မြေယာအသုံးချခွင့် ကိစ္စရပ်များကို One-stop service အဖြစ် ပြောင်းလဲကျင့်သုံးရန် တင်ပြမည်

08/05/2019 17:00 PM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

မွေးမြူရေးခြံများကို စနစ်ကျ တည်ထောင်လုပ်ကိုင်နိုင်ရန်အတွက် တရားဝင် မြေယာအသုံးချခွင့် လွယ်ကူစွာရရှိရန် လိုအပ်ခြင်းကြောင့် ယင်းကိစ္စရပ်များကို One-stop Service အဖြစ် ပြောင်းလဲကျင့်သုံးရန် တင်ပြသွားမည်ဖြစ်ကြောင်း စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနမှ သိရသည်။ 

လယ်ယာမြေကို အခြားနည်း အသုံးချခွင့် လျှောက်ထားသည့် လုပ်ငန်းစဉ်များ၌ လက်ရှိတွင် မလိုအပ်ဘဲ ကြန့်ကြလာမှုများရှိနေပြီး သာမန် အသေးစားမွေးမြူရေးသမားများအတွက် အခက်အခဲများစွာ ရှိနေသည့်အတွက် ယင်းအခက်အခဲများအား ဖြေရှင်းရန် မြေအသုံးချခွင့် လျှောက်ထားခြင်း၊ လယ်ယာမြေ အခြားနည်းအသုံးချခွင့် လျှောက်ထားခြင်း ကိစ္စရပ်များကို One-stop service အဖြစ် ပြောင်း လဲကျင့်သုံးနိုင်ရန် တင်ပြသွားမည်ဖြစ်ကြောင်း သိရသည်။

"မွေးမြူရေးလုပ်ငန်းတွေကို စနစ်တကျ လုပ်ကိုင်နိုင်ဖို့အတွက် မြေယာအသုံးချခွင့် ပြဿနာက ကြီးကြီးမားမားဖြေရှင်းရမယ့် ပြဿနာအဖြစ် ရှိနေပါတယ်။ ဝန်ကြီးဌာနအနေနဲ့လည်း ဒီပြဿနာကို ဖြေရှင်းနိုင်ဖို့ ကြိုးစားဆောင်ရွက်နေပါတယ်။" ဟု စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန အမြဲတန်းအတွင်းဝန် ဒေါက်တာခင်ဇော်က ပြောသည်။ 

မွေးမြူရေးကဏ္ဍသည် စီးပွားရေးကဏ္ဍတစ်ရပ် သာမကပဲ ပြည်သူလူထု၏ စားနပ်ရိက္ခာဖူလုံမှုကို တာဝန်ယူထားသည့် ကဏ္ဍတစ်ခုဖြစ်သောကြောင့် မွေးမြူရေးလုပ်ငန်း ဆောင်ရွက်ခြင်းနှင့်အတူ ကြုံတွေ့ရနိုင်သည့် မြေယာအသုံးချခွင့်ရရှိရေးကို ဥပဒေစည်းမျဉ်းစည်း ကမ်းများနှင့်အညီ ဆောင် ရွက်မှသာ မလိုလားအပ်သော ဖြေရှင်းဆောင်ရွက်ရမှုများမှ ကျော်လွှားနိုင်မည်ဖြစ်ကြောင်း သိရသည် ။

လယ်ယာမြေနှင့် အခြားနည်း အသုံးချခွင့် လန (၃၉) ကို တစ်ပိုင်တစ်နိုင် လုပ်ဆောင်နေသည့် ငါးမွေးမြူရေးလုပ်ကိုင်နေသူများထံ ဦးစားပေး ချထားပေးသင့်ကြောင်း ငါးမွေးမြူရေးလုပ်ငန်းရှင်များထံမှ သိရသည်။

"ဘေးပတ်ဝန်းကျင်ကလည်း ကျွန်တော်တို့က တရားမဝင် ရထားတာမဟုတ်တဲ့အတွက် တိုင်တောမှုတွေရှိမယ်။ တကယ်နံလို့ တိုင်တာလည်း ရှိရင်ရှိမယ်။ တချို့ကလည်း လူနေအိမ်တွေ တိုးချဲ့ဆောက်ချင်လို့ တိုင်တာလည်းရှိတဲ့အတွက် ကျွန်တော်တို့ မွေးမြူရေးသမားအများစုက တော်တော်လေးကို ကြပ်တည်းတဲ့အခြေအနေ ဖြစ်ပါတယ်။ လက်ရှိခြံတွေကလည်း ဆက်ပြီး တိုးချဲ့ဖို့အတွက်နဲ့ ဒီ့ထက်ပိုမိုကောင်းမွန်တဲ့ ခြံစနစ်တွေ ပြောင်းဖို့အတွက် ဒီလို မွေးမြူရေးနဲ့ အခြားနည်းလမ်းမကျရင် လုပ်လို့မရဘူးဆိုတဲ့ အခြေအနေရှိပါတယ်။ ကျွန်တော်တို့ ဒီပြဿနာ ရှင်းကိုရှင်းမှရမှာပါ။" ဟု မန္တလေးတိုင်းဒေသကြီး၊ မွေးမြူရေးလုပ်ငန်းအဖွဲ့ ဥက္ကဋ္ဌ ဒေါက်တာကျော်ထင်က ပြောသည်။

ယခု မွေးမြူရေးလုပ်ငန်း လုပ်ကိုင်သူအများစုမှာ မြေယာအသုံးချခွင့်မရရှိဘဲ လုပ်ငန်းလုပ်ကိုင်နေကြခြင်းကြောင့် ယင်းအချက်သည် တရားမဝင် မွေးမြူရေးပုံစံဖြစ်နေသဖြင့် မြေယာအသုံးချခွင့် လုပ်ငန်းစဉ်ကို ယခုထက် ပိုမိုလွယ်ကူအောင် မွေးမြူသူကိုယ်တိုင် လုပ်ငန်းများ လုပ်ကိုင်ခွင့်ရရှိရန်အတွက် သက်ဆိုင်ရာ ဝန်ကြီးဌာနများက ဖြေလျှော့ပေးရန် လိုအပ်ကြောင်း သိရသည်။

ဘိုးဘွားပိုင်မြေများ၌ တစ်ပိုင်တစ်နိုင် ငါးမွေးကန်များ လုပ်ကိုင်နေပြီး လန (၃၉) လျှောက်ထားသော်လည်း လက်ရှိအချိန်အထိ မရရှိသေးသူ များစွာရှိနေသောကြောင့် တရားဝင် မဟုတ်သဖြင့် ချေးငွေမရရှိဘဲ ငါးမွေးမြူရေးကို စနစ်တကျ တိုးတက်အောင် လုပ်ဆောင်နိုင်ခြင်းမရှိကြောင်း သိရသည်။

လက်ရှိ မြန်မာနိုင်ငံတွင် ငါးမွေးကန် ဧကပေါင်း ၅ သိန်းနီးပါးရှိရာ လန (၃၉) မရရှိသည့် တရားမဝင် ငါးမွေးကန် ဧက ၃ သိန်းကျော်တွင် တစ်ပိုင်တစ်နိုင်နှင့် အလယ် အလတ် ငါးမွေးကန်များ ပါဝင်နေပြီး လန (၃၉) လျှောက် ထားရာတွင် ကြန့်ကြာနေသည့်အတွက် အမြန်ဆုံး စိစစ်ပေးရန် လိုအပ်လျက်ရှိကြောင်း သိရသည်။ 

အေးအေးမြင့်(ABM)

 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်