ထိုင်းပုစွန်သားပေါက်များ ဆက်သွင်းခြင်းကို ငါးလုပ်ငန်းဦးစီးဌာနအနေဖြင့် တားဆီးသင့်
ရန်ကုန်၊ ဇူလိုင် ၁၅ ရက်။
ပြည်တွင်းရေချိုပုစွန် မွေးမြူရေးကန်များတွင် ထိုင်းရေချိုပုစွန်များ ရောစပ်နေခြင်းကြောင့် ထိုင်းပုစွန်သားပေါက်များ မြန်မာနိုင်ငံအတွင်းသို့ ဆက်သွင်းနေပါက မြန်မာ့မျိုးရင်းမျိုးစိတ်များ ပျောက်ကွယ်သွားနိုင်သည့် အခြေအနေရှိသဖြင့် ငါးလုပ်ငန်းဦးစီးဌာနအနေဖြင့် တားဆီးသင့်ကြောင်း မြန်မာနိုင်ငံ ပုစွန်မွေးမြူထုတ်လုပ် ရောင်းဝယ်သူများအသင်းမှ သိရသည်။
မြန်မာနိုင်ငံတွင် ၂၀၁၂ ခုနှစ်က ရေချိုပုစွန်သားပေါက်ထုတ်လုပ်မှု ကျဆင်းခဲ့ခြင်းကြောင်း မွေးမြူ ရေးတောင်သူများ အဆင်ပြေစေရန် ထိုင်းနိုင်ငံမှ ရေချိုပုစွန်သားပေါက်များတင်သွင်း၍ အခက်အခဲများ ဖြေရှင်းခဲ့ခြင်းဖြစ်သော်လည်း လက်ရှိတွင် ပြည်တွင်း ရေချိုပုစွန်သားပေါက်စခန်း အားလုံးနီးပါးမှ ရေချိုပုစွန်မွေးမြူရေး တောင်သူများအတွက် သားပေါက်များ လုံလောက်စွာ ထုတ်လုပ်ပေးနိုင်ပြီဖြစ်ကြောင်း သိရသည်။
"ပြည်တွင်းမှာ လုံလုံလောက်လောက် ဖောက်ပေးပါရက်နဲ့ ထိုင်းကနေ ဆက်ပြီးသွင်းနေအုန်းမယ်ဆိုရင် နောင်တစ်ချိန်မှာ ကျွန်တော်တို့ရဲ့မျိုးရင်းတွေ ပျောက်ကွယ်သွားနိုင်တဲ့ အနေအထားရှိတယ်။ အဲ့ဒါကြောင့် ငါးဦးစီးဌာနအနေနဲ့ သေသေချာချာလေး စီစစ်ပြီးတော့ လုပ်သင့်တယ်လို့ မြင်ပါတယ်။ အခုက ဈေးကွက်စီးပွားရေးဖြစ်တဲ့အတွက် တစ်နိုင်ငံနဲ့တစ်နိုင်ငံ လွတ်လွတ်လပ်လပ် ကုန်သွယ်လို့ရနေတာမှန်ပေမယ့် ကိုယ့်နိုင်ငံရဲ့ အကျိုးစီးပွားကို ထိခိုက်မယ်၊ ကိုယ်နိုင်ငံရဲ့ သယံဇာတကို ထိခိုက်ပျက်စီးမယ်ဆိုရင် ဒီဟာတွေကို သက်ဆိုင်ရာအဖွဲ့အစည်းတွေက တားဆီးသင့်တယ်။" ဟု မြန်မာနိုင်ငံ ပုစွန်မွေးမြူထုတ်လုပ် ရောင်းဝယ်သူများအသင်း အတွင်းရေးမှူး ဦးတင်ထွန်းဦးက ပြောသည်။
လက်ရှိတွင် ၂၀၁၂ ခုနှစ်က ထိုင်းနိုင်ငံမှ တင်သွင်းလာသော ရေချိုပုစွန်များနှင့် ပြည်တွင်းရှိ ရေချိုပုစွန်များ မျိုးရောစပ်လာနေသဖြင့် ပြည်တွင်းမျိုး ရေချိုပုစွန်ကို သားပေါက်ဖောက်၍ မွေးမြူသည့် မွေးမြူရေးကန်များတွင် အနည်းဆုံး ၂၀ ရာခိုင်နှုန်းခန့် ထိုင်းရေချိုပုစွန်မျိုးများ ဖြစ်နေသည်ကို တွေ့ရှိရကြောင်း သိရသည်။
"ပုစွန်တင်သွင်းမယ့်သူတွေ လာရင်လည်း ကျွန်တော်တို့အနေနဲ့ ပုစွန်အသင်းကိုပဲ ဆက်သွယ်ပြီးတော့ ပုစွန်မွေးတဲ့ ကိစ္စပဲဖြစ်ဖြစ်၊ သားပေါက်ကိစ္စပဲဖြစ်ဖြစ် ဆောက်ရွက်ပါဆိုပြီးတော့ လုပ်ပေးပါမယ်။" ဟု ရန်ကုန်တိုင်း ငါးလုပ်ငန်းဦးစီးဌာန ဒုတိုင်းဦးစီးမှူး ဦးလှဌေး ကပြောသည်။
လက်ရှိတွင် ပြည်တွင်းသို့ ထိုင်းနိုင်ငံမှ တင်သွင်းသော ရေချိုပုစွန်သားပေါက် တစ်ကောင်လျှင် ၁၄ ကျပ် ဝန်းကျင်ရှိပြီး မြန်မာနိုင်ငံအတွင်းဖောက်သည့် ရေချိုပုစွန်သားပေါက် တစ်ကောင်လျှင် ၁၀ ကျပ်ဝန်းကျင်အောက်သာရှိကြောင်း သိရသည်။
မြန်မာနိုင်ငံတွင် ရေချို/ရေငန်ပုစွန် မွေးမြူရေးကန်ဧကပေါင်း (၂) သိန်းဝန်းကျင်ရှိသော်လည်း ရေချိုပုစွန်မွေးမြူရေးကန် ဧကပေါင်း (၂)သောင်းဝန်းကျင်ရှိပြီး အဓိကအားဖြင့် တွံတေး၊ ညောင်တုန်း၊ ခရမ်း၊ ထန်းတပင်၊ မအူပင်မြို့နယ်တို့တွင် မွေးမြူလျက်ရှိကာ ပဲခူးတိုင်းဒေသကြီးတွင် လည်း အနည်းအကျဉ်း မွေးမြူလျက်ရှိကြောင်း သိရသည်။
အေးအေးမြင့်(ABM)
Content provider
Greenovator
ဂရင်းနိုဗေတာကုမ္ပဏီကို ၂၀၁၅ ခုနှစ်တွင် စတင်ခဲ့ပြီး ကုမ္ပဏီမှ အစိမ်းရောင်လမ်းအက်ပလီကေးရှင်းအား ထုတ်လုပ်ဖြန့်ဖြုးခဲ့ပါသည်။ စိုက်ပျိုးသူတောင်သူများ စိုက်ပျိုးရေးလုပ်ငန်းများကို စီးပွားရေးလုပ်ငန်းအဖြစ် အမြင်ပြောင်းလဲလာစေရန်အတွက် လိုအပ်သော နည်းပညာဗဟုသုတများ၊ ဈေးကွက်အချက်အလက်များနှင့် စီးပွားရေးလုပ်ငန်းများနှင့် ချိတ်ဆက်လာနိုင်စေရန် အစဉ်တစိုက် ကြိုးစားလျက်ရှိပါသည်။
ဆက်စပ်မေးခွန်းများ
ချီးပါနေတဲ့အကောင်ပါ2လသားကျော်ကာစပါ အသားရဲတယ်အစာအံနေလို့ပါ
Min Maung • ဖြေကြားချက် 0 ခု
ဘာမြေသြဇာ ကျွေးရမလည်းဗျ
ZawHtwe • ဖြေကြားချက် 0 ခု
နှင်းဆီက ဘာဖြစ်တာလဲ? ပွင့်လာတော့ အပွင့်က မလှဘူး။ အရွက်ကလည်း တွန့်နေတယ်။
Nova Nova • ဖြေကြားချက် 1 ခု
ရွှေဘိုပေါ်ဆန်းစပါးကို ယခုသြဂုတ်လထဲ ပျိုးထောင်ပြီး စိုက်လျှင် အစေ့အနှံ အောင်မြင်နိုင်ပါသလား၊ စပါးစိုက်ခင်းနဲ့ပျိုးခင်းတွေ ရေနစ်ပြီး ပျက်စီးမှုတွေကြောင့် အသစ်ပြန်လည်စိုက်ပျိုးဖို့ ပျိုးအပို ရှာရခက်နေကြလို့ မေးကြည့်တာပါ။
Ko Thu • ဖြေကြားချက် 1 ခု
စပါးစစိုက်ပျိုးပြီးပါပြီ ခုချိန်မှစပီး ပြုစုပျိုးထောင်ပုံအဆင့်ဆင့်ကို သင်ပြပေးပါဆရာတို့ဗျာ
Min Min Thant • ဖြေကြားချက် 1 ခု
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....
နောက်ဆုံး ဆောင်းပါးများ
More from အစိမ်းရောင်လမ်း
အားလုံး
ဗီဒီယို
စိုက်ချိန်ရိတ်ချိန်ဖြေပေးရင်း .. ဖုန်းဘေလ်ကံစမ်းကြမယ်
04/08/2026
ဗီဒီယို
သီးနှံအထွက်နှုန်းကောင်းသော စိုက်ခင်းများအတွက် ကျန်းမာသောမြေဆီလွှာ (▶️ ဗွီဒီယို)
14/07/2026
တောင်သူ ၅ သောင်းကျော်ထံသို့ ဟင်းသီးဟင်းရွက်စိုက်ပျိုးနည်းပညာများ အစိမ်းရောင်လမ်းမှ တဆင့်မျှဝေပေးခဲ့တဲ့ မြားနီနည်းပညာပေးရေးအဖွဲ့
29/05/2026
မေလ (၁၅) - ၁၈) ရက်အတွင်း မြန်မာနိုင်ငံတစ်ဝန်း မိုးတိမ်တောင်များ ဖြစ်ထွန်းမှု အားကောင်းနေ
15/05/2026
ကျန်းမာပျော်ရွှင်ပါစေ.. အမေ
10/05/2026
