ဆရာခင်ဗျ တစ်ခုလောက်မေးချင်လို့ပါဆရာ ခရမ်းချဥ်နဲ့ခရမ်းအတွက် ပုလဲကျွေးလို့ရလားဆရာ...

လွန်ခဲ့သော ၃ နာရီ က · ပင်လည်ဘူး

ကျနော့်စပါးမျိုးက ဆင်းဧကရီ-၃မျိုးပါ စိုက်ပြီး၂၁ရက်သားပါဗျ အရွက်တွေက ဖြူနေပြီးခြောက်နေပါတယ် အမြစ်ဆင်းတာလဲ တိုတယ်လို့ခံစားရတယ် ဘာဖြစ်တာလဲခင်ဗျ ကျနော်က‌လယ်အခုမှ စလုပ်ဖူးတာ ဆိုတော့ လယ်နီးနားချင်းတွေကိုမေးရတယ် သူတို့ပြောတာကတော့ ပျပိုးကျတာလို့ပြောတယ်ဗျ ဘယ်လိုဖြေရှင်းရမလဲ အကြံဉာဏ်ပေးပါဦးဆရာကြီးတို့ခင်ဗျာ

ပိုးမွှားရောဂါ စပါး

ဖြေလည်သော အဖြေရရှိပြီး

7,945

လွန်ခဲ့သော ၄ နာရီ က · ချောက်

ဆရာခင်ဗျ တစ်ခုလောက်မေးချင်လို့ပါဆရာ ခရမ်းချဥ်နဲ့ခရမ်းအတွက် ပုလဲကျွေးလို့ရလားဆရာ ပထမအပင်ငယ်စဥ်တုန်းက 17.8.8 မြေဆီတစ်ခါပဲကျွေးလိုက်ရတယ်ဆျာ စစ်ရှောင်နေရတော့ N အချိုးများတဲ့ဆေးတွေလဲ မဖျန်းလိုက်ရဘူးဆရာ အဲ့ကအပြန် တောနစ် လေးပဲ ဖျန်းလိုက်ရတယ် အဲ့နောက်ပိုင်း ဂွပွင့်လေးတွေလိုက်နေတော့ N ချိုးမပါတော့ပဲ ပီဖိုလန် 0.52.34 နဲ့တောနစ် ရယ် ပိုးသတ်ဆေးရယ်ဖျန်းလိုက်တယ်ဆျာ ဆေးဝယ်ရခက်သွားလို့ပါဆရာ ပီဖိုလန် ဖျန်းတာနှစ်ခါရှိပီဆျာ ဆိုလိုချင်တာကဆျာ အပင်သိပ်မတက်ဘူး အသီးပွင့်တွေများတယ် အတာကို ပုလဲကျွေးလို့ရလားဆရာ ဒါမှာမဟုတ် မင်းမဟော်က ထွက်တိုး 17.17.17 ပတ်လည်တို့လိုအားဆေးဖျန်းသင့်လား အသီးပွင့်ကတော့အတော်လိုက်တယ်ဆရာ

မြေဆီလွှာ ခရမ်းချဉ်

281,798 လွန်ခဲ့သော ၃ နာရီ က

ဤအဖြေဖြင့် ပြေလည်

ခရမ်းပင်များ အပွင့်များပြီး အပင်မတက်ဘဲ ငုတ်နေပါက ပုလဲ (ယူရီးယား) မြေသြဇာကို လုံးဝသီးသန့် မကျွေးသင့်ပါဘူး။ အဘယ်ကြောင့်ဆိုသော် အပွင့်လိုက်နေချိန်တွင် နိုက်ထရိုဂျင် (N) တစ်မျိုးတည်း သီးသန့်ကျွေးပါက အဖူးအပွင့်များ ကြွေကျပျက်စီးခြင်း သို့မဟုတ် အသီးမတင်ဘဲ အရွက်များသာ အဆမတန် ဝေဆာလာခြင်း ဖြစ်တတ်လို့ပါ။ လက်ရှိတွင် N (နိုက်ထရိုဂျင်) လုံးဝမပါဝင်သည့် ပီဖိုလန် (0-52-34) ကို နှစ်ကြိမ်ဖျန်းထားပြီး ဖြစ်သောကြောင့် အပင်က ပုကျစ်ပြီး အပွင့်သာ အားသန်နေခြင်း ဖြစ်ပါတယ်။ ထို့ကြောင့် ပီဖိုလန်ကို ခေတ္တရပ်နားပြီး မင်းမဟော် ကုမ္ပဏီမှ ၁၇-၁၇-၁၇ ပတ်လည် ရွက်ဖျန်းအားဆေးကို လစ်တောနစ် ဟော်မုန်းနှင့် တွဲဖက်ကာ (၇) ရက်မှ (၁၀) ရက် တစ်ကြိမ် ဖျန်းပေးခြင်းက အကောင်းဆုံး ဖြစ်ပါလိမ့်မယ်။ ၎င်းပတ်လည်ဆေးသည် အပင်ကိုယ်ထည်ကို ပြန်တက်လာစေသည့်အပြင် လက်ရှိပွင့်နေသော အပွင့်များကို မကြွေစေဘဲ အသီးခိုင်ခိုင်မာမာ တင်စေရန် မျှတစွာ ကူညီပေးနိုင်ပါတယ်။ ခရမ်းချဥ်၊ခရမ်းပင်များ အပွင့်မှ အသီးပြောင်းလဲချိန်တွင် အသီးဖင်ပုပ်ခြင်းမှ ကာကွယ်ရန်နှင့် အသီးအသားပြည့် စျေးကွက်ဝင်ဖြစ်စေရန် ကယ်လ်ဆီယမ်-ဘိုရွန် (Calcium-Boron) ဓာတ်ပါသော ရွက်ဖျန်းဆေးကိုပါ ၁၀ ရက်တစ်ကြိမ်ခန့် ပူးတွဲဖျန်းပေးသင့်ပါတယ်။အကယ်၍ ပုလဲမြေသြဇာကို သုံးစွဲလိုပါကလည်း မြေဆီလွှာထဲသို့ တီစူပါ သို့မဟုတ် ပိုတက်ရှ် မြေသြဇာများနှင့် သေချာရောစပ်ပြီးမှသာ အပင်ခြေနှင့် ဝေးဝေးတွင် မြေမြှုပ်ကျွေးရပါမယ်။

3,391 လွန်ခဲ့သော ၃ နာရီ က

မြေသြဇာဝယ်ရခက်နေရင် နွားသေးသာ ခံပြီး တစ်ပတ်တစ်ကြိမ် ဖျန်းပေး။ တကယ်ကောင်းတယ်

လွန်ခဲ့သော ၉ နာရီ က · ကျောက်ဆည်

အခု ပုံထဲမှာပါတဲ့အတိုင်းဆိုဘာရောဂါဖြစ်တာလဲခင်ဗျာ

ပိုးမွှားရောဂါ စပါး

1,107,168 လွန်ခဲ့သော ၅ နာရီ က

"လယ်မှာအပုပ်"ဆိုတဲ့စကားအရ,တမန်းအပုပ်မရပဲ တမန်းစိမ်းမှာစိုက်လို့၊တမန်းပူလောင်တယ်လို့ခေါ်ပါတယ်။ရောဂါ‌ေကြာင့် လို့ မဆိုနိုင်ပါခင်ဗျာ။

281,798 လွန်ခဲ့သော ၅ နာရီ က

ဓာတ်ပုံပါ စပါးခင်းတွင် ကွက်တိကွက်ကြား အပင်ပုခြင်းနှင့် အရွက်များ ဝါဖျော့ညှိုးခြောက်ခြင်းကို‌ေတွ့မြင်ရပါတယ်။ အခုပုံအရတော့ နီးကပ်ထင်ရှားစွာမမြင်ရသည့်အတွက် အတိအကျပြောရန်ခက်ခဲပါတယ်။ ပိုး/ရောဂါသို့မဟုတ် နိုက်ထရိုဂျင်နှင့် ဇင့်ဓာတ် လွန်စွာချို့တဲ့ခြင်း ဖြစ်နိုင်ခြေ အများကြီးရှိပါတယ်။တောင်သူဦးကြီးက ဘာမြေဩဇာတွေကျွေးပြီးပြီလဲ၊ စပါးပင်တစ်ပင်၏အရွက်ဝါနေသည်ကို ထင်ရှားစွာပုံရိုက်ပြီးထပ်မေးပေးပါ။ ယေဘုယျအားဖြင့်ပြောရရင်အပင်များ ရောဂါဒဏ်ခံနိုင်ရန် ယူရီးယားနှင့် ဇင့်မြေဩဇာ ပေါင်းစပ်ကျွေးခြင်း၊အမိုင်နိုအက်ဆစ် ရွက်ဖျန်းဆေး သုံးစွဲခြင်းနှင့် စိုက်ခင်းအတွင်း ရေသွင်းရေထုတ်ကို အလှည့်ကျ ပြုလုပ်ပေးခြင်းဖြင့် စပါးခင်းကို ပြန်လည်ကုစားနိုင်ပါတယ်။

220

လွန်ခဲ့သော ၁၆ နာရီ က · ယင်းမာပင်

trichodermaက လေဆောင်မှိုကို ကာကွယ်နိုင်သလား အထူးသဖြင့် ကြက်သွန်နီ ဖြူမှာ ကျတဲ့ ဒေါင်းနီနဲ့ တောက်တဲ့မြှီးကို trichoderma ပုံမှန်ဖြန်းပြီး ကာကွယ်နိုင်သလား

ပိုးမွှားရောဂါ ကြက်သွန်နီ

281,798 လွန်ခဲ့သော ၁၀ နာရီ က

Trichoderma (ထရိုင်ကိုဒါးမား) သည် အကျိုးပြုမှိုဖြစ်၍ အပင်ခြေမြေဆီလွှာအခြေခံရောဂါများနှင့် လေဆောင်မှိုရောဂါများကို ကြိုတင်ကာကွယ်ရာတွင် ထိရောက်မှုရှိသော်လည်း၊ ကြက်သွန်နီတွင် ကျရောက်တတ်သည့် ဒေါင်းနီးနှင့် တောက်တဲ့မြီးရောဂါများ ဆိုးရွားစွာကျရောက်နေချိန်တွင် ၎င်းတစ်မျိုးတည်းဖြင့် ရာနှုန်းပြည့်ကုသရန် မလုံလောက်ပါဘူး။ရောဂါ မကျရောက်မီ ကြိုတင်ကာကွယ်သည့် အနေဖြင့် ပုံမှန်ပက်ဖျန်းထားပါက ရောဂါဒဏ်ကို အတိုင်းအတာတစ်ခုအထိ ခုခံပေးနိုင်သော်လည်း၊ ရောဂါ အမှန်တကယ် ကျရောက်လာပါက ထိရောက်စွာ ကုသနိုင်စွမ်း မရှိပါဘူး။ ရောဂါပြင်းထန်ပါက Irodione သို့မဟုတ် Cymoxanil, Azoxystrobinကဲ့သို့သော ဓာတုမှိုသတ်ဆေးကို အမြန်ဆုံးပက်ဖျန်းနှိမ်နင်းရမည်ဖြစ်ပြီး၊ သတိပြုရန်မှာ Trichoderma နှင့် ဓာတုမှိုသတ်ဆေးများကို ရောစပ်မဖျန်းဘဲ အနည်းဆုံး ၇ ရက်ခြား၍ အသုံးပြုရပါမယ်။ ထို့ပြင် စိုက်ခင်းအတွင်း ရေမဝပ်စေရန်နှင့် နိုက်ထရိုဂျင်မြေသြဇာ အလွန်အကျွံမကျွေးမိရန်လည်း လိုအပ်ပါတယ်။

ဖြေလည်သော အဖြေရရှိပြီး

106

လွန်ခဲ့သော ၂၀ နာရီ က · မှော်ဘီ

စုတ်စားပိုးကျတာဘာဆေးသုံးရမ လဲ

ပိုးမွှားရောဂါ ခဝဲသီး

281,798 လွန်ခဲ့သော ၂၀ နာရီ က

ဤအဖြေဖြင့် ပြေလည်

ခဝဲသီးတွင် ကျရောက်သော စုပ်စားပိုးများ (ပျပိုး၊ လှေးပိုး၊ ယင်ဖြူ) ကို နှိမ်နင်းရန် စိုက်ပျိုးရေးသုတေသန လမ်းညွှန်ချက်များနှင့် တောင်သူအများစုကတော့ အီမီဒါကလိုပရစ် (Imidacloprid)၊ သို့မဟုတ် အဆီတာမီပရစ် (Acetamiprid) ကဲ့သို့သော ပင်လုံးပြန့်အာနိသင်ရှိသည့် ဓာတုပိုးသတ်ဆေးများကို အရွက်အောက်မျက်နှာပြင်ပါ အလှည့်ကျ နှံ့စပ်အောင် ဖျန်းပက်သုံးစွဲလေ့ရှိတယ်။ ဓာတုဆေးမသုံးလိုပါက တမာဆီ သို့မဟုတ် ဆေးရွက်ကြီးဆေးရည်ကဲ့သို့ သဘာဝဆေးများဖြင့် ကာကွယ်နိုင်ပြီး စိုက်ခင်းအတွင်း ပေါင်းမြက်ရှင်းလင်းခြင်းနှင့် မိတ်ဆွေပိုးများကို ထိန်းသိမ်းခြင်းဖြင့် စုပ်စားပိုးအန္တရာယ်ကို ရေရှည်ကာကွယ်နိုင်ပါလိမ့်မယ်။

281,798 လွန်ခဲ့သော ၃ နာရီ က

ဖြစ်နိုင်မယ်ဆိုရင်ပို့စ်အသစ်တင်မေးပေးပါ၊ ပို့တစ်ခုတည်းစုပြုံမေးသည့်အခါ တခါတရံစာတွေဖတ်မရတာပုံတွေကြည့်မရဖြစ်နေလို့ပါခင်ဗျာ

522

လွန်ခဲ့သော ၂၁ နာရီ က · စဉ့်ကူး

နွားချေးနွားသေး ထန်းလျက် အချဉ်ဖောက်တာဘလောက်အချိုးစားထည့်ရမလဲရှင့် ဘနှရက်ထားပီးဖျန်းလို့ရလဲရှင့် ဘာကောင်းကျိုးအားသာလဲရှင့်

အပင်အာဟာရ စပါး

281,798 လွန်ခဲ့သော ၂၀ နာရီ က

စပါးတစ်ဧကစာအတွက် နွားချေးလတ်လတ်ဆတ်ဆတ် ၅ တင်း၊ နွားသေး ၅ လီတာ၊ ထန်းလျက် ၁၅ ကျပ်သားတို့ကို ရေ ၂၅ ဂါလံနှင့် ရောစပ်ပြီး စည်ပိုင်းထဲတွင် သမအောင် မွှေရပါမယ်။ ထို့နောက် အရိပ်အောက်တွင် ၃ ရက်ကြာ ပိတ်ပြီး အချဉ်ဖောက်ထားရမည်ဖြစ်ကာ ထို ၃ ရက်အတွင်း တစ်နေ့လျှင် ၆ ကြိမ်ခန့် (စုစုပေါင်း ၁၈ ကြိမ်) သေချာစွာ အထက်အောက် လှန်မွှေပေးရပါမယ်။ ၄ ရက်မြောက်နေ့တွင် အသုံးပြုနိုင်ပြီး၊ ဆေးရည် ၁ ဆလျှင် ရေ ၁၅ ဆမှ ၂၀ ဆခန့် ရောစပ်ကာ စပါးပင်ပွားချိန်မှ အနှံမထွက်မီအထိ ၁၀ ရက် သို့မဟုတ် ၁၅ ရက်တစ်ကြိမ် ဖျန်းပေးနိုင်ပါတယ်။ ဤနည်းသည် ယူရီးယားဓာတ်မြေသြဇာကို အစားထိုးနိုင်ပြီး အပင်ကြီးထွားမှုကို မြန်ဆန်စေကာ မြေဆီလွှာကို ကောင်းမွန်စေသည့်အပြင် ပိုးမွှားရောဂါများကိုပါ သဘာဝအတိုင်း ခုခံကာကွယ်ပေးပါတယ်။နေပြင်းချိန်မဖျန်းရပါ၊ အရင်ဦးဆုံးဧရိယာအနည်းငယ်စမ်းသပ်ဖျန်းပါ၊အချဉ်ဖောက်လုပ်ငန်းစဉ်မှာ မှားယွင်းခဲ့သည်ရှိသော် အပင်မလောင်စေရန်အတွက်ပါခင်ဗျာ

လွန်ခဲ့သော ၂၂ နာရီ က · ဖေါင်းပြင်

သရက်ပွင့်တွေ များပေမယ့် သရက်သီး သီးတာဘာကြောင့်နည်းရသလဲ။ အသီးသီးလာတဲ့ သရက်သီးက ဘယ်လိုအောင်မြင်လာသလဲ ။မသီးနိုင်တဲ့ အပွင့်တွေက ဘာဖြစ်လို့ပါလဲ။

စိုက်ပျိုး ဗဟုသုတ သရက်

217,596 လွန်ခဲ့သော ၂၁ နာရီ က

မမေသော်ညိမ်း သရက်ပင်ပန်းခိုင်မှာအပွင့်သေးသေးလေးတွေအများကြီးပါသော်လဲအရင်းပိုင်းကအဖိုပွင့်များဖြစ်ဝတ်မှုန်ကူးဘို့သာဖြစ်ပြီးအဖျားပိုင်ကအပွင့်များကအများအားဖြင့်လိမ်စုံပွင်မျာဖြစ်ပြီးအသီးစိမ်းလေးတွေ့နိုင်တယ်အဲဒီအပွင့်မျိုူကသာအသီးရတယ်မြေသြေဇာကောင်းကောင်းပေးထားရင်အမပွင့်များများပါပြီးအသီးများများတင်တယ်ပန်းပဃင့်ချိန်တွင်ဖြုတ်ပိုးကျရင်ပန်းခိုင်များသစ်ရည်စုပ်ခံရင်လဲအသီးမတင်ဘူးပန်းပွင်ချိန်မှာလည်ကောင်းပိုးကျရင်ကြိုပြီးမီးခိုးမှိုင်းတိုက်ပေးရင်အသီးပိုတင်မယ်

281,798 လွန်ခဲ့သော ၂၁ နာရီ က

သရက်ပင်များ ပန်းပွင့်သော်လည်း အသီးမတင်ဘဲ ကြွေကျရခြင်းမှာ သရက်ပန်းခိုင်တွင် သန္ဓေမအောင်နိုင်သော "အဖိုပွင့်" ရာခိုင်နှုန်း ပိုများနေခြင်း၊ ပန်းပွင့်ချိန်တွင် ရာသီဥတုဆိုးရွား၍ ဝတ်မှုန်ကူးပေးမည့် အင်းဆက်များ မလာခြင်းနှင့် ဘိုရွန်၊ ဇင့်ဓာတ် ကဲ့သို့သော အာဟာရများ ချို့တဲ့ခြင်းတို့ကြောင့် ဖြစ်ပါတယ်။ သီးလာသော သရက်သီးများ အောင်မြင်ရန်အတွက် လိင်စုံပွင့်များ သန္ဓေအောင်ပြီးနောက် ကယ်လ်စီယမ်နှင့် ပိုတက်စီယမ်ဓာတ် မျှတစွာရရှိရန် လိုအပ်ပါတယ်။ မသီးနိုင်သော အပွင့်များသည် သရက်ဖြုတ်ပိုး၊ သရက်မှည့်ပျောက်စွန်းမှို (Anthracnose)ရောဂါများ တိုက်ခိုက်ခြင်းကြောင့် မည်းခြောက်ကာ ကြွေကျပျက်စီးသွားရခြင်း ဖြစ်ပါတယ်။ပွင့်ချိန်/သီးချိန်တွင် နိုက်ထရိုဂျင် (ယူရီးယား) ကျွေးခြင်းကို လျှော့ချပြီး ပိုတက်စီယမ် (K) နှင့် ဖော့စဖရပ် (P) ပိုမိုပါဝင်သော မြေသြဇာများကို ပြောင်းလဲကျွေးပါ။ပန်းခိုင်မပွင့်မီနှင့် ပွင့်စအချိန်တွင် ကယ်လ်စီယမ်-ဘိုရွန် (Calcium-Boron) နှင့် ဇင့် (Zinc) ရွက်ဖျန်းအားဆေးကို ပက်ဖျန်းပေးခြင်းဖြင့် အသီးတင်နှုန်း သိသိသာသာ တိုးတက်လာပါလိမ့်မယ်။ဝတ်မှုန်ကူးချိန် (ပွင့်အာချိန်) တွင်မူ အင်းဆက်များ မသေစေရန် ဆေးဖျန်းခြင်းကို ရှောင်ကြဉ်ရပါမယ်။သင့်တော်သော ရေသွင်းမှု (ဥပမာ- အသီးကင်းဝင်ချိန်တွင် တစ်ပတ်တစ်ကြိမ် ရေ သွင်းပေးခြင်း) ကြောင့် အသီးများ တဖြည်းဖြည်း ကြီးထွားအောင်မြင်လာနိုင်ပါတယ်။

ဖြေလည်သော အဖြေရရှိပြီး

7,945

လွန်ခဲ့သော ၁ ရက် က · ချောက်

ဆရာကြည့်ပေးပါအူးဗျ ခရမ်းခေါင်း သီးလုံးဖောက်ပိုးစတွေ့နေရပီ အများကြီးမဟုတ်ပေမဲ့တစ်လုံးစ နှစ်လုံးစတော့တွေ့နေရပီ အောက်ကပေါင်းပင်လဲရှင်းထားပါတယ်ဆရာ အရင် 24 ရက်နေ့က ဒယ်ဘလယ် ကောင်းတယ်ဆိုလို့ ဒယ်ဘလယ်နဲ့မိုနိုကေးဖျန်းထားတယ်ဆရာ ဒီနေ့ မန်ကိုဇက်နဲ့ ဖော်ယူဖျန်းထားတယ်ဆျာ ဖော်ယူက သီးလုံးဖောက်ပိုးနိုင်လားဆရာ သီးလုံးဖောက်ပိုးနည်းအောင် ဘယ်လိုတွေ ဂရုစိုက်ပေးရမလဲဆျာ ခရမ်းက 1 ပိသာ 3200 လောက်ရတော့ စျေးလေးမဆိုးဘူးပေါ့ဆရာ ခရမ်းချဥ်ကတော့ 1ပိသာ 1000 ဆိုတော့ သေချာတာတစ်ခုတော့ကိုယ့်အတွက် အခုမှ သီးလုံးဖောက်တာပါဆျာ ဒီနေ့ကောဆို ဆေးနှစ်ပတ်ရှိပီဆရာ အကြံပေးပါအူးနော့ဆျာ

ပိုးမွှားရောဂါ ခရမ်းသီး

281,798 လွန်ခဲ့သော ၁ ရက် က

ဤအဖြေဖြင့် ပြေလည်

ခရမ်းသီး သီးလုံးဖောက်ပိုးကို ထိရောက်စွာ နှိမ်နင်းရန်အတွက် ဆေးဖျန်းရုံတင်မကဘဲ ရောဂါရနေသော အသီးနှင့် အညွန့်များကို တွေ့တွေ့ချင်း ဆွတ်ခူးပြီး စိုက်ခင်းအပြင်ဘက်တွင် မီးရှို့ သို့မဟုတ် မြေမြှုပ်ဖျက်ဆီးပစ်ရန် အရေးကြီးဆုံး ဖြစ်ပါတယ်။ တောင်သူကြီး အသုံးပြုထားသော ဆေးများသည် ကောင်းမွန်သော်လည်း ပိုးယဉ်ပါးမှု မဖြစ်စေရန်အတွက် Chlorantraniliprole သို့မဟုတ် Flubendiamide ကဲ့သို့သော ဆေးအုပ်စု (၂၈) ဒိုင်အာမိုက်ဆေးများနှင့် စပီနိုဆတ် (Spinosad) ဆေးဝါးများကို လှည့်ပတ်အသုံးပြုပေးရပါမယ်။ ဆေးဖျန်းရာတွင် လောက်ကောင်ငယ်များ လှုပ်ရှားချိန်ဖြစ်သော ညနေစောင်းအချိန်ကို ရွေးချယ်ဖျန်းပေးပါက ပိုမိုထိရောက်ပါတယ်။ ယခုအချိန်သည် ခူးဆွတ်နေသည့် ကာလဖြစ်၍ ဆေးဖျန်းပြီးနောက် သတ်မှတ်ထားသော ဆေးနားရက် (PHI) ကိုလည်း အတိအကျ လိုက်နာရပါမယ်။

7,945 လွန်ခဲ့သော ၁ ရက် က

ဟုတ်ဆျာကျေးဇူးပါခင်ဗျ

103

လွန်ခဲ့သော ၁ ရက် က · ဘီးလင်း

ခရမ်းချဥ်မျိုးစေ့စုံလင်စိတ်ချစွာဝယ်လို့ရတဲ့ဆိုင်ညွှန်းပေးကြပါဦးဗျ

စိုက်ပျိုးနည်း ခရမ်းချဉ်

281,798 လွန်ခဲ့သော ၁ ရက် က

ခရမ်းချဉ်မျိုးစေ့ကို စိတ်ချစွာ ဝယ်ယူစိုက်ပျိုးရန်အတွက် မြန်မာနိုင်ငံ စိုက်ပျိုးရေးဈေးကွက်တွင် အောင်မြင်ဖြစ်ထွန်းမှု အမြင့်ဆုံးဖြစ်သော East-West Seed (အရှေ့အနောက်မျိုးစေ့ကုမ္ပဏီ - အစိမ်းရောင်တံဆိပ်)၊ မြန်မာဩဘာဂရု (Myanma Awba Group) နှင့် Golden Key Myanmar ကုမ္ပဏီကြီးများ၏ မူရင်းမျိုးစေ့များကို ရွေးချယ်သင့်ပါတယ်။ ဗိုင်းရပ်စ်ရောဂါ ကင်းစင်စေရန်အတွက် ကုမ္ပဏီထုတ် လေလုံစတေကာပါကင်များကိုသာ မြို့နယ်အဆင့် စိုက်ပျိုးရေးဆိုင်ကြီးများတွင် စိတ်ချယုံကြည်စွာ စုံစမ်းဝယ်ယူကြည့်ပါခင်ဗျာ။

112

လွန်ခဲ့သော ၁ ရက် က · ပေါင်းတည်

ပဲငပိ၁တင်းဘယ်စျေးလဲရှင်အပေါက်ကောင်းမကောင်းဘယ်လိုစမ်းရမလဲဆရာရှင်ထယ်ထိုးပီးပတ်တာမပေါက်လို့ပါရှင်

စိုက်ပျိုးစီးပွား ပဲပုပ်

281,798 လွန်ခဲ့သော ၁ ရက် က

မျိုးစေ့ဈေးနှုန်းကတော့ အဲ့ဒီပေါက်ဈေးလောက်ရှိပါတယ်၊ကျွန်တော်တို့ကကုန်စည်ဒိုင်ပေါက်ဈေးကိုပြောတာပါခင်ဗျာ၊

112 လွန်ခဲ့သော ၁ ရက် က

ရွာမှာ၃သိန်းကျော်ထိရောင်းနေကြလို့ခုလိုစျေးနဲ့ရချင်ပါတယ်ဆရာဘယ်မှာဝယ်ရမလဲရှင်

ဖြေလည်သော အဖြေရရှိပြီး

လွန်ခဲ့သော ၁ ရက် က · ဇမ္ဗူသီရိ

နေကြာမျိုးကောင်းမျိုးသန့် ၁၀ဧက စာ ရချင်ပါသည် ပျဥ်းမနားကပါ ဘယ်မှာဝယ်လို့ရပါသလဲ

စိုက်ပျိုးစီးပွား နေကြာ

1,107,168 လွန်ခဲ့သော ၁ ရက် က

ဤအဖြေဖြင့် ပြေလည်

ရတနာ မျိုးသန့်ခြံ၊တပ်ကုန်း ဖုန်းဆက်မေးဝယ်ပါ

လွန်ခဲ့သော ၁ ရက် က · ညောင်ရွှေ

မင်္ဂလာပါ ဆရာတို့ဗျာ ကျနော် ခရမ်းချဉ်စိုက်တောင်သူတယောက်ပါ ကျနော် သိချင်တာက ခရမ်းချဉ်မျိုးစေ့စပ်မျိုးမဝယ်ပဲ အရင်ကစိုက်ခဲ့တဲ့စပ်မျိုးတသားကျကို အမျိုးပြန်ယူပြီးစိုက် အဆင်ပြေနိုင်လားဗျ အထွက်နုန်းတွေရော့နိုင်လား ဖြေပေးကြပါ ကျေးဇူး တင်ပါတယ်

စိုက်ပျိုး ဗဟုသုတ ခရမ်းချဉ်

1,107,168 လွန်ခဲ့သော ၁ ရက် က

ဒေသမျိုးတွေက၊မဖိုးပြန်ယူရင်ရပေမယ့်၊စပ်မျိုးတွေက မရဘူးဗျ။ အပင်ဖြစ်ပြီး အသီးမဖြစ်ထွန်းဘူး။

35 လွန်ခဲ့သော ၁ ရက် က

မရပါ အသီးသေးသွား

လွန်ခဲ့သော ၁ ရက် က · ချောက်

အပင်တွေကွက်ပြီးဝါနေတာ တစ်ခင်းလုံးလဲကူးခုနီးပါဖြစ်နေလို့ ဘာကြောင့်ဖြစ်လဲ ဘယ်လိုရောဂါအမျုးအစားကျရောက်သလဲ ဘာဆေးဖျန်းရမလဲ ဆေးဖျန်းရင်သက်သာနိုင်လားဖြေပေးပါအုံးရှင့်

ပိုးမွှားရောဂါ မြေပဲ(ကွင်းသီးနှံ)

122 လွန်ခဲ့သော ၁ ရက် က

မြေပဲပင်တွင်ကျရောက်တတ်သောရောဂါများ

776 လွန်ခဲ့သော ၁ ရက် က

မြေပဲပင်တွင်ကျရောက်တတ်သောရောဂါများ">https://greenwaymyanmar.com/tags/130">မြေပဲပင်တွင်ကျရောက်တတ်သောရောဂါများ

လွန်ခဲ့သော ၁ ရက် က · ပွင့်ဖြူ

နှမ်းပင်ပိုးစေးနှဲကျရင်ဘယ်လိုဆေးသုံးရမလဲ

ပိုးမွှားရောဂါ နှမ်း

1,107,168 လွန်ခဲ့သော ၁ ရက် က

ပရိုဖီနိုဖော့ ကို စွဲကပ်ဆေး ထည့်ဖျန်းပါ။အပွင့်ပွင့်ချိန်ရှောင်ပါ။

281,798 လွန်ခဲ့သော ၁ ရက် က

နှမ်းပင်ပိုးစေးနှဲ ကျပါက ပိုးနည်းလျှင် လက်ဖြင့် ကောက်ယူဖျက်ဆီးပါ၊ ပိုးများလျှင်စိုက်ပျိုးရေးသုတေသန လမ်းညွှန်ချက်များနှင့် တောင်သူအများစုကတော့ အီမာမက်တင် ဘန်ဇိုအိတ် (Emamectin Benzoate) ဓာတုပိုးသတ်ဆေးကို ညွှန်းတမ်းအတိုင်း အမြန်ဆုံး သုံးစွဲလေ့ရှိတယ်

ဖြေလည်သော အဖြေရရှိပြီး

7,945

လွန်ခဲ့သော ၁ ရက် က · ချောက်

ဆရာခရမ်းချဥ်နဲ့ခရမ်းခေါင်းအတွက် မနက်ဖြန် မှိုဆေးဖျန်းချင်လို့ မန်ကိုဇက်နဲ့ဖော်ယူနဲ့တွဲလို့ရလား အရင် ၆ ရက်ကမှ မိုနိုကေးနဲ့ ဒယ်ဘလယ် ပိုးသတ်ဆေးဖျန်းထားတာပါဆျာ ဒါမှမဟုတ် မန်ကိုဇက်တစ်မျိုးတညိးဖျန်းရမလား

ပိုးမွှားရောဂါ ခရမ်းချဉ်

281,798 လွန်ခဲ့သော ၁ ရက် က

ဤအဖြေဖြင့် ပြေလည်

ဖော်ယူမှာက Abamectin 1.8% နှင့် Mancozeb (မှိုသတ်ဆေး) တို့ကို ဆေးဖျန်းပုံးတစ်ခုတည်းတွင် စနစ်တကျ ရောစပ်၍ တစ်ပြိုင်နက်တည်း ဖျန်းနိုင်ပါတယ်။ ဆေးဖျော်စပ်ရာတွင် ဓာတုဗေဒသဘောအရ ဆေးအာနိသင်ပျက်ပြယ်ခြင်း သို့မဟုတ် ဆေးလောင်ခြင်းမျိုး မဖြစ်စေရန်အတွက် ပထမဦးစွာ အမှုန့်ပုံစံဖြစ်သော Mancozeb ကို ရေတစ်ဝက်ခန့်ရှိသည့် ဆေးပုံးထဲထည့်၍ သမအောင်အရင်မွှေရပါမယ်။ ထိုမှိုသတ်ဆေးအမှုန့်များ လုံးဝပျော်ဝင်သွားပြီဆိုမှ ဒုတိယအဆင့်အနေဖြင့် အဆီရည်ပုံစံဖြစ်သော Abamectin ကို ထပ်မံထည့်သွင်းကာ ရေပြည့်အောင်ဖြည့်၍ မွှေပေးရပါမယ်။ ဤဆေးနှစ်မျိုးတွဲဖက်မှုကို နေပြင်းချိန်တွင် ဖျန်းခြင်းမှရှောင်ကြဉ်ပြီး၊ နေအေးချိန်ဖြစ်သော မနက်စောစော သို့မဟုတ် ညနေစောင်းတွင်သာ ထိုနေ့ချင်းပြီး ကုန်အောင် ဖျန်းပေးရပါမယ်။

7,945 လွန်ခဲ့သော ၁ ရက် က

ဟုတ်ဆရာကျေးဇူးတင်ပါတယ်ဆရာ

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

ရေပန်းစားသော အကြောင်းအရာများ