နောက်ဆုံး ဆောင်းပါးများ စိုက်ပျိုးရေး မွေးမြူရေး ရေလုပ်ငန်း အထွေထွေ ဗဟုသုတ သတင်း

အားလုံးကြည့်ရန် အင်တာဗျူး 13 နိုင်ငံတကာသတင်း 333 အခွင့်အလမ်း 567 စိုက်ပျိုးရေးသတင်း 1788 မိုးလေဝသသတင်း 1737 မွေးမြူရေးသတင်း 341

မြင့်တက်လာသော အပူချိန်ကြောင့် ဝက်များအပူရှပ်ပြီး သေဆုံးသည်အထိ ဖြစ်ပွားနေ

AMIA • 08/04/2026

နွေရာသီ၏ မြင့်တက်လာသော အပူချိန်နှင့်အတူ ပြည်တွင်းဝက်မွေးမြူရေးကဏ္ဍတွင် ဝက်များ အပူဒဏ်ခံစားရပြီး သေဆုံးသည်အထိ ရှိလာနေကြောင်း မွေးမြူရေးလုပ်ကိုင်သူများထံမှ သိရသည်။

ဝက်ကြီး၊ ဝက်ငယ်၊ ဝက်လတ် အမျိုးအစားအလိုက် အပူဒဏ်ကြောင့် အစာစားနှုန်းလျော့ကျခြင်း၊ အကြောဆွဲသကဲ့သို့ ယက်ကန်ယက်ကန်ဖြစ်ခြင်း၊ ဝမ်းလျှောခြင်း၊ အန်ခြင်းနှင့် အသက်ရှူနှုန်းမြန်ပြီး သေဆုံးသည်အထိ ကြုံတွေ့နေရခြင်း ဖြစ်သည်။

"ဝက်ကလေးက ဝမ်းလျှောတယ်။ ဝမ်းအမည်းရောင်နဲ့ အဝါရောင်တွေ သွားတယ်။ မကြာဘူး အကြောဆွဲသလိုဖြစ်ပြီး သေသွားတယ်။ ဖြစ်တာကလည်း တစ်ရက်ပဲ ကြာလိုက်တယ်" ဟု ပဲခူးတိုင်း အနောက်ခြမ်းမှ ဝက်မွေးမြူရေးလုပ်ကိုင်သူ တစ်ဦးက ပြောသည်။

လက်ရှိ မြန်မာနိုင်ငံတွင် နွေရာသီရောက်ရှိလာသည်နှင့်အမျှ အပူချိန်မှာ ပိုမိုမြင့်တက်လာနေသည့်အတွက် ဝက်များ အပူရှပ်ပြီး အသက်အန္တရာယ်ဖြစ်စေနိုင်သည့် အရေးပေါ်အခြေအနေဖြစ်ပေါ်နိုင်သဖြင့် မွေးမြူရေးလုပ်ကိုင်သူများအနေဖြင့် အထူးဂရုစိုက်ရန်လိုအပ်ကြောင်း တိရစ္ဆာန်ဆေးကုဆရာဝန်များက သတိပေးထားသည်။

ပူပြင်းသည့် ရာသီဥတုနှင့် ပတ်ဝန်းကျင်အခြေအနေ၊ ဝက်ခြံများတွင် လေဝင်လေထွက်မကောင်းခြင်း စသည့်အချက်များကြောင့် ဝက်များတွင် အပူရှပ်ခြင်းဖြစ်နိုင်ပြီး အသက်ဆုံးရှုံးသည်အထိ ဖြစ်လာနိုင်ကြောင်း သိရသည်။

"ဝက်တွေ အပူရှပ်တာကို သတိမထားမိရင် အသက်သေတဲ့အထိ ဖြစ်နိုင်ပါတယ်။ ဝက်တွေ အပူရှပ်နေပြီဆိုတာ သိတာနဲ့ ကုသမှုချက်ချင်းလုပ်ရပါမယ်။ မဖြစ်သေးတဲ့ခြံတွေဆိုရင် ကြိုတင်ကာကွယ်မှုတွေ လုပ်ထားနိုင်ပါတယ်" ဟု တိရစ္ဆာန်ဆေးကု ဆရာဝန်တစ်ဦးက ပြောသည်။

ဝက်များ အပူရှပ်ပါက ခန္ဓာကိုယ်အပူချိန် ၁၀၄ ဒီဂရီဖာရင်ဟိုက်ထက် ပိုပူလာခြင်း၊ ပါးစပ်ဟပြီး ဆက်တိုက်မြန်မြန် အသက်ရှုခြင်း၊ သွားရည်ဆက်တိုက်ကျခြင်း၊ အသားအရေ နီရဲလာခြင်းနှင့် မှိုင်နေခြင်းတို့ ဖြစ်ပေါ်တတ်သည်။ အပူရှပ်ခြင်းကို ပြင်းထန်စွာ ခံစားရပါက အစာမစားဘဲ အန်ခြင်း၊ ဝမ်းလျှောခြင်း၊ တုန်ခြင်း၊ ယက်ကန်ယက်ကန်ဖြစ်ပြီး နောက်ဆုံးတွင် သေဆုံးသည်အထိ ဖြစ်နိုင်ကြောင်း သိရသည်။

ဝက်များ အပူရှပ်ခြင်းကို ကြိုတင်ကာကွယ်ရန် အတွက် ၂၄ နာရီပတ်လုံး သန့်ရှင်းပြီး အေးမြသောရေကို သောက်သုံးနိုင်အောင် စီစဉ်ပေးခြင်း၊ ဝက်ခြံကို လေဝင်လေထွက်ကောင်းပြီး အအေးဓာတ်ရရှိအောင် လုပ်ဆောင်ပေးခြင်း၊ အပူချိန်မြင့်မားချိန်တွင် အစာကျွေးနှုန်း လျှော့ချခြင်းခြံကို အအေးဓာတ်ရရှိစေရန် ရေဖြန်းပေးခြင်းတို့ကို ပြုလုပ်ပေးရန် လိုအပ်သည်။

ဝက်များတွင် အပူရှပ်ခြင်းလက္ခဏာ ခံစားနေရကြောင်း သိရှိပါက တိရစ္ဆာန်ဆေးကုဆရာဝန်နှင့် ချက်ချင်းပြသပြီး အချိန်မီ ကုသမှုခံယူရန် လိုအပ်ကြောင်း သိရသည်။

AMIA (ဈေးကွက်နှင့် သတင်းအေဂျင်စီ)မှ အစိမ်းရောင်လမ်းဆော့ဝဲသို့ ပေးပို့ထားသော အစိမ်းရောင်လမ်း၏ မူပိုင်ဆောင်းပါးဖြစ်သဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။

ဆက်စပ်အကြောင်းအရာ၊ မေးခွန်းများနှင့် ဆောင်းပါးများကို ဆက်လက်ဖတ်ရှုနိုင်ပါသည်။

Topic 1

ဝက်ကျန်းမာရေး

ဦပိုင်

လွန်ခဲ့သော ၃ လ က

ဝက်အပူရှပ်တာနေမယ်

Saw Philic

လွန်ခဲ့သော ၃ လ က

ရောဂါ ဝင်တာ

ဆက်စပ်ဆောင်းပါးများ

မွေးမြူရေးသတင်း

ကြက်တွေနာပြီး သေလို့ ဒေသကြက်တစ်ပိုင်တစ်နိုင်မွေးမြူသူတွေ အခက်ကြုံ

AMIA

မွေးမြူရေးသတင်း

ကချင်ပြည်နယ်၊ မြစ်ကြီးနားမြို့ရှိ ရပ်ကွက်အချို့တွင် နွားများ အဖုအကြိတ်ပေါက်ကာ သေဆုံးသည်အထိဖြစ်နေ

AMIA

မွေးမြူရေးသတင်း

ကြက်ဥဈေးနှုန်း မြင့်တက်ပြီး ပစ္စည်းပြတ်လပ်နေ

AMIA

ဆက်စပ်မေးခွန်းများ

မန္တလေးအလယ်ပိုင်းသာစည်နယ်မှာစပါးကိုဘလိုစိုက်ပျိုးရင်အစင်ပြေပါသလဲခင်ဗျာပျိုးမထောင်ရသေးပါဘူးခင်ဗျာမိုးကလဲတဖျင်းသုံရွာပြီးစိုက်ပျိုးမိုးကောရပါမလားဗျာမင်းလှကန်မှာလဲရေကနဲနေတော့အကြံပြုပါအုံးခင်ဗျာ

Min zaw Oo • ဖြေကြားချက် 0 ခု

ကျနော်တို့ဒေသက စပါးပြီးရင် ပဲ လုပ်ကြတဲ့အခါ အမြဲ ထွန်ခင်းပဲ လုပ်ကြပါတယ် onlineပေါ်မှာ လေ့လာကြည့်မိသလောက် မထွန်မယက်ပဲ စိုက်တဲ့ ခုတ်ဖုံးနည်းစနစ်က ထွန်ခင်းလုပ်တာထက် သိသိသာသာပို အထွက်ကောင်းနေတာ တွေ့မြငိနေရပါတယ် အပေါ်က မြက်တွေအုပ်ထားပြီး အစိုဓာတ် ထိန်းပေးထားတာ ထွန်ခင်းထက်အပင်အမြင့် တော်တော်သိသာတာ အယ်နီညိုလည်း ရှိတော့ ကျတော့် စိတ်ကူးလေးကို ပြောပြချင်ပါတဟ် (1) ကျတော့်တို့လဟ်တွေက အနိမ့်ပိုင်း နည်းနည်းကျတော့ ခုတ်ဖုံးလုပ်ရတာ အဆင်ပြေပါ့မလား သိချင်ပါတယ် အဆင်ပြေမဟ်ဆို ဘယ်လိုမျိုး လုပ်သင့်ပါသလဲခင်ဗျာ (2) ဒါကတော့ ပုံမှန်အတိုင်း ထွန်မယ် ပဲကြဲမဟ် ကြဲပြီးရင် ရိုးပြတ်တွေ EM ဖြန်းပြီး အပေါ်ကနေ ခပ်ပါးပါး နဲ့ ညီညီညာညာ လိုက်ဖြန့်ပြီး ဖုံးလိုက်ပါမဟ် ထွန်ခင်း ဖြစ်တဲ့ အတွက် အခုလိုလုပ်တာ ပဲ ပင်ပေါက်တာကို ထိခိုက်နိုင်ပါသလားခင်ဗျ ကျတောိ့ရဲ့ စိတ်ကူးကတော့ မြေအစိုဓာတ် ထိန်းနိုင်မယ် ဒါဆို အပင်အားလည်း ကောင်းမဟ်လို့ တွေးမိလို့ပါ လွဲမှားတာများရှိရင်လည်း ဝေဖန်ထောက်ပြပြီး အကြံညဏ်များ ပေး ပေးပါအုံးခင်ဗျာ

Paing Lay • ဖြေကြားချက် 1 ခု

ဘယ်မှာဝယ်လို့ရနိုင်ပါသလဲ

အောင် ကောင်းပြည့် • ဖြေကြားချက် 0 ခု

ကွမ်းပင်ခြေပုတ်ခါးရိေရာဂါကို ဒိုင်မီသိုေမာ့နဲ့ေဖာ့စတိုင်းအလူမီနီယံတွဲဖျန်းလို့ရလားဆရာေဆးေရာစပ်ပုံအချိုးေလးလည်းသိချင်ပါတယ်

ye • ဖြေကြားချက် 1 ခု

မြေပဲကိုယ်ဘောင်နဲ့စိုက်ပျိုးလို့ရလားခင်ဗျာ စိုက်လို့ရရင်ပုံလေးနဲ့ဖော်ပြပေးကြပါ

Nay G • ဖြေကြားချက် 1 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ