မြေပဲ ရက်၂၀ရှိပီ နွားသေး ဆေးဖြန်းပုံး တပုံးကို နှစ်လီတာ ထည့်ဖြန်းလို့ရပါသလား ဘယ်လောက်ထည့်ရမလည်း ဘာတေနဲ့ရောဖြန်းရင် ပိုကောင်းပါသလည်း ဆရာ
ခရမ်းချဉ်ပျိုးတာ5ရက်ရှိပြီအမင်မပေါက်လာသေးလို့ဆရာ/မျှားနီတံဆိပ်
ခရမ်းချဉ်စေ့များသည် ပုံမှန်အားဖြင့် အပင်ပေါက်ရန် အပူချိန်နှင့် စိုထိုင်းဆပေါ်မူတည်၍ ၅ ရက်မှ ၁၀ ရက်အထိ (အခြေအနေမပေးပါက ၁၄ ရက်အထိ) ကြာမြင့်တတ်သဖြင့် လက်ရှိ ၅ ရက်ဆိုသည့်ကာလမှာ စိတ်ပူရန်မလိုသေးဘဲ နောက်ထပ်ရက်အနည်းငယ် ထပ်မံစောင့်ဆိုင်းပေးရပါမယ်။ အပင်ပေါက်နှုန်း ကောင်းမွန်စေရန်အတွက် ပျိုးမြေကို ခြောက်မသွားစေဘဲ အမြဲစိုစွတ်နေအောင် ဂရုစိုက်ပေးရမည်ဖြစ်ပြီး၊ အစေ့ကို အလွန်နက်ရှိုင်းစွာ မြှုပ်နှံမိပါကလည်း အပင်ပေါက်ရန် ကြာမြင့်တတ်သဖြင့် အစေ့အထက်တွင် မြေသား ၀.၅ စင်တီမီတာခန့်သာ ဖုံးအုပ်ထားသင့်ပါတယ်။
မြေ ph level တိုင်းတာရန် တိုင်းစက်အပြင် အခြား မည်သည့်နည်းလမ်းဖြင့် တိုင်းတာလို့ရနိုင်ပါလဲ ခင်ဗျ
မြေဆီလွှာ၏ pH level (အချဉ်အငန်ဓာတ်) ကို တိုင်းတာရန် စက်မရှိပါက အိမ်သုံးပစ္စည်းများဖြစ်သော ဗာနီဂါရှာလကာရည် (Vinegar) နှင့် မုန့်ဖုတ်ဆိုဒါ (Baking Soda) တို့ကို အသုံးပြု၍ အကြမ်းဖျင်း စမ်းသပ်နိုင်ပါတယ်။ မြေနမူနာထဲသို့ ဗာနီဂါထည့်၍ အမြှုပ်ထလာပါက အယ်လ်ကာလီဓာတ်ကဲသောမြေ (Alkaline) မြေငံဖြစ်ပြီး၊ မုန့်ဖုတ်ဆိုဒါထည့်၍ အမြှုပ်ထလာပါက အချဉ်ဓာတ်ကဲသောမြေ (Acidic) မြေချဉ်ဖြစ်ကာ၊ တစ်ခုမှ အမြှုပ်ထမလာပါက သီးနှံအတွက် အကောင်းဆုံးဖြစ်သော ဓာတ်ပြယ်မြေ (Neutral) ဖြစ်ပါတယ်။
မျှားနီ တောင်ပေါ်သား(979)မျိုးဟာ အပင်တစ်ပင်ရဲ့ သက်တန်းတစ်လျှောက်လုံးမှာ အမြင့်ဆုံး ပိဿာချိန် ဘယ်လောက်ထိ ထွက်နိုင်ပါသလဲဗျ စိုက်ဖူးတဲ့ဆရာကြီးများ ပြန်ဖြေပေးကြပါခင်ဗျား။ ကျနော်က အခုမှစစိုက်မှာမို့လို့ပါဗျ။
မျှားနီ တောင်ပေါ်သား (၉၇၉) ခရမ်းချဉ် မျိုးစေ့သည် အထွက်နှုန်း အလွန်ကောင်းမွန်သော ပတ်ဝန်းကျင်ဒဏ်ခံ F1 Hybrid စပ်မျိုးဗီဇ ဖြစ်ပါတယ်။ မြေပြင်လက်တွေ့ စိုက်ပျိုးမှု အခြေအနေများအရ တစ်ပင်လျှင် ပျမ်းမျှ ၃ ပိဿာမှ ၅ ပိဿာ ထွက်ရှိလေ့ရှိပြီး၊ ရာသီဥတုပေး၍ မြေဩဇာကျွေးမွေးမှု၊ ကိုင်းချိုင်စင်တင်မှုနှင့် ရေသွင်းရေထုတ်ကို စနစ်တကျ အထူးဂရုစိုက် ထိန်းကျောင်းနိုင်ပါက အပင်တစ်ပင်၏ သက်တမ်းတစ်လျှောက် အမြင့်ဆုံး ၇ ပိဿာမှ ၁၀ ပိဿာအထိ စံချိန်တင် ထွက်ရှိနိုင်စွမ်း ရှိပါတယ်။ အိတ်ပါ အညွှန်းအရလည်း အပင်ပေါက်နှုန်း ၈၅% နှင့်အထက် ရှိ၍ အရည်အသွေး စိတ်ချရသော မျိုးကောင်းမျိုးသန့် ဖြစ်ပါတယ်။
ယခုလက်ရှိ ရာသီဥတုနဲ့ဆို ဘာပဲအမျိုးအစားကို ရွေးချယ်ပီးစိုက်သင့်ပါသလဲ
လက်ရှိ မိုးနှောင်း/ဆောင်းအကြိုကာလသည် မတ်ပဲစိုက်ပျိုးရန် အကောင်းဆုံးအချိန်ဖြစ်ပြီး မိမိဒေသ ရေမြေအခြေအနေပေါ်မူတည်၍ ပဲမျိုးများကို စနစ်တကျရွေးချယ်သင့်ပါတယ်။ ရွက်ပြောက်ဝါရောဂါဒဏ် ခံနိုင်ရည်ရှိပြီး သက်တမ်း ၈၅-၉၀ ရက်ရှိသော မတ်ပဲ (ရေဆင်း-၄)၊ TBL -9မျိုး ရွေးချယ်သင့်ပါတယ်။မြေအစိုဓာတ်ရှိစဉ် အောက်တိုဘာမှ နိုဝင်ဘာလလယ်အတွင်း အမြန်ဆုံးစိုက်ပျိုးရန် လိုအပ်ပြီး၊ မျိုးစေ့ကို မှိုသတ်ဆေးလူးနယ်၍ စိုက်ပျိုးသင့်ပါတယ်။
GW11ကိုတဧကဘယ်နတင်းလောက်ကျဲပတ်ရင်ကောင်းမလဲအချိုကပါးပါးကျဲရင်စပါးအရန ည်းတယ်ဆိုတာဟုပ်ပါသလားခင်ဗျား။
GW 11 စပါးမျိုးကို ကြဲပက်စိုက်ပျိုးရာတွင် စိုက်ပျိုးသည့် စနစ်ပေါ်မူတည်၍ မျိုးစေ့နှုန်းထား ကွာခြားမှု ရှိပါတယ်။ တောင်သူအများစု သုံးစွဲကြသည့် တိုက်ရိုက်အစေ့ချစနစ် (သို့မဟုတ်) ကြဲပက်စိုက်ပျိုးခြင်း စနစ်အတွက် တစ်ဧကလျှင် မျိုးစေ့ ၁၈ ပြည် မှ ၂၀ ပြည်ခန့်စိုက်ပျိုးရန် အကောင်းဆုံး ဖြစ်ပါတယ်။ အကယ်၍ အထွက်နှုန်း ပိုမိုသေချာစေမည့် ပျိုးထောင်ကောက်စိုက်စနစ် ဖြင့် စိုက်ပျိုးမည်ဆိုပါက တစ်ဧကအတွက် ပျိုးထောင်ရန် မျိုးစေ့ ၅ ပြည် မှ ၇ ပြည်ခန့်သာ လုံလောက်စွာ လိုအပ်မည် ဖြစ်ပါတယ်။ မျိုးစေ့နှုန်းထားကို စနစ်တကျ သုံးစွဲခြင်းဖြင့် ပင်ပွားထွက်နှုန်းနှင့် အထွက်နှုန်းကို အမြင့်ဆုံး ရရှိစေနိုင်ပါတယ်။ပါးပါးကျဲရင် စပါးအထွက်နှုန်းနည်းတယ်" ဆိုသည့် အယူအဆမှာအပြည့်အဝ မမှန်ကန်ပါဘူး။ စပါးအထွက်နှုန်းသည် မျိုးစေ့အများကြီးကျဲခြင်းအပေါ် မူတည်သည်မဟုတ်ဘဲ သတ်မှတ်ထားသည့် အပင်ဦးရေသိပ်သည်းဆ မျှတမှုအပေါ်တွင်သာ မူတည်ပါတယ်။ မျိုးစေ့ကို အလွန်အကျွံ ထူထူကျဲပါက အပင်များ အာဟာရနှင့် နေရောင်ခြည် လုယူရသဖြင့် ပင်ပွားနည်းခြင်း၊ အပင်ယိုင်လဲခြင်းနှင့် ပိုးမွှားရောဂါကျရောက်ခြင်းတို့ ဖြစ်ကာ အထွက်နှုန်း ပိုမိုကျဆင်းစေတတ်ပါတယ်။ ဆန့်ကျင်ဘက်အနေဖြင့် စနစ်တကျ ပါးပါးနှင့် ညီညာစွာကျဲခြင်းကသာ အပင်တစ်ပင်ချင်းစီကို သန်မာစေပြီး၊ ပင်ပွားနှုန်းကောင်းကာ အောင်စေ့များပြားခြင်းကြောင့် အထွက်နှုန်းကို ပိုမိုမြင့်မားစေပါတယ်။အများကြီးပါးရင်တော့ အထွက်နှုန်းနည်းမှာပေါ့။
အဲတာဘာဖြစ်တာလဲ ဘာရောဂါလဲ ဟိုမဟုတ်ဘာပိုးကျတာလဲ ကွမ်းရွက်အောက်တေမှား အဖြူဥလေတွေ အမဲဥလေတွေ အဲလိုတေဖြစ်နေတာဘာကြောင်ဖြစ်တာ လဲ ဘာဆေးတေသုံးရင်အဆင်ပြေနိုင်မလဲ ဖြေခဲ့ပေပါအုံးဆရာတို🙏🙏🙏
ပုံပါ ကွမ်းရွက်အောက် မျက်နှာပြင်တွင် တွေ့ရသော အဖြူစက်နှင့် အမည်းစက်ငယ်များမှာ ရောဂါ သို့မဟုတ် ပိုးမွှားကြောင့် မဟုတ်ဘဲ အပင်၏ သဘာဝဖြစ်စဉ် (Physiological Exudates) သာ ဖြစ်ပါတယ်။ ကွမ်းပင်သည် ရေဓာတ်နှင့် အာဟာရဓာတ် စုပ်ယူမှု အလွန်ကောင်းမွန်သဖြင့် လေထုစိုထိုင်းဆ မြင့်မားချိန် (အထူးသဖြင့် ညပိုင်း) တွင် ပိုလျှံသော အပင်ရည်နှင့် သကြားဓာတ်များကို အရွက်အောက်ရှိ အပေါက်ငယ်များမှတစ်ဆင့် အပြင်သို့ စစ်ထုတ်ပေးလေ့ရှိတယ်။ ထိုအရည်စက်များ ခြောက်သွေ့သွားသောအခါ အဖြူစက်များအဖြစ် ကျန်ရစ်ခဲ့ပြီး၊ ၎င်းအပေါ်သို့ ဖုန်မှုန့်များ ကပ်ငြိသွားသည့်အခါ အမည်းစက်များအဖြစ် ပြောင်းလဲ မြင်တွေ့ရခြင်း ဖြစ်တယ်။ ၎င်းသည်အ ရွက်မျက်နှာပြင်ပေါ်တွင် သကြားပွင့်ကဲ့သို့ ကပ်နေခြင်းဖြစ်၍ လက်သည်းဖြင့် အသာခြစ်ကြည့်ရုံ သို့မဟုတ် ရေဖျန်းရုံဖြင့် လွယ်ကူစွာ ကွာကျသွားနိုင်ပြီး၊ မည်သည့် ပိုးသတ်ဆေး/မှိုသတ်ဆေးမျှ ဖျန်းပေးရန် မလိုအပ်ပါဘူး။
ယခုလို အစက်အပြောက်များ မဖြစ်စေရန်အတွက် အဓိကအားဖြင့် ကွမ်းခြံအတွင်း လေထုစိုထိုင်းဆနှင့် အပင်တွင်း ရေဖိအားကို ထိန်းညှိပေးရပါမယ်။ ကွမ်းခြံအတွင်း လေဝင်လေထွက်နှင့် အလင်းရောင် ကောင်းကောင်းရရှိအောင် ဆောင်ရွက်ပေးခြင်းဖြင့် အရွက်များပေါ်တွင် စိုထိုင်းဆအောင်းနေခြင်းကို လျှော့ချနိုင်ပါတယ်။ ထို့အပြင် ညပိုင်းတွင် အပင်မှ ရေငွေ့ပျံခြင်း လုပ်ငန်းစဉ် နှေးကွေးသွားတတ်သဖြင့် ညနေခင်း ရေလောင်းခြင်းကို ရှောင်ကြဉ်ပြီး နံနက်စောစောတွင်သာ ရေလောင်းပေးသင့်တယ်။ အပင်အသား နူးညံ့ပြီး အရည်ထွက် ပိုများစေသည့် ယူရီးယား (နိုက်ထရိုဂျင်) ဓာတ်မြေဩဇာကို အလွန်အကျွံ ကျွေးခြင်းမှ ရှောင်ကြဉ်ကာ အပင်ကို သန်မာစေမည့် ပိုတက်စီယမ်နှင့် ကယ်လ်စီယမ်ဓာတ်များကို မျှတစွာ ဖြည့်တင်းပေးခြင်းဖြင့် ယခုဖြစ်စဉ်ကို အထိရောက်ဆုံး ကာကွယ်နိုင်ပါတယ်။
ဒီနှစ်နွေစပါးအတွက် အယ်နီညိုရှိတော့ မျိုးစပါးအတွက်။ ဆာဖိုးသာနဲ့ Gw11 ဘယ်မျိုးထည့်ရင် ကောင်းနိုင်လဲဆရာ
ကျေးဇူးပါဆရာ
အတူတူပါဗျ၊ မျိုးအမည်က GW11ပါ ၊ အခြားစပါးမျိုးများဖြင့်မျိုးစပ်ပြီး တီထွင်ထားသည့် မျိုးဖြစ်တာကြောင့် GW11စပ်မျိုးဆိုပြီးခေါ်ဆိုသုံးနှုန်းလိုက်တာပါ၊တူတူပါပဲ
ကွမ်းစိုက်ထားတာလသားအရွယ်မှာပဲသေနေတာ ၃လသားရှိပြီ ပင်ခြေနားကနေအဖြူလေးတွေအလုံးတွေကပ်နေပြီးအမြစ်ပုတ်သေနေတာ ဘာလုပ်ရမလဲဗျာ
ကွမ်းပင်အသက် ၃ လသားတွင် အရွက်ဝါပြီး သေခြင်း၊ ပင်ခြေ၌ မုံညင်းစေ့အရွယ် အဖြူစေ့လေးများ ကပ်နေခြင်းမှာ မြေဆောင်မှိုတစ်မျိုးကြောင့် ဖြစ်သည့် "ကွမ်းပင်ညှိုးရောဂါ (Sclerotium Wilt / Collar Rot)" ဖြစ်ပါသည်။ ဤရောဂါကို နှိမ်နင်းရန်အတွက် ရောဂါရနေသော အပင်နှင့် အမြစ်ပတ်လည်ရှိ မြေကြီးကိုပါ ဂရုတစိုက် တူးထုတ်ပြီး စိုက်ခင်းပြင်ပတွင် ဖယ်ထုတ်ရပါမယ်။ ထို့နောက် ရောဂါကျသည့် ကွမ်းပင်ညှိုးရောဂါအတွက် Azoxystrobin ကို အပင်အပေါ်ပိုင်း ဖျန်းခြင်းနှင့် Hymexazol ကို အပင်ခြေ စိုရွှဲအောင် ဖျန်းပေးခြင်း သည် အလွန်ထိရောက်သော တွဲဖက်ကုသနည်း ဖြစ်ပါတယ်။စိုက်ခင်းအတွင်း လေဝင်လေထွက်ကောင်းအောင် ပြုပြင်ခြင်းနှင့် ရေမဝပ်အောင် ရေနုတ်မြောင်းဖော်ပေးခြင်းတို့ကို ချက်ချင်း ဆောင်ရွက်ရပါမယ်။ အဓိက အစိုဓာတ်မများရန်ငရုစိုက်ပါ၊ ရောဂါနှိမ်နင်းပြီးရင် ဂျစ်ဆမ်သို့မဟုတ် ကေဟူးမစ်ကျွေးပေးပါ။
ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ
ကျနော်ရဲ့စပါးကျဲခင်းလုပ်မည့်လယ်ကွ က်ထဲမှာမိုးဦးက။။မသေဘဲကျန်နေတဲ့မြက်ကြိမ်ပင်အကြွင်းအကျန်မျာကိုပေါင်းသက်ဆေးဖြန်းခြင်လိုးဘယ်ဆေးကိုသုံးရမလဲဗျ။
စပါးခင်းအတွင်းရှိ မြက်ကြိမ်နှင့် မြက်အကြွင်းအကျန်များကို သေစေရန် ဂလိုင်ဖိုဆိတ် (Glyphosate) ဖျန်းပြီးနောက် ၃ ရက်မှ ၇ ရက်အကြာ တွင် ထယ်ထိုးထွန်မွှေခြင်းနှင့် စပါးမျိုးစေ့ကြဲပက်ခြင်းတို့ကို စိတ်ချစွာ ပြုလုပ်နိုင်ပါတယ်။ ဂလိုင်ဖိုဆိတ်သည် ပင်လုံးပျံ့ဆေးဖြစ်၍ ပေါင်းမြက်များ၏ အမြစ်အထိ ဆေးအာနိသင်ပျံ့နှံ့ရန် အချိန်စောင့်ရခြင်းဖြစ်ပြီး၊ ဆေးသည် မြေကြီးနှင့်ထိတွေ့ပါက ဓာတ်ပြယ်လွယ်သဖြင့် ထယ်ထိုးမြေပြင်ပြီးလျှင် စပါးပင်ကို ထိခိုက်မှုမရှိဘဲ စိုက်ပျိုးနိုင်ပါတယ်။ သို့သော် အသုံးပြုသည့်ဆေးဗူးတွင် အခြားမြေကြွင်းအာနိသင်ရှိသော ပေါင်းသတ်ဆေးများ ရောစပ်မှု ရှိ၊ မရှိ ဆေးအညွှန်းကို မပျက်မကွက် စစ်ဆေးသင့်ပါတယ်။ Glyphosate သီးသန့်အပြင် အခြားပေါင်းသတ်ဆေးများမရောရပါ။
ပေါင်းသက်ဆေးသုံးပြီးဘယ်နနှယ်ရက်ကြာရင်စပါးကျဲခင်းစချလို့ရလဲဆရာ။
ခရမ်းချဉ်ပင် စိမ်းညှိုးနေလို့ နှုတ်ကြည့်တာ အမြစ်ကအခေါက်ကွာနေတယ် ဘာဖြစ်တာလဲဗျ
ပုံပါ ခရမ်းချဉ်ပင် ညှိုးရခြင်းမှာ Ralstonia solanacearum ဘက်တီးရီးယားကြောင့် ဖြစ်ပွားသော ခရမ်းချဉ် ဘက်တီးရီးယား ပင်ညှိုးရောဂါ (Bacterial Wilt) ကျရောက်နေခြင်း ဖြစ်ပါတယ်။ ဤရောဂါသည် အပင်၏ အစာရေကြောလိုင်းကို ပိတ်ဆို့ကာ ရေနှင့် အာဟာရဓာတ် မရရှိစေဘဲ နေ့ခင်းဘက်တွင် လျင်မြန်စွာ ညှိုးကျစေပြီး၊ ပင်စည်ကို ဖြတ်၍ ရေကြည်ထဲ စိမ်ကြည့်ပါက နို့နှစ်ရောင် အချွဲများ စိမ့်ထွက်လာတတ်ပါတယ်။ ကုသရန် ခက်ခဲသော မြေဆောင်ရောဂါ ဖြစ်သဖြင့် ရောဂါရအပင်ကို အမြစ်ပါမကျန် နှုတ်ယူ မီးရှို့ဖျက်ဆီးရပါမယ်။ နောက်ရာသီများတွင် ရောဂါကင်းဝေးစေရန် စိုက်ပျိုးရေးသုံး မြေတွင် ထုံးထည့် ပြင်ဆင်ခြင်း၊ ရေသွင်းရေထုတ် ကောင်းမွန်အောင် လုပ်ဆောင်ခြင်း၊ Trichoderma ကဲ့သို့ အကျိုးပြုမှို သုံးစွဲခြင်းနှင့် ခရမ်းမျိုးနွယ်ဝင် မဟုတ်သော သီးနှံများနှင့် ၃ နှစ်ခန့် သီးလှည့်စိုက်ပျိုးခြင်းတို့ကို စနစ်တကျ လုပ်ဆောင်ရပါမယ်။ ရောဂါအစောပိုင်းအဆင့်တွင် (သို့မဟုတ်) ဘေးပတ်ဝန်းကျင်အပင်များကို ကာကွယ်ရန် ကော့ပါးအခြေခံမှိုသတ်ဆေး (Copper Oxychloride) ၊ ဘက်တီးရီးယားသတ်ဆေး (Kasugamycin သို့မဟုတ် Bismerthiazole) Oxolinic acid ကဲ့သို့သော ဆေးဝါးများကို အညွှန်းစာပါအတိုင်း နေအေးချိန်၌ တစ်ပင်လုံးနှံ့စပ်အောင်ပက်ဖျန်းပေးပါ။
စိမ်းညိုးက ဘက်တီးရီးယားကြောင့်ရယ် မှိုကြောင့်ရယ် ၂ မျိုးထဲက တစ်မျိုးကြောင့် ဖြစ်နိုင်တယ်။ အပင်ခြေကို ဓားနဲ့ဖြတ်ပြီး ရေထည့်ထားတဲ့ ဖန်ခွက်ထဲမှာ ထည့်ကြည့်ပါ။ အဖြူရောင်အမျှင်တွေ ဆင်းလာရင် ဘက်တီးရီးယားကြောင့်ဖြစ်ပြီး ဘာမှမမြင်ရရင်တော့ မှိုရောဂါကြောင့်ဖြစ်ပါတယ်။ မှိုအတွက်ကတော့ လောင်မှာဖျန်းတဲ့ မှိုဆေးတွေ သုံးလို့ရပါတယ်။ ဘက်တီးယားအတွက်ကတော့ ဆေးဖျန်းတာထက် ရေမဝပ်အောင်သတိထားတာ၊ ပုလဲလျော့ထည့်တာ၊ မြေချဉ်ငန်ဓာတ်ကို မြှင့်ပေးတာမျိုး လုပ်ပေးဖို့လိုပါတယ်။ ခရမ်းချဥ်အပင်ညှိုးရခြင်းအကြောင်းရင်းများနှင့် ထိန်းသိမ်းနည်းများ(၂) , ခရမ်းချဥ်အပင်ညှိုးရခြင်းအကြောင်းရင်းများနှင့် ထိန်းသိမ်းနည်းများ(၁)
ထရိုင်ကိုဒါးမားကို မန္တလေး (သို့မဟုတ်) တံတားဦးအနီးတဝိုက် ဘယ်မှာဝယ်ယသလို့ရလဲသိချင်ပါတယ်ဗျ
တစ်ချက်လောက်ပြောပြပါလားဗျ ရွက်သစ်ဆိုင်လိပ်စာလေးဗျ
ရွက်သစ်ဆိုင်မှာ မေးကြည့်ပါဗျ။
မတ်ပဲနဲ့ပဲကီးခင်းထဲတွင် ရွေးချယ်ပေါင်းသတ်ဆေး ဘာဖျန်းရမလဲ သိရင် ပြောပေးပါ ဦးဗျ
မတ်ပဲနှင့် ပဲကြီး သီးသန့်ခင်းများတွင် ပေါင်းမြက်သက်သက် ရွက်ချွန်းမြက်အုပ်စုတစ်မျိုးတည်းရှိလျှင် Quizalofop -p-ethyl ပါဝင်သည့် ဆေးကို စိတ်ချစွာသုံးပါ။
မဂ်လာဟသာ်ကုမဏီရဲ့ ရွက်ချွန်းရှင်းကိုစိတ်ချယုံကြည်စွာသုံးစွဲပါခင်ဗျ
ဆရာ ခရမ်းချဥ်ပထမ ပုံလေးကြည့်ပေးပါအူးဆရာ အပင် ၄၀၀ ကျော်မှအဲ့တစ်ပင်ပဲအလိုဆရာ ဆရာ အရင် ၄ ရက်က ဒိုင်ဇီနဲ့ ဆိုင်ပါမီသရင် ဖျန်းတယ် ဒီနေ့ ၁ ။ ခရမ်းချဥ်အတွက် အမိုင်နို 3 ဇွန်း မင်းသား 5 ဇွန်း ဗုံးစူပါ 2 ဇွန်း ၂ ။ ပဲတောင့်ရှည်မှာလဲ ပွင့်ထွေးနဲ့လှေးတွေ့ရလို့ အမိုင်နို 3 ဇွန်း ကယ်စီပလပ် ၅ ဇွန်း ဗုံးစူပါ 2 ဇွန်း ၃ ။ ခရမ်းခေါင်းအတွက် အမိုင်နို ၂ ဇွန်း ကယ်စီပလပ် ၅ ဇွန်း ဗုံးစူပါ ၃ ဇွန်း ဖျန်းခဲ့ပါတယ်ဆရာ ခရမ်းခေါင်းမှာ သီးလုံးဖောက်လေးတွေအနည်းငါ်ထပ်တွေ့ရလို့ပါခင်ဗျ အရင်ကထက်စာရင် နည်းနည်းပဲကျန်ပါတော့တယ်ဆရာ အပင်တွေကလဲ ရောဂါကင်းတယ်လို့ ထင်မိပါတယ်ဆရာ ကြည့်ပေးပါအူးဆရာ ဆရာတို့နဲ့တွေ့ခွင့်ရတာ တကယ့်ရွှေပါပဲခင်ဗျ ပင်ပန်းသမျှ အမောတွေပြေပါတယ်ခင်ဗျ ဗုံးစူပါ Ai နှစ်ခုက ဘာတွေအတွက်ကောင်းလဲဆရာ အချိန်းရရင်ရှင်းပြပေးပါအူးဆရာ ကျေးဇူးပါဆရာ့
ခရမ်းချဉ်စိုက်ခင်းဓာတ်ပုံအရ အရွက်များအောက်ဘက်သို့ ကွေးညွှတ်တွန့်လိပ်နေခြင်းမှာ 2,4-D ကဲ့သို့သော ပေါင်းသတ်ဆေးများ အနီးနားမှ လွင့်စင်လာခြင်း၊ အပူချိန်မြင့်မားပြီး ရေသွင်းမမှန်ခြင်းစသည့် ရာသီဥတုဒဏ်နှင့် စုပ်စားပိုးများ ကျရောက်ခြင်းကြောင့် ဖြစ်နိုင်ပါတယ်။ ယင်းကို ကုသရန် အမိုင်နိုအက်ဆစ် (Amino Acid) အားဆေးကို ရေမှန်မှန်လောင်းပြီး တွဲဖက်ဖျန်းပေးသင့်ပါတယ်။ တစ်ဆက်တည်းတွင် အသုံးပြုမည့် ဗုံးစူပါ (Profenofos + Lufenuron) ပိုးသတ်ဆေးသည် ခရမ်းချဉ်နှင့် ခရမ်းပင်များတွင် အဓိကကျသော သီးဖောက်ပိုး၊ ငမြှောင်တောင်၊ ရွက်ထွင်းပိုးနှင့် မွှားကောင်များကို ဥမှအစ ထိသေ၊ စားသေ၊ပင်လုံးပျံ့စနစ်ဖြင့် ထိရောက်စွာ ကာကွယ်နှိမ်နင်းပေးနိုင်ပါတယ်။ ဆေးလောင်ခြင်းမှ ကာကွယ်ရန် နေ့လယ်ပိုင်းကိုရှောင်ပြီး ညနေစောင်းတွင်သာ ပမာဏမှန်ကန်စွာ ဖျန်းပေးရပါမယ်။
ဟုတ်ဆရာခင်ဗျကျေးဇူးအထူးပါဗျ
ပဲပုပ် စစိုက်မှာမလို့ပါ ပဲမြစ်ဖုဘက်တီးရီးယား ဘယ်မှာဝယ်လို့ရနိုင်ပါလဲ ပဲပုပ်အတွက်
မန်းလေးကဆိုရင် ရွက်သစ်ဆိုင်ကို မေးကြည့်ပါဗျ။ ဒါမှမဟုတ် စိုက်ပျိုးရေးဌာနကို မှာခိုင်းပါ။
(မင်္ဂလာပါခင်ဗျာ) မတ်ပဲအသီးေတွကမဲေနပီးမိုးကရွာနေတော ပဲထောင်ထဲ့ကိုမှို့ဝင်မှာဆိုလိုဘာမှို့ဆေးမျာသုံးရမလဲခင်ဗျာ သိတဲဆရာများလမ်ညွှန်ပါဗျာ ကျေးဇူတင်ပါတယ်
မိုးလွတ်သွားရင် Azoxystrobin+Difenoconazole ဖျန်းပေးပါဗျ
အထူးအကြံဉာဏ်ရရှိရန် အမျိုးအစားတစ်ခု ရွေးပါ
မှန်ကန်သော အမျိုးအစားရွေးချယ်ခြင်းက သင့်ကို သင့်လျော်ဆုံး စိုက်ပျိုးရေးပညာရှင်နှင့် ချိတ်ဆက်ပေးပါသည်။
ကြိုဆိုပါသည်
ဆက်လက်အသုံးပြုရန် ဝင်ရောက်ပါ
မတင်ဘဲ ထွက်မှာ သေချာပါသလား။
သင်ရေးထားသည်များကို မတင်ရသေးပါ။ ဤစာမျက်နှာမှ ထွက်ပါက ပျောက်ဆုံးသွားပါမည်။
