ကြွက်တအားစားတယ်ဘယ်လိုလုပ်ရမလဲဗျ
ဘာအရွက်လဲ ပိတောက်ရွက်လား
ရေဆင်းပဲပုပ် ၁၁ အကြောင်းပြောပြပါ
အသက်ရက် (၁၀၀ မှ ၁၁၀) အတွင်း ရိတ်သိမ်းနိုင်ပါတယ်။ အထွက်နှုန်း တစ်ဧက (၄၀) တင်းအထိ ထွက်နိုင်ပြီး၊ အသားဓာတ် ပါဝင်မှု (၃၄ မှ ၄၃ %) နှင့် ဆီပါဝင်မှုနှုန်း (၂၀ မှ ၂၂%) ပါဝင်ပါတယ်။ မိုးရာသီနှင့် စပါးသီးထပ်အဖြစ် စိုက်ပျိုးနိုင်ပြီး၊ တောင်ပေါ်မြေပြန့် စိုက်ပျိုးနိုင်သောမျိုးများအဖြစ် စမ်းသပ်တွေ့ရှိထားပြီး ဖြစ်ပါတယ်။ ဈေးကွက်အခက်အခဲဖြစ်နေတဲ့ ပဲမျိုးနေရာမှာ အစားထိုးစိုက်ပျိုးနိုင်မယ့် ပဲပုပ်မျိုးသစ်
ခရမ်းသီးပင်တွေ အညွှန့်တွေ ငြိုးကျနေလို့ပါ ဘယ်လိုပြုပြင်ရမလဲ ဆရာတို့ ကူညီပါအုန်း။
@မောင်ပေါက်ကြီး ညှိုးကျနေတဲ့ ခေါင်ညွှန်ကို ခွဲကြည့်ပါ။ အလယ်မှာ ပိုးရှိနေတယ်ဆိုရင် ပင်လုံးပြန့်ပိုးသတ်ဆေး ဖျန်းပေးပါ။ ခရမ်းသီးခေါင်ညွန့်ပိုး
ဆရာတို့ခူတွေအရမ်းကျတာဘာဆေးတွေသုံးရမလဲခူကခူဝါတေပါ
မတ်ပဲ ကျဲရာတွင် လက်ပေါက်ညီအောင် နေရာလွတ်မကျန်အောင် ကျဲပုံ ကျဲနည်းလေးများ သိချင်ပါတယ်ခင်ဗျ လယ်အခုမှ စလုပ်တဲ့သူမို့ပါ တခါမျှမကျဲဖူးသေးလို့ပါ
4 ပြည်ကြဲရမယ့်လယ်ကို 2ပြည်စီ အလျှားတစ်ထပ် အနံတစ်ထပ်ကြဲပါ
မိုးစပါး စဉ့်သုခ တင်း100ကို ပေါက်ဈေးဘယ်လောက်ရှိလဲ ဧရာဝတီတိုင်း ကျောင်းကုန်းပါ
ဧရာဝတီတိုင်း၊ ကျောင်းကုန်းမြို့နယ်တွင် ၂၀၂၆ ခုနှစ်၊ စက်တင်ဘာလ ၈ ရက်နေ့ လက်ရှိပေါက်ဈေးအရ မိုးစပါး ဆင်းသုခစပါး တင်း ၁၀၀ လျှင် ကျပ် ၁၈သိန်း မှသိန်း ၂၀ ကြား) ခန့်အထိ ဈေးကွက်အတွင်း အရောင်းအဝယ် ဖြစ်နေပါတယ်။ ဩဂုတ်လကုန်ပိုင်းက ကြုံတွေ့ခဲ့ရသည့် ရေကြီးနစ်မြုပ်မှုဒဏ်ကြောင့် စပါးအထွက်နှုန်းအပေါ် စိုးရိမ်မှုများရှိနေပြီး ဈေးနှုန်းမှာ အမြင့်ပိုင်းတွင် ဆက်ရှိနေသော်လည်း မိမိရောင်းချမည့် စပါး၏ အစိုဓာတ်၊ သန့်စင်မှု အရည်အသွေးနှင့် ဒေသတွင်း ဆန်စက်ပိုင်ရှင်များ၏ ဝယ်လိုအားပေါ်မူတည်၍ ဈေးနှုန်း အနည်းငယ် ကွာဟမှု ရှိနိုင်ပါတယ်။
ကုန်းမြင့်ပိုင်းမြေကို နွေစပါးစိုက်ပျိူးရင် အပင်ကြံခိုင်ဖို့နှင့် ပိုးမွှားဒဏ် ခံနိုင်အောင် မြေဆီလွှာကို ဘယ်လိုပြုပြင်သင့်လဲ မြေခံကို ဘာတွေ ထည့်သုံးသင့်လဲ
ကုန်းမြင့်ပိုင်း မြေစေးဆန်သော ဒေသများတွင် နွေစပါးစိုက်ပျိုးရာ၌ မြေကျပ်ခြင်းနှင့် ရေဝပ်အားနည်းခြင်းတို့ကို ဖြေရှင်းရန် မြေကို ၂ ကြိမ်မှ ၃ ကြိမ်အထိ အနက် ထွန်ယက်ပြီး မျက်နှာပြင် ညီညာအောင် ညှိပေးရပါမယ်။ အပင်ကြံ့ခိုင်ပြီး ပိုးမွှားဒဏ် ခံနိုင်ရည်ရှိစေရန် မြေခံအဖြစ် တစ်ဧကလျှင် နွားချေးဆွေး (သို့) မြေဆွေး အိတ် ၂၀-၃၀၊ တီစူပါ (TSP) မြေဩဇာ အိတ်ဝက်မှ တစ်အိတ်၊ ပိုတက်ရှ် (MOP) မြေဩဇာ ၁၀-၁၂ ကီလိုဂရမ် (အိတ်၏ လေးပုံတစ်ပုံ) နှင့် ယူရီးယား မြေဩဇာ ၁၀ ကီလိုဂရမ်ခန့်ကို မျှတစွာ ထည့်သွင်းပေးရပါမယ်။ ယူရီးယားကို တစ်ကြိမ်တည်း အများကြီးကျွေးပါက အပင်အရည်ရွှမ်းပြီး ပိုးမွှားကျရောက်လွယ်သဖြင့် အပိုင်းလိုက် ခွဲကျွေးသင့်ပြီး၊ စပါးပင် သန်မာစေရန် ပိုတက်ရှ်ကို စပါး မှို့ကပ်ချိန်တွင် ထပ်မံဖြည့်တင်းပေးရန် လိုအပ်ပါတယ်။အထက်ပါအတိုင်း မြေဆီလွှာနှင့် မြေခံကို စနစ်တကျ ပြုပြင်ပေးမယ်ဆိုရင် အပင်ပွားနှုန်း ကောင်းမွန်ပြီး ရာသီဥတုဒဏ်နှင့် ပိုးမွှားဒဏ်ကို ခံနိုင်ရည်ရှိတဲ့ နွေစပါးခင်းကို ပိုင်ဆိုင်နိုင်မှာ ဖြစ်ပါတယ်ဗျာ။ကုန်းမြင့်မြေနှင့် ရေရှည်စပါးစိုက်ခင်းများတွင် ဇင့် (သွပ်ဓာတ်) ချို့တဲ့မှု ဖြစ်တတ်တာကြောင့် မြေပြင်ချိန်တွင် ဇင့်ဆာလဖိတ် (Zinc Sulphate) ကို တစ်ဧက ၅-၁၀ ပေါင်ခန့် ထည့်ပေးပါက စပါးပင် အဝါရောင်ပြောင်းခြင်းမှ ကာကွယ်ပေးနိုင်ပါတယ်။
ပထမဦးဆုံး မျိုးကောင်းမျိုးသန့်ကို အသုံးပြုပါ။ အတန်းလိုက်စိုက်စနစ်ကို ကျင့်သုံးပါ။ ကြဲပက်စနစ်က လေဝင်လေထွက်မကေင်းတဲ့အတွက် ပိုးမွှားရောဂါကို ပိုဆိုးဝါးစေပါတယ်။ သဘာဝမြေသြဇာများများသုံးစွဲပါ။ ဒီနှစ်က အယ်နီညိုဖြစ်ဖို့ရာခိုင်နှုန်းများတဲ့အတွက် ရာသီဥတုဓာတ်နဲ့ ရေငတ်ဓာတ်ကို organic matter သစ်ဆွေးဓာတ်က ပိုထိန်းထားနိုင်ပါတယ်။ အဟာရဓာတ်ကို စုံလင်အောင် ကျွေးပါ။ အသေးစိတ်အချက်တွေကို ဆောင်းပါးမှာ ဆက်လေ့လာနိုင်ပါတယ်။ နွေစပါးစိုက်ပျိုးနည်းစနစ်
စိုက်ဧက 1ဧကအတွက် မတ်ပဲမျိုး ဘယ်နတင်း ကျဲသင့်လဲ ရေလိုက်ခုတ်ဖုံး အတွက်ပါ အခုမှ လယ်စလုပ်သူမို့ မသိလို့ပါ
မျိုးပေါက်နှုန်းကောင်းမယ် မြေကြီးအစိုဓာတ်လည်း ကောင်းမယ်ဆိုရင် ၁၂ပြည်ကနေ ၁၄ ပြည်။ သေချာချင်ရင်တော့ ၁ တင်း သုံးပါ။ မြစ်ဖုမြေသြဇာပါ ရောနယ်ပြီး ကြဲပက်ပေးပါ။ မတ်ပဲကို ဒီလိုစိုက်ပါ။
ကွမ်းရွက်တွေပုံအပါတိုင်းဖြစ်တာ ရောဂါလားပိုးလားဗျဖြေပေးကြပါအုံး
ဘက်တီးရီးယားရောဂါလို့ ယူဆပါတယ်။ပိုးကြောင့်မဟုတ်ပါဘူး။
မြက်သတ်ဆေးဖျန်းထားပါတယ် ခရမ်းခင်းအတွက် ဘယ်လောက်ထိစောင့်ရမလဲ မြက်သတ်ဆေးဖျန်းထားတဲ့ မြေကိုဘယ်လိုပြင်ပေးသင့်သလဲ မြေကို ပြင်ရန်အတွက်ဖြေးပေးပါ
ဟုတျကဲ့ ပါ
ပေါင်းသေဖို့ ၁၀ရက်၊အမှိုက်တွေစုပုံမီးရှို့၊ထယ်ရေးပြင် ချိန်နဲ့ဆိုရင်၂၀-၂၅ရက်ကြာမှာပဲလေ။ခရမ်းစိုက်ချိန်မှာ တလ လောက်ခြားရင် ရပါပြီ။ မြေပြင်ဖို့အတွက်ဆိုရင် ဂျစ်ဆန်၁အိတ်+ကေဟူးမစ်၂ထုပ်ကို သဘာဝမြေဆွေးများများနဲ့ မြေပြင်ပေးပါ။ အဆင်ပြေပါတယ်။
ကန်ထဲ ရေနည်းလို့ စက်တွင်းရေ သွင်းလို့ရပါသလား။ ရေပုပ်နိုင်ပါသလား
စက်တွင်းရေ (အဝီစိတွင်းရေ) ကို ငါးမွေးကန်ထဲသို့ တိုက်ရိုက် သွင်းပြီး မွေးမြူခြင်းကို မပြုလုပ်သင့်ပါဘူး။ မြေအောက်စက်တွင်းရေတွင် ငါးများ အသက်ရှူရန် လိုအပ်သော ပျော်ဝင်အောက်ဆီဂျင် (DO) လုံးဝမရှိသလောက် နည်းပါးခြင်း၊ သံဓာတ်၊ ထုံးဓာတ်နှင့် အဆိပ်ငွေ့များ ပါဝင်နေခြင်း၊ အပူချိန် အလွန်အေးခြင်းတို့ကြောင့် ငါးများ မွန်းပီးသေဆုံးခြင်းနှင့် အပူချိန်လန့်ခြင်းတို့ ဖြစ်နိုင်ပါတယ်။ အကယ်၍ စက်တွင်းရေကို တိုက်ရိုက်သွင်းပါက ကန်အောက်ခြေရှိ အညစ်အကြေးများကို ပုပ်သိုးစေပြီး အမိုးနီးယားဓာတ်ငွေ့များ ထွက်လာကာ ကန်ရေပုပ်သွားနိုင်ပါတယ်။ ထို့ကြောင့် စက်တွင်းရေကို အသုံးမပြုမီ ရေပန်းစနစ်ဖြင့် လေပေးသွင်းခြင်း သို့မဟုတ် အခြားကန်တစ်ခုတွင် ၂ ရက်ခန့် အနည်ထိုင်စေပြီးမှ ကန်ရေ၏ ၁၀% မှ ၁၅% အထိသာ ဖြည်းဖြည်းချင်း ခွဲသွင်းပေးရပါမယ်။
ယခင်တစ်ပတ်လောက်က 15ပတ်လည်နဲ့ ပုလဲဓာတ်မြေသြဇာ ရောကြွေးထားပါတယ် သူ့နောက် အမိုင်န်အက်စစ် ဖျန်းထားပါတယ် အပင်ကြီးထွားရန် ဘာများလိုအပ်ပါသေးလဲရှင်းပြပေးပါဆရာ
ဂန္ဓမာပင်များ ပုပြီး အမြင့်မတက်ဘဲ ကြီးထွားမှု ရပ်တန့်နေခြင်းသည် မြေဆီလွှာ ကျစ်လွန်းခြင်း၊ အမြစ်အာဟာရ မစားနိုင်ခြင်း သို့မဟုတ် အပင်ကြီးထွားမှုဟော်မုန်း အားနည်းခြင်းကြောင့် ဖြစ်နိုင်ပါတယ်။ အပင်ကို အရှိန်အဟုန်ဖြင့် အမြင့်တက်ပြီး ထွားလာစေရန်အတွက် အပင်ဆဲလ်အသစ်ပွားခြင်းကို လှုံ့ဆော်ပေးသည့် Gibberellic Acid (GA3) ဟော်မုန်း သို့မဟုတ် နိုက်ထရိုဂျင်နှင့် အမိုင်နိုအက်စစ် မြင့်မားစွာပါဝင်သော ရွက်ဖြန်းဆေးကို ၅ ရက်မှ ၇ ရက်တစ်ကြိမ် ဖျန်းပေးသင့်ပါတယ်။ ထို့ပြင် အပင်ခြေမြေဆီလွှာကို လေဝင်လေထွက်ကောင်းအောင် ဆွပေးပြီး၊ အမြစ်သစ်များ အားကောင်းစေရန် အမြစ်အားဆေး (Humic Acid) ထည့်သွင်းပေးခြင်းဖြင့် အပင် ချက်ချင်း ပြန်လည်ထွားကြိုင်းလာပါလိမ့်မယ်။
ရွှေဖရုံကို ဒီလိုဝတ်မှုန်ကူးတာ မှန်ပါသလား ခင်ဗျ။ နည်းလမ်းမှန်ကို လမ်းညွှန်ကြပါအုန်း ဆရာတို့ ခင်ဗျ။
ရွှေဖရုံပင် လက်ဖြင့် ဝတ်မှုန်ကူးခြင်းကို ပန်းပွင့်များ အပြည့်အဝလန်းဆန်းပြီး ဝတ်မှုန်အလုပ်လုပ်နိုင်စွမ်း အမြင့်ဆုံးဖြစ်သည့် မနက်စောစော ၇ နာရီမှ ၁၀ နာရီအတွင်း ပြုလုပ်ရပါမယ်။ ဦးစွာ အောက်ခြေတွင် အသီးကင်းပါသော အမပွင့်နှင့် ရိုးတံအရှည်သာပါသော အဖိုပွင့်ကို ခွဲခြားမှတ်သားပါ။ ထို့နောက် လန်းဆန်းသော အဖိုပွင့်ကို ဆတ်ခနဲခူးယူကာ ပတ်လည်ရှိ ပွင့်ဖတ်များကို ဖယ်ရှားပြီး အလယ်က ဝတ်ဆံတံလေး ပေါ်လာအောင် လုပ်ပါ။ ၎င်းအဖိုဝတ်ဆံတံကို အမပွင့်၏ အလယ်ဗဟိုရှိ ဝတ်မှုံခံတိုင် (Stigma) ပေါ်သို့ ခပ်ဖွဖွလေး အထပ်ထပ် တို့ပေးခြင်းဖြင့် ဝတ်မှုန်ကူးပေးနိုင်ပါတယ်။ အဖိုပွင့်ကို မခူးလိုပါက ဝါဂွမ်းနားကြပ်တံ ကို သုံး၍ ဝတ်မှုန်များယူကာ အမပွင့်ထဲ တို့ပေးနိုင်ပြီး၊ အောင်မြင်ပါက ၃ ရက်မှ ၅ ရက်အတွင်း အသီးကင်းလေး သိသိသာသာ ကြီးထွားလာမည် ဖြစ်ပါတယ်။ပုံထဲကအတိုင်းမှန်ပါတယ်။
ဆရာရေ လုပ်ပါအူးဗျ အခုညအပင်တွေ လိုက်ကြည့်ပီး အပင်တွေလဲနေလို့ ပြင်ပေးရင်း အလိုလုံးတွေတွေ့ရတယ်ဆျာ တစ်နှစ်မှမကြုံဖူးဘူးဆရာ ဘာကြောင့်ဖြစ်တာလဲဆရာ ကယ်စီယမ်း ဘိုရွန်း တစ်ကြိမ်ဝင်ထားပါတယ် ကယ်စီယမ်းနဲ့ပိုတက်လဲဝင်ထားတယ် ကူညီပါအူးဆရာရေ😌
ပုံပါ ခရမ်းချဉ်သီးများတွင် ဖြစ်ပွားနေသည်မှာ ပိုးမွှား သို့မဟုတ် မှိုကြောင့်ဖြစ်သည့် ကူးစက်ရောဂါမဟုတ်ဘဲ အပင်တွင်း ကယ်လ်ဆီယမ် (Calcium) ဓာတ် ချို့တဲ့ခြင်းကြောင့် ဖြစ်ရသည့် “ဖင်ပုပ်ရောဂါ” (Blossom End Rot) ဖြစ်ပါတယ်။ မြေဆီလွှာအတွင်း ရေသွင်းမှု မမှန်ခြင်း (တအားခြောက်လိုက်၊ တအားစိုလိုက်ဖြစ်ခြင်း) နှင့် နိုက်ထရိုဂျင်ဓာတ် အလွန်အကျွံ များပြားခြင်းတို့ကြောင့် အပင်က ကယ်လ်ဆီယမ်ကို အသီးဆီသို့ ပုံမှန် မသယ်ဆောင်နိုင်ဘဲ အသီးအောက်ခြေတွင် မည်းနက်၍ ချိုင့်ဝင်သော အရေပြားမာကွက်များ ဖြစ်လာရခြင်း ဖြစ်ပါတယ်။ စိုက်ခင်းကို ပြုပြင်ရန်အတွက် လက်ရှိ ပုပ်နေသောအသီးများကို ချက်ချင်းဆွတ်ပစ်ရမည်ဖြစ်ပြီး၊ ရေကို ပုံမှန်သမမျှတစွာ ရေသွင်းပေးခြင်းနှင့် ကယ်လ်ဆီယမ် နိုက်ထရိတ် (Calcium Nitrate) မြေဩဇာ သို့မဟုတ် ဂျစအရွက်ဖျန်းအာဟာရများ၊ဂျစ်ဆမ်မြေဩဇာများ ဖြည့်စွက်ကျွေးခြင်းဖြင့် နောက်ထွက်မည့် အသီးအသစ်များကို ရောဂါကင်းဝေးအောင် ကာကွယ်နိုင်ပါလိမ့်မယ်။
ဟူတ်ဆရာကျေးဇူးအထူးတင်ပါတယ်ဆရယ
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....
မိုးစပါး စဉ့်သုခ တင်း100ကို ပေါက်ဈေးဘယ်လောက်ရှိလဲ ဧရာဝတီတိုင်း ကျောင်းကုန်းပါ
ဧရာဝတီတိုင်း၊ ကျောင်းကုန်းမြို့နယ်တွင် ၂၀၂၆ ခုနှစ်၊ စက်တင်ဘာလ ၈ ရက်နေ့ လက်ရှိပေါက်ဈေးအရ မိုးစပါး ဆင်းသုခစပါး တင်း ၁၀၀ လျှင် ကျပ် ၁၈သိန်း မှသိန်း ၂၀ ကြား) ခန့်အထိ ဈေးကွက်အတွင်း အရောင်းအဝယ် ဖြစ်နေပါတယ်။ ဩဂုတ်လကုန်ပိုင်းက ကြုံတွေ့ခဲ့ရသည့် ရေကြီးနစ်မြုပ်မှုဒဏ်ကြောင့် စပါးအထွက်နှုန်းအပေါ် စိုးရိမ်မှုများရှိနေပြီး ဈေးနှုန်းမှာ အမြင့်ပိုင်းတွင် ဆက်ရှိနေသော်လည်း မိမိရောင်းချမည့် စပါး၏ အစိုဓာတ်၊ သန့်စင်မှု အရည်အသွေးနှင့် ဒေသတွင်း ဆန်စက်ပိုင်ရှင်များ၏ ဝယ်လိုအားပေါ်မူတည်၍ ဈေးနှုန်း အနည်းငယ် ကွာဟမှု ရှိနိုင်ပါတယ်။
အထူးအကြံဉာဏ်ရရှိရန် အမျိုးအစားတစ်ခု ရွေးပါ
မှန်ကန်သော အမျိုးအစားရွေးချယ်ခြင်းက သင့်ကို သင့်လျော်ဆုံး စိုက်ပျိုးရေးပညာရှင်နှင့် ချိတ်ဆက်ပေးပါသည်။
ကြိုဆိုပါသည်
ဆက်လက်အသုံးပြုရန် ဝင်ရောက်ပါ
မတင်ဘဲ ထွက်မှာ သေချာပါသလား။
သင်ရေးထားသည်များကို မတင်ရသေးပါ။ ဤစာမျက်နှာမှ ထွက်ပါက ပျောက်ဆုံးသွားပါမည်။
