မြန်မာပြည်အလယ်ပိုင်း ငရုတ်သီးဈေးကွက် အရောင်းအဝယ်များမတည်ငြိမ်
ငရုတ်သီးဈေးကွက် အရောင်းအဝယ်များ မတည်မငြိမ်ဖြစ်နေကြောင်း မြန်မာပြည်အလယ်ပိုင်းမှ ငရုတ်သီးကုန်သည်များထံမှ သိရသည်။
ငရုတ်ဈေးကွက်က ပွင့်တဲ့နေရာပွင့်၊ ပိတ်တဲ့နေရာပိတ် ရွှေဘိုဒေသကတော့ အရောင်းအဝယ်တွေ ရပ်နေရတယ်။ ဟိုလမ်းပိတ်မှာလိုလို၊ ဒီလမ်းပိတ်မှာလိုလို သတင်းတွေကအစုံပဲ။ ကုန်စိမ်း/ငရုတ်စိမ်းဆိုတာက အချိန်မီ မနွမ်းခင်ရောင်းရတာလေ။ စားသောက်ဆိုင်တွေက မဖွင့်၊ ဈေးထဲလည်း လူအလာနည်းတော့ ရောင်းအားကျတယ်။ တချို့တောင်သူတွေကိုလည်း တောင်းပန်ထားရတယ်။ ကျွန်တော်တို့ မခူးခိုင်းဘဲ မခူးကြပါနဲ့လို့။ ဒါတွေမကုန်ရင် အများကြီးရှုံးသွားနိုင်လို့ပါ။
ဟု စစ်ကိုင်းတိုင်းဒေသကြီး၊ ရွှေဘိုခရိုင်၊ ခင်ဦးမြို့နယ်၊ မူးသာရွာမှ ငရုတ်သီးဝယ်ရောင်းလုပ်ကိုင်သူ ဦးသန်းဆွေဦးက ပြောသည်။
၂၀၂၁ ခုနှစ်၊ မေလက ငရုတ်သီးအမှည့်အစို (အနီ) တစ်ပိဿာလျှင် (၉၀၀) ကျပ်၊ (၁၀၀၀) ကျပ် ဝန်းကျင်၊ ငရုတ်သီးအခြောက် တစ်ပိဿာလျှင် (၃၀၀၀) ကျပ်မှ (၃၃၀၀) ကျပ်အတွင်း ဈေးနှုန်းများဖြင့် ရောင်းဝယ်ဖောက်ကားခဲ့ကြသည်။
ယခုကာလအတွင်း တောင်သူများထံမှ ငရုတ်သီးဈေးနှိမ်ဝယ်ယူသည့် ကုန်သည်ပွဲစားတချို့လည်း ရှိနေပြီး၊ (777/214/004) ငရုတ်မျိုးများကို တစ်ပိဿာလျှင် (၆၀၀)ကျပ်ဈေးနှုန်းဖြင့် ဝယ်ယူမှုများပင် ရှိနေကြောင်း သိရသည်။
ကျုပ်ကတော့ တောင်သူမျက်နှာကြည့်ပြီး တစ်ပိဿာကို ကိုးရာကျပ်နဲ့ဝယ်ပေးတယ်။ အဲ့ဒီအခါကျပြန်တော့လည်း ဈေးကမတရားကွာတော့ လာရောင်းတဲ့သူများလို့ ထိန်းဝယ်နေရပြန်တယ်။ အခုအချိန်မှာက ငရုတ်သီးလက်လီရော လက်ကားပါ ရောင်းအားတအားကျနေတယ်လေ။ ပုံမှန်ဆိုရင် အော်ဒါပို့တာက တစ်ရက်ကို ငရုတ်သီးအချိန် ၇၀၀/၈၀၀ အထိ ပို့နေရတာကနေ အခုတော့ တစ်ရက်ကို အချိန် ၂၅၀/၃၀၀ တောင်အတော်ရောင်းနေရတာ။ ဒါက မနက်ပိုင်းကို ဈေးတွင်းလက်လီရောင်းတဲ့ ပမာဏပါ။ တဆင့်ခံသမားတွေကတော့ ဖုန်းတောင်မဆက်တော့ပါဘူး။ သူတို့လည်း အကုန်အရောင်းအဝယ်တန့်နေတယ်လေ။
ဟု ဦးသန်းဆွေဦးက ဆက်လက်ပြောသည်။
မြန်မာနိုင်ငံတွင် ငရုတ်စိုက်ပျိုးရေးကို အများအားဖြင့် ဧရာဝတီတိုင်းဒေသကြီးရှိ ညောင်တုန်း၊ ဟင်္သာတနှင့် မအူပင်မြို့ အနီးတဝိုက်ဒေသများ၊ မန္တလေးတိုင်းဒေသကြီးရှိ မြစ်သားမြို့၊ ကျောက်ဆည်မြို့၊ နတ်မောက်မြို့အနီးတဝိုက်ဒေသများနှင့် မကွေးတိုင်းဒေသကြီးရှိ ဒေသတချို့တို့တွင် စိုက်ပျိုးနေကြသည်။
မြန်မာနိုင်ငံမှ နှစ်စဉ်ထွက်ရှိသည့် ငရုတ်သီးများကို ပြည်တွင်းဈေးကွက်အပြင် တရုတ်နိုင်ငံ၊ ထိုင်းနိုင်ငံ၊ မလေးရှားနိုင်ငံ၊ ကိုရီးယားနိုင်ငံများသို့ တင်ပို့ရောင်းချခဲ့ကြပြီး၊ ယခုအခါ ကိုဗစ်-၁၉ ကာလဖြစ်သဖြင့် လမ်းပန်းဆက်သွယ်ရေးမကောင်းဘဲ တင်ပို့ရောင်းချမှုနှောင့်နှေးနေခြင်း ဖြစ်သည်။
ဆက်စပ်မေးခွန်းများ
ချီးပါနေတဲ့အကောင်ပါ2လသားကျော်ကာစပါ အသားရဲတယ်အစာအံနေလို့ပါ
Min Maung • ဖြေကြားချက် 0 ခု
ဘာမြေသြဇာ ကျွေးရမလည်းဗျ
ZawHtwe • ဖြေကြားချက် 0 ခု
နှင်းဆီက ဘာဖြစ်တာလဲ? ပွင့်လာတော့ အပွင့်က မလှဘူး။ အရွက်ကလည်း တွန့်နေတယ်။
Nova Nova • ဖြေကြားချက် 1 ခု
ရွှေဘိုပေါ်ဆန်းစပါးကို ယခုသြဂုတ်လထဲ ပျိုးထောင်ပြီး စိုက်လျှင် အစေ့အနှံ အောင်မြင်နိုင်ပါသလား၊ စပါးစိုက်ခင်းနဲ့ပျိုးခင်းတွေ ရေနစ်ပြီး ပျက်စီးမှုတွေကြောင့် အသစ်ပြန်လည်စိုက်ပျိုးဖို့ ပျိုးအပို ရှာရခက်နေကြလို့ မေးကြည့်တာပါ။
Ko Thu • ဖြေကြားချက် 1 ခု
စပါးစစိုက်ပျိုးပြီးပါပြီ ခုချိန်မှစပီး ပြုစုပျိုးထောင်ပုံအဆင့်ဆင့်ကို သင်ပြပေးပါဆရာတို့ဗျာ
Min Min Thant • ဖြေကြားချက် 1 ခု
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....
နောက်ဆုံး ဆောင်းပါးများ
More from ဒေါ်နန်းထက်ထက်ချစ်
အားလုံး
ဈေးကွက်ကောင်းစောင့်ဆိုင်းလိုသည့်ကြက်သွန်စိုက်ပျိုးသူများအနေဖြင့် သိုလှောင်ရုံကိုစနစ်တကျပြုလုပ်သင့်
25/01/2022
စက်သုံးဆီဈေးနှုန်းများမြင့်တက်နေခြင်းသည် ကြက်သွန်ဈေးကွက်အပေါ် ရိုက်ခတ်မှုရှိနေ
21/01/2022
ကွမ်းသီးအစိုအခြောက်အရောင်းအဝယ်များ အမြဲမပြတ်ရှိနေပြီး ဈေးကွက်ပွင့်လန်းနေ
19/01/2022
ကွမ်းသီးပင်ကို ရေမြေရာသီဥတုအပေါ်မူတည်၍ ခါတော်မီစိုက်ပျိုးစနစ်ဖြင့် စိုက်ပျိုးထုတ်လုပ်လာကြ
18/01/2022
ဈေးကွက်တွင်း ငရုတ်သီးစုပြုံဝင်ရောက်ခြင်းကိုထိန်းချုပ်ရန် တစ်ချို့ဒေသများတွင် ငရုတ်သီးခူးဆွတ်မှု ရပ်ဆိုင်း
17/01/2022
