အမေးအဖြေ

@Htet Linn Oo မနက်ပိုင်းပဲကြဲပြီး ညနေပိုင်း မိုးမိထားတဲ့ ၁၀ ရက်သား ပဲတီစိမ်းခင်းအတွက် အရေးအကြီးဆုံးကတော့ ရေမဝပ်အောင် ရေထုတ်မြောင်းလေးတွေ ဖောက်ပေးဖို့ပဲ ဖြစ်ပါတယ်။ မိုးရေကြောင့် မြေမျက်နှာပြင် ကျစ်ခဲသွားနိုင်တာမို့ အစိုဓာတ် အနည်းငယ်လျော့သွားချိန်မှာ အပင်ခြေရင်းကို ခပ်ဖွဖွ မြေဆွပေးရပါမယ်။ ဒါ့အပြင် အစိုဓာတ်များလွန်းလို့ အမြစ်ပုပ်၊ ခါးရိရောဂါတွေ မဝင်ရအောင် ကာဘန်ဒါဇင် (Carbendazim) သို့မဟုတ် Hymexazol သို့မဟုတ် Foestyl Al သို့မဟုတ် Thiophanate methyl လို မှိုသတ်ဆေးတစ်မျိုးမျိုးကို အပင်ခြေစိုရွှဲအောင် ဖျန်းပေးသင့်ပါတယ်။ အပင်လေးတွေ မိုးဒဏ်ကြောင့် စိတ်ဖိစီးမှု ပြေပျောက်ပြီး အမြစ်ထွက်အားကောင်းစေဖို့အတွက် ဟူးမစ်အက်ဆစ် (Humic Acid) သို့မဟုတ် ပင်လယ်ရေမှော် (Seaweed extract)ပါတဲ့ ရွက်ဖျန်းအားဆေးကို (ဥပမာ- နိုက်ထရိုဂျင်၊ ဖော့စဖရပ်၊ ပိုတက်စီယမ် မျှတစွာပါဝင်သော NPK ရွက်ဖျန်း အားဆေးဖြင့်တွဲဖျန်းပေးနိုင်ပြီး၊ ယူရီးယားလို မြေဩဇာတွေ တိုက်ရိုက်ကျွေးတာကိုတော့ ခဏဆိုင်းထားရပါမယ်။ နေပြန်ပွင့်လာချိန်မှာ ကျရောက်တတ်တဲ့ ပင်စည်ထိုးယင်နဲ့ ယင်ဖြူလို စုပ်စားပိုးတွေကိုလည်း စစ်ဆေးပြီး လိုအပ်ရင် ပိုးသတ်ဆေး သုံးနိုင်ပါတယ်။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ

@Saw Samson Fipronil + Acetamiprid အရောဆေးသည် ပွင့်ထွေးပိုး (ခူကောင်) အတွက် အဓိကဆေးမဟုတ်သောကြောင့် အကိုင်းထဲနှင့် အထွေးထဲဝင်နေသော ပွင့်ထွေးပိုးများကို ထိရောက်စွာ မသေစေနိုင်ပါဘူး။ ထိုဆေးအရောသည် ပျပိုး၊ ယင်ဖြူ၊ လှေးပိုးနှင့် ဖြုတ်ပိုးကဲ့သို့သော စုပ်စားပိုးများအတွက်သာ အဓိကထိရောက်ပါတယ်။ ပွင့်ထွေးပိုး အနည်းငယ်မျှသာ သေနိုင်ပြီး အကိုင်းထဲရှိ ပိုးကောင်ကြီးများ ဆက်လက်ကျန်ရှိနေနိုင်ပါတယ်။ ထို့ကြောင့် ဆေးဖျန်းပြီး ၃ ရက်မှ ၅ ရက်ခန့် စောင့်ကြည့်ပြီးနောက် ပိုးမသေဘဲ အညွန့်များ ဆက်လက်အထွေးခံနေရပါက ကိုက်ဖြတ်ပိုးသတ်ဆေး စစ်စစ်ဖြစ်သော Chlorantraniliprole၊ Emamectin Benzoate သို့မဟုတ် Flubendiamide ပါဝင်သည့် ဆေးတစ်မျိုးမျိုးကို ပြောင်းလဲဖျန်းပေးရပါမယ်။

@Mg Aung ko min ကြက်သွန်ပျိုးပင်ငယ်လေးတွေ မိုးမိထားတဲ့အခါ မြေအစိုဓာတ် များသွားတာကြောင့် အပင်အရင်းပုပ်ပြီး ကျိုးကျတဲ့ ခါးရိရောဂါ (Damping-off) ကျရောက်နိုင်ခြေ အရမ်းများပါတယ်။ ဒါ့အပြင် မိုးရေရိုက်ထားလို့ မြေသားကျစ်သွားပြီး အမြစ်တွေ အောက်ဆီဂျင်ပြတ်ကာ အပင်ယိုင်လဲတာ၊ ကြီးထွားမှု နှေးကွေးတာတွေ ဖြစ်လာနိုင်ပါတယ်။ ဒါကြောင့် မိုးတိတ်တာနဲ့ Foestyl Al သို့မဟုတ် Hymexazol သို့မဟုတ် Thiophanate methyl သို့မဟုတ် ကာဘန်ဒါဇင် (Carbendazim) လို မှိုသတ်ဆေး တစ်မျိုးမျိုးကို ကြိုတင်ကာကွယ်တဲ့အနေနဲ့ အပင် ခြေချက်ချင်း ဖျန်းပေးသင့်ပါတယ်။ တစ်ဆက်တည်းမှာပဲ ပျိုးဘောင်ဘေးမှာ ရေမဝပ်အောင် ရေထုတ်မြောင်း ဖောက်ပေးတာ၊ မိုးထပ်ရွာရင် ပလတ်စတစ်အကြည်နဲ့ ယာယီမိုးပေးတာတွေ လုပ်ဆောင်ရပါမယ်။ အပင်လေးတွေ နုနယ်နေသေးတဲ့ ဒီလိုအချိန်မှာ ယူရီးယား (ပုလဲ) မြေဩဇာကို လုံးဝ မကျွေးဘဲ ရှောင်ထားဖို့ အထူးသတိပြုရပါမယ်။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ

@သော်ဇင် ပုံပါကဘာရောဂါလည်းဗျ

@မချယ်ရီလွင် သဲဆန်သောမြေသည် ရေနှင့် အာဟာရဓာတ် ထိန်းသိမ်းအား နည်းပါးသောကြောင့် ပဲတီစိမ်းစိုက်ပျိုးမည်ဆိုပါက သစ်ဆွေးဓာတ် ကြွယ်ဝအောင် ဦးစွာပြုပြင်ရပါမယ်။ တစ်ဧကလျှင် နွားချေးဆွေး သို့မဟုတ် မြေဆွေး လှည်း ၅ စီးမှ ၁၀ စီးခန့် ထည့်သွင်းခြင်းနှင့် ပဲတီစိမ်းမစိုက်မီ ပိုက်ဆံလျှော်ကဲ့သို့ သစ်စိမ်းမြေဩဇာပင်များ စိုက်ပျိုးထယ်ထိုးခြင်းတို့ ပြုလုပ်သင့်ပါတယ်။ ထို့ပြင် စိုက်ပျိုးပြီးနောက် ကောက်ရိုး၊ မြက်ခြောက်များဖြင့် မြေဖုံးပေးခြင်းဖြင့် အစိုဓာတ်ကို ထိန်းသိမ်းနိုင်ပြီး ဓာတ်မြေဩဇာကျွေးရာတွင်လည်း တစ်ကြိမ်တည်း အများကြီးမကျွေးဘဲ အကြိမ်ခွဲ၍ နည်းနည်းချင်း ကျွေးပေးသင့်ပါတယ်။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ

ဆရာရေ ညွှန်းပေးပါအုံးဗျ

စိတ်ရှည်စွာနဲ့ပြန်လည်ဖြေကြားပေးတဲ့အတွက်ကျေးဇူးအများတင်ပါတယ်ခင်ဗျာ

ငရုပ်ပင်ပေါက်လေးတွေကိုဘာ မိုဆေးနဲ့စဖြန်းသင့်လဲဗျ

မွေးမြူရေးကတော့ ကနဦး ရင်းနှီးမြုပ်နှံမှုများပါတယ်။ ပြီးတော့ အခုချိန်မှာ အစာဈေးနှုန်းတွေက ကြီးမြင့်တာကြောင့် အမြတ်ငွေရရှိမှု နည်းနိုင်ပါတယ်။ ရန်ကုန်ဈေးကွက်နေလည်း နီးတာကြောင့် အချိန်တိုတွင်းမှာ ရောင်းချနိုင်တဲ့ ဈေးကွက်ဝယ်လိုအားနဲ့ ဈေးကောင်းရနိုင်မယ့် ဟင်းသီးဟင်းရွက် စိုက်ပျိုးထုတ်လုပ်တာကို ဦးစားပေးစဉ်းစားစေလိုပါတယ်။