ကျနော်လယ်မှာဧကဝက်ကျော်ကျော်မှာမြေချဉ်ဖြစ်နေ၍စပါးမစွဲပဲနှစ်စဉ်မစားရပဲဖြစ်နေ၍မည်သို့ပြုလုပ်ရပါမည်နည်း

မြေချဥ်တာက..ရေနေရေထိုင်ကာလကြာရှည်ရင်...မိုးများပြီးရေဝပ်နေရင်..နဂိုကတည်းမြေကြီးထဲမှာသံဓာတ်နဲ့ကန့်ဓာတ်များနေရင်...သီးနှံတစ်မျိုးတည်းသီးထပ်စိုက်ပျိုးနေရင်(မိုးစပါး..နွေစပါး)...ပုလဲမြေသြဇာ(ယူရီးယား)လွန်ကဲစွာအသုံးခဲ့ရင်..မြေတွေချဥ်သွားတတ်ပါတယ်။မြေချဥ်ရင် မြေကြီးထဲမှာရှိတဲ့မြေဆီသြဇာနဲ့ကိုယ်ကျွေးလိုက်တဲ့မြေသြဇာတွေကို အပင်မစားသုံးနိုင်တော့ပါဘူး.သံဓာတ်/ကန့်ဓာတ်အဆိပ်သင့်မယ်.အပင်တွေပုလာမယ်.ပင်ပွားနည်းလာမယ်.မြစ်ဖုနီမတုတ်ဖြစ်လာမယ်..ဒါကြောင့်အပင်ဖြစ်ထွန်းမှုတွေမကောင်းတော့ဘူး။မြေချဥ်တာကိုပြုပြင်မယ်ဆိုရင်..စပါးပြီးစပါးသီးထပ်မစိုက်တော့ဘဲ သီးလှည့်စိုက်ပါ(စပါးပြီး ပဲတစ်မျိုးမျိုးစိုက်ခြင်း)။ရေသွင်းရေထုတ်လုပ်ပေးပါ.တမန်းနှိုးပေးပါ.သဘာဝမြေသြဇာများများထည့်ပေးပါ.သစ်ရွက်စိမ်းမြေသြဇာ(ဘောစကိုင်း,ဉာဏ်ရွက်,မြေပြန့်ချယ်ရီရွက်,ပိုက်ဆံလျှော်) အသုံးပြုပေးပါ။ထုံးထည့်ပေးပါ.ထည့်ရမဲ့ထုံးပမာဏကတော့များမယ်ဗျ။ကိုယ့်မြေရဲ့ချဥ်တဲ့အတိုင်းအတာသိရအောင် မြေနမူနာယူပြီးစိုက်ပျိုးရေးဌာန..မြေအသုံးချဓာတ်ခွဲခန်းကိုပေးပို့ပြီးစမ်းသပ်သင့်ပါတယ်။ရတဲ့ရလဒ်ပေါ်မူတည်ပြီးထည့်ရမဲ့ထုံးပမာဏကို ဌာနမှလမ်းညွှန်အကြံပြုပါလိမ့်မယ်။ထုံးက၁နှစ်ထဲထည့်ရမှာမဟုတ်ဘူး။၃..၄နှစ်လောက်ဆက် တိုက်ထည့်ပေးရမှာပါ။