ဝိုင်တွေဟာဆိုရင် မြန်မာနိုင်ငံကို အင်္ဂလိပ်တွေနယ်ချဲ့အပြီးမှာ စတင်ရောက်ရှိလာခဲ့တာဖြစ်ပြီးတော့ အမျိုးအစားတွေလည်း (၇) မျိူးလောက်ရှိပါတယ်။ အဲ့ဒါတွေကတော့ 

1. Red Wines ဝိုင်နီ - အရသာပြင်းပြင်းနဲ့ tannins သစ်ခေါက်ဆိုးဆေး တွေပါတာဟာ အစားအစာတွေနဲ့ တကယ်ကို လိုက်ဖက်မှုရှိတာပဲဖြစ်ပါတယ်။ Oak (ဝက်သစ်ချ) စည်ထဲမှာထားတာဟာလည်း ဝိုင်နီတွေအတွက် အရေးကြီးတဲ့ ကဏ္ဍမှာ ပါဝင်တာလည်းဖြစ်ပါတယ်။ 

2. White Wines ဝိုင်ဖြူ - သူကတော့ အရသာ ချဉ်တဲ့ဘက်သွားပြီး ဝိုင်နီတွေထက် ပိုလတ်ဆတ်ပြီး  အနံ့တွေက ပန်းပွင့်၊ သံပုရာ၊ သစ်သီးနံ့ပါဝင်ပါတယ်။ ဝိုင်ဖြူက အခြားဝိုင်တွေထက် အရသာပေါ့ပြီး alcohol (အရက်) ပါဝင်မှုလည်း နည်းပါတယ်။ 

3. Rose, 4. orange, 5. sparkling 6. fortified wines 7. Dessert wine (ဒီလိုဝိုင်အမျိုးအစားတွေကိုတော့ ရာသီနဲ့လိုက်ပြီး သုံးဆောင်ကြတာများပါတယ်။ 

Rose နှင်းဆီဝိုင်ကို နွေရာသီ၊ Sparkling wineတွေကို အရေးကြီးပွဲတွေနဲ့၊ fortified wine တွေကို အစာစားပြီးတဲ့အခါ သောက်သုံးကြတယ်။ 

ဝိုင်နီ 

Red Wines တွေကို စပျစ်သီးမှာဆိုရင် အခွံမည်းနေတဲ့ အသီးမျိုးနဲ့ ပြုလုပ်ပြီး အရောင်မဲ့ ဖျော်ရည်တစ်ခု ရလာပါတယ်။ စပျစ်သီးအခွံကို အတွင်းသားအရည်နဲ့ပေါင်းပြီး ကြိတ်လိုက်တဲ့အခါမှာဆိုရင်တော့ ခရမ်းနီရောင် အဖျော်ယမကာကို ရရှိစေတာပဲဖြစ်ပါတယ်။ 

Tannins (သစ်‌ခေါက်ဆိုးဆေး)

စပျစ်ရဲ့ အခွံမှာ tannins အရောင်ပါပါတယ်။ အဲ့ဒီ အရာက ဝိုင်နီရဲ့ ခါးသက်သက် အရသာကြောင့် စွဲလမ်းစေတဲ့ အရည်အသွေးကို ပိုင်ဆိုင်စေပါတယ်။ Tannins ဟာ red wine တွေမှာ ကြာရှည်ခံမှုကို ဖြစ်စေပါတယ် ။ ဒါကြောင့် ဝိုင်နီတွေက ဝိုင်ဖြူတွေထက် ပိုကြာကြာထားရပါတယ်။ 

အချိန်အရ tannins နဲ့ ရောင်ခြယ်ပစ္စည်း anthocyanins တွေက ပုလင်းရဲ့ အောက်ခြေကို အမြှုပ်တွေထစေပြီး စစ်ထုတ်ပေးဖို့ လိုအပ်တာလည်း ဖြစ်ပါတယ်။ 

Aging (သက်တမ်း) 

ဝိုင်နီအများစုကို ဝက်သစ်ချစည်ပိုင်းထဲမှာ ထည့်ပြီး အရသာ၊ အရောင်၊ အနံ့တွေပေါင်းထည့် ကြလေ့ရှိပါတယ်။ ဝက်သစ်ချစည်ပိုင်းထဲမှာ ထည့်ထားခြင်းအားဖြင့် ဝိုင်နီရဲ့ tannins ဒြပ်ပေါင်းကို နူးညံ့စေပြီး အရသာကို ပို smooth ဖြစ်စေပါတယ် ။

Taste (အရသာ) 

ဝိုင်နီတွေရဲ့ အနံ့နဲ့အရသာဟာ သူရဲ့ Aging methods (သက်တမ်း) နဲ့ စပျစ်မျိုးတွေပေါ် မူတည်ပါတယ်။ ဝိုင်နီတွေထဲမှာ ပါဝင်တဲ့ အသီးအရသာတွေကတော့ အနီရောင်ရှိတဲ့ အသီးတွေဖြစ်တဲ့ (စတော်ဘယ်ရီ ၊ မက်မန်းသီး) တွေအပြင် အနက်ရောင်ရှိတဲ့ (black berry  ) နဲ့အပြာရောင်ရှိတဲ့ (Blue berry ) တွေပါဝင်ပါတယ်။ 

Varietals (အမျိုးအစား)

Red Wines ကို များသောအားဖြင့် red စပျစ်သီးတစ်မျိုးတည်းနဲ့ လုပ်တာများပါတယ်။ အဲ့ဒါကြောင့် သူတို့ကို နာမည်ပေးတဲ့အခါ စပျစ်မျိုး (သို့ ) ထွက်ရှိတဲ့ ဒေသတွေကို အစွဲပြုပြီး နာမည်ပေးလေ့ရှိပါတယ်။ 

ဝိုင်နီ ၆မျိုး 

1. Bordeaux (ပြင်သစ်နိုင်ငံ ဘော်ဒို ခရိုင်မှထွက်သော ဝိုင်) 

စပျစ်အမျိုးအစားများစွာနဲ့ ပေါင်းပြီးလုပ်ထားတာပါ ။ ပြင်သစ်ဝိုင်တစ်မျိုးဖြစ်ပြီး

Cabernet Sauvignon, Cabernet franc, Merlot စတဲ့ စပျစ်မျိုးတွေနဲ့ ပြုလုပ်ထားတာပဲဖြစ်ပါတယ်။ 

2.  Chianti (အီတလီ အလယ်ပိုင်းဒေသမှ ထွက်သော ဝိုင်)

စပျစ်မျိုး တစ်မျိုးဖြစ်တဲ့ sangiovese နဲ့သာပြုလုပ်ထားတာဖြစ်ပါတယ်။ 

3.  Rioja (စပိန် မှ ထွက်သော ဝိုင်)

tempranillo စပျစ်နဲ့ လုပ်ထားပြီး ကမ္ဘာပေါ်မှာ တတိယ အများဆုံးစိုက်တဲ့ စပျစ်မျိုးတစ်မျိုးလည်း ဖြစ်ပါတယ်။ 

4.  Syrah (ပြင်သစ် ဝိုင်တစ်မျိုး)

Syrah ဆိုတဲ့ စပျစ်မျိုးနဲ့ လုပ်ထားတာဖြစ်ပါတယ်။ 

5.  Primitivo (အီတလီ တောင်ပိုင်းဒေသရှိ Primitivo မှ ထွက်သော စပျစ် ဝိုင်တစ်မျိုး) 

zinfandel လို့လဲ ခေါ်ကြပြီး သူ့မှာ alcohol ပါဝင်မှု မြင့်မားစွာ ပါဝင်ပါတယ်။

6. Beaujolais ( ဝိုင်နီဆိုပေမဲ့ အခြားဝိုင်နီတွေနဲ့ မတူပဲ တမူထူးခြားပါတယ် )

tannins ပါဝင်မှုနည်းပြီး glou -glou ဆိုတဲ့ အသံပါဝင်ပါတယ်။ (ပြင်သစ်နိုင်ငံ Beaujolais က ထွက်တဲ့ ဝိုင်လည်းဖြစ်ပါတယ်) 

နောက်ထပ် ဝိုင်အမျိုးအစားတွေ အကြောင်းကိုလည်း အပိုင်း(၂) မှာ ဆက်လက်ဖော်ပြ ပေးသွားပါမယ်။

Reference 

www.wekipedia.org

https://www.masterclass.com

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။