးကြိုးစားပြီး ဝင်ဆွေးနွေးပေးကြပါတယ်ရှင့် ။ 

ဒီတစ်ပတ်ရဲ့ စိတ်ဝင်စားစရာ မေးခွန်းတွေကတော့.....

၁။ မေး (Lu lay) - ကျွန်တော်တစ်ခုလောက်သိချင်လို့ပါ ဆေးထုက်ဆေးဘူး တွေမှာ ဆေးအမည်မပြောင်းထားပေမဲ့ ဆေးအေအိုင်တွေပြောင်းထားတွေရှိတယ်၊ နောက်ပြီး ဆေးအေအိုင် အမည်ဖျောက်ထားတာတွေလည်းရှိတယ်။ အဲဒီဆေးမျိုးတွေကို ဝယ်သုံးလိူ့အဆင်ပြေပါမလားလို့ပါ ဗဟုသုတရအောင်အလင်းပြပါအုံးဗျာ။

ဖြေ (ဒို့ဦးလေး) - ဒီလိုဖြစ်စဥ်တွေ ပိုးသတ်ဆေး စျေးကွက်ထဲမှာ တော်တော်များများတွေ့လာရပါတယ်။ ထုတ်လုပ်သူတွေရဲ့ မြှုပ်ကွက်လား... ရောင်းချသူတွေရဲ့ တောင်းဆိုမှုကြောင့်လား..? သို့တည်းမဟုတ်... တင်သွင်းခွင့် (ပါမစ်ရှင်) တွေရဲ့ စနစ်တကျ စစ်ဆေးမှု/စမ်းသပ်မှုတွေ အားနည်းလို့လား?? မဖြစ်သင့်တာတော့ သေချာပါတယ်။ ဥပမာ...ထိသေဆေး အေအိုင်က ပွင့်ထွေးပိုးတွေကို ရှင်းနိုင်တယ်..ဆိုတာမျိုးတွေက အထဲမှာ အမှန်တကယ်ပါဝင်သော ai ဟုတ်ပါရဲ့လား .မေးစရာဖြစ်လာပါတယ်။

၂။ မေး (Thet Hnin) - နှမ်းခင်းတွင် စုပ်စားပိုး ဘယ်ရက်သားတွေကနေစကျရောက်တက်ပါသလဲဗျ။ ဘာဆေးတွေဖျန်းသင့်ပါသလဲ ဖြေကြားပေးစေလိုပါတယ်ခင်ဗျာ။။

ဖြေ (ဦးသက်လွင်) - တရားသေယူဆ၍ မရပါ စိုက်ခင်းအားသေခြာစွာ စောင့်ကြည့်ပြီး ပိုးသတ်ဆေး သုံးစွဲရမှာပါ။

၃။ မေး (Aung Chan) - ကျွန်တော့ ခရမ်းချဥ်ခင်းမှ ခရမ်းချဥ်သီးများ ပုံပါအတိုင်း ဖြစ်နေပါတယ်ဗျာ့။ ဒါဟာ ပိုးမွားရောဂါကျရောက်မှုကြောင့်လား အပင်အဟာရကြောင့်လား မည်သို့သောဆေးမျိုးကို ပက်ဖျန်းရန်လိုအပ်ပါသလည်းဗျ။

ဖြေ (ဦးသက်လွင်) - catfaceလို့ခေါ်တဲ့ ကြောင်မျက်နှာ ရောဂါပါ။ ပိုးမွှားရောဂါ ကြောင့်မဟုတ်ဘဲ။ အပူအအေး ရာသီပြောင်းလဲမှုနဲ့ သက်ဆိုင်ပါတယ်။ အာဟာရနဲ့လည်း သက်ဆိုင်ပါတယ်။ အဓိကအချက်က.. ရာသီဥတုကြောင့် ဝတ်မှုံကူးရာမှာ ချွတ်ယွင်းပြီး ပုံစံ မမှန်အသီးထွက်လာတာပါဘဲ။

ပိုတက်စီယံ၊ကယ်လစီယံ၊ ဇင့်၊ဘိုရွန်ပါသော အရွက်ဖျန်းမြေသြဇာကို အသုံးပြုပါ။ ပန်းပွင့်ချိန်မနက်ခင်းမှာ ပိုးသတ်ဆေးများ မဖျန်းမိအောင်ရှောင်ပါ။

၄။ မေး (မျိုးသူ) - ငါးခူမွေးတဲ့ကန်မှာ အယ်ဇိုလာ ရေမှော်ထည့်စိုက်ရင် ငါးတွေအောက်စီဂျင် ရနိုင့်ပါ့မလားခဗျ။ အဆင်ပြေပါမလား ဆရာတို့ ခဗျ။

ဖြေ (နှင်းဖြူဖြူ) - သင့်တင့်ရုံ စိုက်ရင်ရပါတယ်။ ငါးကန်တစ်ကန်လုံး ရေမှော်ဖုံးသွားရင်တော့ ငါးတွေ အောက်စီဂျင်ရဖို့ အဟန့်အတားဖြစ်စေပါမယ်။ ငါးများကို အပင်နှင့် ရောနှောမွေးမြူပါက သတိထားသင့်သည့်အချက်များ စာတန်းလေးကို နှိပ်ပြီး လေ့လာကြည့်ပါနော်။ ဆောင်ရန်ရှောင်ရန် အချက်တွေ ပါပါတယ်။

၅။ မေး (ဝေဇင်ကျော်) - မှိုသတ်ဆေး/ထိသေစားသေပိုးသတ်ဆေး/ရွက်ဖျန်းအားဆေး ၃မျိုးစလုံးကို ရောဖျန်းလို့ရလားဗျgw11စပါးပါ။

ဖြေ ( ဦးသက်လွင်) - ရောစပ်ပက်ဖျန်းရန် မသင့်ပါဘူး။

(ဒို့ဦးလေး) - အားဆေးနဲ့ ပိုးသတ်ဆေးလောက်ဘဲရောပါ။ မှိုဆေးကို သီးသန့်ဖျန်းပါခင်ဗျာ။

(အောင်အောင်) - မှိုဆေးကရောဖျန်းမရတာများပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။