ပဲခူးတိုင်းရှိ ဒေသတချို့တွင် ရှမ်းပြောင်းစိုက်ပျိုးထုတ်လုပ်မှု တွင်ကျယ်နေ
ပဲခူးတိုင်းရှိ ဒေသတချို့တွင် ရှမ်းပြောင်းစိုက်ပျိုးထုတ်လုပ်မှု တွင်ကျယ်နေကြောင်း ဒေသခံများက ပြောသည်။
ပြည်၊ ပေါင်းတည်၊ ပုတီးကုန်း၊ ရွှေတောင်ဒေသတစ်ဝိုက်၌ ရှမ်းပြောင်းကို တစ်နှစ်ပတ်လည်လုံး သီးလှည့်စိုက်ပျိုးထုတ်လုပ်နေကြခြင်းဖြစ်သည်။
ကျွန်တော်ကတော့ ကိုယ်တိုင်စိုက်တယ်။ ကိုယ်တိုင်ဈေးကွက်ပို့ပါတယ်။ တခြားသူတွေ အတွက်လည်း ဈေးကွက်ချိတ်ပေးပါတယ်။ ရှမ်းပြောင်းကို တစ်နှစ်ပတ်လည်လုံး စိုက်ပျိုးပါတယ်။ စိုက်ပျိုးလိုက်၊ ထွက်လာတဲ့အခါ ရောင်းလိုက်နဲ့ တောက်လျှောက်စိုက်နေတာပါ။ ကျွန်တော်တို့ဒေသအနေနဲ့ကျတော့ ဈေးကွက်ရှာစရာ သိပ်မလိုပါဘူး။ တခြားဒေသတွေတော့ မသိဘူးပေါ့နော်။
ဟု ပဲခူးတိုင်း၊ ပြည်မြို့နယ်၊ မှုတ်ရှည်ကျေးရွာအုပ်စု၊ တာပါတ်ကျေးရွာမှ ပြောင်းစိုက်တောင်သူ ဦးမြင့်လွင် က ပြောသည်။
ရှမ်းပြောင်း တစ်ဖူးလျှင် လက်ကားဈေး ပျမ်းမျှ (၁၀၀) ကျပ်၊ လက်လီဈေး (၁၃၀) ကျပ်တို့ဖြင့် ရောင်းချနေကြပြီး၊ တောင်သူများမှ ကုန်သည်ပွဲစားများထံသို့ အခင်းပြတ် ရောင်းချကြကြောင်း သိရသည်။
ကုန်သည်ပွဲစားတွေအနေနဲ့ကလည်း လိုအပ်ရင် လိုအပ်သလို စိုက်ပျိုးတဲ့ခြံအရောက် ကိုယ်တိုင် လိုက်သယ်ယူပေးကြတယ်။ CP ပြောင်းနဲ့က ဈေးကွက်က တအားကြီးတော့မကွာပါဘူး။ နင်လား ငါလားတော့ ဈေးကွက်မကွာလှပါဘူး။ ကွာလည်း တစ်ဆယ်၊ ငါးကျပ်လောက်ပါပဲ။ ကျွန်တော်တို့က မစိုက်ခင်ကတည်းက ဒီအခင်းကို ဝယ်မယ် ရောင်းမယ် ကြိုတင်ချိတ်ဆက်ထားပြီး အရောင်းအဝယ်လုပ်တာမျိုးမို့ ဈေးကွက်ခိုင်မာမှု ရနေတာပါ။
ဟု ၎င်းက ဆက်လက်ပြောသည်။
ရှမ်းပြောင်း စိုက်ပျိုးပါက စုစုပေါင်းစိုက်စရိတ် ပျမ်းမျှ တစ်ဧကလျှင် ကျပ် (၃၀၀,၀၀၀) သိန်းဝန်းကျင် ကုန်ကျကြောင်း သိရသည်။
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
တင်အောင်မိုး
လွန်ခဲ့သော ၅ နှစ် ကပဲခူးတိုင်းမှာဖော်ကျူနာမှိုသက်ဆေးရလားခင်ဗျာ
U SawHtun
လွန်ခဲ့သော ၅ နှစ် ကအစေ့ထုတ်ပြောင်း ယနေ့ဈေးနုံး နဲ့ ရှေ့အလားအလာ ဈေးနုံးအခြေအနေတွေသိချင်ပါတယ် ဖော်ပြပေးပါရန်
Ba Kyaw Ba Kyaw
လွန်ခဲ့သော ၅ နှစ် ကကောင်းဗျာ ဈေးကွက်လည်းကောင်းသဗျို့။
ဆက်စပ်မေးခွန်းများ
ချီးပါနေတဲ့အကောင်ပါ2လသားကျော်ကာစပါ အသားရဲတယ်အစာအံနေလို့ပါ
Min Maung • ဖြေကြားချက် 0 ခု
ဘာမြေသြဇာ ကျွေးရမလည်းဗျ
ZawHtwe • ဖြေကြားချက် 0 ခု
နှင်းဆီက ဘာဖြစ်တာလဲ? ပွင့်လာတော့ အပွင့်က မလှဘူး။ အရွက်ကလည်း တွန့်နေတယ်။
Nova Nova • ဖြေကြားချက် 1 ခု
ရွှေဘိုပေါ်ဆန်းစပါးကို ယခုသြဂုတ်လထဲ ပျိုးထောင်ပြီး စိုက်လျှင် အစေ့အနှံ အောင်မြင်နိုင်ပါသလား၊ စပါးစိုက်ခင်းနဲ့ပျိုးခင်းတွေ ရေနစ်ပြီး ပျက်စီးမှုတွေကြောင့် အသစ်ပြန်လည်စိုက်ပျိုးဖို့ ပျိုးအပို ရှာရခက်နေကြလို့ မေးကြည့်တာပါ။
Ko Thu • ဖြေကြားချက် 1 ခု
စပါးစစိုက်ပျိုးပြီးပါပြီ ခုချိန်မှစပီး ပြုစုပျိုးထောင်ပုံအဆင့်ဆင့်ကို သင်ပြပေးပါဆရာတို့ဗျာ
Min Min Thant • ဖြေကြားချက် 1 ခု
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....
နောက်ဆုံး ဆောင်းပါးများ
More from ဒေါ်နန်းထက်ထက်ချစ်
အားလုံး
ဈေးကွက်ကောင်းစောင့်ဆိုင်းလိုသည့်ကြက်သွန်စိုက်ပျိုးသူများအနေဖြင့် သိုလှောင်ရုံကိုစနစ်တကျပြုလုပ်သင့်
25/01/2022
စက်သုံးဆီဈေးနှုန်းများမြင့်တက်နေခြင်းသည် ကြက်သွန်ဈေးကွက်အပေါ် ရိုက်ခတ်မှုရှိနေ
21/01/2022
ကွမ်းသီးအစိုအခြောက်အရောင်းအဝယ်များ အမြဲမပြတ်ရှိနေပြီး ဈေးကွက်ပွင့်လန်းနေ
19/01/2022
ကွမ်းသီးပင်ကို ရေမြေရာသီဥတုအပေါ်မူတည်၍ ခါတော်မီစိုက်ပျိုးစနစ်ဖြင့် စိုက်ပျိုးထုတ်လုပ်လာကြ
18/01/2022
ဈေးကွက်တွင်း ငရုတ်သီးစုပြုံဝင်ရောက်ခြင်းကိုထိန်းချုပ်ရန် တစ်ချို့ဒေသများတွင် ငရုတ်သီးခူးဆွတ်မှု ရပ်ဆိုင်း
17/01/2022
