ကြက်သွန်မိတ်ဈိုက်နည်လေးပြေပြပါလား

စိုက်ခင်းအား ထယ်ထိုးမြေပြုပြင်ပြီးပါက (၂)ပေအကျယ် ထယ်ကြောင်းဖော်ပြီး၊ ဘောင်ပြုလုပ်ပေးပါ။ ထယ်ကြောင်းထဲတွင် ကျနေသော မြေစာများကို ကောက်၍ဘောင်တင်ပါ။ပင်ကြား၊တန်းကြား အကွာအဝေးမှာ (၃×၄)လက်မဖြင့်စိုက်ပါ။မြေသြဇာအနေဖြင့် တစ်ဧကလျှင် ယူရီးယား(၂)အိတ်၊ တီစူပါ(၂)အိတ်၊ ပိုတက်ရှ်(၁)အိတ်နှင့် နွားချေး(၁၀-၁၅)တန် သုံးသင့်ပါတယ်။ ဥအတွက်ဆိုလဲဒီအချိုးအစားအတိုင်းသုံးလို့ရပါတယ်။ ကြက်သွန်ကို အောင်မြင်ဖြစ်ထွန်းစွာ စိုက်ပျိုးနိုင်ရေးအတွက် ပေါင်းနှိမ်နှင်းရန်အလွန်အရေးကြီးပါတယ်။အရွက်များစတင် ကျချိန်တွင် ပေါင်းရှင်းရန် မလိုတော့ပါ။ မြေအလွန်ကြပ်နေပါက နွားချေး၊ မြေဆွေး၊ ထပ်မံထည့်ပေးပါ။ ကြက်သွန် ပန်းဖူးများကို အပတ်စဉ် ချိုးပေးပါ။ မြေသားပေါ် မူတည်ပြီး ရေသွင်းချိန် (၅)ကြိမ်မှ (၈)ကြိမ်ထိရှိရပါမည်။ လှေးပိုး၊ပျပိုး၊ ခါးရိရောဂါ၊ တောက်တဲ့မြီးရောဂါတို့ ကျရောက်တတ်သည်။ အပင်စုပ်ပိုး ကျရောက်မှု အခြေအနေပေါ် မူတည်ပြီး ပင်လုံးပြန့် ပိုးသတ်ဆေးဖြင့် ပက်ဖျန်းကာကွယ် နှိမ်နှင်းပါ။ မှိုရောဂါကျရောက် နိုင်သည့်မိုးအုံ့ခြင်း၊ မိုးဖွဲဖွဲရွာခြင်း စသော ရာသီဥတု ဖောက်ပြန်မှုရှိပါက သင့်တော်သော မှိုသတ်ဆေးဖြင့် ကြိုတင်ကာကွယ်ပါ။ အမြိတ်စားအတွက် စိုက်ပါက ကြက်သွန်ဥ ငယ်စဉ်ခဲတံလုံးခန့် အရွယ်ရှိလျှင် လက်ဖြင့်ဆွဲနှုတ် ယူနိုင်ပါတယ်။ တစ်နည်းအားဖြင့် ကြက်သွန်မြိတ် (၁)ပိသာလျှင် အရွယ် (၃၅)ကျပ်သား၊ ဥအလေးချိန် (၆၅) ကျပ်သားရှိပါက ကြက်သွန်မြိတ် အဖြစ်နုတ်ရောင်းနိုင်ပါတယ်