ကျန်းမာရေးအကျိုးကျေးဇူးများတဲ့ ငါးအကြေးခွံတွေကို သင် .. လွှင့်ပစ်နေတုန်းပဲလား..?
လူအများစုက ငါးဟင်းမချက်ပြုတ်မီ ငါးအကြေးခွံကို သင်ပြီး စွန့်ပစ်တတ်ကြပါတယ်။ ကျွန်မတို့ စွန့်ပစ် လိုက်တဲ့ငါးအကြေးခွံတွေမှာ ပရိုတင်း(အသားဓါတ်)ကြွယ်ဝစွာပါ ဝင်နေပြီး အဆီဓါတ်၊ ကယ်လ်ဆီယမ်ဓာတ်၊ ဖော့စ်ဖရပ်ဓာတ်များ ပါရှိတဲ့အပြင် ကြွယ်ဝတဲ့ လက်ဆီသင်ဓါတ်(lecithin)လည်း ပါရှိတာကို မှတ်သားခဲ့ရဖူးပါတယ်။
လက်ဆီသင်ဓါတ်က မှတ်ဉာဏ် စွမ်းအားကို ကောင်းစေနိုင်ပြီး ဦးနှောက်အတွင်း ဆဲလ်များ ဆုတ်ယုတ်ပျက်စီးမှု မဖြစ်အောင် ကြိုတင်ကာကွယ်ပေးနိုင်ရုံ သာမက လူ့ခန္ဓာကိုယ်အိုမင်းရင့်ရော်မှုကိုလည်း ကြိုတင်ကာကွယ်နိုင် ပါတယ်။
ဒါ့အပြင် ငါးအကြေးခွံထဲမှာ မပြည့်ဝဆီ(unsaturated fat) တွေ ပါရှိလို့ သွေးကြောနံရံမှာ ကိုလက် စထရော(cholesterol) အများအပြား မကပ်ငြိရအောင် ကာကွယ်တားဆီးနိုင်ပါတယ်။ သွေးကြောနံရံမှာ ကိုလက်စထရောနည်းပါးမယ်ဆိုရင် သွေးတိုးရောဂါ၊ နှလုံးရောဂါကို ကာကွယ်နိုင်ပါတယ်..။ ဒါတင်မက ငါးတံခွန်ငါးရဲ့အကြေးဟာ ကင်ဆာရောဂါကို အတော်လေးခုခံကာကွယ်နိုင်ကြောင်း သုတေသီတွေက ဆိုထားကြပါတယ်..။
ငါးအကြေးခွံက ကျန်းမာရေးအတွက် ချက်ပြုတ်စားသုံးဖို့ အသုံးဝင်တာတင်မဟုတ်ဘဲ အသားအရေထိန်းသိမ်းတဲ့ အလှကုန်တွေမှာပါ ကုန်ကြမ်းအဖြစ်အသုံးပြုဖို့ ဂျပန်နဲ့ ထိုင်းနိုင်ငံက မြန်မာ့ရေချိုငါးအကြေးခွံကို ဝယ်ယူမှုတွေ ရှိလာကြတယ်လို့ သိရပါတယ်။ ငါးအကြေးခွံက ထွက်ရှိတဲ့ ကော်လဂျင်(collagen)ဓါတ်ကို အလှကုန်မှာ အသုံးပြုတာဖြစ်ပြီး ဝယ်လိုအားအရ များများရောင်းနိုင်ရင် နောက်ပိုင်းမှာ စျေးပိုရနိုင်တယ်လို့ ဆိုကြပါတယ်။
ရေချိုငါးအကြေးခွံတွေထဲမှာ တီလားပီးယားငါးအကြေးခွံကို ပိုမိုဝယ်ယူကြပေမယ့် တီလားပီးယား ငါးအကြေးခွံကို အရေအတွက် အများကြီး မထုတ်နိုင်တဲ့အတွက် ပြည်တွင်းမှ အဓိကမွေးငါးများဖြစ်တဲ့ ငါးမြစ်ချင်း၊ ငါးသိုင်းခေါင်းပွ၊ ငါးကြင်းဖြူတို့ရဲ့ အကြေးခွံတွေကိုလည်း ငါးစာအဖြစ်အသုံးပြုဖို့ ထိုင်းနိုင်ငံမှ ဝယ်ယူကြကြောင်း သိရပါတယ်။ အခုနောက်ပိုင်းမှာလည်း စိုက်ပျိုး၊မွေးမြူရေးလုပ်ငန်းမှာ အသုံးပြုကြတဲ့ ငါးအမိုင်နိုအက်စစ်မှာ ငါးအကြေးခွံ ပါဝင်သော ငါးစွန့်ပစ်ပစ္စည်းတွေနဲ့ ပြုလုပ်ကြတာကို သိရှိပြီး ဖြစ်မှာပါ။
တချိူ့နိုင်ငံတွေမှာ ငါးအကြေးခွံကို ချက်ပြုတ်စားသောက်တာတောင် လုပ်နေကြပြီမို့ အလွယ်တကူ ချက်လို့ရအောင် ချက်ပြုတ်နည်းလမ်းလေးကိုပါ ပြောပြပေးလိုက်ပါတယ်။
၁။ ငါးအကောင်ကြီးကြီးတစ်ကောင်ကို ရေဆေးသန့်စင်ပြီး အကြေးထိုး ရရှိလာတဲ့ ငါးအကြေးခွံတွေကို ရေနဲ့ သန့်စင်အောင်ပြန်လည်ဆေးကြောပြီး ရေသင့်ရုံ ထည့်ထားတဲ့ အိုးထဲထည့်ကာ စေးထန်းတဲ့ ဟင်းရည်အပျစ် ဖြစ်လာအောင် ကျိုချက်ပါ။
၂။ ကျိုချက်ပြီးတဲ့ ငါးအကြေးဟင်းထဲ ငါးအကြေးအကြေ များကို တွေ့ပါကဆယ်ယူ၍ စွန့်ပစ်ပါ။
၃။ ပြီးရင် ချင်း၊ ဟင်းချက်အရက်အနည်းငယ်နဲ့ နောက်ထပ်အချိန်အနည်းငယ် ချက်ပြုတ်ပြီးပါက ငါးအကြေး ခွံဟင်းရည် ကျက်ပါပြီ။
ကျိုချက်ပြီးသား ငါးအကြေးဟင်းရည် အပျစ်ကို ကြွေပန်းကန်လုံးကြီးထဲထည့်၊ ရေခဲသေတ္တာထဲသွင်းပြီး အအေးခံ ထားနိုင်ပါတယ်။ ဟင်းရည်အပျစ်အေးခဲလာရင်တော့ လွယ်ကူပြီး ဆေးဖက်ဝင်တဲ့ ငါးကြေးခွံဟင်းရည်ကို စားသုံးနိုင်ပါပြီ ဆိုတဲ့အကြောင်း ဗဟုသုတဖြစ်စေရန် ရည်ရွယ်၍ ရေးသားဖော်ပြလိုက်ရပါတယ်။
ကဲ..ဒီတော့..ဒီလောက်ဆေးဖက်ဝင်နေတဲ့ ငါးအကြေးခွံတွေကို မိတ်ဆွေတို့ လွှင့်ပစ်နေကြဦးမှာလား..??
ရေးသားသူ-နှင်းဖြူဖြူ
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
ဆက်စပ်ဆောင်းပါးများ
ဆက်စပ်မေးခွန်းများ
ဝက်မွေးမြူရေးတွင် ဝက်များအတွက် လိုအပ်သော လိုင်ဇင်းဓါတ်ကို သဘာဝအစားအစာများတွင် မည်သည့်အပင်/အစားအစာက ရရှိနိုင်သနည်း။သို့မဟုတ် လိုင်ဇင်ဓါတ်ရရှိအောင်မည်သို့ ဆောင်ရွက်ရမည်နည်း
Kyaw Thu Lin • ဖြေကြားချက် 1 ခု
Mineral block နွားလျှက်ဓာတ်ဆားခဲ့မကွေးမြို့ဘယ်မှာဝယ်လို့ရလည်းဗျ
ဖြိုးဝေယံစိုး • ဖြေကြားချက် 0 ခု
ငါးကန်အတွက်emလုပ်နည်း
MgHtike • ဖြေကြားချက် 1 ခု
အစားအားနည်းခြင်း ဘယ်ကျွေးရမလဲ
king • ဖြေကြားချက် 2 ခု
နွားမတစ်ကောင်ကို တစ်နေတာ အစားပိဿာဘယ်လောက်ကျွေးရလည်းဖြေပေးပါအုံနော်
ZWE THUT KHUNG • ဖြေကြားချက် 3 ခု
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....
နောက်ဆုံး ဆောင်းပါးများ
More from နှင်းဖြူဖြူ
အားလုံး
အသံ
ရေငန်ငါးတစ်မျိုးဖြစ်တဲ့ ငါးပုလဲ(ခေါ်) ဆင်နားရွက်ငါး၏ ထူးခြားသောသဘာဝ
07/08/2026
ဇီဝမျိုးစုံမျိုးကွဲများ ပေါကြွယ်ဝသော လန်ပိအဏ္ဏဝါအမျိုးသားဥယျာဉ်
27/03/2026
ငါးဝမ်းပူ၏ ထူးခြားသောသဘာဝနှင့် အသုံးဝင်ပုံ
23/03/2026
ကင်ဆာကိုပျောက်စေနိုင်သည်ဟု သိပ္ပံပညာရှင်များတွေ့ရှိထားသည့် ရေပုတ်သင်၏ ထူးခြားသဘာဝ
19/02/2026
မြန်မာမြေက မွေးဖွားခဲ့သော ရှားပါးရတနာ — မြန်မာ့ကြယ်လိပ်
26/01/2026
