အခုလိုဖြစ်တာဘာကြောင့်လဲဆိုတာသိချင်လို့ပါဗျာ ဘယ်လိုလုပ်ရမယ်ဆိုတာရယ်ဘာကြောင့်ဖြစ်ရတယ်ဆိုတာ ဆရာများဖြေပေးကြပါဦး...

အပေါ်ဆုံးအရွက်တွေကဝါနေတာဖြစ်ပြီး အရွက်ထဲက ရွက်ကြောလေးတွကတော့ အစိမ်းရောင်ကျန်နေသေးပါတယ်။ ဒီလိုအပေါ်အရွက်ကစဝါတာက အာဟာရတွေ ထိပ်ဆုံးအရွက်ထိမရောက်နိုင်တော့လို့ပါ။ လိုနေတဲ့အာဟာရကလည်း အောက်ရွက်တွေကနေ ဖြည့်ပို့မပေးနိုင်တဲ့ အာဟာရဓာတ်မျိုးဖြစ်နေလို့ပါဗျ။ သံဓာတ်ချို့တဲ့လို့လို့ယူဆရပါတယ်။ ဒီလို အလားတူ လက္ခဏာမျိုးဖြစ်တတ်တဲ့ ပြင်ပအခြေအနေတွေလည်းရှိပါသေးတယ်။ မြေချဉ်ငံကိန်းမြင့်နေလို့ မြေက အစိုဓာတ်များလွန်းနေလို့ မြေကြပ်နေလို့ ဆားဓာတ်များနေလို့ ဖော့စဖောရပ်၊ ကော့ပါး ၊ဇင့် ၊ မန်းဂနိ ပါဝင်မှုများနေလို့ စတဲ့ အခြေအနေမျိုးတွေကြောင့်လည်းဖြစ်နိုင်ပါတယ်။ ချို့တဲ့နေတဲ့ သံဓာတ်ကို မြေကနေထပ်ထည့်တာမျိုးက အဖြေတော့မဟုတ်ဘူးခင်ဗျ။ အကြောင်းကတော့ သံဓာတ်တွေက မြေချဉ်ငံကိန်းကြောင့် အပင်က မစုပ်ယူနိုင်ဖြစ်နေရတာပါ။ ခဏတာ ကုသမှုအတွက်ကိုတော့ ရွက်ဖျန်းအနေနဲ့ဖျန်းပေးနိုင်ပါတယ်။ ရေရှည်အတွက်ဆိုရင်တော့ မြေရဲ့ ချဉ်ငံကိန်းကို ပြုပြင်ရပါမယ်ခင်ဗျ။ စိုက်ပျိုးရေးသုံး ဆာလဖာထည့်ပြီး မြေချဉ်ငံကိန်း နိမ့်အောင်လုပ်ပေးလိုက်ပါခင်ဗျ။