ပဲတီစိမ်းအပင်တစ်လသားအရွယ်မှာအမြစ်ပုပ်ပြီးမြင်မကောင်းအောင်သေကုန်တယ်ဘာဆေးတေသုံးပြီးမြေကိုဘယ်လိုပြုပြင်ရမလဲအကြံ...

ပဲဒီစိမ်းက မြေဩဇာလိုအပ်ချက် ကြီးမားတဲ့ အပင်အမျိုးစားမဟုတ်ပါဘူး။ပဲမျိုးရင်ဝင် အပင်များစုဟာ အမြစ်ကနေ ပုတ်ခြင်းစတဲ့ရောဂါများဟာ မြေကြီးကို မှီပြီးဖြစ်တဲ့ မှိုရောဂါတစ်မျိုးမျိုးကြောင့်ဖြစ်တတ်ပါတယ်။ ထိုသို့ဖြစ်ခြင်းမှာလည်း ပေါင်းနှင့် ရိုးပြတ်ငုတ် စသည်တို့ ကောင်းစွာမဆွေးမြေသေးခင် အရင်စလိုစိုက်ပျိုးသောအခါတွင် ဖြစ်ပေါ်တတ်ပါတယ်။ထိုသို့ဖြစ်လျှင် အပင်၏ အသွင်ပြင်လက္ခဏာတို့သည် ကောင်းစွာ ကြီးထွားမှုမရှိခြင်း၊ အကွက်လိုက်ဝါခြင်း၊ အပင်တို့ မညီမညာ ကြီးထွားခြင်း၊အသွေးအရောင် ဖျော့၍ မြေဩဇာလိုအပ်ချက်ရှိနေသော အပင်ကဲသို့ဖြစ်ခြင်းစသောအသွင်များဖြစ်ပေါ်တတ်ပါတယ်။ပုလဲစသော မြေဩဇာတို့ကို မည်မျှပင်ထည့်သွင်းပေးပါသော်လည်း အပင်ဖြစ်ထွန်းခြင်းမရှိပဲ အပင်၏အမြစ်ကို မှိုစွဲခြင်းကြောင့် ဝါဖျော့၍သေဆုံးသည်အထိဖြစ်စေတတ်ပါတယ်။အပင်ကိုနုတ်၍ကြည့်လျှင် တခြားသောသန်မာကောင်မွန်သော အပင်တို့၏ အမြစ်တို့နှင့်မတူကွဲပြားလျှက်ရှိပြီး မြက်မွှာလေးများ မပွါးနိုင်ပဲ သွေ့ခြောက်သေဆုံးခြင်းဖြစ်တတ်ပါတယ်။အပင်တို့မှာလည်း စိမ်းစိုဖြစ်ထွန်းသန်မာခြင်းမရှိပါ။ထိုသို့အသွင်မျိုးဖြင့် အပင်များတွင်ဖြစ်ပါသလား။