ငါးနဲ့စပါးကို ဘယ်လို အတူ မွေးမြူမလဲ ဆရာ

စပါး - ငါးပေါင်းစည်းလယ်ယာ ဆိုသည်မှာ အထွေအထူးကိစ္စ မဟုတ်ပါဘူဒစပါး စိုက်ပျိုးရာလယ်ကွက်အတွင်း ငါးများကို ထည့်သွင်းမွေးမြူခြင်း ဖြစ်ပါတယ်။ စပါးအထွက်နှင့် အရည်အသွေးကို ထိခိုက်ခြင်းမရှိပဲ မြေအရင်းအမြစ်တစ်ခုကို ထုတ်ကုန်နှစ်မျိုးရအောင်ဆောင်ရွက်ခြင်း ဖြစ်ပါတယ်။ စပါးစိုက်ပျိုးထုတ်လုပ်မှုမှ အဓိကဝင်ငွေရသကဲ့သို့၊ ငါးမွေးမြူရေးမှ အပိုဝင်ငွေရစေပါတယ်။ ဤစနစ်က အကျိုးအမြတ်ရရှိစေသည်မှာ မှန်သော်လည်း၊ အားနည်းချက်၊ အားသာချက်များတော့ရှိတာပါ့။ စပါး-ငါး ပေါင်းစည်းလယ်ယာကို အနောက်နိုင်ငံများနှင့်နှိုင်းယှဉ်ပါက အာဆီယံနိုင်ငံများတွင် ကျယ်ကျယ် ပြန့်ပြန့်ဆောင်ရွက်ကြသည်ကိုတွေ့ရပါတယ်။ ပါး စိုက်ခင်းများတွင် ငါး ထည့်သွင်းမွေးမြူရန် အတွက် ပုံမှန် လယ်ယာမြေပြုပြင်ခြင်းထက် ပို၍ ငါးများနေထိုင် နိုင်ရန် ပြုပြင်ပေးရန် လိုအပ်ပါသည်။ လယ်ကွင်းထဲတွင် ကတုတ်မြောင်း ပတ်လည်များ တူးထားရန် လိုအပ်သည်။ ရေသွင်းမြောင်း၊ ရေထုတ်မြောင်းများ နှင့်ကျင်းများ တူးထားရန် လိုအပ်သည်။ သို့မှသာ စပါးငါးမွေးမြူရေး အဆင်ပြေ နိုင်မည် ဖြစ်ပါသည်။ ငါးများသည် ရေနည်းချိန်များတွင် ကတုတ်မြောင်းများထဲမှာ အစာရှာနိုင်မှာ ဖြစ်သကဲ့သို့ စပါးခင်းရေ ထုတ်ချိန်များတွင်လည်း ငါးများကို အလွယ်အကူ သိမ်းယူနိုင်မည် ဖြစ်သည်။ ရေနက်ကွင်းများတွင် စိုက်ပျိုးသော စပါးမျိုးများ သည် စပါး-ငါးစနစ်အတွက် အကောင်းဆုံး စပါးမျိုးများ ဖြစ်သည်။ ကတုတ်မြောင်းများသည် အနက် ၁ပေခွဲ အနက်ရှိပြီး အနည်းဆုံး ၁၀ ပေခန့် ကျယ်ရှိရန် လိုအပ်ပြီး စပါးခင်းနှင့် ၁၀မီတာ (၃၃ပေ) အကွာအဝေး အတွင်း တူးထားရမည် ဖြစ်သည်။ မြောင်းများ၏ စုစုပေါင်း အကျယ်သည် စပါးခင်း အကျယ်၏ ၁၀ ရာခိုင်နှုန်းထက် ပို၍ မကျယ်သင့်ချေ။ ငါးများ ထည့်သွင်းပြီးပါကရေအနက် ဝ.၃ မှ ဝ.၅ ပေထိ ရှိအောင် ထိန်းသိမ်း ထားရမည် ဖြစ်သည်။ အခြား ပိုးသတ်ဆေးများ မရှိစေရန် ဂရုပြုရမည် ဖြစ်သည်။ ဓာတု ပစ္စည်းများကို မဖြစ်မနေ သုံးရန် လိုအပ်သော ကွင်းများတွင် စပါး ငါး မွေးမြူခြင်းကို မဆောင်ရွက်သင့်ချေ။ စပါး-ငါးတွဲဘက်မွေးမြူနည်းအကြောင်းအပြည့်အစုံကို အောက်ပါLinkတွင်ဝင်ရောက်လေ့လာနိုင်ပါတယ်ခင်ဗျာ့။ https://greenwaymyanmar.com/posts/rice-and-fish-farming