စိုးရိမ်ရလားရှင့်။

(ယူနီကုဒ်) လောင်မီးပိုး(သို့မဟုတ်) ကျောက်ဆူးပိုး ========================== မင်္ဂလာပါခင်ဗျာ... ဒီနေ့မှာ မျှဝေပေးသွားမှာကတော့ ခုလတ်တလော စပါးခင်းတွေမှာ ကျရောက်မှုများနေတဲ့ လောင်မီးပိုးအကြောင်း ဖြစ်ပါတယ်။ ပိုးကောင်ရဲ့ခန္ဓာကိုယ်မှာပါတဲ့ မာကျောတဲ့ဆူးတွေကြောင့် ကျောက်ဆူးပိုးလို့လည်း ခေါ်ကြပါတယ်။ ဖျက်ပိုးပုံသဏ္ဍာန် နှင့် ကျရောက်တတ်သော ပတ်ဝန်းကျင်အခြေအနေ =============================================== စပါးပျိုးခင်းတွေနဲ့ အပင်ပွားချိန်တွေမှာ အများဆုံး ကျရောက်ဖျက်ဆီးတတ်တဲ့ ဖျက်ပိုးတစ်မျိုးဖြစ်ပြီး ပင်လယ်ကမ်းစပ်နဲ့ နီးတဲ့နေရာတွေမှာ ကျရောက်မှုများတတ်ပါတယ်။ အဓိကအားဖြင့် ပေါင်းမြက်ထူထပ်တဲ့ စိုက်ကွင်းတွေနဲ့ မြေသြဇာ အလွန်အကျွံကျွေးတဲ့ စိုက်ခင်းတွေမှာ ကျရောက်မှုများပြီး ပျက်စီးမှုလည်း ပိုများတတ်ပါတယ်။ မိုးများပြီး လေထုစိုထိုင်းဆများတဲ့ စပါးစိုက်ခင်းတွေမှာဆိုရင် ပိုမိုတွေ့ရတတ်ပါတယ်ခင်ဗျာ။ ဖျက်ဆီးပုံ နှင့် ပျက်စီးမှုလက္ခဏာ ======================= ဒီဖျက်ပိုးဟာဆိုရင် အရွက်ရဲ့ အစိမ်းရောင်တစ်ရှူးသားကို အဖြူရောင်အမြှေးပါးပဲကျန်အောင် ခြစ်စားလေ့ရှိပါတယ်။ ပိုးကောင်ငယ်တွေဟာ အရွက်ရဲ့ အလွှာ(၂)ခုကြားမှထွင်းပြီး ခြစ်စားတဲ့အတွက် လှိုဏ်ခေါင်းတွေဖြစ်နေတတ်ပြီး လက်နဲ့စမ်းကြည့်မယ်ဆိုရင် ဖုထစ်နေတတ်ပါတယ်။ နေရောင်မှာထောင်ကြည့်လိုက်မယ်ဆိုရင် ပိုးကောင်ငယ်ကို မြင်နိုင်ပါတယ်။ ပိုးကောင်ငယ်တွေရဲ့ စားသောက်ဖျက်ဆီးမှုကြောင့် အရွက်ဖျားခြောက်ခြင်းတွေ ဖြစ်ပေါ်နိုင်ပြီး ဖျက်ဆီးမှုများလာတဲ့အခါ စပါးရွက်ခြောက်တာတွေ များလာပြီး မီးလောင်ထားသလို ဖြစ်တဲ့အတွက် လောင်မီးပိုးလို့ခေါ်ကြခြင်း ဖြစ်ပါတယ်။ ကာကွယ်နှိမ်နင်းနည်း =============== ဖျက်ပိုးတွေကို ကာကွယ်ဖို့ပြောတဲ့အခါ ပိုးကောင်တွေ ပွားများခိုအောင်းနိုင်တဲ့ ပေါင်းမြက်တွေ ရှင်းဖို့ အထူးအရေးကြီးပါတယ်။ စိုစွတ်တဲ့အခြေအနေတွေမှာဆိုရင် ရေကို (၃)ရက်ခန့် ထုတ်ပေးရပါမယ်။ ပျိုးခင်းအဆင့်ကတည်းက ကျရောက်မယ်ဆိုရင် လှိုဏ်ခေါင်းပုံဖျက်ဆီးမှုတွေ ပါရှိတဲ့ အရွက်ထိပ်ဖျားပိုင်းကို ဖြတ်ပြီး မြေမြှုပ်ဖျက်ဆီးပြီးမှ ရွှေ့ပြောင်းစိုက်ပျိုးသင့်ပါတယ်။ အနက်ရောင်ရှိတဲ့ ဖျက်ပိုးအရွယ်ရောက်ကောင်တွေကို နံနက်ပိုင်းမှာ ပိုးကောင်ဖမ်းပိုက်တွေနဲ့ ဖမ်းယူဖျက်ဆီးသင့်ပါတယ်။ ပျမ်းမျှအားဖြင့် စပါးရုံတစ်ရုံမှာ ပိုးကောင် (၁) ကောင် (သို့မဟုတ်) ဖျက်ဆီးခံထားရတဲ့ စပါးရွက် (၂) ရွက်ခန့်တွေ့ရှိပါက ပင်လုံးပြန့်ပိုးသတ်ဆေး (ဥပမာ - အဆီဖိတ်၊ ကာဘာရိုင်း၊ ကာတပ်ဟိုက်ဒရိုကလိုရိုက်ဒ်) တစ်မျိုးမျိုးနဲ့ ပက်ဖျန်းနှိမ်နင်းနိုင်ပါတယ်။ သတိပြုရန် ======= ပိုးကျနေတဲ့အချိန်အတွင်းမှာ ပုလဲဓာတ်မြေသြဇာကို လုံးဝ အသုံးမပြုရပါဘူးခင်ဗျာ။ ----- ရေတံခွန် (ဇော်ဂျီ) လောင်မီးပိုး(သို့မဟုတ်) ကျောက်ဆူးပိုး ========================== မင်္ဂလာပါခင်ဗျာ... ဒီနေ့မှာ မျှဝေပေးသွားမှာကတော့ ခုလတ်တလော စပါးခင်းတွေမှာ ကျရောက်မှုများနေတဲ့ လောင်မီးပိုးအကြောင်း ဖြစ်ပါတယ်။ ပိုးကောင်ရဲ့ခန္ဓာကိုယ်မှာပါတဲ့ မာကျောတဲ့ဆူးတွေကြောင့် ကျောက်ဆူးပိုးလို့လည်း ခေါ်ကြပါတယ်။ ဖျက်ပိုးပုံသဏ္ဍာန်နှင့် ကျရောက်တတ်သောပတ်၀န်းကျင်အခြေအနေ ============================================= စပါးပျိုးခင်းတွေနဲ့ အပင်ပွားချိန်တွေမှာ အများဆုံး ကျရောက်ဖျက်ဆီးတတ်တဲ့ ဖျက်ပိုးတစ်မျိုးဖြစ်ပြီး ပင်လယ်ကမ်းစပ်နဲ့ နီးတဲ့နေရာတွေမှာ ကျရောက်မှုများတတ်ပါတယ်။ အဓိကအားဖြင့် ပေါင်းမြက်ထူထပ်တဲ့ စိုက်ကွင်းတွေနဲ့ မြေသြဇာ အလွန်အကျွံကျွေးတဲ့ စိုက်ခင်းတွေမှာ ကျရောက်မှုများပြီး ပျက်စီးမှုလည်း ပိုများတတ်ပါတယ်။ မိုးများပြီး လေထုစိုထိုင်းဆများတဲ့ စပါးစိုက်ခင်းတွေမှာဆိုရင် ပိုမိုတွေ့ရတတ်ပါတယ်ခင်ဗျာ။ ဖျက်ဆီးပုံ နှင့် ပျက်စီးမှုလက္ခဏာ ====================== ဒီဖျက်ပိုးဟာဆိုရင် အရွက်ရဲ့ အစိမ်းရောင်တစ်ရှူးသားကို အဖြူရောင်အမြှေးပါးပဲကျန်အောင် ခြစ်စားလေ့ရှိပါတယ်။ ပိုးကောင်ငယ်တွေဟာ အရွက်ရဲ့ အလွှာ(၂)ခုကြားမှထွင်းပြီး ခြစ်စားတဲ့အတွက် လှိုဏ်ခေါင်းတွေဖြစ်နေတတ်ပြီး လက်နဲ့စမ်းကြည့်မယ်ဆိုရင် ဖုထစ်နေတတ်ပါတယ်။ နေရောင်မှာထောင်ကြည့်လိုက်မယ်ဆိုရင် ပိုးကောင်ငယ်ကို မြင်နိုင်ပါတယ်။ ပိုးကောင်ငယ်တွေရဲ့ စားသောက်ဖျက်ဆီးမှုကြောင့် အရွက်ဖျားခြောက်ခြင်းတွေ ဖြစ်ပေါ်နိုင်ပြီး ဖျက်ဆီးမှုများလာတဲ့အခါ စပါးရွက်ခြောက်တာတွေ များလာပြီး မီးလောင်ထားသလို ဖြစ်တဲ့အတွက် လောင်မီးပိုးလို့ခေါ်ကြခြင်း ဖြစ်ပါတယ်။ ကာကွယ်နှိမ်နင်းနည်း =============== ဖျက်ပိုးတွေကို ကာကွယ်ဖို့ပြောတဲ့အခါ ပိုးကောင်တွေ ပွားများခိုအောင်းနိုင်တဲ့ ပေါင်းမြက်တွေ ရှင်းဖို့ အထူးအရေးကြီးပါတယ်။ စိုစွတ်တဲ့အခြေအနေတွေမှာဆိုရင် ရေကို (၃)ရက်ခန့် ထုတ်ပေးရပါမယ်။ ပျိုးခင်းအဆင့်ကတည်းက ကျရောက်မယ်ဆိုရင် လှိုဏ်ခေါင်းပုံဖျက်ဆီးမှုတွေ ပါရှိတဲ့ အရွက်ထိပ်ဖျားပိုင်းကို ဖြတ်ပြီး မြေမြှုပ်ဖျက်ဆီးပြီးမှ ရွှေ့ပြောင်းစိုက်ပျိုးသင့်ပါတယ်။ အနက်ရောင်ရှိတဲ့ ဖျက်ပိုးအရွယ်ရောက်ကောင်တွေကို နံနက်ပိုင်းမှာ ပိုးကောင်ဖမ်းပိုက်တွေနဲ့ ဖမ်းယူဖျက်ဆီးသင့်ပါတယ်။ ပျမ်းမျှအားဖြင့် စပါးရုံတစ်ရုံမှာ ပိုးကောင် (၁) ကောင် (သို့မဟုတ်) ဖျက်ဆီးခံထားရတဲ့ စပါးရွက် (၂) ရွက်ခန့်တွေ့ရှိပါက ပင်လုံးပြန့်ပိုးသတ်ဆေး (ဥပမာ - အဆီဖိတ်၊ ကာဘာရိုင်း၊ ကာတပ်ဟိုက်ဒရိုကလိုရိုက်ဒ်) တစ်မျိုးမျိုးနဲ့ ပက်ဖျန်းနှိမ်နင်းနိုင်ပါတယ်။ သတိပြုရန် ======= ပိုးကျနေတဲ့အချိန်အတွင်းမှာ ပုလဲဓာတ်မြေသြဇာကို လုံးဝ အသုံးမပြုရပါဘူးခင်ဗျာ။ ----- ရေတံခွန်