နောက်ဆုံး ဆောင်းပါးများ စိုက်ပျိုးရေး မွေးမြူရေး ရေလုပ်ငန်း အထွေထွေ ဗဟုသုတ သတင်း

အားလုံးကြည့်ရန် သစ်တောပုံတူ စိုက်ခင်းတည်ထောင်ခြင်း 21 ဂေဟစနစ် 58 အာဟာရနှင့် ကျန်းမာရေး 541 ပတ်ဝန်းကျင်ဆိုင်ရာ 139 အတွေးအမြင်ဆောင်းပါး 572 စိုက်ပျိုးရေး ဥပဒေများ 11 မွေးမြူရေး ဆောင်းပါးများ 263 ငွေကြေးစီမံခန့်ခွဲမှု 40 ကုန်သွယ်သုတ 8 အထွေထွေ 588

တစ်ပတ်တာအတွင်း ဈေးကွက်သုံးသပ်ချက်

AMIA • 27/11/2021

(၂၂.၁၁.၂၀၂၁) မှ (၂၆.၁၁.၂၀၂၁) ထိ အပြောင်းအလဲဖြစ်ပေါ်ခဲ့သည့် လယ်ယာထွက်ကုန်သီးနှံများ

မတ်ပဲ

မတ်ပဲကတော့ ဒီတစ်ပတ်မှာလည်း အတက်အကျသိပ်မရှိပါဘူး။ ငွေကြေးအပြောင်းအလဲပေါ်မူတည်နေပြီး တစ်တန်ကို ၁၄ သိန်းပတ်ချာလည်ရှိနေပြီး ၁ သောင်းလောက်သာ အတက်အကျရှိနေသည်။

အိန္ဒိယမှာတော့ ပဲအဝယ်နည်းလို့ မတ်ပဲ ဈေးက အနည်းငယ် ကျဆင်းနေတယ်လို့သိရသည်။ ငွေကြေးဈေးသိသာစွာပြောင်းလဲမှသာ ပြည်တွင်းပဲဈေးက တက်လာနိုင်မည်ဖြစ်ပြီး နိုဝင်ဘာလကုန်ထိတော့ ပဲဈေးက ငြိမ်နေဦးမယ်လို့ ကုန်သည်တွေက ဆိုပါတယ်။

မတ်ပဲ (FOC) ဈေးက တစ်တန်ကို ဒေါ်လာ ၈၀၀ ကနေ ၈၂၀ ကြား ပေါက်ဈေးရှိပြီး ပြီးခဲ့တဲ့အပတ်နဲ့ယှဥ်ရင်အနည်းငယ်တော့ ဈေးတက်လာပါတယ်။

ရန်ကုန်ဈေးကွက်မှာတော့ တစ်တန်ကို ၁၄ သိန်း ၂ သောင်းနီးပါးပေါက်ဈေးရှိနေပြီး ပြီးခဲ့တဲ့ အပတ်နဲ့ ယှဉ်ရင်တော့ တစ်တန်ကို ၃ သောင်းနီးပါးဈေးတက်လာပါတယ်။

မန္တလေးဈေးကွက်မှာတော့ သုံးတင်းဝင်တစ်အိတ်ကို ၁၃၅၀၀၀ ပေါက်ဈေးရှိနေပြီး ၃၀၀၀ ဈေးတက်ပါတယ်။

ပြည်ဈေးကွက်မှာတော့ တစ်တင်းကို ၄၅၇၀၀ ကနေ ၄၆၀၀၀ ပေါက်ဈေးရှိပြီး တစ်တင်းကို ၅၀၀ လောက် ဈေးတက်လာပါတယ်။

အောင်လံမှာတော့ တစ်တင်းကို ၄၄၀၀၀ ပေါက်ဈေးရှိပြီး ဈေးငြိမ်ပါတယ်။

ပဲစင်းငုံနီ

ပဲစင်းငုံနီကတော့ ပြီးခဲ့တဲ့ အပတ်တစ်ပတ်လုံး ဈေးအပြောင်းအလဲမရှိပေမယ့် ဒီတစ်ပတ်မှာတော့ ဈေး အနည်းငယ် ပြန်တက်လာခဲ့သည်။ ပြည်တွင်းပဲအဝယ်များလာလို့ ဈေးအနည်းငယ် ပြန်တက်လာတာလည်း ဖြစ်ပါတယ်။

အိန္ဒိယနိုင်ငံမှာတော့ ပဲစင်းငုံနီတွေ အဝင်များနေပြီး လာမယ့် ဒီဇင်ဘာလအတွင်း အသစ်တွေပေါ်မှာ ဖြစ်လို့ ပဲစင်းငုံနီက လက်ရှိပေါက်ဈေးထက် ကျဆင်းနိုင်တယ်လို့ အိန္ဒိယ ပဲသတင်းတွေအရ သိရသည်။

ပဲစင်းငုံနီ (FOC) ဈေးက တစ်တန်ကို ၆၆၀ ဒေါ်လာကနေ ၆၈၀ ပေါက်ဈေးရှိပြီး အနည်းငယ်တက်လာပါတယ်။

ရန်ကုန်ဈေးကွက်မှာ တစ်တန်ကို ၁၁ သိန်း ၈ သောင်း ပေါက်ဈေးရှိနေပြီး ပြီးခဲ့တဲ့အပတ်နဲ့ယှဉ်ရင် တစ်တန်ကို တစ်သောင်းခွဲလောက်ဈေး တက်လာပါတယ်။

မန္တလေးမှာတော့ လက်ရှိအချိန်ထိ ဈေးဖွင့်ခြင်းမရှိသေးပါဘူး။

အောင်လံဈေးကွက်မှာတော့ တစ်တင်းကို ၃၅၀၀၀ ပေါက်ဈေးရှိပြီး ၂၀၀၀ ကျပ်ဈေးတက်လာပါတယ်။

ပဲတီစိမ်း

ပဲတီစိမ်းကတော့ လက်ရှိမှာ တရုတ်တင်ပို့မှု အနည်းငယ်ရှိနေပြီး ဒေသအချို့မှာ ပဲလက်ကျန်မရှိတော့တဲ့အတွက် ဈေးက တက်လာလာလို့သိရပါတယ်။ ပဲတီစိမ်းက တရုတ်အပြင် အိန္ဒိယကိုလည်း တင်ပို့မှုရှိနေတာဖြစ်လို့ လက်ရှိအရောင်းအဝယ်ကတော့ သွက်နေတယ်လို့သိရပါတယ်။

ရန်ကုန်ဈေးကွက်မှာတော့ ပဲတီစိမ်း (ခရမ်းရွှေဝါ)က ၂၅၀၀ ကနေ ၂၅၈၅ ပေါက်ဈေးရှိနေပြီး ဈေးငြိမ်ပါတယ်။ ပဲခူးရွှေဝါကလည်း ၂၂၆၅ ကနေ ၂၃၃၅ ပေါက်ဈေးရှိပြီး ဈေးငြိမ်ပါတယ်။ ပဲတီစိမ်း(ဝါးခယ်မ) ကတော့ ၂၅၀၀ ကနေ ၂၅၈၅ ပေါက်ဈေးရှိပြီး ၈၅ ကျပ် ဈေးတက်လာပါတယ်။

မန္တလေးဈေးကွက်မှာတော့ တစ်အိတ်ကို ၁၂၅၀၀၀ ကနေ ၁၃၀၀၀၀ အထိပေါက်ဈေးရှိနေပြီး တစ်အိတ်ကို ၃၀၀၀ ကျပ် ဈေးတက်လာပါတယ်။

အောင်လံဈေးကွက်မှာတော့ တစ်တင်းကို ၄၄၀၀၀ ပေါက်ဈေးရှိနေပြီး ဈေးငြိမ်ပါတယ်။

ပြည်ဈေးကွက်မှာတော့ တစ်တင်းကို ၄၃၀၀၀ ကနေ ၄၄၀၀၀ ပေါက်ဈေးရှိနေပြီး တစ်တင်းကို ၁၅၀၀ လောက် ဈေးတက်လာပါတယ်။

ကြက်သွန်ဖြူ

ကြက်သွန်ဖြူ (ရှမ်း) ကတော့ ပြီးခဲ့တဲ့အပတ်ကတည်းက ဈေးကျဆင်းနေခဲ့ပြီး ဒီတစ်ပတ်မှာလည်း ထပ်ကျဆင်းသွားပါတယ်။ ပစ္စည်းတွေ များနေပြီး အဝယ်နည်းတဲ့အတွက် ဈေးကျဆင်းသွားတာဖြစ်တယ်လို့ သိရပါတယ်။

ရန်ကုန်ဈေးကွက်မှာ ကြက်သွန်ဖြူ (ရှမ်း၊အောင်ပန်း) က တစ်ပိဿာကို ၁၅၀၀ ကနေ ၃၀၅၀ ပေါက်ဈေးရှိပြီး တစ်ပိဿာကို ၁၀၀ ကျပ်ဈေးကျဆင်းသွားပါတယ်။

မော်လမြိုင်ဈေးကွက်မှာလည်း တစ်ပိဿာကို ၂၇၀၀ ကနေ ၃၄၀၀ ရှိပြီး ၁၀၀ ကျပ် ဈေးကျဆင်းသွားပါတယ်။

ကြက်သွန်ဖြူ(ကြူကုတ်)ကတော့ ၃ ပတ်လောက်ဈေးငြိမ်နေခဲ့ပြီး ဒီတစ်ပတ်မှာတော့ ဈေးကျဆင်းသွား ပါတယ်။ အဝင်များလို့ ဈေးတွေကျဆင်းသွားတယ်လို့ သိရပါတယ်။

ရန်ကုန်ဈေးကွက်မှာ ၄၇၀၀ ကနေ ၅၂၀၀ ပေါက်ဈေးရှိပြီး တစ်ပိဿာကို ၂၀၀ ကျပ်ဈေးကျဆင်းသွားပါတယ်။

မော်လမြိုင်မှာတော့ တစ်ပိဿာကို ၄၆၀၀ ပေါက်ဈေးရှိပြီး တစ်ပိဿာကို ၁၀၀ ကျပ် ဈေးကျဆင်းသွားပါတယ်။

သကြား

သကြားက ပြီးခဲ့တဲ့အပတ်က ငွေကြေးဈေးအပြောင်းအလဲကြောင့် ဈေးကျဆင်းသွားပေမယ့် ဒီတစ်ပတ်မှာတော့ အနည်းငယ်ပြန်တက်လာပါတယ်။ လက်ကျန်လျော့နည်းပြီး အဝယ်များလို့ ဈေးက ပြန်တက်လာတာဖြစ်တယ်လို့သိရပါတယ်။ ထိုင်းမှ သကြားဝင်ရောက်မှုကလည်း လျော့နည်းသွားပါတယ်။

သကြားကတော့ လာမယ့် ဒီဇင်ဘာလမှာ သကြားအသစ်တွေ ထွက်မှာဖြစ်တဲ့အတွက် သကြားဈေးက ကျဆင်းနိုင်ခြေရှိတယ်လို့ သကြားကုန်သည်အသင်းက ဆိုထားပါတယ်။

ရန်ကုန်ဘုရင့်နာင်ဈေးကွက်မှာ သကြား (ပြည်တွင်း)က တစ်ပိဿာကို ၁၉၅၀ ကနေ ၂၀၀၀ ပေါက်ဈေးရှိပြီး တစ်ပိဿာကို ၁၀၀ ကျပ်ဈေးတက်လာပါတယ်။

သကြား(ယိုးဒယား)ကလည်း တစ်ပိဿာကို ၁၉၅၀ ကနေ ၁၉၇၀ ပေါက်ဈေးရှိပြီး တစ်ပိဿာကို ၂၀ ကျပ် ဈေးတက်လာပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဆက်စပ်ဆောင်းပါးများ

အထွေထွေ

သမိုင်းအစဉ်အလာကြီးတဲ့ ငရုတ်သီး

Thu Ra Nyi Nyi

အထွေထွေ

မက်ဆီအမြဲလိုလို ပိုက်နဲ့စုပ်သောက်နေတာက ဘာလဲ?

Thein Soe Min

အထွေထွေ

ကျန်းမာပျော်ရွှင်ပါစေ.. အမေ

အစိမ်းရောင်လမ်း

ဆက်စပ်မေးခွန်းများ

ဂန္ဓပန်းအခုမှစမ်းစိုက်ကြည့်မလို့ပါစိုက်ပျိုးနည်းစနစ်လေးသိချင်လို့ပါခင်ဗျာ

ကိုချမ်း • ဖြေကြားချက် 1 ခု

ကျွန်တော့် ညီ/အကို/မောင်နှမများ ဆရာများ ခင်ဗျ ပဲကြီးစိုက်ပျိုးနည်းလေးရှိရင် မျှဝေ ပေးကြပါအုံးနော်🥰 စိုက်ပျိုးရမည့်အချိန် စိုက်ပျိုးသင့်သော မြေ (ဒေသ) စိုက် ၁ ဧက ဘယ်လောက် နှုန်း စိုက်သင့်လည်း စိုက်ပျိုးပြီး ဘယ်အချိန်တွေမှာ ပေါင်းနုတ်မျက်သင်လုပ်ရလည်း? အားဆေး ကာကွယ်ဆေး ဘယ်အချိန် ဖြန်းသင့်လည်း? စိုက်ပျိုးပြီး ဘယ်နှစ်လအကြာ ရိတ်သိမ်းရမလည်း? ၁ ဧက အထွက်နှုန်းထား ဘယ်လောက်ထွက်လည်း? ဒါတွေတကယ်မသိလို့ မျှဝေပေးပါအုံး🥰😍😍

ကိုအောင်မင်းထွန်း • ဖြေကြားချက် 1 ခု

ချီးပါနေတဲ့အကောင်ပါ2လသားကျော်ကာစပါ အသားရဲတယ်အစာအံနေလို့ပါ

Min Maung • ဖြေကြားချက် 0 ခု

ဘာမြေသြဇာ ကျွေးရမလည်းဗျ

ZawHtwe • ဖြေကြားချက် 1 ခု

နှင်းဆီက ဘာဖြစ်တာလဲ? ပွင့်လာတော့ အပွင့်က မလှဘူး။ အရွက်ကလည်း တွန့်နေတယ်။

Nova Nova • ဖြေကြားချက် 1 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ