ကျွဲ၊ နွား အရေပြားအကျိတ်နာရောဂါကို ကာကွယ်ကုသနည်း အပိုင်း(၂)
ကျွဲ၊ နွား အရေပြား အကျိတ်နာရောဂါနှင့်ပတ်သက်၍ ရောဂါလက္ခဏာများအကြောင်း၊ ကူးစက်ပျံ့နှံ့ပုံအကြောင်း စသည်တို့ကို အပိုင်း(၁) တွင် ဖော်ပြပေးခဲ့ပြီး ဖြစ်ပါသည်။
အောက်ပါလင့်မှ ဝင်ရောက်ဖတ်ရှုနိုင်ပါသည်။
https://greenwaymyanmar.com/posts/Cattle_Lumpy_Skin_Disease_1
အခု အပိုင်း(၂) မှာတော့ ရောဂါမဖြစ်ခင် ကာကွယ်နည်းနဲ့ နောက်ဆက်တွဲကုသနည်းများကို ဖော်ပြပေးသွား မည်ဖြစ်ပါသည်။
ကျွဲ၊ နွား အရေပြားအကျိတ်နာရောဂါကို အခြားရောဂါများနှင့်လည်း မှားယွင်းနိုင်ပါသည်။
မှားယွင်းဆုံးဖြတ်နိုင်သော ရောဂါများမှာ-
- ကျွဲ၊ နွား ရေယုန်ရောဂါ၊
- ကျွဲ၊ နွားပါးစပ်အတွင်းရှိ အမြှေးပါးရောင်ရောဂါ၊
- အင်းဆက်ပိုးမွှားကိုက်ခြင်းကြောင့် ဖြစ်ပေါ်လာသော အရေပြားရောဂါ၊
- ကျွဲ၊ နွား အရေပြားဆဲလ်ရောင်ရောဂါ၊
- ကျွဲ၊ နွား နေလောင်ရောဂါ၊
- နွားကျောက်ရောဂါနှင့် သဏ္ဌာန်တူရောဂါ၊
- နွားကျောက်ရောဂါ၊
- နွားပလိပ်ရောဂါ၊
- ကျွဲ၊နွား အဆုတ်ရောင်ရောဂါ၊
- သန်မျိုးစိတ်တစ်မျိုးကြောင့်ဖြစ်သော မျက်လုံးကွယ်ရောဂါ
စသည်တို့ ဖြစ်ပါသည်။
ကုသခြင်း
- ထိရောက်သောကုသဆေး မရှိပါ။
- နောက်ဆက်တွဲရောဂါများ ဝင်မလာစေရန်တော့ ပဋိဇီဝဆေးများဖြင့် ကုသ၍ ရပါသည်။
ကာကွယ်ဆေးထိုးနှံခြင်း
- အားဖျော့ထားသော Homologous နှင့် Heterologus ပိုးအရှင် ကာကွယ်ဆေးထိုးနှံ၍ ကာကွယ်နိုင်ပါသည်။
- နွားကလေးအသက်(၃-၄)လမှ စတင်၍ ထိုးနှံနိုင်ပါသည်။
- ၁ နှစ်၁ ကြိမ် ပုံမှန်ထိုးနှံပေးရပါမည်။
- အသားထုတ်လုပ်မည့် ကျွဲ၊နွားများအား ကာကွယ်ဆေးထိုးနှံပြီး ၂၁ ရက်အကြာမှသာ အသားထုတ်လုပ်ရပါမည်။
- ကာကွယ်ဆေးထိုးပြီးပါက နို့ထုတ်လုပ်မှု ခဏတာ လျော့ကျသွားတတ်ပါသည်။
ရောဂါကာကွယ်ရန် လိုက်နာရမည့်အချက်များ
မိမိတို့မွေးမြူထားသော ကျွဲ၊ နွားများအား ရောဂါကူးစက်ခြင်းမှကာကွယ်ရန် အောက်ပါအချက်များကို လိုက်နာဆောင်ရွက်ရပါမည်။
- (က) နာမကျန်း ကျွဲ၊ နွားများကို လွှတ်ကျောင်းခြင်း၊ အခြား ကျွဲ၊ နွားများနှင့် ရောနှောခြင်း မပြုရန်။
- (ခ) ကျွဲ၊ နွား မွေးမြူရေးခြံများ၏ ဇီဝလုံခြုံမှုကို အထူးဂရုပြုရန်နှင့် ပိုးသတ်သန့်စင်ခြင်း ဆောင်ရွက်ရန်။
- (ဂ) ရောဂါပိုးသယ်ဆောင်တတ်သည့် အင်းဆက်ပိုးမွှားများဖြစ်သည့် မှက်၊ ခြင်၊ ယင်နှင့် မွှားများကို ထိန်းချုပ်ရန် ။
- (ဃ) ဆေးထိုးအပ်နှင့် ခြံအသုံးအဆောင်ပစ္စည်းများ မျှဝေသုံးစွဲခြင်း မပြုရန်။
- (င) သေဆုံးပြီးသော ကျွဲ၊ နွားများကို စနစ်တကျ ရှင်းလင်းဖယ်ရှားရန်။
- (စ) ကျွဲ၊ နွားများကို ရွှေ့ပြောင်းသယ်ဆောင်ရာတွင် မွေးမြူရေးနှင့် ကုသရေးဦးစီးဌာန၏ တိရစ္ဆာန်ကျန်းမာရေးထောက်ခံချက်လက်မှတ် ရယူရန်။
- (ဆ) နွားအသစ်ဝယ်ယူမွေးမြူမည်ဆိုပါက ရောဂါကင်းရှင်းကြောင်း စိတ်ချရသောခြံမှ နွားများကို ဝယ်ယူမွေးမြူရန်။
- (ဇ) ဝယ်ယူသည့် နွားအသစ်များကို မိမိခြံရှိနွားများနှင့် မရောမီ သီးသန့်ခွဲခြားထား၍ ရောဂါကင်းရှင်းမှ မွေးမြူရန်။
- (စျ) မိမိနွားခြံတွင် အရေပြားအကျိတ်နာရောဂါ ဖြစ်ပွားနေသည်ဟု သံသယရှိပါက နီးစပ်ရာအုပ်ချုပ်ရေးအဖွဲ့၊ မွေးမြူရေးနှင့် ကုသရေးဦးစီးဌာန၊ မြန်မာနိုင်ငံ မွေးမြူရေးလုပ်ငန်းအဖွဲ့သို့ ချက်ချင်းသတင်းပို့ပြီး ပူးပေါင်းပါဝင်ဆောင်ရွက်ကြပါရန်တို့ ဖြစ်ပါသည်။
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
Ko Soe Hlaing
လွန်ခဲ့သော ၂ နှစ် ကနွားကျောက်ရောဂါ
May Thet Hnin
လွန်ခဲ့သော ၂ နှစ် ကယ္ခုလက်ရှိအဖုအပိန့်ထွက်ပီးအနာပျောက်စေမည့်ဆေးနည်းများ ပေါင်နာလက်နာပျောက်ကင်းစေသောဆေးနည်းများကိုညွှန်ပြပေးကြပါရန်တောင်းဆိုအပ်ပါသည်။
pho pyae
လွန်ခဲ့သော ၂ နှစ် ကဒီဖက်မှာအဖြစ်များနေလို့ ပြုစုစောင့်ရှောက်နည်းလေးပါ ဆက်ရေးပေးပါဦးဆရာ
အောင်ဇော်
လွန်ခဲ့သော ၃ နှစ် ကဆေးကုသနည်းလေးညွှန်းပါအုံး
အောင်ဇော်
လွန်ခဲ့သော ၃ နှစ် ကနွား၏တစ်ကိုယ်လုံးဝဲစွဲနေလို့ပါခင်ဗျ
ဆက်စပ်မေးခွန်းများ
ချီးပါနေတဲ့အကောင်ပါ2လသားကျော်ကာစပါ အသားရဲတယ်အစာအံနေလို့ပါ
Min Maung • ဖြေကြားချက် 0 ခု
နွားထီး၂နှစ်ခွဲးအရွယ်ဝမ်းပျော့တေသွားနေတာ၁ပတ်လောက်ရှိနေပီခုထိမရပ်သေးလို့ကာကွယ်ကုသနည်းလေးညွှန်ပြပေးပါဆရာတို့
tinwinesein • ဖြေကြားချက် 2 ခု
ဆေးကို ဘယ်မှာဝယ်လို့ရနိုင်ပါသလဲ ကျိုက်လတ် မအူပင်နဲ့နီးပါတယ်
အောင် ကောင်းပြည့် • ဖြေကြားချက် 1 ခု
နို့စားနွားမ မာကိုဝန်နဲ့ကျောက်ပေါက်အနာတွေဖြင့်နေလို့ဆေးထိုးလို့ရလားခင်ဗျာ
ဇော်ရဲသက် • ဖြေကြားချက် 0 ခု
အဖြူကျားဝက်လေးကအသားတွေတော်တော် ပူနေတယ် အသက်ရှူလဲပျင်းနေတယ် ဘာဖြစ်တာလဲ ဘယ်လိုကုရမလဲ ဗျ ဆရာတို့ လမ်းညွှန်ပါအုံး
sansansoe • ဖြေကြားချက် 0 ခု
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....
နောက်ဆုံး ဆောင်းပါးများ
More from ဦးဇော်(dof)
အားလုံး
