နောက်ဆုံး ဆောင်းပါးများ စိုက်ပျိုးရေး မွေးမြူရေး ရေလုပ်ငန်း အထွေထွေ ဗဟုသုတ သတင်း

အားလုံးကြည့်ရန် သစ်တောပုံတူ စိုက်ခင်းတည်ထောင်ခြင်း 21 ဂေဟစနစ် 58 အာဟာရနှင့် ကျန်းမာရေး 541 ပတ်ဝန်းကျင်ဆိုင်ရာ 139 အတွေးအမြင်ဆောင်းပါး 572 စိုက်ပျိုးရေး ဥပဒေများ 11 မွေးမြူရေး ဆောင်းပါးများ 263 ငွေကြေးစီမံခန့်ခွဲမှု 40 ကုန်သွယ်သုတ 8 အထွေထွေ 588

မက်ဆီအမြဲလိုလို ပိုက်နဲ့စုပ်သောက်နေတာက ဘာလဲ?

Thein Soe Min • 20/06/2026

ဘောလုံးပွဲတွေမတိုင်ခင် ဒါမှမဟုတ် အသင်းကားပေါ်က ဆင်းလာတဲ့အခါ ကမ္ဘာ့အကောင်းဆုံးကစားသမားကြီး လီယွန်နယ် မက်ဆီ (Lionel Messi) ရဲ့ လက်ထဲမှာ ထူးထူးခြားခြား ခွက်ကလေးတစ်လုံးနဲ့ သတ္တုပိုက်အရှည်ကြီးတစ်ခုကို အမြဲတမ်း တွေ့ဖူးကြမှာပါ။ အထာကျကျ ကိုင်ထားတဲ့ ဒီ "ခွက်ဆန်းလေး" က ဘာလဲ? ဘာကြောင့် မက်ဆီတစ်ယောက် ဒါကို လက်ကမချနိုင် ဖြစ်နေရတာလဲ? တူတူ လေ့လာကြည့်ရအောင်။

မာတေးရဲ့ ရာဇဝင်

ဒီရေနွေးကြမ်းခွက်လေးကို "မာတေး" (Mate) လို့ ခေါ်ပြီး စုပ်သောက်တဲ့ သတ္တုပိုက်ကိုတော့ "ဘွန်ဘီလာ" (Bombilla) လို့ ခေါ်ပါတယ်။ အာဂျင်တိုင်းသားတွေ အလွန်အမြတ်နိုးရဆုံး အမျိုးသားရိုးရာ ယဉ်ကျေးမှု ဖြစ်ပါတယ်။ ရိုးရာအရတော့ ဗူးသီးခြောက်ကို အောက်ခံလုပ်ပြီး ပြုလုပ်ထားတာ ဖြစ်ပေမဲ့ အခုခေတ်မှာတော့ သစ်သား၊ ဖန် ဒါမှမဟုတ် စတီးတွေနဲ့ပါ ပြုလုပ်ကြပါတယ်။

ရိုးရာအရတော့ ဗူးသီးခြောက်ကို အောက်ခံလုပ်ပြီး ပြုလုပ်ထားပါတယ်

အမြင်မှာတင် တော်တော်လေး ထူးခြားပြီး အထာကျတဲ့ ရိုးရာအိုးလေးပေါ့။ သူနဲ့တွဲပြီး ဓာတ်ဘူးအမည်းကြီးတစ်လုံးကိုလည်း မက်ဆီ့ဂျိုင်းကြားထဲမှာ အမြဲညှပ်ထားတာ မြင်ရမှာပါ။ ရေကုန်ရင် ချက်ချင်းပြန်ဖြည့်သောက်ဖို့အတွက် အဆင်သင့် ဆောင်ထားတာဖြစ်ပါတယ်။

လက်ဖက်ခြောက်ထည့်သောက်တာလား?

"ဒီလောက် သောက်နေတာ လက်ဖက်ခြောက်လား" လို့ ထင်ရင်တော့ မှားသွားလိမ့်မယ်။ သူသုံးတဲ့ အရွက်က တောင်အမေရိက အမြဲစိမ်းတောတွေကရတဲ့ "ယာဘား မာတေး" (Yerba Mate) ဆိုတဲ့ အရွက်ခြောက်တွေပါ။

အရသာကတော့ နည်းနည်းခါးသက်သက်နဲ့ ဆေးဖက်ဝင်အနံ့မျိုး ရှိပါတယ်။ ဒါပေမဲ့ တစ်ခါသောက်ပြီး စွဲသွားရင်တော့ ဖြတ်ရခက်တဲ့ အထာမျိုးပေါ့။

အာဂျင်တီးနားရဲ့ ရိုးရာနဲ့ "မျှဝေခံစား" ယဉ်ကျေးမှု

မာတေးသောက်တာဟာ အာဂျင်တီးနား၊ ဥရုဂွေးတို့ရဲ့ အသည်းစွဲ ရိုးရာယဉ်ကျေးမှုတစ်ခုပါ။ ဒါပေမဲ့ ဒါက ရေငတ်ပြေရုံ သောက်တဲ့ အချိုရည်မဟုတ်ဘူးနော်။

သူ့မှာ "လူမှုရေး Vibe" ရှိပါတယ်။ အာဂျင်တီးနားမှာဆိုရင် သူငယ်ချင်းတွေ၊ မိသားစုတွေ စုမိတဲ့အခါ ဒီခွက်တစ်ခွက်တည်းကိုပဲ ရေနွေးပြန်ဖြည့်ပြီး တစ်ယောက်တစ်လှည့် စုပ်သောက်ရင်း စကားပြောကြတာ။ "ငါ့အလှည့်၊ မင်းအလှည့်" နဲ့ သံယောဇဉ်တွေ ပိုခိုင်မြဲစေတဲ့၊ ရင်းနှီးမှုကို ဖော်ဆောင်တဲ့ အလေ့အထလေးတစ်ခုပေါ့။ မက်ဆီနဲ့ ဆွာရက်ဇ်တို့ ဘာစီလိုနာမှာ ကစားတုန်းကလည်း ဒီခွက်လေးကိုပဲ အတူတူ မျှဝေ သောက်ခဲ့ကြတာ။

ဘောလုံးသမားတွေ ဘာလို့ ဒီလောက်တောင် ကြိုက်ကြတာလဲ?

မက်ဆီတင်မကဘူး၊ နေမာ၊ ဆွာရက်ဇ်၊ ဂရီးဇ်မန်းတို့လို Superstars တွေပါ ဘာလို့ ဒါကို စွဲစွဲလန်းလန်း သောက်နေကြလဲဆိုတော့ သူ့ရဲ့ ကျန်းမာရေးကောင်းကျိုးတွေက လန်းလွန်းလို့ပါပဲ။

စွမ်းအားတိုးမြှင့်ပေးခြင်း - ကော်ဖီလိုပဲ ကဖင်းဓာတ် အပြည့်ပါတယ်။ ဒါပေမဲ့ ကော်ဖီသောက်ရင် ဖြစ်တတ်တဲ့ ရင်တုန်တာ၊ ဂဏာမငြိမ်ဖြစ်တာမျိုး မရှိဘဲ စိတ်ကို ငြိမ်ငြိမ်လေးနဲ့ လန်းဆန်းပြီး အာရုံစိုက်နိုင်စွမ်း ပိုမိုကောင်းမွန်စေတာ။

ဓာတ်တိုးဆန့်ကျင်ပစ္စည်း (Antioxidants) များစွာပါခြင်း - လက်ဖက်စိမ်းထက်တောင် ဓာတ်တိုးဆန့်ကျင်ပစ္စည်း ပိုများလို့ ပွဲကစားပြီးတဲ့အခါ ကြွက်သားပင်ပန်းတာတွေကို မြန်မြန်သက်သာစေပြီး ကိုယ်ခံအားကို မြှင့်တင်ပေးပါတယ်။ ကိုယ်လက်လှုပ်ရှားမှုများတဲ့ လူငယ်တွေအတွက်တော့ တကယ့် သဘာဝ စွမ်းအားဖြည့်အချိုရည် ပါပဲ။

အခုဆိုရင်တော့ မက်ဆီရဲ့ လက်ထဲက ခွက်လေးဟာ ရိုးရိုးရေနွေးကြမ်းအိုး မဟုတ်ဘဲ အာဂျင်တီးနားရဲ့ "ရိုးရာ၊ ချစ်ကြည်ရေးနဲ့ ကျန်းမာရေး" တွေ ပေါင်းစပ်ထားတဲ့ သင်္ကေတတစ်ခုဆိုတာ သိလောက်ပြီပေါ့။ ကဲ… သင်ကော မက်ဆီလိုမျိုး "Mate" တစ်ခွက်လောက် စမ်းသောက်ကြည့်ချင်စိတ် ပေါက်သွားပြီလား?

ဆက်စပ်ဆောင်းပါးများ

အထွေထွေ

သမိုင်းအစဉ်အလာကြီးတဲ့ ငရုတ်သီး

Thu Ra Nyi Nyi

အထွေထွေ

ကျန်းမာပျော်ရွှင်ပါစေ.. အမေ

အစိမ်းရောင်လမ်း

အထွေထွေ

အပြည်ပြည်ဆိုင်ရာ အလုပ်သမားနေ့

အစိမ်းရောင်လမ်း

ဆက်စပ်မေးခွန်းများ

ကျနော်တို့ဒေသက စပါးပြီးရင် ပဲ လုပ်ကြတဲ့အခါ အမြဲ ထွန်ခင်းပဲ လုပ်ကြပါတယ် onlineပေါ်မှာ လေ့လာကြည့်မိသလောက် မထွန်မယက်ပဲ စိုက်တဲ့ ခုတ်ဖုံးနည်းစနစ်က ထွန်ခင်းလုပ်တာထက် သိသိသာသာပို အထွက်ကောင်းနေတာ တွေ့မြငိနေရပါတယ် အပေါ်က မြက်တွေအုပ်ထားပြီး အစိုဓာတ် ထိန်းပေးထားတာ ထွန်ခင်းထက်အပင်အမြင့် တော်တော်သိသာတာ အယ်နီညိုလည်း ရှိတော့ ကျတော့် စိတ်ကူးလေးကို ပြောပြချင်ပါတဟ် (1) ကျတော့်တို့လဟ်တွေက အနိမ့်ပိုင်း နည်းနည်းကျတော့ ခုတ်ဖုံးလုပ်ရတာ အဆင်ပြေပါ့မလား သိချင်ပါတယ် အဆင်ပြေမဟ်ဆို ဘယ်လိုမျိုး လုပ်သင့်ပါသလဲခင်ဗျာ (2) ဒါကတော့ ပုံမှန်အတိုင်း ထွန်မယ် ပဲကြဲမဟ် ကြဲပြီးရင် ရိုးပြတ်တွေ EM ဖြန်းပြီး အပေါ်ကနေ ခပ်ပါးပါး နဲ့ ညီညီညာညာ လိုက်ဖြန့်ပြီး ဖုံးလိုက်ပါမဟ် ထွန်ခင်း ဖြစ်တဲ့ အတွက် အခုလိုလုပ်တာ ပဲ ပင်ပေါက်တာကို ထိခိုက်နိုင်ပါသလားခင်ဗျ ကျတောိ့ရဲ့ စိတ်ကူးကတော့ မြေအစိုဓာတ် ထိန်းနိုင်မယ် ဒါဆို အပင်အားလည်း ကောင်းမဟ်လို့ တွေးမိလို့ပါ လွဲမှားတာများရှိရင်လည်း ဝေဖန်ထောက်ပြပြီး အကြံညဏ်များ ပေး ပေးပါအုံးခင်ဗျာ

Paing Lay • ဖြေကြားချက် 1 ခု

ဘယ်မှာဝယ်လို့ရနိုင်ပါသလဲ

အောင် ကောင်းပြည့် • ဖြေကြားချက် 0 ခု

ကွမ်းပင်ခြေပုတ်ခါးရိေရာဂါကို ဒိုင်မီသိုေမာ့နဲ့ေဖာ့စတိုင်းအလူမီနီယံတွဲဖျန်းလို့ရလားဆရာေဆးေရာစပ်ပုံအချိုးေလးလည်းသိချင်ပါတယ်

ye • ဖြေကြားချက် 1 ခု

မြေပဲကိုယ်ဘောင်နဲ့စိုက်ပျိုးလို့ရလားခင်ဗျာ စိုက်လို့ရရင်ပုံလေးနဲ့ဖော်ပြပေးကြပါ

Nay G • ဖြေကြားချက် 1 ခု

ခရမ်းပင်အရွက်တေဒီလိုဖစ်နေလို့ပါ

ကိုချမ်း • ဖြေကြားချက် 1 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ