စံပါယ်ပင်ကိုင်းတွေရှည်ပြီး ပိုးကျနေတယ် မြတ်လေးပင်လည်းပိုးကျပြီး အပွငိ့သေးပြီး အရွက်တွန့်နေတာ ဘာဆေးကျွေးရမလဲဗျ။...

စံပါယ်ကိုင်းတွေရှည်နေပါကကိုင်းဖြတ်ပေးပါ။ စံပယ်ရွက်များကို ကပ်ကြေးဖြင့် ညှပ်ပေးပါ။ အပင်ခြေ ပတ်ပတ်လည်ကို မြေဆွပေးရမည်။ စံပယ်က အလင်းရောင်ကြိုက်တယ်။ လောင်းရိပ်ကို ကြောက်တယ်။ စံပယ်ပင်အားလုံးကို အပင်ခြေပတ်ပတ်လည် အမြစ်နဲ့လွတ်အောင် ၁ပေကျယ် ၆”အနက် မြောင်းတူးပါ။ မြောင်းတူးလို့ရတဲ့မြေကြီးနဲ့ နွားချေး၊ ကြက်ချေးကို (၁-ပင်) တင်းတစ်ဝက်နှင့်ရောဖွေ၍ ဂျစ်ပဆန်ကျောက်မှုန်း နို့ဆီဗူး(၁ဗူး)၊ 15:15:15 ပတ်လည် N,P, K၊ ကွန်ပေါင်းမြေဩဇာ နို့ဆီဗူး(၁ဗူး)ထည့်ရောမွှေပြီး မြေအားလုံးကို မြောင်းထဲသို့အပြည့်ပြန်ထည့်ပါ။ ပြီးလျှင်အပေါ်ကနေ ကောက်ရိုးမြက်ခြောက်ပြန်ဖုံးပေးထားပါ။ ပြီးလျှင် ရေလောင်းရေသွင်း ပြုလုပ်ပေးပါ။ အရွက်များကို ဖော့စဖရပ်များများပါသော ကွန်ပေါင်းရွက်ဖျန်းမြေဩဇာနှင့် (၁)ကြိမ် ဖြန်းပေးပါ။