မင်္ဂလာပါရှင့်

စိတ်ဝင်စားစရာ အမေးအဖြေတွေကို လေ့လာရမယ့် စနေနေ့ကို ပြန်လည်လို့ရောက်ရှိလာခဲ့ပါပြီ။

ဒီတစ်ပတ်မှာလည်း ဦးကြီးတို့အတွက် လေ့လာမှတ်သားစရာကောင်းတဲ့ အမေးအဖြေလေးတွေကို စုစည်းပြီးဖော်ပြပေးလိုက်ပါတယ်နော်

၁။ မေး (U La Doi) - အပင်အခေါက်က ဒီလိုအနာဖြစ်သွားတာ အဲဒါကိုဘယ်လိုပြန်လုပ်ယူရင်ကောင်းမလဲဆရာ။

ဖြေ (  ဒို့ဦးလေး) - သန့်ရှင်းရေးလုပ်ပြီး...ကော့ပါးဆာလဖိတ် ကို ရေဖျော် သုတ်ပေးပါ 

(ဖုန်းမဏ်တိုး) - ဘောဒိုဆေးရည် သို့ ကော့ပါးပါသော မှိုသတ်ဆေးတစ်ခုခုကို ခပ်ပျစ်ပျစ်ဖျော်၍ သုတ်ထားနိုင်ပါသည်။ ရက်အနည်းငယ်ကြာပါက ပင်ခြေတွင် ပိုတက်စီယမ် နှင့် ဖော့စဖရပ် အချိုးမြင့်မြင့် ပါသော မြေဩဇာများကိုကျွေးနိုင်ပါသည်။ 

၂။ မေး (သူရိန်) - ပင်လုံးပျံ့ပိုးသတ်ဆေးတိုင်းက အမြစ်ကို လောင်းလို့ရလား အမြစ်လောင်းရင် ထိရောက်လားခဗျ။

ဖြေ (ဦးမောင်မောင်ထွေး) - ပင်လုံးပျံ့ပိုးသတ်ဆေးဆို အရွက်ကဖျန်းရင်အမြစ်ထိသွား ဒါကြောင့်အမြစ်ကိုထိအောင်လှန်ပြီး အောင်ဖြန်းရန်မလိုပါအမြစ်မှာကျတဲ့ ပိုးလည်းသေမှာပါ ဆွေးမြေ့ပြီးအာဟာရများလည်းဖြစ်စေမယ်။ မြေနဲပြန်မဖုံးရင်ခြောက်သွေ့လေလွင့်ပြီး အလဟသဖြစ်သွားမယ်။

၃။ မေး (အမည်မသိ) - ငရုပ်ပင်ရေဝပ်ပြီး ညှိုးသွားတာ ပြန်ကောင်းနိုင်ပါဦးမလားဗျ ဘာလုပ်ဆောင်ရမလဲဗျ။

ဖြေ (ဒို့ဦးလေး) - မနက်ခင်း မလန်းရင်..မရနိုင်တော့ပါဘူး။

(ဦးမောင်မောင်ထွေး) - ငရုပ်ပင်ရေဝင်လို့အောက်ဆီဂျင်ပြတ်လို.အမြစ်များသေတာဆို ရေကျသွားရင်ပြန်အမြစ်များပေါက်လာမယ်ဆို အပင်နလံထူလာမယ် အမြစ်ပုပ်ဘက်တီးရီးယားဝင်သွားရင်တော့ အပင်နလံမထူဘဲသေသွားမယ်။ အပင်ချေပေါင်းသင်ပြီး ထရိုင်ကိုဒါးမားမြန်မြန်ဖျန်းနိုင်ရင်အချို့ပြန်နလံထူလာနိုင်မယ်။

၄။ မေး (Khun Naing) - အာလူးမျိုးကို ပိုးဝင်နေလို့ ဆေးရည်စိမ်လို့ရလား ဘာဆေးရည် မျိုးကိုစိမ်ရမှာလဲဗျ။

(ဒို့ဦးလေး) - အင်ဒေါင်း မျိုးလူးဆေး စိမ်စိုက်ပါ။

(ဦးမောင်မောင်ထွေး) - မျိုးအာလူးကရောဂါနဲ့ဆိုမစိုက်ပါနဲ့ရောကာကင်းတဲ.မျိုးကိုပြောင်းစိုက်ပါ

၅။ မေး (U Si Thu) မိုးနည်းလို့ ရေမရှိသည့်အတွက် စပါးကျဲခင်းထဲကို ချောင်းရေတင်ချင်ပါသည်။ ချောင်းရေသည် ရေငန်ဖြစ်နေပါသဖြင့် တင်လို့ရ မရ သိချင်ပါတယ် ခင်ဗျာ (အခြောက်ကျဲ ခင်းပါ) 

ဖြေ (ဒို့ဦးလေး) - အရေးပေါ် (မဖြစ်မနေ)သွင်းဖို့ဆိုရင်.. ဂျစ်ဆန် ပက်ပြီးသွင်းပါ။ ရေလှောင်မထားဘဲ ၊အပင်ဖြစ်ရေလောက်သာသွင်းပါ။ မိုးရေကို ခံထားပါ(ကန်သင်းပိတ်ထားပါ) မိုးရေသည် အချဥ်ဓါတ်များပါတယ်။

တခြားမိတ်ဆွေတောင်သူတွေလည်း ဒီလိုမျိုးအကြံဉာဏ်တွေရယူချင်တယ်ဆို အမေးအဖြေကဏ္ဍမှာ ပို့စ်တင်မေးလို့ရနေပါပြီနော်။ ဘယ်လိုတွေမေးရမှန်းမသိရင် ပုံလေးသာတင်ပြီး မေးလိုက်။ ဆရာတို့က သေချာကြည့်ပြီး ဖြေပေးနေပါပြီရှင့်။ အမေးအဖြေကဏ္ဍမှာ အားမနာတမ်း ပို့စ်တင်မေးနိုင်ပါကြောင်း သတင်းကောင်းပေးရင်း ဒီတစ်ပတ်တော့ ဒီလောက်နဲ့ပဲ အဆုံးသတ်လိုက်ပါဦးမယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။