ဘာဆေး သုံးရမလဲ ခဗျာ အကြံပြူပေးကြပါအုံး အမျှစ်တေ ပုတ်pအပင်တေ တအားသေနေလို့ ဘာဆေးသုံးသင့်လဲ ခဗျာ

အမြစ်ပုတ်သေခြင်းသည် မြေဆောင်ရောဂါကြောင့်ဖြစ်နိုင်ပါသည်။ ကုလားပဲ ဆက်တိုက်စိုက်ခြင်းမလုပ်ဘဲ သီးနှံပြောင်းလဲစိုက်ပျိုးသင့်ပါသည်။ ကျောက်မှုန့်၊ သဘာဝမြေဩဇာများ ထည့်သွင်း၍ မြေပြုပြင်ပေးသင့်ပါသည်။ မြစ်ဆွေးမြစ်ခြောက်ရောဂါကျနေတယ်ဆိုပါက အပင်များအကွက်လိုက် ရုတ်တရက် ခြောက်လာသည်။ အောက်ရွက်များ အညိုရောင် ပြောင်းနေတတ်သည်။ တပင်လုံးခြုံကြည့်လျှင် ကောက်ရိုးခြောက်ရောင်ပြောင်းနေပြီး အပေါ်ရွက်ရိုးတံများ ငိုက်နေတတ်သည်။ အပင်အားဆွဲနှုတ်ကြည့်ပါက ရေသောက်မြစ် အောက်ပိုင်းသည် မြေကြီးထဲတွင် ပြတ်ကျန်နေခဲ့သည်။ ရေသောက်မြစ်သည် ညိုမည်းပြီးပုပ်နေကာ မြစ်မွှေးများ ကင်းမဲ့နေတတ်သည်။ ခြောက်သေနေသော အမြစ်ပိုင်းသည်လည်း အနည်းငယ်ကျွတ်ဆတ်နေပြီး အခေါက်များဖွာနေတတ်သည်။ သေးငယ်မည်းနက်သော စကလိုရှား အလုံးငယ်များကို အပင်ခြေရင်းအတွင်းပိုင်းတွင် တွေ့ရတတ်သည်။ ပင်ခြေရင်းသည် ခြောက်၍ ကွဲအပ်ပါက အတွင်းပိုင်းတွင် အဖြူရောင်မှိုမျှင်များကို တွေ့နိုင်သည်။ - ရောဂါကင်းသော၊ ကျန်းမာသန်စွမ်းသော မျိုးစေ့ကို စိုက်ပျိုးပါ။ - ထယ်နက်နက်ထိုးထားပြီး နွေထယ်ရေးခံပါ။ - ပင်ကြွင်းပင်ကျန်များကို ဖယ်ရှားပါ။ မီးရှို့ဖျက်ဆီးပါ။ - ထရိုင်ဂိုဒါးမား မှိုကို မြေပြင်စဉ်တွင် ထည့်သွင်းအသုံးပြုပါ။ - မျိုးစေ့ဆောင်ရောဂါအတွက် မျိုးစေ့လူးနယ် မှိုသတ်ဆေးတစ်မျိုးမျိုးဖြင့် လူးနယ်စိုက်ပျိုးပါ။ - ရောဂါနှစ်စဉ် ဆက်တိုက်ကျရောက်ပါက ပဲမျိုးစုံ မဟုတ်သောအခြားသီးနှံများနှင့် သီးလှည့်စနစ် ဖြင့် အနည်းဆုံး (၃-၄)နှစ်ခြား၍စိုက်ပါ။ - ရောဂါကျရောက်ပါက Captan, Tebuconazole, Hymexazol စသည့် မှိုသတ်ဆေးတစ်မျိုး မျိုးဖြင့် အပင်ခြေရင်းသို့ ရွှဲရွှဲပက်ဖျန်းပါ။