သခွါးပင် အရွက်တွေတွန့်ကုန်တယ် အညွန့် အဖျားလေးတွေ မီးလောင်သလိုခြောက်ပီကြွေကုန်တယ်...

8,717

လွန်ခဲ့သော ၃ မိနစ် က · ချောက်

ပထမဦးစွာ ဆရာကြီးဒို့ဦးလေးနှင့် ဆရာ ကိုသော်ဇဥ်တို့အား ဝန်ချတောင်းပန်ခြင်း.. ဖြစ်ပုံကဒီလိုပါဆရာတို့ မိုးရာသီစတော့မယ် ပျိုးပင်တွေ ပျိုးဖို့ 15 ရက်လောက်အလိုမှာ ဒီ Green Way app မှာ ခရမ်ချဥ်နဲ့ပတ်သတ်ပီး ကျွန်တော်တို့ရာသီနှင့် ကိုက်ညီမည့် မည့်သည့်မျိုးစေ့ စိုက်ပျိုးရမလဲ လို့ မေးလိုက်တော့ ဆရာနှစ်ဦးလုံးက 909 ကိုပဲ စိုက်ဖို့အကြံပေးပါတယ် မနှစ်က ပံ 111 စိုက်ခဲ့တာကို အထွက်လဲကောင်းခဲ့ပါတယ် ဒါမဲ့ ဒီမှာမေးလိုက်တော့ 909 ကိုစိုက်ဖို့အြကံပေးပါတယ် ကိုယ့်စိတ်ထဲမှာတော့ မဟုတ်သေးဘူးပေါ့ ပံ 111 ကောင်းရဲ့နဲ့မညွှန်ပဲ ဘာလို့ 909 ကိုညွှန်ရလဲပေါ့ အတာနဲ့ စိတ်ထဲကတိကအောက်ဖြစ်တာနဲ့ ထပ်မေးခဲ့ပါတယ် ဆရာတို့ကလဲ ထပ်ဖြေပါတယ် 909 ပဲစိုက်ဖို့ အကြံပေးပါတယ် ကဲ ထားတော့ပေါ့ မေးပီးမှတော့မထူးတော့ဘူးပေါ့😄 909 ပဲမှာပီးပျိုးလိုက်တယ် အတာနဲ့အိမ် အမေအဒေါ်တွေကိုလဲ ပြောပြလိုက်တာပေါ့ဒီနှစ်မနှစ်ကမျိုးမဟုတ်ဘူး ဒီနှစ်မျိုးပြောင်းထားတယ်လို့ သူတို့ကလဲ ပြောတာပေါ့ " မနှစ်ကမျိုး အလုံးကကြီးသေးအလုံးကလှသေး ရေရှည်လဲအဆွတ်ခံသေး " အတာကိုနင်က ဘာလို မျိုးပြောင်းတာလဲ ဘာညာပြောတာပေါ့ ကျွန်တော်လဲ ဘာမှမပြောပဲ ငြိမ်ခံရတာပေါ့ ဒါမဲ့အခုသိလိုက်ရပါပြီ သီးလိုက်တာကလဲအဆုတ်လိုက် အလုံးကလဲ ကြီးသေးတယ်ဗျာ လှလိုက်တာသီးထားတာ ရောဂါကလဲကင်း ပိုးလဲရှင်းနေရော့ ဒီချိန်မှပဲ အသက်ရှူချောင်တော့တယ်ဆရာတို့ရေ အိမ်ကအေဒါ်တွေအမေကလဲ ဟုတ်သားပဲ လှလိုက်တာ ချောလိုက်တာနဲ့ အသီးကလဲအတော်သီးတယ် ဒါလောက်ပူလိုက် မိုးပြတ်သွားလိုက်ကို. အသီးက ကျမသွားပဲ သီးလိုက်တာဗျာ ပိုး / မှိုမျကအောင်လဲ ဆက်လက် စောင့်ကြည့်နေပါမယ်ခင်ဗျ ဒါကြောင့် ဆရာတို့ကဆရာပါပဲဗျာ ဆရာတို့အပေါ်မှာ သံသယတွေ ထားမိတဲ့အတွက် တောင်းပန်ပါတယ်လို့ ပြောကြားပါရစေခင်ဗျ..... 909 ခရမ်းချဥ်

စိုက်ပျိုးနည်း ခရမ်းချဉ်

695

လွန်ခဲ့သော ၂ နာရီ က · တွံတေး

သခွါးပင် အရွက်တွေတွန့်ကုန်တယ် အညွန့် အဖျားလေးတွေ မီးလောင်သလိုခြောက်ပီကြွေကုန်တယ်ခင်ဗျ ဘာကြောင့်လဲခင်ဗျကူညီပါဦး

ပိုးမွှားရောဂါ သခွား

လွန်ခဲ့သော ၃ နာရီ က

ကွမ်းရွက်ကဘာလို့အဲ့လိုဖြင့်တာလဲဘယ်လိုပြန်လုပ်ကောင်းလာနိုင်မလဲအကြံပေးပါအုံး

ပိုးမွှားရောဂါ ကွမ်း

ဖြေလည်သော အဖြေရရှိပြီး

လွန်ခဲ့သော ၄ နာရီ က · ကျုံပျော်

စပါးမျိုးကဗျော့ထွန်းဖုံးနေပါပြီ အရွက်မှာအစင်းတွေ့နေလို့ ပီပိုလန်နဲ့ပိုးသတ်ဆေးဖျန်းချင်လို့ရမလားခင်ဗျဖြေပေးပါ

အပင်အာဟာရ စပါး

310,807 လွန်ခဲ့သော ၄ နာရီ က

ဤအဖြေဖြင့် ပြေလည်

ဓာတ်ပုံအရ စပါးရွက်ရင့်များ၏ အဖျားနှင့် ဘေးအနားများ ဝါးခြမ်းစောင်းသဏ္ဌာန် ဝါခြောက်လာခြင်းသည် ပိုတက်စီယမ် (K) ချို့တဲ့သည့် လက္ခဏာ သေချာပေါက် ဖြစ်နေပါတယ်။ စပါးဗျော့ထွန်း/ဖုံးလုံးချိန်တွင် ပီဖိုလန် (N:0% - P₂O₅:51.5% - K₂O:33.5%) ကို အသုံးပြုခြင်းဖြင့် ပါဝင်သော ပိုတက်စီယမ်က အပင်ကို သန်မာစေပြီး အဆံအောင်စေမည့်အပြင်၊ ဖော့စဖရပ် မြင့်မားစွာ ပါဝင်မှုကြောင့် အနှံထွက်စောပြီး အထွက်နှုန်း တိုးတက်စေပါမယ်။ ယခုအချိန်တွင် နိုက်ထရိုဂျင် (N) ထပ်ကျွေးပါက အပင်အရွှန်းလွန်ပြီး ရောဂါကျလွယ်သောကြောင့် နိုက်ထရိုဂျင် လုံးဝမပါသော ပီဖိုလန်ကို သုံးစွဲခြင်းက အလွန်မှန်ကန်သော ရွေးချယ်မှု ဖြစ်ပါတယ်။ပီဖိုလန် (Comet Pfolan) ကို စပါးခင်းရှိ ပိုးသတ်ဆေးအများစုနှင့် စိတ်ချစွာ ရောစပ်ပက်ဖျန်းနိုင်ပြီး လုပ်အားခနှင့် အချိန်ကို သက်သာစေပါတယ်။ သို့သော် ထုံးကန့်အရောအနှော သို့မဟုတ် ဘော်ဒိုဆေးရည်ကဲ့သို့ အယ်လ်ကာလိုင်းဓာတ် (Alkaline) အလွန်မြင့်မားသော ဆေးများနှင့် ရောစပ်ခြင်းကို လုံးဝရှောင်ကြဉ်ရပါမယ်။ ဆေးဖျော်စပ်ရာတွင်လည်း ဆေးပုံးထဲသို့ ရေအရင်ထည့်ပြီး ပီဖိုလန်ကို သေချာအရင်ဖျော်ပြီးမှသာ ပိုးသတ်ဆေးကို နောက်မှထည့်သွင်းမွှေပေးရမည်ဖြစ်ပြီး၊ အပင်အာဟာရစုပ်ယူမှု အကောင်းဆုံးဖြစ်စေရန် မနက်စောစော သို့မဟုတ် ညနေခင်း နေအေးချိန်တွင်သာ ပက်ဖျန်းပေးသင့်ပါတယ်။

109

လွန်ခဲ့သော ၄ နာရီ က · ရေတာရှည်

အပင်အားဆေးနဲ့ပိုးသက်ဆေးရောဖျန်းလို့ရလာဗျ

အပင်အာဟာရ စပါး

310,807 လွန်ခဲ့သော ၄ နာရီ က

သက်တမ်း ၆၅ ရက်ရှိ စပါးခင်းတွင် အပင်အားဆေးနှင့် ပိုးသတ်ဆေးကို ရောစပ်ဖျန်းနိုင်သော်လည်း ဓာတုဗေဒသဘောအရ ဓာတ်ပြုပြီး ဆေးအာနိသင် ပျက်ပြယ်ခြင်း သို့မဟုတ် အပင်လောင်ခြင်း မဖြစ်စေရန် သတိပြုရပါမယ်။ ဆေးမဖျန်းမီ ခွက်တစ်ခုထဲတွင် ဆေးနှစ်မျိုးကို အနည်းငယ်စီ ထည့်မွှေကာ ခဲခြင်း၊ အနယ်ထိုင်ခြင်း ရှိမရှိ ကြိုတင်စမ်းသပ်သင့်ပြီး ဖျန်းပုံးထဲတွင် အမှုန့်ပုံစံဆေးကို အရင်ဖျော်ပြီးမှ အရည်ပုံစံနှင့် အပင်အားဆေးကို နောက်ဆုံးမှ ထည့်သွင်းရပါမယ်။ စပါးပန်းပွင့်ချိန်နှင့် တိုက်ဆိုင်နေပါက စပါးအဖျင်းများခြင်းမှ ကာကွယ်ရန် မနက်ခင်းပန်းပွင့်ချိန်ကို ရှောင်၍ ညနေခင်း အေးမြချိန်တွင်သာ ဖျန်းပေးသင့်ပါတယ်။

3,962

လွန်ခဲ့သော ၇ နာရီ က · ပြင်ဦးလွင်

မိုးများပီးပန်းအရွက်တေဒီလိုဖစ်နေလို့ပါ

ပိုးမွှားရောဂါ ဂန္ဓမာ

310,807 လွန်ခဲ့သော ၄ နာရီ က

ပုံပါ ဂန္ဓမာရွက်တွင် တွေ့ရသော လက္ခဏာမှာ မိုးများပြီး စိုစွတ်သော ရာသီဥတုတွင် အဖြစ်များသည့် ရွက်ပြောက်ရွက်ခြောက်ရောဂါ ဖြစ်ပါတယ်။ ၎င်းသည် မှိုကြောင့်ဖြစ်သော Septoria Leaf Spot သို့မဟုတ် ဘက်တီးရီးယားကြောင့်ဖြစ်သော Bacterial Leaf Spot နှစ်မျိုးလုံး ဖြစ်နိုင်ချေရှိသဖြင့် ပင်စည်ပြတ်ကို ရေကြည်တွင်စိမ်၍ နွားနို့ရောင်အချွဲထွက်/မထွက် စမ်းသပ်ခွဲခြားနိုင်ပါတယ်။ ကာကွယ်ရန်အတွက် ရောဂါရအရွက်များကို ဆွတ်ခူးမီးရှို့ဖျက်ဆီးရမည်ဖြစ်ပြီး၊ အကယ်၍ စမ်းသပ်ချက်အရ မှိုရောဂါ ဖြစ်ပါက မန်ကိုဇက် (Mancozeb)၊ ကလိုရိုသာလိုနေး (Chlorothalonil) သို့မဟုတ် အဇိုဆီစထရိုဘင် (Azoxystrobin) ဆေးကိုလည်းကောင်း၊ ဘက်တီးရီးယားဖြစ်ပါက ကြေးနီဓာတ်ပါသော ကော့ပါးဆေး (Copper Oxychloride) ကိုလည်းကောင်း စနစ်တကျ ပြောင်းလဲပက်ဖျန်းပေးရပါမယ်။အရင်က မှိုသတ်ဆေးဘာဆေးတွေများဖျန်းထားသေးလဲ။

109

လွန်ခဲ့သော ၁၀ နာရီ က · ရေတာရှည်

ဘာရောဂါကြရောက်နေလဲဗျ

ပိုးမွှားရောဂါ စပါး

310,807 လွန်ခဲ့သော ၉ နာရီ က

ဤအဖြေဖြင့်ပြေလည်သည်အမှန်ခြစ်၍သတ်မှတ်ပေးနိုင်ပါတယ်ခင်ဗျာ

310,807 လွန်ခဲ့သော ၉ နာရီ က

ပုံပါ စပါးပင်သက်တမ်း ၆၅ ရက်တွင် အရွက်များ အလျားလိုက်လိပ်ပြီး ဖြူစင်းနေခြင်းမှာ စပါးရွက်လိပ်ပိုး ကျရောက်သည့် လက္ခဏာဖြစ်ပါတယ်။ ပိုးလောက်ကောင်များသည် အရွက်ကို ပိုးမျှင်ဖြင့်လိပ်၍ အတွင်းမှနေကာ အစိမ်းရောင်ဆဲလ်များကို ခြစ်စားသဖြင့် အလံရွက်ပျက်စီးပြီး အထွက်နှုန်း ထိခိုက်နိုင်ပါတယ်။ ကာကွယ်ရန်အတွက် နိုက်ထရိုဂျင် (ယူရီးယား) မြေဩဇာ အလွန်အကျွံကျွေးခြင်းကို ရှောင်ကြဉ်ခြင်း၊ ကန်သင်းပေါင်းမြက် ရှင်းလင်းခြင်းနှင့် သဘာဝရန်သူ (ပင့်ကူ၊ နဂျီ) များကို ထိန်းသိမ်းခြင်းတို့ ပြုလုပ်ရပါမယ်။ စီးပွားရေးအရ ထိခိုက်မှုအဆင့် (အပင်ခြေ ၁၀% ကျော် အရွက်လိပ်လျှင်) သို့ ရောက်ရှိပါကစိုက်ပျိုးရေးသုတေသန လမ်းညွှန်ချက်များနှင့် တောင်သူအများစုကတော့ ကလိုရန်ထရန်နီလီပရိုး (Chlorantraniliprole) သို့မဟုတ် ဖလူးဗန်ဒိုင်ယာမိုက် (Flubendiamide) ကဲ့သို့သော ပင်လုံးပျံ့စိမ့်ဝင်ပိုးသတ်ဆေးတစ်မျိုးမျိုးကို အညွှန်းပါအတိုင်း စနစ်တကျ ပက်ဖျန်းသုံးစွဲလေ့ရှိတယ်။

109

လွန်ခဲ့သော ၁၂ နာရီ က · ရေတာရှည်

ဘာဆေးဖျန်းရမလဲဗျ ပိုးရောဂါကြရောက်နေလားဗျ

ပိုးမွှားရောဂါ စပါး

109 လွန်ခဲ့သော ၁၁ နာရီ က

ဟုကဲ့

310,807 လွန်ခဲ့သော ၁၂ နာရီ က

စပါးစိုက်ခင်းတွင် ရေဝပ်ပြီး တမန်းကောင်းလွန်းပါက အမြစ်များ အောက်ဆီဂျင်ပြတ်တောက်ကာ ပိုတက်ဆီယမ်ဓာတ်ကို မစုပ်ယူနိုင်ဘဲ ပင်စည်ပုပ်မှိုရောဂါ ပိုမိုကျရောက်နိုင် ခြေများနေတာပါ။ ယခုအခြေအနေတွင် ဂျစ်ဆမ် (Gypsum) နှင့် ပိုတက်ရှ် (Potash - MOP) မြေသြဇာကို ရောစပ်ကျွေးခြင်းသည် အကောင်းဆုံး ဖြေရှင်းနည်း ဖြစ်ပါတယ်။ ဂျစ်ဆမ်တွင် ပါဝင်သော ကယ်လ်ဆီယမ်က မြေဆီလွှာဖွဲ့စည်းပုံကို ကောင်းစေပြီး ဆာလ်ဖာဓာတ်က အမြစ်သစ်များ ထွက်စေကာ ပိုတက်ဆီယမ်ဓာတ်ကို အပင်က ပိုမိုစုပ်ယူနိုင်အောင် ထောက်ကူပေးပါတယ်။ သို့သော် ရောဂါသက်သာစေရန် မြေသြဇာကျွေးရုံတင်မကဘဲ စိုက်ခင်းအတွင်းရှိ ရေများကို ကုန်အောင် အမြန်ဆုံးထုတ်ပစ်ပြီး ၂-၃ရက်မြေအခြောက်လှန်းပေးရန်နှင့် လိုအပ်ပါက အပင်ခြေထိ ရောက်အောင်Azoxystrobin+Difenoconazole မှိုသတ်ဆေး ကိုစနစ်တကျ ပက်ဖျန်းပေးရန် အထူးလိုအပ်ပါတယ်။ အဆိုပါ ညှိုးခြောက်နေသော အရွက်နုကို ဆွဲလိုက်လျှင် အလွယ်တကူ ကျွတ်ထွက်ပါလာခြင်ူရှိမရှိလည်း စစ်ဆေးပေးပါဦးခင်ဗျာ။

လွန်ခဲ့သော ၁၅ နာရီ က · မော်လမြိုင်ကျွန်း

စပါးနီမတုပ်ရောဂါဘာဆေးအသုံးပြုရမလည်းခင်ဗျာ

စိုက်ပျိုး ဗဟုသုတ စပါး

310,807 လွန်ခဲ့သော ၁၂ နာရီ က

စပါးနီမတုတ် (Nematode) ရောဂါသည် အမြစ်နှင့် အရွက်များကို ဖျက်ဆီးပြီး အပင်အာဟာရချို့တဲ့စေကာ အထွက်နှုန်းကို အလွန်ထိခိုက်စေသည့် ရောဂါဖြစ်ပါတယ်။ ၎င်းကို ထိရောက်စွာ နှိမ်နင်းရန်အတွက် မြေပြင်ချိန်နှင့် ကျရောက်ချိန်များတွင် ကာဘိုဖျူရန် ၃ ဂျီ (Carbofuran 3G) သို့မဟုတ် ဖစ်ပရိုနေးလ် ၃ ဂျီအာ (Fipronil 3 GR) ကဲ့သို့သော ပင်လုံးပြန့် အလုံးအခဲပိုးသတ်ဆေးများကို မြေကြီးထဲသို့ ကြဲပက်အသုံးပြုရပါမယ်။ ဓာတုဆေးဝါးအပြင် ပိုမိုထိရောက်စေရန်အတွက်စိုက်ခင်းအတွင်း ရေကို အဆက်မပြတ် လွှမ်းထားပေးခြင်းဖြင့် နီမတုတ်ပွားများမှုကို ဖြတ်တောက်ခြင်းနှင့် ပိုတက်ရှ်မြေဩဇာ ကျွေးခြင်းတို့ကို စနစ်တကျ ပူးတွဲလုပ်ဆောင်သင့်ပါတယ်။

136

လွန်ခဲ့သော ၂၃ နာရီ က · ရွှေတောင်

ဆရာတို့ခင်ဗျာ အောက်ကပုံက အရင်နေ့ကမှိုကျလို့မေးထားတဲ့ပုံပါခင်ဗျာ ဆရာတို့ပြောသလို မှိုဆေး‌သုံးထားပြီးပါပြီ မြေဩဇာအနေနဲ့ ပိုတက်သုံးရမလား ဘာမြေဩဇာသုံးရပါမလဲခင်ဗျာ ဘယ်နှစ်ရက်လောက်ကြာရင်သုံးရမလဲနဲ့ တစ်ဧကကိုဘယ်လောက်နှုန်းနဲ့ သုံးရပါမလဲ ဖြေပေးပါအုံးခင်ဗျာ

အပင်အာဟာရ စပါး

310,807 လွန်ခဲ့သော ၂၁ နာရီ က

စပါးခင်းတွင် ဘက်တီးရီးယားရွက်ခြောက်ရောဂါ (BLB) အတွက် ဆေးဖျန်းပြီးပါက အပင်ဆဲလ်နံရံများ ကြံ့ခိုင်ပြီး ကိုယ်ခံအားကောင်းစေရန် ပိုတက်ဆီယမ် (မြေဩဇာ/ရွက်ဖျန်း) ကို မဖြစ်မနေ ထည့်သွင်းပေးသင့်ပါတယ်။ ရောဂါပိုးပြန့်ပွားမှုကို တားဆီးရန်အတွက် ဆေးဖျန်းပြီးနောက် လယ်ခင်းအတွင်းရှိ ရေများကိုကုန်အောင်ဖောက်ထုတ်၍ မြေနေလှန်းပေးရပါမယ်။ မြေကြီးပြန်စိုစွတ်လာချိန် (သို့မဟုတ်) ဆေးဖျန်းပြီး ၃ ရက်မှ ၅ ရက်အတွင်း မြေဩဇာကျွေးနိုင်ပြီး၊ ၁ ဧကလျှင် ပိုတက်ရှ် (MOP) ၁၅ ပေါင် မှ ပေါင် ၂၀ နှုန်းကို ယူရီးယား (ပုလဲ) မြေဩဇာနှင့် လုံးဝမရောစပ်ဘဲ သီးသန့်ကြဲပက်ကျွေးရပါမယ်။ဂျစ်ဆမ်ဖြင့်ရောကျွေးနိုင်ပါတယ်။ အရွက်မှတစ်ဆင့် အာဟာရချက်ချင်းရစေရန် ပိုတက်ဆီယမ်ပါဝင်သော ရွက်ဖျန်းမြေဩဇာကိုလည်း လမ်းညွှန်ချက်အတိုင်း ဖြန်းပေးနိုင်သေးတယ်။ ရောဂါငြိမ်သက်ခြင်းမရှိသေးမီ နိုက်ထရိုဂျင် (ပုလဲ) မြေဩဇာ ထပ်မံကျွေးခြင်းကို လုံးဝရှောင်ကြဉ်ရပါမယ်။ဆေးတခါဖျန်းပြီးတိုင်းရောဂါ ကင်းအရွက်များ ထံသို့ ကူးစက်ပျံ့နှံ့ခြင်းရှိမရှိအမြဲစစ်ဆေးပါ။

67 လွန်ခဲ့သော ၂၂ နာရီ က

ပိုတတ်ကို25ကီလိုအနည်းဆုံးကျွေးပါ

လွန်ခဲ့သော ၂၃ နာရီ က · ခင်ဦး

စပါးဆစ်ပိုးကိုဘယ်လိုကာကွယ်ရမလဲ နောက်ပြီးဖလံဥမြုံနဲ့ဖလံကောင်များကိုအထိရောက်ဆုံးနိမ်နင်းပေးနိုင်မဲ့ဆေးတေကိုညွန်ပေးပါအုံး

ပိုးမွှားရောဂါ စပါး

310,807 လွန်ခဲ့သော ၂၂ နာရီ က

စပါးဖုံးလုံးချိန်မှာ သတိမူသင့်တဲ့ ဆစ်ပိုး

101

လွန်ခဲ့သော ၁ ရက် က · ရေး

ပုံပါ ပိုးက ဒူးရင်းပင် ပင်စည် အပြင်ခွံတွေ ကိုက်စားနေလို့ပါ ကာကွယ်နှိမ်နင်း နိုင်မည့် ဆေးညွန်းပေးပါဦးခင်ဗျ

ပိုးမွှားရောဂါ ဒူးရင်းသီး

310,807 လွန်ခဲ့သော ၂၁ နာရီ က

ပုံပါဖျက်ဆီးတတ်သောအကောင်မှာ ဒူးရင်းပင်စည်ထိုးပိုး (ဦးမှင်ရှည်ကျိုင်းကောင်) ဖြစ်ပြီး ၎င်း၏ အကောင်ကြီးများသည် ဒူးရင်းကိုင်းနုများနှင့် အခေါက်များကို ကိုက်စားတတ်ကာ ၎င်းတို့မှ ပေါက်ပွားလာသော လောက်ကောင်များသည် ပင်စည်ထဲသို့ ဥမင်လိုဏ်ခေါင်းသဖွယ် ဖောက်ထွင်းစားသောက်သဖြင့် အပင်ကို ခြောက်သွေ့သေဆုံးစေနိုင်ပါတယ်။ ၎င်းကို ကာကွယ်ရန် စိုက်ပျိုးရေးသုတေသန လမ်းညွှန်ချက်များနှင့် တောင်သူအများစုကတော့မိုးဦးကျကာလတွင် အကောင်ကြီးများကို လိုက်လံဖမ်းဆီးခြင်းနှင့် ပိုးကျနေသော ကိုင်းများကို ဖြတ်တောက်မီးရှို့ခြင်းတို့ ပြုလုပ်သုံးစွဲလေ့ရှိတယ်။ ထို့ပြင် ပင်စည်ကို ဘော်ဒိုဆေးရည် သုတ်ပေးခြင်းဖြင့် ဥအုခြင်းကို တားဆီးနိုင်ပြီး၊ ပိုးထိုးထားသော အပေါက်ငယ်များတွေ့ပါက Imidacloprid သို့မဟုတ် Cypermethrin, Deltamethrin သို့မဟုတ် Lambda-cyhalothrin ကဲ့သို့သော ပင်လုံးပျံ့ပိုးသတ်ဆေးကို သုံးစွဲလေ့ရှိတယ်။

101 လွန်ခဲ့သော ၂၂ နာရီ က

ကျွန်တော့ ခြံမှာတော့ လိမ္မော်ရောင်နဲ့ ကောင်ဘဲ တွေ့လို့ အမျိုးအနွယ်တော့တူတူဘဲထင်တယ် အကိုင်းအဖျားတော်တော်များများကို ကိုက်စားလိုက်ကုန်တယ်

531

လွန်ခဲ့သော ၁ ရက် က · မအူပင်

မင်းဧရာစပါးအစေ့ကအညိုရောင်လေးတွေဖြစ်ပြီးအပိန်လေးတွေဖြစ်နေလို့ဆရာ

ပိုးမွှားရောဂါ စပါး

+၂

310,807 လွန်ခဲ့သော ၂၃ နာရီ က

စပါးခင်းတွင် ရောဂါကင်းစင်သော်လည်း အစေ့ညို၍ အပိန်းဖြစ်ရခြင်းမှာ ပန်းပွင့်ချိန်၌ အပူချိန်ပြင်းခြင်း သို့မဟုတ် မိုးသက်လေပြင်းကြောင့် ဝတ်မှုန်ကူးမှုမအောင်မြင်ခြင်း (ရာသီဥတုဒဏ်) နှင့် အစေ့အဆံတည်ရန် ပိုတက်ရှ်အာဟာရ လိုအပ်ခြင်းတို့ကြောင့် ဖြစ်နိုင်ပါတယ်။ လက်ရှိတွင် ရောဂါမရှိသဖြင့် ဓာတုဆေးဖျန်းရန် မလိုတော့ဘဲ၊ အစေ့အဆံ ပြည့်ဖြိုးအောင်မြင်စေရန် ပိုတက်ဆီယမ်နိုက်ထရိတ် (13:0:45) ကဲ့သို့သော အရွက်ဖျန်းမြေသြဇာကို နို့ရည်တည်ချိန်တွင် ပက်ဖြန်းပေးသင့်ပြီး စိုက်ခင်းအတွင်း ရေမပြတ်စေရန် ဂရုစိုက်ပေးရပါမယ်။နှံစုပ်ဂျပိုးကျရောက်ခြင်းရှိမရှိစစ်ဆေးပေးပါဦး

776

လွန်ခဲ့သော ၁ ရက် က · ပင်းတယ

ပိုးလားမှိုလားခင်ဗျ ပိုးဆေးကအာဘာမက်တင် ပရိုဖီနိုဖော့ဖြန်းထားပါတယ်ခင်ဗျမှိုဆေးကတော့ကော့ပါး +ကာဇူကာမိုင်ဇင်သုံးထားပါတယ် အမိုင်နိုပါတဲ့အားဆေးကိုပိုးဆေးးနဲ့တွဲပြီးဖြန်းထားပါတယ်ခင်ဗျ အဆင်ပြေမဲ့ဆေးနဲ့လိုအပ်ချက်တွေညွန်းပေးပါအုံးခင်ဗျ

ပိုးမွှားရောဂါ ဂေါ်ဖီထုပ်

310,807 လွန်ခဲ့သော ၂၃ နာရီ က

ပုံပါ ဂေါ်ဖီထုပ်အရွက်များတွင် တွေ့ရသော လက္ခဏာသည် ပိုးမွှားရောဂါကြောင့်မဟုတ်ဘဲ ပိုးသတ်ဆေး သို့မဟုတ် အားဆေးကို အလွန်အကျွံ သုံးစွဲမိခြင်းကြောင့် ဖြစ်ရသည့် ဆေးလောင်ခြင်း ဖြစ်ဖို့ ရာခိုင်နှုန်း အလွန်များပါတယ်။ ဤပြဿနာကို ကုသရန်အတွက် လောလောဆယ် ဆေးဖျန်းခြင်းအားလုံးကို (၁) ပတ်မှ (၂) ပတ်ခန့် ယာယီချက်ချင်းရပ်နားထားရပါမယ်။ ထို့နောက် အပင်စိတ်ဖိစီးမှုလျော့ကျပြီး ဆဲလ်အသစ်များ ပြန်လည်ဖွံ့ဖြိုးလာစေရန် အမိုင်နိုအက်ဆစ် (Amino Acid) ကို သတ်မှတ်နှုန်းထား၏ တစ်ဝက်ခန့်သာ သုံးစွဲ၍ အပင်ပေါ်သို့ ဖြန်းပေးရပါမယ်။ နောင်တွင် ဆေးလောင်ခြင်း ကာကွယ်ရန် ဆေးအမျိုးအစားအများကြီး ၃-၅ရက်မခြားဘဲသုံးစွဲခြင်းကို ရှောင်ကြဉ်ပြီး၊ နေ့ခင်းဘက် နေပူချိန်တွင် ဆေးဖျန်းခြင်းကို လုံးဝရှောင်ကြဉ်ကာ မနက်စောစော သို့မဟုတ် ညနေစောင်း နေအေးချိန်တွင်သာ ဖျန်းပေးသင့်ပါတယ်။

776 လွန်ခဲ့သော ၁ ရက် က

ဘယ်လိုပြုပြင်သင့်ပါသလည်းဆရာခင်ဗျ

လွန်ခဲ့သော ၁ ရက် က · ရပ်စောက်

မြေပဲခင်း ရက်40သားရပီ ဘာဆေးဖြန်းပေးရမလည်းဆရာတို့

စိုက်ပျိုးနည်း မြေပဲ

57 လွန်ခဲ့သော ၂၃ နာရီ က

ကျေးဇူးပါ မေးချင်တာက စိမ်းရောင်လမ်းကတစ်ရက်တစ်ပုဒ်ပဲ တင်လို့ရတာလား

310,807 လွန်ခဲ့သော ၂၃ နာရီ က

မြေပဲသက်တမ်း ရက် ၄၀ ဝန်းကျင်သည် ပန်းပွင့်ပြီး (မြေပဲစွယ်) စတင်ဆင်းကာ ဥတည်ရန် ပြင်ဆင်သည့် အလွန်အရေးကြီးသော ကာလဖြစ်ပါတယ်။ ထို့ကြောင့် မြေပဲဥများ အဆံချောင်ခြင်းမှ ကာကွယ်ရန်နှင့် ဥခွံမာပြီး အောင်မြင်စေရန်အတွက် ကယ်လ်ဆီယမ်-ဘိုရွန် (Calcium + Boron) အားဆေးနှင့်အတူ စွယ်ဆင်းအားကောင်းစေမည့် ဖော့စ်ဖရပ်နှင့် ပိုတက်စီယမ် မြင့်မားသော ရွက်ဖျန်းမြေသြဇာ (ဥပမာ- ဝ-၅၂-၃၄) ကို တွဲဖက်ဖြန်းပေးရပါမယ်။ဂျစ်ဆမ်မြေဩဇာအမှုန့်ကိုလည်း ကျွေးပေးနိုင်ပါတယ်။ ထို့ပြင် မိုးရာသီ စိုထိုင်းဆကြောင့် ဖြစ်ပွားတတ်သည့် မြေပဲရွက်ပြောက်ရောဂါနှင့် သံချေးရောဂါများကို ကြိုတင်ကာကွယ်ရန် ဟက်ဆာကိုနာဇော (Hexaconazole) သို့မဟုတ် ကာဗင်ဒါဇင် (Carbendazim) ကဲ့သို့သော မှိုသတ်ဆေးတစ်မျိုးမျိုးကိုပါ နံနက်စောစော သို့မဟုတ် ညနေစောင်းအချိန်တွင် သီးသန့်ဖြန်းပေးသင့်ပါတယ်။

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

ရေပန်းစားသော အကြောင်းအရာများ