ရန်ကုန်၊ ဩဂုတ် ၁၄-ရန်ကုန် တိုင်းဒေသကြီး၊ဧရာဝတီတိုင်းဒေသကြီးနှင့်ပဲခူးတိုင်းဒေသကြီး တို့တွင် ရေကြီးရေလျှံမှုများ ဆက် လက်ဖြစ်ပေါ်ပါက ငါး၊ ပုစွန် မွေး မြူရေးကန်များ နစ်မြုပ်နိုင်သဖြင့် လုပ်ငန်းရှင်များအနေဖြင့် ကြိုတင် ကာကွယ်မှုများကို ပြုလုပ်ထားရန် မြန်မာနိုင်ငံငါးလုပ်ငန်းအဖွဲ့ချုပ်မှ တိုက်တွန်းထားကြောင်း သိရသည်။
မြန်မာနိုင်ငံအောက်ပိုင်းဒေ သများဖြစ်သော ဧရာဝတီ၊ ရန်ကုန် နှင့် ပဲခူးတိုင်းဒေသကြီးရှိ မြို့နယ် တချို့တွင် မိုးအဆက် မပြတ်ရွာ သွန်းခြင်း၊ထူးကဲဒီရေမြင့်တက် ခြင်းတို့ကြောင့် ရေကြီးရေလျှံမှုများ ဖြစ်ပေါ်လျက်ရှိသည်။ ထပ်မံ၍ ဩဂုတ်လလယ်မှ စက်တင်ဘာလ လယ်အထိ ရေကြီးရေလျှံမှုများ ဆက်လက်ဖြစ်ပေါ်နိုင်သဖြင့် ငါး၊ ပုစွန်မွေးမြူရေးကန်များအနေဖြင့် ရေကြီး ရေလျှံ မှုများကြောင့် ဆုံးရှုံး နစ်နာမှုများမဖြစ်ပေါ်စေရန် ကြိုတင် ကာကွယ်မှုများပြုလုပ်ထားရန် လိုအပ်ခြင်းဖြစ်ကြောင်း သိရသည်။
""သဘာဝဘေးအန္တရာယ်က နည်းလမ်းပေါင်းစုံနဲ့အပေါ်က မိုး ရေတွေများလို့ ပဲခူးတိုင်း၊ ကရင် ပြည်နယ်၊ မွန်ပြည်နယ်မှာရေကြီး နစ်မြုပ်သလို အခုလည်းထူးကဲ ဒီရေတက်တဲ့အတွက်ကြောင့် ကမ်း ရိုးတန်းဒေသတွေမှာ ဆုံးရှုံးမှုတွေ ရှိလာပါတယ်။ ဒါက ရာသီဥတု ဖောက်ပြန်တဲ့ ငြင်းလို့မရတဲ့ လက္ခ ဏာတွေဖြစ်ပါတယ်။ အခုလည်း စိုးရိမ်နေတဲ့ ဧရာဝတီမြစ်ရေက ဇလွန် အပါ အဝင် ဓနုဖြူ၊ ညောင် တုန်းဘက်တွေမှာ စိုးရိမ်ရေအမှတ် အထက်ကို ကျော်လွန်ရောက်ရှိပြီး တော့ ရေများနေပါပြီ။ မိုးရာသီက စက်တင်ဘာလအတွင်းအထိဖြစ် တော့ ကျန်ရှိနေတဲ့ တစ်လကျော် ကျော်အတွင်းမှာ အခု မြင့်နေတဲ့ ရေနဲ့နောက်ထပ် ထူးကဲ ဒီရေတွေ တက်လာမယ်ဆိုရင် အရင်နှစ်က မြုပ်ခဲ့ဖူးတဲ့ ဧရာဝတီတိုင်း၊ ပဲခူး တိုင်းက ငါးကန်ရှိတဲ့ဒေသတွေ စိုးရိမ်စရာဖြစ်တယ်။

ဆောင်းပါးအပြည့်အစုံကို ဆက်လက်ဖတ်ရှု့နိုင်ရန်...........