စိုက်ပျိုးရေး သိချင်ပါတယ်

(၁) ပူနွေးသည့်ရာသီဉတုကို ကြိုက်နှစ်သက်သည်။ အပူချိန်မြင့်လွန်းပါက အသီးတင်မှုကို ထိခိုက်နိုင်ပါသည်။ မြန်မာနိုင်ငံတွင် ဆောင်းသီးနှံအဖြစ် စိုက်ပျိုးကြသဖြင့် မြေတွင်းအစိုဓါတ်ပြည့်ရန် အရေးကြီးပါသည်။ (၂) အစိုဓါတ်ထိန်းသိမ်းနိုင်ပြီးလေဝင်လေထွက်ကောင်းသောမြေဖြစ်ရမည်။ မြေချဉ်လွန်း ငံလွန်းခြင်းကို မကြိုက်ပါ။ (၃) ထယ်တစ်စပ်ထိုးပြီး စိုက်ထယ်ရေးရသည်အထိ ထွန်နှစ်စပ်ခန့်မွှေပြီး ကြမ်းရိုက်မြေညှိပါ။ (၄) စိုက်ပျိုးသည့်မြေကိုလိုက်၍ သင့်တော်သော ပင်ကြားတန်းကြားရရှိစေရန် ၄"- ၆" × ၂၄"ကွာ စိုက်ပျိုးသင့်သည်။ (၅) မျိုးစေ့အတိမ်အနက် ၁"မှ ၂" ထက်မပိုသင့်ပါ။ (၆) ခြောက်သွေ့သောရာသီဒဏ်ကို ခံနိုင်ရည်ရှိသော်လည်း ရက်ရှည်ခြောက်သွေ့ပါက ရေသွင်းပေးရန် လိုအပ်သည်။ မိုးရာသီစိုက်ပျိုးပါက ရေဝပ်သောမြေ ၊ မြေစေးတို့တွင် ရေနုတ်မြောင်းပြုလုပ်ထားရမည်။ (၇) မြေဇီဩဇာထက်သန်စေရန် ကောင်းစွာဆွေးမြေ့သော သဘာဝမြေဩဇာနှင့် သစ်စိမ်းမြေဩဇာ များကို နှစ်စဉ်ထည့်သွင်းပေးသင့်သည်။ (၈) ထည့်သွင်းမည့်သဘာဝမြေဩဇာအားလုံးနှင့် ယူရီးယား ၂၈ပေါင် ၊ တီစူပါ ၅၆ပေါင်၊ ပိုတက်ရှ် ၂၈ပေါင်တို့ကို မြေပြင်ချိန်တွင်ထည့်သွင်းပေးရန်လိုအပ်ပြီး ပိုတက်ရှ် ၂၈ပေါင်ကို အပင်ကြီးထွားချိန်၌ အစိုဓါတ်ရရှိချိန်ထပ်မံထည့်သွင်းပေးသင့်သည်။ (၉) မျိုးနှင့် စိုက်ပျိုးသည့်နေရာဒေသပေါ်မူတည်၍ (၁၀၀-၁၄၀)ရက်အတွင်း ရိတ်သိမ်းနိုင်ပါသည်။