ပုံပါ ကြက်မောက်ပင်သည် အရွက်ဟောင်းများ စိမ်းနေပြီး ထိပ်ဖျားမှ ထွက်လာသော အရွက်နုသစ်များသာ သိသာစွာ ဝါဖြူဖျော့နေခြင်း ဖြစ်ပါတယ်။ ဆားခါး (မဂ္ဂနီစီယမ်) ချို့တဲ့ခြင်း မဟုတ်ဘဲ အပင်များတွင် အဖြစ်များသည့် "သံဓာတ်ချို့တဲ့ခြင်း" (Iron Chlorosis) လက္ခဏာ ဖြစ်ပါတယ်။ မြေဆီလွှာ အယ်လကာလီဖြစ်ခြင်း (pH မြင့်ခြင်း) သို့မဟုတ် ရေဝပ်ခြင်းကြောင့် အမြစ်က သံဓာတ်ကို မစုပ်ယူနိုင်ဘဲ ဖြစ်ရခြင်းပါ။ ဆားခါးကျွေးရုံဖြင့် မလုံလောက်ဘဲ ရက်သတ္တပတ် (၂) ပတ်လျှင် တစ်ကြိမ် သံဓာတ်" ပါ အရွက်ဖျန်းမြေသြဇာ သို့မဟုတ် အနည်းလိုဓာတ်အစုံ ပါဝင်သည့်အားဆေးကို ဖျန်းပေးရပါမယ်။ ရေရှည်အတွက် မြေဆီလွှာထဲသို့ ဆာလ်ဖာ (ကန့်မှုန့်) နှင့် နွားချေးဆွေး ထည့်သွင်းပြုပြင်ပေးခြင်းဖြင့် အပင် ပြန်လည်စိမ်းလန်းလာပါလိမ့်မယ်။

ပုံပါ ငရုတ်သီးတောင့်တွင် ရောဂါလက္ခဏာ (ပုပ်ခြင်း၊ ချိုင့်ဝင်ခြင်း) မရှိဘဲ အမည်းရောင် သန်းနေခြင်းသည် ရောဂါကြောင့်မဟုတ်ဘဲ သဘာဝဖြစ်စဉ်များကြောင့် ဖြစ်ပါတယ်။ အဓိကအားဖြင့် အစိမ်းရောင်မှ အနီရောင်သို့ ကူးပြောင်းသည့် ရင့်မှည့်ခြင်းကြားကာလ ဖြစ်ခြင်း၊ နေရောင်ခြည် ပြင်းပြင်းနှင့် တိုက်ရိုက်ထိတွေ့ရသဖြင့် အပင်မှ အရောင်ခြယ်ပစ္စည်း (Anthocyanin) ပိုမိုထုတ်လုပ်ခြင်းနှင့် ညဘက် ရာသီဥတု အေးခြင်းစသည့် ပတ်ဝန်းကျင် ဖိစီးမှုများကြောင့် ဖြစ်တတ်ပါတယ်။ အသီးမျက်နှာပြင်သည် ပျော့မသွားဘဲ ပုံမှန်အတိုင်း မာကျောနေပါက စိုးရိမ်ရန် လုံးဝမလိုဘဲ ပုံမှန်အတိုင်း ခူးဆွတ်စားသုံးနိုင်ပါတယ်။

ပုံပါအတိုင်း စပါးရွက်များ ဖြူပြီး ခြောက်ကာ လိပ်နေခြင်းမှာ ရွက်လိပ်အိမ်ပိုး (Rice Leaf Folder) ကျရောက်ခြင်း ဖြစ်ပါတယ်။ ထို့ပြင် ပိုးကျချိန်၌ ရေကို ၃ ရက်ခန့် ထုတ်ပစ်ပြီး အပင်ပေါ်ရှိ ပိုးကောင်များကို ကြိုးတန်းဖြင့် တိုက်ချခြင်း၊ ကန်သင်းမြက် ရှင်းခြင်းနှင့် နိုက်ထရိုဂျင်မြေသြဇာ လျှော့ကျွေးခြင်းတို့ ပြုလုပ်သင့်ပါတယ်။ အကယ်၍ အရွက်ပျက်စီးမှု များလာပါက စိုက်ပျိုးရေးသုတေသန လမ်းညွှန်ချက်များနှင့် တောင်သူအများစုကတော့ကာတပ် ကာတပ် ဟိုက်ဒရိုကလိုရိုက် (Cartap Hydrochloride)၊ကလိုရန်ထရန်နီလီပရိုး (Chlorantraniliprole)၊အီမာမက်တင် ဘန်ဇိုအိတ် (Emamectin Benzoate) စသည့် ပိုးသတ်ဆေးတစ်မျိုးမျိုးကို စနစ်တကျ ပက်ဖျန်းသုံးစွဲလေ့ရှိတယ်။၎င်းကို ကာကွယ်ရန် ပထမဦးစွာ စိုက်ခင်းအတွင်း ရေကို အမြဲအိုင်မနေစေဘဲ အလှည့်ကျ ရေသွင်းရေထုတ် စနစ် အလှည့်ကျပြုလုပ်ပေးသင့်ပါတယ်ခင်ဗျာ။

Trichoderma (ထရိုင်ကိုဒါးမား) သည် အကျိုးပြုမှိုဖြစ်၍ အပင်ခြေမြေဆီလွှာအခြေခံရောဂါများနှင့် လေဆောင်မှိုရောဂါများကို ကြိုတင်ကာကွယ်ရာတွင် ထိရောက်မှုရှိသော်လည်း၊ ကြက်သွန်နီတွင် ကျရောက်တတ်သည့် ဒေါင်းနီးနှင့် တောက်တဲ့မြီးရောဂါများ ဆိုးရွားစွာကျရောက်နေချိန်တွင် ၎င်းတစ်မျိုးတည်းဖြင့် ရာနှုန်းပြည့်ကုသရန် မလုံလောက်ပါဘူး။ရောဂါ မကျရောက်မီ ကြိုတင်ကာကွယ်သည့် အနေဖြင့် ပုံမှန်ပက်ဖျန်းထားပါက ရောဂါဒဏ်ကို အတိုင်းအတာတစ်ခုအထိ ခုခံပေးနိုင်သော်လည်း၊ ရောဂါ အမှန်တကယ် ကျရောက်လာပါက ထိရောက်စွာ ကုသနိုင်စွမ်း မရှိပါဘူး။ ရောဂါပြင်းထန်ပါက Irodione သို့မဟုတ် Cymoxanil, Azoxystrobinကဲ့သို့သော ဓာတုမှိုသတ်ဆေးကို အမြန်ဆုံးပက်ဖျန်းနှိမ်နင်းရမည်ဖြစ်ပြီး၊ သတိပြုရန်မှာ Trichoderma နှင့် ဓာတုမှိုသတ်ဆေးများကို ရောစပ်မဖျန်းဘဲ အနည်းဆုံး ၇ ရက်ခြား၍ အသုံးပြုရပါမယ်။ ထို့ပြင် စိုက်ခင်းအတွင်း ရေမဝပ်စေရန်နှင့် နိုက်ထရိုဂျင်မြေသြဇာ အလွန်အကျွံမကျွေးမိရန်လည်း လိုအပ်ပါတယ်။

စပါးတစ်ဧကစာအတွက် နွားချေးလတ်လတ်ဆတ်ဆတ် ၅ တင်း၊ နွားသေး ၅ လီတာ၊ ထန်းလျက် ၁၅ ကျပ်သားတို့ကို ရေ ၂၅ ဂါလံနှင့် ရောစပ်ပြီး စည်ပိုင်းထဲတွင် သမအောင် မွှေရပါမယ်။ ထို့နောက် အရိပ်အောက်တွင် ၃ ရက်ကြာ ပိတ်ပြီး အချဉ်ဖောက်ထားရမည်ဖြစ်ကာ ထို ၃ ရက်အတွင်း တစ်နေ့လျှင် ၆ ကြိမ်ခန့် (စုစုပေါင်း ၁၈ ကြိမ်) သေချာစွာ အထက်အောက် လှန်မွှေပေးရပါမယ်။ ၄ ရက်မြောက်နေ့တွင် အသုံးပြုနိုင်ပြီး၊ ဆေးရည် ၁ ဆလျှင် ရေ ၁၅ ဆမှ ၂၀ ဆခန့် ရောစပ်ကာ စပါးပင်ပွားချိန်မှ အနှံမထွက်မီအထိ ၁၀ ရက် သို့မဟုတ် ၁၅ ရက်တစ်ကြိမ် ဖျန်းပေးနိုင်ပါတယ်။ ဤနည်းသည် ယူရီးယားဓာတ်မြေသြဇာကို အစားထိုးနိုင်ပြီး အပင်ကြီးထွားမှုကို မြန်ဆန်စေကာ မြေဆီလွှာကို ကောင်းမွန်စေသည့်အပြင် ပိုးမွှားရောဂါများကိုပါ သဘာဝအတိုင်း ခုခံကာကွယ်ပေးပါတယ်။နေပြင်းချိန်မဖျန်းရပါ၊ အရင်ဦးဆုံးဧရိယာအနည်းငယ်စမ်းသပ်ဖျန်းပါ၊အချဉ်ဖောက်လုပ်ငန်းစဉ်မှာ မှားယွင်းခဲ့သည်ရှိသော် အပင်မလောင်စေရန်အတွက်ပါခင်ဗျာ

မမေသော်ညိမ်း သရက်ပင်ပန်းခိုင်မှာအပွင့်သေးသေးလေးတွေအများကြီးပါသော်လဲအရင်းပိုင်းကအဖိုပွင့်များဖြစ်ဝတ်မှုန်ကူးဘို့သာဖြစ်ပြီးအဖျားပိုင်ကအပွင့်များကအများအားဖြင့်လိမ်စုံပွင်မျာဖြစ်ပြီးအသီးစိမ်းလေးတွေ့နိုင်တယ်အဲဒီအပွင့်မျိုူကသာအသီးရတယ်မြေသြေဇာကောင်းကောင်းပေးထားရင်အမပွင့်များများပါပြီးအသီးများများတင်တယ်ပန်းပဃင့်ချိန်တွင်ဖြုတ်ပိုးကျရင်ပန်းခိုင်များသစ်ရည်စုပ်ခံရင်လဲအသီးမတင်ဘူးပန်းပွင်ချိန်မှာလည်ကောင်းပိုးကျရင်ကြိုပြီးမီးခိုးမှိုင်းတိုက်ပေးရင်အသီးပိုတင်မယ်

ခရမ်းချဉ်မျိုးစေ့ကို စိတ်ချစွာ ဝယ်ယူစိုက်ပျိုးရန်အတွက် မြန်မာနိုင်ငံ စိုက်ပျိုးရေးဈေးကွက်တွင် အောင်မြင်ဖြစ်ထွန်းမှု အမြင့်ဆုံးဖြစ်သော East-West Seed (အရှေ့အနောက်မျိုးစေ့ကုမ္ပဏီ - အစိမ်းရောင်တံဆိပ်)၊ မြန်မာဩဘာဂရု (Myanma Awba Group) နှင့် Golden Key Myanmar ကုမ္ပဏီကြီးများ၏ မူရင်းမျိုးစေ့များကို ရွေးချယ်သင့်ပါတယ်။ ဗိုင်းရပ်စ်ရောဂါ ကင်းစင်စေရန်အတွက် ကုမ္ပဏီထုတ် လေလုံစတေကာပါကင်များကိုသာ မြို့နယ်အဆင့် စိုက်ပျိုးရေးဆိုင်ကြီးများတွင် စိတ်ချယုံကြည်စွာ စုံစမ်းဝယ်ယူကြည့်ပါခင်ဗျာ။

မျိုးစေ့ဈေးနှုန်းကတော့ အဲ့ဒီပေါက်ဈေးလောက်ရှိပါတယ်၊ကျွန်တော်တို့ကကုန်စည်ဒိုင်ပေါက်ဈေးကိုပြောတာပါခင်ဗျာ၊

ဒေသမျိုးတွေက၊မဖိုးပြန်ယူရင်ရပေမယ့်၊စပ်မျိုးတွေက မရဘူးဗျ။ အပင်ဖြစ်ပြီး အသီးမဖြစ်ထွန်းဘူး။

မြေပဲပင်တွင်ကျရောက်တတ်သောရောဂါများ