သ​င်္ဘောသီး​တွေ​ပေါ်မှာ အဖြူပိုး​တွေဆိုးဝါးစွာ ကြ​ရောက်​​နေလို့ပါ ခင်​ဗျ ဘယ်​လိုနှိမ်​နင်​းရမလဲခင်​ဗျ

အေပါ်က ပုံက ပိုးစေးနှဲပါ။ ပိုးစေးနှဲဆိုရင်တော့ အောက်ပါနှိမ်နင်းနည်းတွေ အသုံးပြုနိုင်ပါတယ်။ ၁။ ရေသက်သက်ဖြင့် ဖျန်းပက်ပါ။ ပိုးစေးနှဲတွေကို ရေနဲ့ဖျန်းပြီး ဖယ်ရှားလို့ရပါတယ်။ လိုအပ်သလို ထပ်ခါထပ်ခါ ဖျန်းပါ။ ၂။ ဆပ်ပြာအနည်းငယ်ရောဖျန်းပါ။ ဆပ်ပြာ (အရောင်အနံ့မပါပါက ပိုကောင်း) မှာ ပိုးသတ်ဆေးအာနိသင်ပါသလို အပင်အရွက်တွေမှာ ကပ်တွယ်နိုင်စွမ်းရှိပါတယ်။ ၄ ဂါလံပုံးတစ်ပုံးမှာ ဆပ်ပြာ ၁-၂ ကျပ်သားဆို လုံလောက်ပါတယ်။ ရွှေဝါဆပ်ပြာဆို ပိုကောင်းမယ်ထင်ပါတယ်။ ၃။ ပိုးသတ်ဆေး ဖျန်းချင်တယ်ဆိုရင်တော့ အန္တရာယ်ကင်းတဲ့ တမာပိုးသတ်ဆေး သုံးနိုင်ပါတယ်။ တမာပိုးသတ်ဆေးမှာ မှိုသတ်နိုင်တဲ့ အာနိသင်ရှိသလို အပင်ထဲကို စိမ့်ဝင်နိုင်စွမ်းလည်း ရှိပါတယ်။ ဒါကြောင့် ဟင်းသီးဟင်းရွက်စိုက်ခင်းတွေမှာလည်း ပိုးသတ်ဆေး အန္တရာယ် စိတ်ပူစရာမလိုပဲ အသုံးပြုနိုင်ပါတယ်။ ၄။ သဘာဝ ပိုးသတ်ဆေးကို ကိုယ်တိုင်ဖျော်ပြီး အသုံးပြုနိုင်ပါတယ်။ ဒါမှမဟုတ် ပင်လုံးပြန့်သဘာဝပိုးသတ်ဆေးအကြောင်း ဒီလင့်မှာ သွားဖတ်နိုင်ပါတယ်။